மூட நம்பிக்கைகள் உலகில் மறையப்போவது எப்போது?

அன்பான எனதருமை நமதூர் வாசக சகோதர, சகோதரிகளே உங்கள் யாவருக்கும் முதற்கண் என் இனிய அஸ்ஸலாமு அலைக்கும் வரஹ்.......

ஒரு நேரத்தில் நமதூர் மக்களிடையே பெரும்பாலும் இல்லத்தரசிகளிடம் நிலவி வந்த ஒரு மூட நம்பிக்கையைப் பற்றி இங்கு ஒரு சிறு கட்டுரை மூலம் விளக்க
விரும்புகிறேன்.

வெளிநாட்டு வாழ்வில் வருடங்கள் பல உருண்டோடி விட்டதால் அப்பழக்கம் இன்றும் நம்மக்களிடம் இருக்கிறதா என்பது தெரியவில்லை... இருப்பினும் சின்னஞ்சிறு பிராயத்தின் அனுபவத்திலிருந்து ஒன்றை இங்கு எழுத வருகிறேன்.

ஆங்கிலப்புத்தாண்டு பிறந்து விட்ட முதல் நாள் அன்று நம் பகுதிகளின் வீடுகளில் யாருக்கேனும் உடல் நலக்குறைவு ஏற்பட்டு விட்டால் அல்லது ஏதேனும் அசொளகரியம் ஏற்பட்டு விட்டால் அன்றைய தினம் சிகிச்சைக்காக
மருத்துவமனை செல்வதை விரும்பமாட்டார்கள். முடிந்தவரை மருத்துவமனை செல்வதை தவிர்த்து விடுவார்கள். காரணம் அன்று மருத்துவமனை சென்றால் அவ்வருடம் முழுவதும் மருத்துவமனை செல்ல நேரிடும் என்ற மூட நம்பிக்கையால்
தான் .

நம் அறியாமையினாலும், மார்க்கத்தை தெரிந்து கொள்ளும் ஆர்வமின்மையாலும் முஹர்ரம் என்றால் என்ன? என்று கேட்பவர்களாகவும் மாறாக ஆங்கிலப்புத்தாண்டை
வரவேற்க அறியாமலேயே சிகப்புக் கம்பளம் விரிப்பவர்களாகவும் தான் நம்மில் பெரும்பாலானோர் இருந்து வருகிறோம்.

வருடங்கள், மாதங்கள், வாரங்கள், நாட்கள், நேரங்கள் மற்றும்
மணித்துளிகளெல்லாம் மனிதன் தன் வாழ்க்கை கட்டமைப்பை ஒரு கட்டுக்கோப்பாக கொண்டு செல்ல அவனாலேயே ஏற்படுத்தப்பட்டது தான் இவைகள் யாவும் என்பதை நாம் இங்கு சிந்திக்க கடமைப்பட்டுள்ளோம்.

புத்தாண்டு தினம் ஒருவன் சூழ்நிலையால் அழ நேரிடும் பொழுது அவன் ஆண்டு முழுவதும் அழப்போவதில்லை. மாறாக ஒருவன் அத்தினம் சிரித்து மகிழ்வதால்
அவ்வாண்டு முழுவதும் சிரித்துக் கொண்டே இருக்கப் போவதில்லை.

உலகில் நல்ல நேரம், கெட்ட நேரம் எதுவும் உண்டா? என சஹாபாப் பெருமக்கள் எம்பெருமானார் நபி (ஸல்...) அவர்களிடம் வினவியபோது.. அதற்குப் பெருமானார்
கூறியது என்னவெனில் "எவன் ஒருவன் ஃபஜர் தொழுகையை இமாம் ஜமாஅத்துடன் தொழுகிறானோ அன்றைய முழு தினமும் அவனுக்கு நல்ல நாள் தான்" என்று இயம்பியதாக நாம் ஹதீஸில் பார்க்கின்றோம்.

நம் வாழ்வில் மூட நம்பிக்கைகளுக்கு அவிழ்க்க முடியா முடிச்சிட்டு நல்ல (மார்க்க) நம்பிக்கைகளை சுதந்திரமாக அவிழ்த்து விட முயல வேண்டும். உள்ளங்கை நெல்லிக்கனி போல் மார்க்கத்தை நம் கைகளில் வைத்துக்கொண்டு நாம்
சின்னஞ்சிறு விசயங்களுக்கெல்லாம் அந்நியர்களின் அதாவது
இறைநிராகரிப்போரின் உதவியை நாடுகிறோம். இனி வரும் காலங்களில் நம் யாவரையும் இத்தகைய பெரும் தவறுகள் செய்வதிலிருந்து அல்லாஹ் பாதுகாப்பானாக...ஆமீன்..

குடும்பத்தில் பல கஷ்டங்கள் நிறைந்திருந்தாலும் புத்தாண்டு தினம் சாதாரன நாட்களைப் போல் அல்லாது நல்ல கறி சமைத்து சாப்பிடுவது, புத்தாடை அணிவது, மத்தாப்பு கொளுத்துவது இவைகளெல்லாம் மார்க்கத்தில் நிச்சயம் சொல்லப்படாத ஒன்று.

அதுபோல் பிறந்த நாள் அன்று அழுக்கை சட்டை அணிந்திருப்பவன் அன்றே சாகப்போவதுமில்லை. புத்தாடை அணிந்து ஆடம்பர பவனி வருகிறவன் நூற்றாண்டுகள்
பல இவ்வுலகில் வாழப்போவதுமில்லை...

கடலில் மூழ்குபவனுக்கெல்லாம் விலையுயர்ந்த முத்துக்கள்
கிடைப்பதில்லை..ஆனால் மூழ்காமல் ஒருவனுக்கும் முத்துக்கள் கிடைப்பதில்லை. இறைவன் நாடியவனுக்கே தன் ஹிதாயத் என்னும் நேர்வழியைக் காட்டுகின்றான்..

காலமும், நேரமும் யாருக்காகவும் காத்திருப்பதில்லை. எல்லாம் உலக சக்திகளுக்கெல்லாம் அப்பாற்பட்டு ஆதிக்கம் செலுத்துபவனின் கட்டளைப்படியே நடக்கக் கூடியதாக இருக்கின்றது.

இதுபோல் ஆயிரம் மூட நம்பிக்கைகளும், பழக்க வழக்கங்களும் நம் பகுதிகளில் நிறையவே நிரம்பி இருக்கின்றன. எனவே ஆர்வமுள்ளவர்கள் அதை ஒவ்வொன்றாகவோ அல்லது ஒட்டு மொத்தமாகவோ நம் தளத்தில் கட்டுரையாக பதிய வேண்டுகிறேன்.

எனவே நாம் முடிந்தவரை உண்மையான முஸ்லிமாக வாழ முயற்சிப்போம். முடியாவிட்டாலும் முயற்சிப்போம்... நரக நெருப்பிற்கு இரையாக, விறகாக யார் தான் விரும்புவர்? அவைகளெல்லாம் மாயை/இல்லை என்பவர்களைத் தவிர.

இத்தளம் மெருகூட்டப்பட்டு இன்னும் பல தகவல்களுடன் நம்மக்களின் நல்லாதரவுடன் அகிலமெங்கும் வலம் வர வேண்டும் என இத்தருணத்தில் வல்ல இறைவனைப் பிரார்த்தித்தவனாக....

அபுஹசன் - சவுதியிலிருந்து.

Share:

அதிரை எக்ஸ்ப்ரஸ் - புத்தாண்டுத் திட்டங்கள்


அதிரை எக்ஸ்ப்ரஸில் நமதூர் மக்கள் பலரும் எழுத வேண்டும் என்பதை பலமுறை வலியுறுத்தியும், அவ்வாறு எழுதப்பட்ட தனிப்பதிவுகளை நமது தளத்தில் பட்டியிலிட்டு ஊக்கப்படுத்தி வருகிறோம் என்பதை அனைவரும் நன்கறிவோம். சமீப நாட்களாக இத்தளத்திற்கு அனுப்பப்பட்ட பதிவுகள் பிரசுரிக்கப் படவில்லை என்று சில பங்களிப்பாளர்கள் முறையிட்டிருந்தனர். அவர்களின் பதிவுகளைப் புறக்கணிக்கும் நோக்கம் சிஞ்சிற்றும் இல்லை. வரும் ஆக்கங்களைப் பிரசுரிக்கும் அனுமதி வழங்கப்பட்டுள்ளவர்களின் பணிச்சுமையே, தாமதமான வெளியீட்டிற்குக் காரணம்.

சகோதரர் ஜாஹிர் ஹுசைன் மற்றும் பங்களிப்பாளராக இருக்க விரும்பும் எவரும் தயங்காமல் தங்கள் சுயவிபரங்களையும் ப்ளாக்கர் அக்கவுண்ட்/ ஈமெயில் விபரத்தை அதிரை எக்ஸ்ப்ரஸ் அட் ஜிமெயில் என்ற முகவரிக்கு உடனடியாக அனுப்பினால் எக்ஸ்ப்ரஸ் தளத்தில் நேரடியாகவே பதிக்கும் வசதியை வழங்குகிறோம்.

மேலும், அனுமதி காத்திருக்கும் பதிவுகளைப் பார்வையிட்டு உடனடியாக அனுமதிக்கும் அதிகாரத்தையும் பகிர்ந்தளிக்க விரும்புகிறோம். விரும்பும் சகோதரர்களும் உடனடியாக தங்கள் விபரத்தை மேற்சொன்ன முகவரிக்கு அனுப்பி வைக்கவும். இதன்மூலம் பிரசுரமாவதிலுள்ள தாமதங்கள் தவிர்க்கப் படும்.

அப்புறம், நமதூர் மக்கள் அனைவரும் இத்தளத்தில் தெருப்பாகுபாடின்றி உரிமையுடன் பயன்படுத்த வேண்டும் என்பதும் நமது நோக்கங்களில் ஒன்றாகும். அதனடிப்படையில் பிரிவினையைத் தூண்டாத தெருவாரியாகப் பதிவர்களையும் நியமிக்க விரும்புகிறோம். உதாரணமாக சகோ.அபூஅஸீலா ஆஸ்பத்திரி தெரு மற்றும் சுற்றுவட்டாரச் செய்திகளையும் அது சார்ந்த/ சாரத பொதுவான கட்டுரைகளையும் வழங்கலாம். அதேபோல், மேலத்தெரு, கடற்கரைத் தெரு, புதுமனைத்தெரு, நடுத்தெரு,மக்தூம்பள்ளி தெரு, CMPலேன் என பகுதிவாரியாக பதிவர்களை நியமித்து அந்தந்த தெருச்செய்திகளையும் பதியும்படி செய்ய உத்தேசித்துள்ளோம்.

இன்னும் சுவாரஸ்யமாகச் சொல்வதெனில் வாரம் ஒரு தெருவீதம் முன்னுரிமை கொடுத்து அந்தந்த பகுதி குறித்தவற்றை செய்தியாகவோ கட்டுரையாகவோ பதியச் செய்து ஆவணப்படுத்தலாம். உதாரணமாக கீழத்தெரு தியாகி. S.S.இப்றாஹிம் அவர்கள் குறித்தத் தகவலை மற்ற தெருவாசிகளைவிட கீழத்தெருவாசிகள் அதிகம் அறிந்திருப்பர்.

இவ்வாறாக வாரம் ஒரு தெருவாரியாக பதிவுகளைத் தொகுத்து ஆண்டு இறுதியில் அதிரை குறித்த நிகழ்வுகளைக் கொண்ட ஆண்டுமலர் போன்று வெளியிடலாம். தற்காலத்தில் முஸ்லிம்கள் குறித்த வரலாற்றுச் செய்திகள் ஆவணப்படுத்தத் தவறினால் பிற்கால சந்ததியினரிடம் மறைக்கப்படும் அல்லது தவறான தகவல் கொடுக்கப்படும் சாத்தியமுண்டு என்பதை நினைவில் கொள்ளவும்.

நமதூர்வாசிகள் உலக நாடுகள் பலவற்றிலும் பரவியுள்ளனர். அங்கிருந்து தாங்கள் பணியாற்றும் நகரச் செய்திகளையும் நடப்புகளையும் வழங்கலாம். இதற்கும் நாடுகள், நகரங்கள் வாரியாக பங்களிப்பாளர்கள் வரவேற்கப் படுகிறார்கள். உதாரணமாக, சகோ. அபூ ஹசன் சவூதி செய்தியாளராகப் பொறுப்பேற்கலாம்.

இவையே அதிரை எக்ஸ்ப்ரஸில் புத்தாண்டுமுதல் நடைமுறைப் படுத்த திட்டமிட்டுள்ளோம். இவ்விசயங்கள் குறித்து சகோதரர்களின் கருத்துக்கள் வரவேற்கப் படுகின்றன.

வாசகர்கள் அனைவருக்கும் முகரம், ஜனவரி மற்றும் தைப்புத்தாண்டு வாழ்த்துக்கள்!

இப்படிக்கு

எக்ஸ்ப்ரஸ் டீம்
Share:

பகுத்தறிவே இது நியாயமா? (கற்றதும் பெற்றதும்)


இரண்டாம் வகுப்புப் படிக்கும் மகனின் குளிர்கால விடுமுறையில் வீட்டுப் பாடங்களில் தமிழ்குறிப்பேட்டில் டைனோசர் படத்தை ஒட்டிவரச் சொல்லி இருந்ததால் டைனோசார் படம் தேடியபோது மனதில் பட்டது.ஜுராசிக்பார்க் திரைப்படம் வெளியாகும் முன்புவரை பெரும்பாலோர் டைனோசர் குறித்து அறிந்திருக்க வாய்ப்பில்லை என்றே நினைக்கிறேன்.

கிங்காங், காட்ஜில்லா வரிசையில் வெளியான படங்களில் டைனோசர் போன்ற பிரம்மாண்ட ராட்சத ஜந்துக்களைக் கண்டு பிரமித்திருக்கிறேன். ஜப்பானியர்களின் நம்பிக்கையின்படி, உலகில் அநியாயங்கள் மிகைக்கும் போது காட்ஜில்லா கடலிலிருந்து வெளிப்பட்டு பிரளயத்தை ஏற்படுத்தும் என்று வாசித்த நினைவு.

ஜுராசிக் பார்க் படத்தில் ஆறு மில்லியன் வருடங்களுக்கு முன்பு வாழ்ந்த டைனோசரைக் கடித்த ஒரு கொசுவின் உடல், மரப்பசையால் மூடப்பட்டு பாதுகாக்கப்பட்டு, பின்னர் கொசுவின் உடலிலிருந்து டைனோசரின் DNAவை பிரித்தெடுத்து முட்டையுடன் இணைத்து, டைனோசர் உருவாக்க முடியும் என்ற நாவலின் அடிப்படையில் உருவான திரைப்படமே ஜுராசிக் பார்க்.

ஆறு மில்லியன் வருடங்களுக்கு முன்னர் வாழ்ந்த டைனோசரைப் பார்த்த எவருமில்லை.அறிவியல் கூற்றுக்களின்படி மனிதஇனம் சஞ்சரிக்கும் முன் டைனோசர் போன்ற பிரம்மாண்ட உயிரினங்கள் பூமியில் உலாவி வந்தன, விண்கற்கள் பூமியைத் தாக்கியதால் அவை அழிந்து போயிருக்கக்கூடும் என்று சொல்லப்படுகிறது.

யாருமே அறிந்திராத ஒன்றைப் புரிந்து கொள்ளவேண்டும் என்றால் அதைப் போன்ற இன்னொன்றுடன் ஒப்பிட்டுச் சொல்வது வழக்கம். யானை உடல், முதலைப் பற்களுடன் கற்பனையாகச் சொல்லப்பட்ட டைனோசர் உருவம் நம்மனங்களில் பதிய வைக்கப்பட்டது இப்படியே. கற்பனையும் அறிவியலும் இணைந்து சொல்லப்பட்ட டைனோசர் பற்றி நம்பும் பகுத்தறிவு, கண்முன் தெரியும் மனிதப்படைப்பைக் குறித்துச் சொல்லப்படும்போது நகைக்கிறது.

சோதனைக்குழாய் ஆய்வின் அடுத்த கட்டமான குளோனிங் படைப்புகளைப் பார்த்துவிட்டு, படைப்பாளனுக்குப் போட்டியாக நாங்களும் இருக்கிறோம். செல்களைப் பிரித்தெடுத்து தேவைக்கேற்ப குறைபாடற்ற படைப்புகளை எங்களால் கடவுளைவிடச் சிறப்பாகப் படைக்க முடியும் என்று மார்தட்டும் விஞ்ஞானிகளால் உயிருள்ள செல்களை ஏன் படைக்க முடியவில்லை?

மண்னோடு மக்கிப்போன கொசுவிலிருந்து டைனோசர் செல்லைப் பிரித்து மீண்டும் டைனோசர் படைக்க முடியும் என்று நம்பப்படும்போது, மண்ணின் மூலச்சத்திலிருந்து மனிதனைப் படைத்ததாகச் சொல்லப்படும் கூற்றையும் நம்பலாம்தானே!

பொழுதுபோக்குக்காக ஸ்டீஃபன் ஸ்பீல்பெர்க் சொன்னதை காசுகொடுத்துப் பார்த்து நம்பும்போது,படிப்பினை பெறுவதற்காக அல்லாஹ் சொன்னதை நம்பத்தயங்கலாமா?

தொடரும்....

<<<அபூஅஸீலா-துபாய்>>>
Share:

அதிரை எக்ஸ்ப்ரஸ் - சில விளக்கங்கள்

அதிரை மக்களின் இணையக் குரலாய் இயங்கிவரும் அதிரை எக்ஸ்ப்ரஸ் என்ற இத்தளம் கடந்த சில மாதங்களாக பொலிவிழந்துள்ளதாக சிலர் கருத்திட்டிருந்தார்கள். வேறுசிலரோ அதிரை எக்ஸ்ப்ரஸ் 'குறிப்பிட்டச் சில தெருவாசிகள்' மட்டுமே அதிகம் புழங்குவதாக குற்றம் சாட்டியிருந்தார்கள். மேலும் சிலர் சிறப்பாக எழுதிவந்தவர்கள் ஏன் அடிக்கடி தென்படுவதில்லை? என்று உரிமையுடன் கேட்டிருந்ததோடு,அதிரையின் ஒட்டுமொத்தக் குரலாக அதிரை எக்ஸ்ப்ரஸை முன்னிறுத்தலாமே என்ற ஆலோசனையும் வழங்கி இருந்தார்கள்.

ஏற்கனவே பலமுறை சொல்லியபடி, அதிரை எக்ஸ்ப்ரஸ் நமதூர் மக்களின் உணர்வுகளுக்கு இணைய வடிகாலாகவும், அதிரைவாசிகளுடன் நேரடியாக தொடர்புடைய அல்லது பயனாக இருக்கும் இதரச் செய்திகளைப் பரிமாறிக் கொள்ளும் மட்டுறுத்தலற்ற, சுதந்திரமான செய்தித்தளம் என்ற அடிப்படை நோக்கத்திலிருந்து விலகாமலேயே இதுவரை செயல்பட்டு வருகிறது என்பதை மீண்டும் நினைவுறுத்தி, மேற்கண்ட விசயங்கள் குறித்தும் சில விளக்கங்களைப் பகிர்ந்து கொள்ள விரும்புகிறோம்.

1) பொலிவிழந்துள்ளதா?

கடந்த ரமழானில் தினமலர் வேலூர் பதிப்பில் நமது உயிரினும் மேலான முஹம்மது நபியைக் (ஸல்) கேலிசெய்த பத்திரிக்கைச் செய்தியைச் சுட்டி தொடுப்பாகக் கொடுத்து, முஸ்லிம்களைச் சீண்டியதை அதிரை எக்ஸ்ப்ரஸே முதலில் வெளிக்கொண்டு வந்தது. இதையடுத்து பலவளைகுடா நாடுகளில் தினமலர் இணையதளம் தடைசெய்யப்பட்டபோது செய்தியைச் சுட்டியை நமது தளமும் அமீரகத்தில் தெரியாதவகையில் மட்டுறுத்தப்பட்டுள்ளது. தடையை நீக்கக்கோரி உரியமுறையில் தொடர்பு கொண்டும் பயனில்லை.

அதிரை எக்ஸ்ப்ரஸின் பெரும்பாலான பதிவர்கள், வாசகர்கள் மற்றும் அரட்டையாளர்கள் அமீரகவாசிகளாக இருந்ததால், அதிரை எக்ஸ்ப்ரஸ் இணையதளத்திற்கு நேரடியாக அணுகமுடியவில்லை. இதன்காரணமாக அதிரை எக்ஸ்ப்ரஸின் அமீரகப் பங்களிப்பாளர்களால் செய்தி மற்றும் அரட்டையில் கலந்து கொள்ள முடிவதில்லை என்பதே பிரதானக் காரணம்.

மேலும்,அதிரை எக்ஸ்ப்ரஸ் போன்ற வெவ்வேறு பெயர்களில் தனிபதிவுகள் சிலவும் இருப்பதால் ஓரிடத்திற்கு வரவேண்டிய செய்திகள் வெவ்வேறு பதிவுகளில் பதியப்படுகிறது. இதன்மூலம் ஓரிடத்தில் இணைய வேண்டிய அதிரைவாசிகள் வெவ்வேறு தளங்கள் நோக்கி திசைதிருப்பப்பட்டுள்ளார்கள் என்பதையும் சொல்லியாக வேண்டும்.

அதிரை வலைப்பதிவுகளையும் வலைப்பதிவர்களையும் ஊக்கப்டுத்துவதில் அதிரை எக்ஸ்ப்ரஸ் என்றுமே தயங்கியதில்லை. எனினும், பொதுவான செய்திகளை அதிரை எக்ஸ்ப்ரஸில் பதிந்தால் மேற்கண்ட பின்னடைவு ஏற்படாது. சம்பந்தப்பட்ட வலைப்பதிவர்களின் ஆலோசனையும் புரிந்து கொள்ளலும் வரவேற்கப்படுகிறது.

2) தெருப்பாகுபாடு?

இத்தளம் பிரபலமாகக் காரணம் அல்-அமீன் பள்ளிவாசல் பிரச்சினையைக் குறித்து யாருக்கும் அஞ்சாமல் உண்மைச் செய்திகளைப் பகிரங்கமாக எழுதியதும் ஒரு காரணம். இப்பிரச்சினையில் நமதூர் 'பெரியவர்' குறித்தும் எழுதப்பட்டதால், சம்பந்தப்பட்ட தெருவாசிகள் அல்லது அப்பெரியவரின் ஆதரவாளர்கள்/விசுவாசிகள் மட்டுமே இவ்வாறு அவதூறு சொல்கிறார்கள். அதிரை எக்ஸ்ப்ரஸை தொடக்கம்முதல் அவதானித்து வரும் வாசகர்கள் அதிரை எக்ஸ்ப்ரஸின் செயல்பாடுகளை புரிந்துள்ளார்களென்பதால் இது போன்ற அவதூறுகளைக் குறித்து கவலைப்படத் தேவையில்லை.

3) பதிவர்கள் பஞ்சம்?

பெரும்பாலானப் பதிவர்கள் அமீரகத்திலிருந்தே எழுதி வந்தார்கள். அதிரை எக்ஸ்ப்ரஸ் அமீரகத்தில் தெரியாதக் காரணத்தால் அவர்கள் சோர்வடைந்து இருக்கக்கூடும். எனினும் மின்மடல் மூலம் செய்திகள் மற்றும் கட்டுரைகள் நேரடியாகப் பதியும் வசதி இருப்பதால் இதைப் பயன்படுத்தி தொடர்ந்து எழுதலாம்.

4) செய்திகள் மட்டுறுத்தப்படுகிறதா?

இல்லை. நேரடியாகப் பதியும் வசதியை வலைப்பு வழங்கியான ப்ளாக்கர் செய்து கொடுத்திருந்தாலும், எரிதம் எனப்படும் SPAM விளம்பரங்களும் நேரடியாகப் பதிய முடியுமென்பதால் பிரசுரிக்க அனுமதிக்கும் அதிகாரத்தை சில பங்களிப்பாளர்களிடம் வழங்கி இருந்தோம். அவர்களும் அமீரகவாசிகள் என்பதால் அதிரை எக்ஸ்ப்ரஸிலிருந்து அந்நியப்பட்டுள்ளார்கள் என்பதே உண்மையாகும்!

அதிரை எக்ஸ்ப்ரஸ் முகவரியை மாற்றி, பழைய செய்திகளும் தொடர்ந்து தெரியும்படிச் செய்வதற்கான நுடப்நடைமுறைகள் ஏற்கனவே தொடங்கி விட்டன. அனேகமாக வரும் ஜனவரி-1,2009 க்குள் புதிய முகவரியில் அதிரை எக்ஸ்ப்ரஸை அமீரகவாசிகளும் அணுகுவதற்கானப் பணிகள் நடந்து வருகின்றன. இதன் மாதிரியை http://adiraiexpress.wordpress.com என்ற முகவரியில் காணலாம்.

http://adiraixpress.wordpress.com என்ற முகவரி ஏற்கனவே யாரொ பதிவு செய்துள்ளதால் முகவரியில் Xpress என்பதற்குப் பதில் Express என்று மாற்றி உள்ளோம். http://adiraixpress.wordpress.com ஐப் பதிவு செய்து வைத்துள்ள சகோதரர் அதன் கடவுச் சொல் விபரத்தை adiraixpress@gmail.com முகவரிக்கு அறியத் தந்தால் அதிரைவாசிகளுக்குக் குழப்பமில்லாமல் ஒரே செய்திதளமாக்கும் எமது முயற்சிக்கு வசதியாக இருக்கும்.

வாசகர்கள் மறக்காமல் கருத்துக்கள் மற்றும் ஆலோசனைகளை பின்னூட்டமாகவும/மின்மடலாக அறியத்தந்தால் அவற்றையும் பரிசீலித்து நமது இணையக் குரலாக அதிரை எக்ஸ்ப்ரஸை புதுப்பொழிவுடன் ஒலிக்கச் செய்வோம்.

இப்படிக்கு,

-எக்ஸ்ப்ரஸ் டீம்-
Share:

தலைஎழுத்து

அஸ்ஸலாமு அலைக்கும்! வரஹ்மத்துல்லாஹ்.

இறைவன் உனக்கு எழுதி வைத்த தலைஎழுத்து என்று சொல்லுவார்கள்' அப்படியிருக்கும் போது அதன் படிதான் மனிதனும் நடக்கின்றான். குடிக்காரன் குடிக்கிறான் கெட்டவர்கள் விபச்சாரம் செய்கிறார்கள், இதுவும் இறைவன் எழுதிய எழுத்து என்றால், ஏன் இறைவன் தண்டனை தர வேண்டும்? எல்லாமும் இறைவனின் விதிப்படிதானே நடக்கின்றது. பிறகு நாம் எப்படி குற்றவாளியாவோம் என்ற எண்ணம்பரவலாக எல்லோருக்கும் இருக்கத்தான் செய்கின்றது.

இறைவன் நாடியதுதான் நடக்கும், இறைவன் நாடாமல்எதுவொன்றும் நடக்காது என்ற கருத்தில் அமைந்தகுர்ஆன் வசனங்களை இவர்கள் தங்களின் விதிநம்பிக்கைக்கு சாதகமாக நினைத்துக் கொள்கின்றார்கள்.விதியைப் பற்றியோ அல்லது குர்ஆன் வசனங்களைவிளங்காமையோதான் இத்தகைய சிந்தனைக்குஅவர்களைத் தள்ளுகின்றது. அவர்கள் விளங்கும் விதத்தி்ல் நாமும் சிலகேள்விகளைக் கேட்போம்...இறைவன் விதித்தப்படிதான் எல்லாமும் நடக்கின்றது என்று கூறினால் அதே இறைவன் தான் தூதர்களை அனுப்பி, வேதங்களை வழங்கி 'தூதர் காட்டியவழியிலும், வேதத்தின் வழியிலும் வாழுங்கள்'என்கிறான். இதுவும் இறைவனின் விதிதான். விபச்சாரம்செய்து விட்டு 'இது விதி' என்று சொல்லுபவர்கள்,தவறான காரியங்களில் ஈடுபட்டு விட்டு 'இது விதி'என்று கூறுபவர்கள் இறைவன் விதித்த "நல்வழியில்செல்லுங்கள்' என்ற விதியை ஏன் புறக்கணிக்கிறார்கள்.அதுவும் விதிதானே..

விபச்சாரம் செய்வதற்கோ, திருடுவதற்கோ, கொலைசெய்வதற்கோ, மோசடிப் போன்ற அநேக ஈனச்செயல்செய்வதற்கோ அதில் ஈடுபடுபவர்கள் புறத்திலிருந்துஒரு முயற்சி இருக்கத்தான் செய்கின்றது. அவர்களின்சுய முயற்சி இல்லாமல் இதுவெல்லாம் நடப்பதில்லை.இதே முயற்சியை அவர்கள் நல்லக்காரியங்களில்செய்து விட்டு 'விதிப்படிதான் நடக்கின்றது' என்றுசொல்லிப் பார்க்கட்டும் அப்போது விதியின் அர்த்தம் புரியும். விதிவாதம் பேசுபவர்கள் தங்கள் வீட்டில் ஒருதிருட்டுப் போனால் விதிப்படி போய்விட்டது என்றுபேசாமல் இருப்பதில்லை. அதை கண்டுப்பிடிக்கமுயல்கிறார்கள், காவல் நிலையம் செல்கின்றார்கள்.சொந்த பந்தஙகள் சொத்துப் போன்றவற்றைஅபகரித்துக் கொள்ளும் போது விதியென்று மெளனமாகஇருக்காமல் நீதிமன்றம் செல்கின்றார்கள்...

வீட்டில்இருக்கம் கன்னிப் பெண்களுக்கு 'விதிப்படி கல்யாணம்நடக்கும்' என்றில்லாமல் நல்லக் கணவனைத் தேடிஅலைகின்றார்கள். இப்படி சொல்லிக் கொண்டேபோகலாம். இதையெல்லாம் அவர்கள் சிந்தித்தால் விதிஎன்னவென்பது அவர்களுக்கு விளங்கும். இஸ்லாம் விதியை நம்ப சொல்கின்றது. அதன் அர்த்தம் என்ன? எந்த ஒரு காரியம் நம் கட்டுப்பாட்டையெல்லாம் மீறிநடக்கின்றதோ அது இஸ்லாமியப் பார்வையில் விதி. மரணம் நம் கட்டுப்பாட்டையெல்லாம் கடந்துநடப்பதாகும் அது விதி.

இழப்பு (உதாரணம் சுனாமி) நம்பாதுகாப்பு அரண்களை மீறி நடந்ததாகும் அது விதி. விபத்துக்களில் உயிரிழப்பது, கடும் நோய்களால்அவதிப்பட்டு மடிவது, குழந்தைப்பேறுக்காக அனைத்துமுயற்சிகளையும் செய்த பிறகும் குழந்தைப் பாக்கியம்இல்லாமல் போவது, பருவ மழைத் தவறிவிவசாயத்தில் நஷ்டம் ஏற்படுவது போன்ற உதாரணங்களை இங்கு சொல்லலாம்.ஈராக், பாலஸ்தீனம், சோமாலி, ஆப்ரிக்காவின் அநேகநாடுகளாக இருந்தால் இதே உதாரணங்கள் அங்குவேறு விதமாக வெளிப்படும்.

நம் கட்டுப்பாட்டுக்குள் ஒரு தவறு நடந்தால் அதற்குநாம் தான் பொறுப்பு. (உதாரணம் தற்கொலை) இதற்குஇறைவன் தண்டனை அளிப்பான். வட்டி - சூது -திருட்டு - அபகரிப்பு போன்ற பாவங்கள் நம்கட்டுப்பாட்டுக்குள் இருந்து நடப்பதாகும். அதாவது அதற்கு நாமே முயற்சிக்கிறோம் என்பதால் அதற்குதண்டனையுண்டு. ஏனெனில் இவ்வாறு நடந்துக்கொள்ளக் கூடாது என்று இறைவன் தான் விதித்துள்ளான். இவற்றைப் புரிந்துக் கொண்டால் விதி என்றால்என்னவென்று விளங்கும். சிலர் எல்லாமே விதிப்படி தான் நடக்கிறது என்றுகாரணம் காட்டி வணக்க வழிபாடுகளில் ஆர்வம்காட்டாமல் இருந்து வருகின்றனர்.

"நாம் வணக்கவழிபாடுகளில் ஈடுபட்டு நல்லவர்களாக ஆவோம்"என்று நமது விதியில் இருந்தால் நமது முயற்சிஇல்லாமலேயே ஈடுபட்டு விடுவோம். நாம்நல்லவர்களாக மாட்டோம் என்று நமது விதியில்எழுதப்பட்டிருந்தால் நாம் முயற்சி செய்வதால் ஒருபயனும் ஏற்படப்போவதில்லை எனவும் அவர்கள்நினைக்கின்றனர். விதியை நம்பச் சொல்கின்றஇறைவன் தான் முயற்சிகள் மேற் கொள்ளுமாறும்நமக்குக் கட்டளையிடுகிறான் என்பதை மறந்துவிடுகின்றனர். மேலும் அவர் உண்மையிலேயேவிதியின் மீதுள்ள நம்பிக்கையின் காரணமாகவேவணக்க வழிபாடுகள் செய்யாமல் இருக்கிறார் என்றால்எல்லா விஷயத்திலும் அவர் இவ்வாறு நடந்து கொள்ளவேண்டும்.

ஒருவர் நல்லவரா? கெட்டவரா? என்பதில் மட்டும் 'விதி' இருப்பதாக இஸ்லாம் கூறவில்லை.இவ்வுலகில் ஒருவனுக்கு ஏற்படும் செல்வம், வறுமைபோன்றவையும் பட்டம் பதவிகள் போன்றவையும்விதியின் அடிப்படையிலேயே கிடைக்கின்றன என்றுதான் இஸ்லாம் கூறுகின்றது. இறைவணக்கத்தில்ஈடுபடாமல் இருப்பதற்கு விதியின் மீது பழியைப்போடுபவர் இந்த விஷயத்திலும் அப்படி நடந்து கொள்ளவேண்டுமல்லவா? தனக்கு எவ்வளவு செல்வம்கிடைக்க வேண்டும் என்ற விதி இருக்கிறதோ, அதன்படிசெல்வம் வந்து சேர்ந்து விடும் என்று நம்பி அவர்எந்தத் தொழிலும் செய்யாமல் வீட்டில் முடங்கிக்கிடக்க மாட்டார். மாறாக, செல்வத்தைத் தேடிஅலைவார். இந்த அக்கறையை வணக்கவழிபாடுகளுக்கும் வழங்க வேண்டும் என்று அவர்நினைக் காதது முரண்பாடாகவும் உள்ளது.

எனவே, விதியைப் பற்றி சர்ச்சை களைத் தவிர்த்து விட்டுமனிதர்களால் அறிந்து கொள்ள இயலாத ஒன்றிரண்டுவிஷயங்களை அல்லாஹ் வைத்திருக் கிறான் என்றுமுடிவு செய்து, விதியை நம்பியதால் கிடைக்கும்பயன்களை மனதில் நிறுத்தி, விதியை நம்புவது தான்நல்லது. விதியை விளக்ககும் இறைவசனம். "உங்களுக்குத் தவறிவிட்டதற்காக நீங்கள்கவலைப்படாமல் இருப்பதற்காகவும், அவன் உங்களுக்கு வழங்கியதில் நீங்கள் பூரித்துப் போகாமல் இருப்பதற் காகவும், (விதியை ஏற்படுத்தியுள்ளான்) கர்வமும் பெருமையும் கொண்ட ஒவ்வொருவரையும் அல்லாஹ் நேசிக்க மாட்டான்." (திருக்குர்ஆன் 57:23)

அன்புடன்,

சகோ. அபூஃபைஸல் ரியாத், சவூதி அரேபியா
Share:

மரண அறிவிப்பு

அஸ்ஸலாமு அலைக்கும் மரண அறிவிப்பு,

நடுத் தெரு மர்ஹூம் மு.க.மு.கி. முகைதீன் சாகிபு அவர்கள் மணைவியும்.கட்டிடா காண்ட்ராக்டர் M.S. முஹம்மது தமீம் (மாப்பிள்ளை சாச்சா)அவர்களின் தாயாரும் அபூபக்கர் ஹாஜியார் (A.H.Export,Chennai) அவர்களின்மாமியருமாகிய சல்மா அம்மா அவர்கள் (27-12-08) இன்று இரவு வபாத்தாகிவிட்டார்கள்

இன்னாலில்லாஹி வ இன்னாஇலைஹிராஜிஹூன்,

அன்னாரின் மஹ்பிரத்துக்காக துஆ செய்யும்படி கேட்டுக்கொள்கிறோம்
Share:

வெப்கேமிரா வைத்திருக்கின்றீர்களா?

வெப்கேமிரா வசதியுடன் இணையத் தொடர்பு உள்ள கணிப்பொறி உங்களிடம் இருக்கின்றதா?

எச்சரிக்கையாக இருங்கள் உலகின் எந்த மூலையிலிருந்தோ நீங்கள் கவனிக்கப்பட்டுக் கொண்டிருக்கின்றீர்கள்.
தன்னுடைய அறையில் தான் உடைமாற்றிய காட்சி எந்த ஆபாச இணையதளத்திலோ விற்கப்பட்டுக் கொண்டிருக்கின்றது என்பதைக் கேட்ட அவள் அதிர்ந்துதான் போனாள். யாரும் அத்து மீறி அந்த அறைக்குள் நுழையவில்லை? எவருக்கும் மின்னஞ்சல் வழியாகவும், எந்த புகைப்படமோ வீடியோக் காட்சிகளோ அனுப்பவில்லை?
பின் தன்னுடைய படுக்கை அறைக்காட்சியை படம்பிடித்தது யார்?

அது எப்படி சாத்தியமாயிற்று?

புனேயில் உள்ள Asian School of Cyber Law வில் புகார் அளித்தாள். அவர்கள் சொன்ன காரணம் அவளை மிகவும் அதிர்ச்சிக்குள்ளாக்கியதுஆம் அவளது அறையில் உள்ள வெப்கேமிராதான் அவளை படம்பிடித்திருக்கின்றது.
செய்வதையெல்லாம் செய்துவிட்டு ஒரு ஓரத்தில் அப்பாவியாய் அமர்ந்திருந்திருக்கிறது அந்த வெப்கேமிரா. ஆம் நம்புங்கள்; அவள் அறையில் உடைமாற்றுவதையும் அவளின் அந்தரங்கங்களையும் படம்பிடித்தது அந்த வெப்கேமிராதான்.

மீடியாத்துறையில் பணிபுரிகின்ற அந்தப் பெண்ணின் பெயர் அனி ஜோலகர் ( பெயர் மாற்றப்பட்டுள்ளது). தனது ப்ராஜக்ட்டுக்காக சில படங்களை இணையத்திலிருந்து டவுன்லோடு செய்திருக்கின்றாள். ஆனால் அவளுக்குத் தெரியாமலையே கணிப்பொறியில் ட்ரோஜன்என்கிற வைரஸ் / புரோகிராம் வந்து அமர்ந்து கொண்டது
அந்த ட்ரோஜன் என்கிற புரொகிராமின் மூலம் அவளது கணிப்பொறியில் இணைக்கப்பட்டுள்ள வெப்கேமிராவை ரிமொட் முறையில் இயக்கி அவளது அந்தரங்களை படம்பிடித்து அவற்றை ஆபாச இணையதளத்திற்கு விற்றுக் கொண்டிருந்திருக்கின்றான் எவனோ ஒருவன். உலகத்தின் இன்னொரு மூலையில் தனது நிர்வாணப்படங்களும் அந்தரங்கங்களும் திரைப்படமாக்கப்படுகின்றதை அறிந்து அதிர்ச்சியானாள் அனி ஜோலகர்.

இணையத் தொடர்புடன் உள்ள அந்த கணிப்பொறியின் வெப்கேமிராவை பெரும்பாலும் அவள் ஆன் செய்தே வைத்திருக்கின்றாள். இணையத்தில் உலவிவிட்டு அணைக்காமல் அப்படியே இருந்துவிட்டதுதான்; அவள் செய்த தவறு. கணிப்பொறி இடப்பெயர்ச்சி இல்லாமல்தானே அமர்ந்திருக்கின்றது அதுவென்ன செய்திட முடியும் என்று நீங்கள் சாதாரணமாய் இருந்துவிடமுடியாது.
புரிந்து கொள்ளுங்கள் அது நம்மை நோட்டமிட்டுக்கொண்டிருக்கின்றது வெப்கேமிரா மூலம்.
கொஞ்ச நேரம் கழித்து உபயோகிக்கத்தானே போகின்றோம் அதற்குள் எதற்கு இணையத்தொடர்பை துண்டிக்கவேண்டும் என்று அலட்சியப்படுத்தினால் நம் அந்தரங்கங்கள் உலகத்தின் பார்வைக்கு வந்துவிடும்.

'தங்களது அறையினில் வெப்கேமிராவை வைத்திருப்பவர்கள் மிகவும் கவனமாய் இருக்கவேண்டும். அந்தரங்க விசயங்களின் பொழுது இணையத் தொடர்பு அவசியம் இல்லையெனில் அதன் இணைப்பையும் வெப்கேமிராவின் இணைப்பையும் துண்டித்துவிடுங்கள். இந்த விழிப்புணர்வினை தங்களுக்கு தெரிந்தவரையிலும் மக்களுக்கு தெரியப்படுத்தினால்தான் அவர்கள் விழிப்புணர்வு அடைவார்கள்'-

ரோகஸ் நாக்பால், ப்ரசிடண்ட் ஆப் ஆசியன் ஸ்கூல் ஆப் சைபர் லா

'தேவையில்லாமல் வெப்கேமிராவை ஆன் செய்து வைத்திருப்பது அல்லது அதன் தேவைகள் இல்லாவிட்டாலும் அதனை கணிப்பொறியுடன் இணைத்து வைத்திருப்பது மிகவும் ஆபத்தானது. நிறைய பேர் பாதிக்கப்பட்டிருக்கின்றார்கள். பாதிக்கப்பட்ட பெண்கள் நிறையபேர் சமூக சூழலுக்குப் பயந்து அதனை புகார் தெரிவிக்காமல் இருப்பது மிகவும் பரிதாபத்திற்குரியது.'-

விஜய் முகி – கணிணித்துறை வல்லுனர்

இணையத்தில் இருந்து படங்களோ அல்லது வேறு சில பைல்களோ டவுண்லோடு செய்யும்பொழுது ட்ரேஜன் ஹார்ஸ் (Trojan Horse ) என்கிற வைரஸ் அல்லது வேறு ஏதேனும் வைரஸ் நுழையாமல் பார்த்துக்கொள்ளுங்கள். அதற்குத் தேவையான ஆன்டி வைரஸ் புரொகிராம்களை இன்ஸ்டால் செய்துகொள்ளுங்கள்.

அது மட்டுமல்ல தேவையில்லாத அல்லது கவர்ச்சியான விளம்பரங்களுடன் வருகின்ற மின்னஞ்சல்களையும் தவிர்த்து விடுங்கள். ஆகவே நண்பர்களே கணிப்பொறி உபயோகிக்காத நேரங்களில் அதனை அணைத்துவிடுங்கள். தங்களது அந்தரங்க விசயங்களின் பொழுது இணையத்தொடர்பும் வெப்கேமிரா தொடர்பும் துண்டிக்கப்பட்டிருகின்றதா என்று தயவுசெய்து ஒன்றுக்கு இரண்டுமுறை சரிபார்த்துக்கொள்ளுங்கள்.

இணையத்தில் உலவும்பொழுது மட்டும் இணையத்தொடர்பினை இணைத்துவிட்டு மற்றநேரங்களில் அந்த தொடர்பினை கணிப்பொறியிலிருந்து எடுத்துவிடுங்கள். அதுபோலவே வெப்கேமிராவும். யாருடனும் அவசியம் என்றால் மட்டும் அதனை இணைத்துக் கொள்ளுங்கள். மற்ற நேரங்களில் அவற்றை கணிப்பொறியுடன் இணைக்காமலேயே வைத்திருங்கள். இல்லையென்றால் உங்களுக்குத் தெரியாமலேயே நீங்கள் படம் எடுக்கப்பட்டுக் கொண்டிருப்பீர்கள். அந்த நபர் உங்களுக்கு பக்கத்து அறையில் அல்லது பக்கத்து கண்டத்தில் கூட இருக்கலாம்.

தொகுப்பு - மக்பூல்
Share:

HAJEES MEET 2008

தியாக திருநாளாம் ஹஜுப் பெருநாளை தொடர்ந்து
இவ் வருடம் ஹஜ் செய்த உள்ளூர் மற்றும் வெளியூர் ஹாஜிகள்
கலந்துகொண்ட HAJEES MEET2008 வெகு சிறப்பாக
நடை பெற்றது!!! ஹஜ்ரத் ஹுசைன் மன்பயீ,
ஹஜ்ரத் ஷம்சுதீன் காசிமி மற்றும் மலேசியா ஷேய்க் முஹம்மது நூரி
ஆகியோர் உரை நிகழ்தினர்.

முன்னோர்களின் தியாகம், ஹஜ்ஜுக்குப் பின்... மற்றும் சகிப்புத் தன்மை போன்ற தலைப்புகளிள் பேசினர்.


மேலும் Bushraa Haj Service, Dolphine Haj Service, makkah tours Agentகளும் மற்றும் சங்கரன் பந்தல்,
அய்யம்பேட்டை, ராஜகிரி, காயல்பட்னம், மதுரை சிவகங்கை போன்ற ஊர் ஹாஜிகள் மற்றும் மலேசியா அரசு அதிகாரிகளும் கலந்து கொண்டனர். நம் ஊர் புஸ்ரா ரஜாக் ஹாஜியார், டால்பின் தீன் ஹாஜியார், MSM முஹம்மது சாளிஹு ஹாஜியார், மாடர்ன் ப்ராசெஸ் பாக்கர் ஹாஜியார் போன்றோர்களும் பெண்களும் வருகை தந்தனர் ஜித்தா வாழ் அதிரை சகோதர சகோதரிகள் நிகழ்ச்சிக்கு அணி சேர்த்தனர்.
சிறப்பு விருந்தினர்களாக வந்திருந்த INDIA FERTENITY FORUM பொறுப்பாளர்கள் அந்த அமைப்பினரின் சகோதார்களின் மினா- அரபா சேவை பாராட்டப்பட்டது. மேலும் RDB கல்லூரி தலைவர் ராஜகிரி தாவூது பாட்சா அவர்களின் கல்விச் சேவை புகழப்பட்டது இறுதியில் அனைவருக்கும் இரவு உணவருந்திச் சென்றனர். நிகழ்ச்சி ஏற்பாடு சகோ. ரபி அகமது (ரஃபியா) செய்திருந்தார்.

தொகுப்பு - ஆதில்
Share:

குளங்கள் நிரம்பின.

சமீபத்தில் பெய்த அடை மழையால்...

* நம் ஊரில் உள்ள அனைத்துக்குளங்களும் நிரம்பி வழிகின்றன.

* பிலால் நகர் கடுமையாக பாதிக்கப்பட்டுள்ளது.

* பல தெருக்களில் உள்ள வீடுகளின் சுவர்கள் இடிந்துள்ளது.

* பேருந்து நிலைய சாலை கடுமையாக சேதம் அடைந்துள்ளது.

* தெருக்களை இணைக்கும் கால்வாய் பாலங்களில் உள்ள மேல் தளத்தில் உடைப்பு ஏற்பட்டு பெரும் ஒட்டை ஏற்பட்டுள்ளது.

* பல தெருக்களில் ஏற்கனவே போதிய சாலை வசதி இல்லாமல் இருந்த நிலையில் தற்போது மிகவும் சேதமடைந்து குண்டும் குழியுமாக காட்சியளிக்கிறது.

* பேருந்து நிலையம் செல்லியம்மன் கோவில் அருகே உள்ள குளம் நிரம்பி வழிவதால் அதன் அருகாமையில் உள்ள சாலையில் தண்ணீர் பெருக்கெடுத்து ஓடுகிறது, இதனால் அவ்வழியே செல்பவர்கள் பெரும் சிரமத்துக்குள்ளாகிறார்கள். இந்த சாலை பேருந்து நிலையத்தை இணைக்கும் முக்கிய சாலை என்பது குறிப்பிடத்தக்கது.

* புதிதாக அமைத்த ECR (முத்துப்பேட்டைக்கு செல்லும் வழியே உள்ள) சாலையில் அரிப்பு ஏற்படுள்ளது.

* காய்கறிகள், கோழி மற்றும் ஆட்டுக்கறியின் விலை கடுமையாக உயர்ந்து தற்பொழுது இறங்க துவங்கியுள்ளது.

* வழக்கம் போல் மின்வெட்டு உள்ளது.


* இலங்கைக்கும் தமிழகக்கடற்கைரைக்குமிடையே அவ்வப்பொழுது உருவாகும் குறைந்த காற்றழுத்த தாழ்வு மண்டலத்தால் திடீர் திடீரென்று மழை கடந்த ஒரு மாதமாக நமதூரில் பெய்து வருகிறது.

-Abdul Barakath.
Share:

இறைவசனத்தின் சக்தி


இன்று 17th Dec 2008 THE STAR மலேசியா ஆங்கில தினசரியில் வந்தது செய்தி

ஹஜ் பெருநாளைக்கு வெளியூர் சென்ற ஒருவர் தனது கடையில் உள்ள பொருள்கள் திருடப்படாமல் இருக்க சில 'தொழுகை/ துவா ' செய்து விட்டு சென்றுள்ளார். இரவில் திருட வந்த திருடன் 3 நாள் பூட்டிய கடையை விட்டு வெளியே செல்ல முடியாமல் அவதிப்பட்டதையும், வெளியே செல்லமுயற்சிக்கும்போது ஏதோ தன்னை தடுப்பது போல் உணர்ந்ததும் பிறகு கடை திறக்கப்பட்டதும் , திருடன் பிடிபட்டதும் செய்தி.

இறைவசனங்களுக்கு சக்தி இருக்கிறதா என கேட்கும் நண்பர்கள் கவனத்திற்க்கு "கேவலம் திட்டப்படும் வார்த்தைகளுக்கு நீங்கள் கோபப்படும்போது அந்த வார்த்தைகளில் தானே கோபப்பட்டீர்கள் ! பிறகு எப்படி படைத்தவனின் வார்த்தைக்கு சக்தி இல்லாமல் போகும் ?

Zakir Hussain
Share:

புஷ்ஷுக்கு கிடைத்த புத்தாண்டு பரிசு

பாக்தாத்: ஈராக் தலைநகர் பாக்தாத் வந்த அமெரிக்க அதிபர் ஜார்ஜ் புஷ் மீது எகிப்தைச் சேர்ந்த டிவி நிருபர் ஒருவர் தனது இரு ஷூக்களையும் சரமாரியாக வீசி எறிந்ததால் பெரும் பரபரப்பு ஏற்பட்டது.

அமெரிக்க அதிபர் பதவியிலிருந்து ஓய்வு பெறும் ஜார்ஜ் புஷ் கடைசி முறையாக ஈராக்குக்கு விஜயம் செய்தார். தலைநகர் பாக்தாத் வந்த அவர் பிரதமர் நூரி அல் மாலிக்கை சந்தித்துப் பேசினார்.

பதவியிலிருந்து ஓய்வு பெறுவதற்கு முன்பு கடைசி முறையாக ஈராக் வர வாய்ப்பு கிடைத்ததற்காக மகிழ்ச்சி அடைவதாக அவர் மாலிக்கியிடம் தெரிவித்தார்.

பின்னர் இரு தலைவர்களும் கூட்டாக செய்தியாளர்களைச் சந்தித்தனர். முதலில் மாலிக்கி பேசினார். பின்னர் புஷ் பேசத் தொடங்கினார்.


அப்போது திடீரென அரபி மொழியில் சத்தமாக கத்தியபடி ஒரு நிருபர் எழுந்தார். ஈராக் மக்கள் உனக்கு அளிக்கும் கடைசி குட்பை முத்தம் இதுதான், நாயே என்று கோபமாக கூறியபடி தனது ஷூக்களை அடுத்தடுத்து புஷ்ஷை நோக்கி ராக்கெட் போல வீசினார்.

முதல் ஷூ பாய்ந்து வந்தபோது புஷ் தலையைக் குணிந்து தப்பினார். அந்த ஷூ பின்னால் உள்ள சுவரின் மீது பட்டு விழுந்தது. 2வது ஷூ வீசப்பட்டபோது அதைப் பிடிக்க ஈராக் பிரதமர் மாலிக்கி முயன்றார். ஆனால் முடியவில்லை. இருப்பினும் அந்த ஷூவும் புஷ்ஷை உரசியபடி சென்று விழுந்தது.

இந்த சம்பவத்தால் புஷ் அதிர்ச்சி அடைந்தார். அவரது முகம் பேயறைந்தது போல மாறியிருந்ததைக் காண முடிந்தது.

இந்த சம்பவத்தால் பெரும் பரபரப்பு ஏற்பட்டது. பாதுகாப்புப் படையினர் சுதாரித்துக் கொண்டு அந்த நிருபரை மடக்கிக் கைது செய்து அங்கிருந்து அப்புறப்படுத்தினர்.

அவர் எகிப்து நாட்டைச் சேர்ந்த டிவி நிறுவன செய்தியாளர் என்பது விசாரணையில் தெரிய வந்தது.

மத்திய கிழக்கு நாடுகளில் ஒருவர் மீது செருப்பு அல்லது ஷூவை தூக்கி வீசினால் அது மிகப் பெரிய அவமானமாக கருதப்படும் என்பது குறிப்பிடத்தக்கது.

பி்ன்னர் நிலைமை சகஜமானது. அதன் பிறகு புஷ் பேசுகையில், அரசியல் கூட்டத்தின்போது நடப்பதைப் போல இப்போது நடந்து விட்டது. மக்களின் கவனத்தைக் கவர செய்யப்படும் செயல் இது. அந்த நபரின் (செய்தியாளர்) கவலை என்ன என்று எனக்குத் தெரியவில்லை. ஏன் இப்படி நடந்து கொண்டார் என்பதும் எனக்குப் புரியவில்லை என்றார் புஷ்.

பதவி விலகிச் செல்லும்போது பாக்தாத்தில் புஷ்ஷுக்குக் கிடைத்த இந்த வரவேற்பு அமெரிக்காவிலும் அதிர்ச்சி அலைகளை ஏற்படுத்தியுள்ளது.

Share:

மரண அறிவிப்பு

பிரபலதொழிலதிபரும்ஊர் நலனில் அதிக அக்கரை கொண்டவரும்மான லாஃபிர்காக்கா(சேத்துபட்டு) அவர்கள் மாரடைப்பால் அண்னாரது அதிரை இல்லத்தில் காலமாகி விட்டார்கள் இன்னா... அன்னாரின் நல்லடக்கம் பின்னர் அறிவிக்கபடுமென்று உறவினர்களின் ஒருவர் நம்மிடம் கூறினார்.அன்னாரது மஹ்ஃபிரத்து நல் வாழ்விற்க்கு துஆ செய்ய வேண்டுமாய் கேட்டுகொள்ள படுகிறார்கள்.
Share:

தியாகத் திருநாள் கொண்டாட்டம்

ஜித்தாவில் உள்ள அதிரை வாசிகள் அனைவரும் ஹஜ்ஜீப் பெருநாள் தொழுகையை கடற்கரை அருகில் உள்ள ஹானி பள்ளியில் தொழுது விட்டு காலை உணவை (பெருநாள் பசியாற) பள்ளி வராண்டாவில் முடித்த காட்சி நமது ஊரில் கல்யாண வீட்டில் மாப்பிளை சகனில் சாப்பிடுவது போல இருந்தது. ஒவ்வொரு வரும் அவரவர் தயார் செய்த பதார்த்தங்களை ஒருவருக்கொருவர் பரிமாறிக்கொண்டனர்.

பிறகு பகல் உணவுக்கு சகோதரர்கள் ஜெய்லானி, ஹனிபா, அஜ்வா நெய்னா, ராஃபியா, ரபீக் ஆகியோர் தலைமையில் ஆடு அறுத்து கொண்டுவந்து பெரிய மந்தி சாப்பாடு (PPT) சிறப்பாக நடைப்பெற்றது. அது சமயம் ஜித்தாவில் உள்ள அழைக்கப்பட்ட அதிரை வாசிகள் அனைவரும் கலந்து கொண்டனர்.
Share:

தியாகத்திருநாள் வாழ்த்துக்கள்.

உலகமெங்கும் பரவிக்கிடக்கும் நமதூர் சகோதர சகோதரிகள் மற்றும் அனைவருக்கும் அதிரை எக்ஸ்பிரஸ் ஆசிரியர் குழுவின் உள்ளம் நிறைந்த தியாகத்திருநாள் நல்வாழ்த்துக்கள்.
Share:

பொன்மாலைப் பொழுது

நம் சமுதாய சொந்தங்கள் அனைவருக்கும் எமது தியாகத் திருநாள் வாழ்த்துக்கள் !

சமீப காலங்களாக நம் சகோதரர்கள் அவ்வளவாக எழுதுவதில்லை. வாசிப்பு பழக்கமும் குறைந்து விட்டதோ ..என்ற அச்சமும் ,பேச்சு மற்றும் எழுத்துத் திறன் நம் மக்களிடையே வளர்க்க வேண்டும் என்ற ஆதங்கமும் கைகோர்த்துக் கொள்ள இந்தச் சிறிய முயற்சி! அதாவது ..நாம் ஒரு சிறிய சப்ஜெக்ட் / சம்பவத்தை எடுத்துக் கொள்வோம்.

அதை நம் சகோதரர்கள் மத்தியில் கொண்டு செல்வோம். மக்கள் அலசட்டும்! எழுதட்டும்!! இதோ நகைச்சுவையோடு கூடிய நமக்கே நேர்ந்த ஒரு சம்பவம். கருத்துக்களை மார்க்கம் பாதிப்பு இல்லாமல், மூர்க்கப் பார்வையின்றி, சிரித்து சிந்திக்குமாறு எழுதுக !எதிர்பார்கிறோம்!

அன்றொரு வியாழனின் இனிய மொன்மாலைப் பொழுது, மறுநாள் விடுமுறையாதலால், Holiday ஐ Holy day-யாக வரவேற்றுக் குதூகலத்துடன் தேனீரை ருசித்துக் கொண்டே தொலைக்காட்சியை ரசித்தவாறு கல்யாணம் பண்ணிய பிரம்மச்சாரிகள் (Bachlors) அறையில் அமர்ந்திருந்தோம். தொலைக்காட்சி சிறுவர்கள் நிகழ்ச்சியில் ஒரு ஒல்லிப்பிச்சான் மாணவன் வீரபாண்டி கட்டபொம்மனாக சூளுரைத்துச் சென்றான். அடுத்து ஏதோ ஒரு வித்யாலயா மாணவிகளின் பரத நாட்டியம் - தா.. தை.. தத்.. தா..

அந்நேரத்தில் A.R.ரஹ்மானின் சமீபத்திய மெட்டொன்றை கர்ணக்கடூரத்தில் சீட்டியடித்து பாடிக்கொண்டு, சகோதரன் அலிபாபா அதிரடியாக பிரவேசம் செய்யவே, தொலைக்காட்சிப் பக்கம் பார்த்தவன், "ச்சே யாங் காக்கா இந்த சாமி பாட்டையெல்லாம் பார்த்துக்கிட்டு இருக்கியளுவோ!.. சேனலை மாத்துங்க!" -ன்னான். மாற்றினோம்.

ஆடைப் பஞ்சத்தில் இரண்டரை டஜன் பெண்மனிகள் "மே.. மாதம்… 98-ல்.. மேஜர் ஆனேனே.." என்ற தத்துவப்(?!) பாடலை பாடி பேஜார் பண்ணிக்கொண்டிருக்க, "ஆங்.. இது ஓகே!" என்று அனைவரும் ஏகோபித்த குரலில் ஏற்றனர்.ஆக கலைக்கும் பிறமதக் கடவுளுக்கும் வித்தியாசம் தெரியாததாலா? அல்லது மற்ற மத ஆச்சாரம்தான் கூடாதது, தவிர ஆபாசம் தேவலாம் என்ற மனப்போக்கா?

இதைப் படிக்கும் வாசகரான உங்கள் கருத்து என்ன?

By

ரஃபியா
Share:

மும்பைத் தாக்குதல் வெளிப்படுத்தும் சந்தேகங்கள் - அமரேஷ் மிஸ்ரா!




சனி, 06 டிசம்பர் 2008
வரலாற்றாசிரியரும் சிறந்த பத்திரிக்கையாளரும் எழுத்தாளருமான திரு. அமரேஷ் மிஸ்ரா, உலகை நடுக்கிய மும்பை தீவிரவாத தாக்குதலின் பின்னணியில் செயல்பட்டவர்கள் மொஸாதும் ஹிந்துத்துவமுமே என்றும் அவ்வாறு இருப்பதற்கான சாத்தியங்கள் என்ன என்பதையும் முன்னர் தெரிவித்திருந்தார். அவரின் அக்கட்டுரை வெளியான நாளிலிருந்து அவருக்கு எதிராகப் பல மிரட்டல் குரல்களும் ஏளன குரல்களும் உயர்ந்திருந்தன. மும்பைத் தாக்குதல் குறித்து தான் ஏன் அவ்வாறான நிலைக்கு வர வேண்டி இருந்தது என்பதையும் தான் முன்னர் கூறிய "மொஸாதும் ஹிந்துத்துவமுமே" மும்பை தாக்குதலில் செயல்பட்டுள்ளன என்பதற்கான உறுதியான மேலும் பல கேள்விகளையும் தொடுத்து பதிலளித்துள்ளார்.அவரின் கூற்றிலிருந்து...

"மும்பைத் தாக்குதலின் பின்னணியில் மொஸாதும் ஹிந்துத்துவத் தீவிரவாதிகளும் செயல்பட்டுள்ளனர்" என்ற என்னுடைய குற்றச்சாட்டைக் குறித்துச் சிலர் கேள்வி எழுப்பியுள்ளனர். எதனைக் குறித்து வேண்டுமானாலும் சந்தேகப்படவும் கேள்வி எழுப்பவும் அனைவருக்கும் முழு உரிமை உண்டு. சரியான பாதைக்கான எல்லா சிந்தனைகளின் பிறப்பிடம் சந்தேகம்தான். மும்பைத் தாக்குதலைக் குறித்து இணையம் வழியாக இந்தக் கருத்தைத் தெரிவித்த எனக்கு, கொலை மிரட்டல்கள், வசவு மெயில்கள் போன்றவற்றிற்கு மேலாக என்னுடைய தைரியத்தையும் பகுத்தறிவினையும் கேலிக்குள்ளாக்கிய எச்சரிக்கைகளும் கிடைக்கப் பெற்றன. சிலர் என்னைக் கேலிக்குள்ளாக்குவதை நான் ஒரு பொருட்டாக எடுத்துக் கொள்ளவில்லை. ஆனால், பிரபல அரசியல்வாதிகள் மற்றும் வியாபாரிகளின் கிரிமினல் முகங்களையும் அவர்களின் இலட்சியங்களையும் மறைத்து வைப்பதற்கான தந்திரம்தான் இக்கேலிகள் என்ற உண்மையை நான் சற்று முக்கியத்துவத்துடனே எதிர் கொள்கிறேன். சங் பரிவார தலைமையிடங்களே மும்பைத் தீவிரவாதத் தாக்குதலின் பின்னணியில் செயல்பட்டுள்ளன என்ற சந்தேகத்திற்குத் தற்பொழுது வலு கூடியுள்ளது. யதார்த்தத்தில் சங் பரிவாரம் என்பதை விட மோடி என்பதே சரியானது. அவர் ஹிந்துத்துவ 'ஃபாஸிசத்தின் நவீன முகமாவார். இந்தியாவிற்கு எதிரானவரும் நெறிகெட்ட வியாபாரிகளில் ஒருவருமான ரத்தன் டாடாவுடன் நெருங்கிய தொடர்புடையவர்தான் இந்த மோடி. 19 ஆம் நூற்றாண்டில் சைனாவிற்குப் போதைப்பொருள் கடத்தித்தான் டாடாவின் குடும்பம் பணம் சம்பாதித்தது. ஆங்கிலேயர்களுடன் போராடி 10 மில்லியனுக்கும் மேற்பட்ட இந்துக்களும் முஸ்லிம்களும் தங்களின் இன்னுயிரை தியாகம் செய்த வேளையில், 1857இல் ஆங்கிலேயர்களுடன் இணைந்து தங்களுக்கான வருமானத்தை உறுதிப்படுத்திக் கொண்டவர்கள்தான் இவரது குடுப்பத்தினர். பலவிதத்திலும் மோடி ஆர்.எஸ்.எஸ்ஸைப் பின் தள்ளி இருக்கின்றார். இவர் இந்தியாவுக்கான மொஸாத் குழுவின் முதல் நபராவார். சமீபத்தில் ஆர்.எஸ்.எஸ்ஸின் முதிர்ந்த தலைவர் ஒருவர் என்னிடம் கூறினார்: "அமரேஷ், கேடர்களின் மீது எங்களுக்கான கட்டுப்பாடு தற்பொழுது கைவிட்டுப் போய் விட்டது. ஒரிஸ்ஸாவிலும் கர்நாடகாவிலும் காரியங்கள் கைமீறிச் சென்று விடக்கூடாது என்பதில் எங்களுக்கு தீர்மானம் இருந்தது. ஒரிஸ்ஸாவில் கிறிஸ்தவத் தலைவர்களுடன் ஒரு கூட்டு அறிக்கைக்கே நாங்கள் திட்டமிட்டிருந்தோம். ஆனால், கீழ்மட்டத்திலிருந்து அதற்கெதிராக எதிர்ப்பு உருவானது. பஜ்ரங்தளும் வி.ஹெச்.பியும் இதனை அங்கீகரிக்கத் தயாராயில்லை. மோடியின் இரகசிய ஆதரவு இவர்களுக்கு இருந்ததே அதற்கான காரணம். தெளிவாகக் கூறினால் எங்களால் எதுவும் செய்ய முடியாத நிலைக்குத் தள்ளப் பட்டிருந்தோம்".உண்மையில் ஆர்.எஸ்.எஸ்ஸிற்கு அவர்கள் உருவாக்கி விட்டுள்ள 'ஃப்ராங்கஸ்டைன்' பூதத்தைக் கட்டுப்படுத்த இயலாத நிலையே உள்ளது. மோடியின் உருவத்தில் இந்த ப்ராங்கஸ்டைன் மொஸாதுடன் ஒப்பந்தத்தில் கையெழுத்திட்டுள்ளது. பிரிவினை தலைவிரித்தாடும் ஐ.எஸ்.ஐயுடன் மொஸாதிற்குத் தொடர்பு உண்டு என்பதை நாம் நினைவில் நிறுத்த வேண்டும். மொஸாதோ சிஐஏயோ ஆப்கானிலும் பாகிஸ்தானிலும் மத்திய வர்க்க மக்கள் வாழும் பகுதிகளில் சில ஜிஹாதி குழுக்களை வழிநடத்துகின்றன என்பதையும் நாம் நினைவில் நிறுத்த வேண்டும். ஓமானில் உள்ள ஒரு ஜிஹாதி இயக்கம் மொஸாதின் உருவாக்கம் என்பது சமீபத்தில் கண்டறியப் பட்டிருந்தது. அதனால்தான் மும்பையை ஆக்ரமித்த இளைஞர்கள் பாகிஸ்தானைத் தலைமையகமாகக் கொண்டு செயல்படுபவர்களாக இருப்பதற்குச் சாத்தியம் உண்டு என்று கூறப்படுகிறது. ஆனால், அவர்களின் நாடுகள் வெவ்வேறாகும்.சிலர் பிரிட்டீஷ் முஸ்லிம்களாவர். இவர்களில் ஒருவருக்காவது மொரீஷியஸ் பாஸ்போர்ட் உண்டு என்பது உறுதியாகும். இந்த ஜிஹாதிகளை ஒன்றிணைத்து அனுப்பியது சௌதி அரேபியக்காரன் என்ற(மௌலானா பேதி என்று அந்த நபர் இப்பொழுது அழைக்கப்படுகிறார்) செய்தி இப்பொழுது உயர்ந்து வருகிறது.இந்நபருக்கு ஏதாவது இந்திய/மோடி ஏஜண்டுகள் பணம் கொடுத்திருக்கலாம். இந்தச் சூத்திரதாரிகளுக்குத் தனியாக மதமோ நம்பிக்கையோ எதுவும் கிடையாது. இவர்கள் அமெரிக்காவின் சிருஷ்டிகளாவர்; பணத்திற்காக வேலை செய்பவர்கள். சிலவேளைகளில் அமெரிக்காவின் விருப்பத்திற்கு எதிராகவும் இவர்கள் செயல்படுவர். இது ஏற்றுக் கொள்வதற்குச் சற்று கடினமான, ஆனால் வெளிப்படையான உண்மையாகும். ஒபராய் ஹோட்டலின் உரிமையாளர் நந்தாவும் மோடியின் நெருங்கிய நண்பராவார். இவருக்குக் குஜராத்தில் கோடிகணக்கான ரூபாய்களுக்கான முதலீடுகள் உள்ளன. இத்தாக்குதலுக்குப் பல நாட்களுக்கு முன்பே தாஜிலும் ஓபராயிலும் தீவிரவாதிகள் மறைந்திருந்தது எப்படி?. இரண்டு ஐந்து நட்சத்திர ஹோட்டல்களிலும் நாட்கணக்காக ஆயுதங்களும் வெடிபொருட்களும் பாதுகாத்து வைக்க முடிந்தது எப்படி?அறிந்தோ அறியாமலோ ஹோட்டல் நிர்வாகிகளின் உதவியில்லாமல் இதெப்படி சாத்தியமாகும்?அறிந்தோ அறியாமலோ தங்களின் கட்டிடத்தைத் தகர்ப்பதற்கு உரிமையாளர்கள் உதவி செய்தனர் எனக் கருதுவது அவ்வளவு கடினமான காரியமா?தாஜ் நமக்கு மஹத்தான ஒன்றாக இருக்கலாம். ஆனால், டாட்டாவைப் பொறுத்தவரை தனிப்பட்ட வகையிலோ பொருளாதார ரீதியிலோ அதிலுள்ள பயன் என்ன?. மிக இலகுவான நிபந்தனைகளுடன் 'நானோ ப்ளாண்'டிற்கு மோடி வழங்கிய அனுமதி டாட்டாவிற்கு இதனைவிட முக்கியமாகும். இவ்விஷயத்தை நான் உங்களுடைய சிந்தனைக்கு விடுகிறேன்.நரிமான் ஹவுஸிற்கு வரும்பொழுது, மொஸாதின் உதவியுடன் நடத்தப்பட்ட தாக்குதலில் யூதரைக் கொல்வதற்கான காரணம் என்ன? என்ற சிலரின் கேள்வி என்னை மிகவும் ஆச்சரியத்தில் ஆழ்த்தியது!. ஏன் அவ்வாறு நடக்கக் கூடாது? தீவிரமான சியோனிஸத்தையே மொஸாத் பின்பற்றுகிறது. அது, ஹிந்துத்துவத்திற்குச் சமமான மத ஃபாஸிஸ தத்துவ சாஸ்திரமாகும். சனாதன தர்மத்துடன் ஹிந்துத்துவதிற்கு யாதொரு தொடர்பும் இல்லாதது போன்று, சியோனிஸம் என்பதும் யூத மதத்தின் ஓர் அங்கமல்ல.ஹிந்துத்துவவாதிகள் (தீவிர இராம பக்தரான) மஹாத்மா காந்தியைக் கொலை செய்தது போன்று, மொஸாதும் சியோனிஸவாதிகளும் சாதாரண யூதர்களைக் கொலை செய்கின்ற விஷயம் புறந் தள்ளக் கூடிய ஒன்றல்ல. பரவலான முஸ்லிம்-விரோத, இந்திய-விரோதக் கலவரத்திற்கான சூழலை ஏற்படுத்துவதற்காக கோத்ரா ரயில் தீ வைப்பின் மூலம் தங்களின் கூட்டத்தில் உள்ள பலரைக் கொலை செய்யத் துணை நின்றவர்தான் இந்த மோடி!அத்வானி மற்றும் மோடியின் ஆதரவாளர்கள் எனத் தன்னைத் தானே பெருமையுடன் கூறிக் கொள்பவர்கள், காந்தியைக் கொலை செய்தக் கயவர்களின் ஆதரளவாளர்களுமாவர். மத சார்பற்ற இந்தியா என்ற கொள்கைக்குத் துவக்கம் முதலே ஹிந்துத்துவ அரசியலும் அவர்களின் கொள்கைகளும் எதிராகவே இருந்து வந்துள்ளன. இவர்கள் 1947இல் இந்தியாவிற்கு எதிராகக் கலவரத்தை முன் நின்று நடத்தியவர்களாவர். முஸ்லிம்களுக்கு எதிரானத் தாக்குதல்களில் ஆர்.எஸ்.எஸ் தலைவர்களில் முக்கியமானவரான கோல்வார்க்கர் ஆங்கிலேயப் படைகளுடன் இணைந்துச் செயல்பட்டதற்கான ஆதாரங்கள் உண்டு. யுனைட்டட் ப்ரோவின்ஸஸில் (இன்றைய யு.பி) உள்துறை செயலராக இருந்த ராஜேஷ்வர் தயாளின் கவனத்திற்கு இவ்விஷயம் வந்திருந்தது. அன்றைய முதலமைச்சர் கோவிந்த் வல்லப பந்திடம் இவ்விஷயத்தை அவர் தெரிவித்துமிருந்தார். இனி கார்கரே கொல்லப் பட்ட நிகழ்வை எடுத்துக் கொள்வோம். இரண்டு விதமான அபிப்பிராயங்கள் இதற்குள் வெளியாகி விட்டன. அவர் எவ்விதம் கொல்லப்பட்டார் என்ற விஷயம் இதுவரை தெளிவாகவில்லை. இதில் ஏதோ சதி நடந்துள்ளது என்ற சந்தேகம் நிலை நிற்கின்றது. தன் மகன் கொல்லப்பட்டது எப்படி என்பதைத் தெளிவிக்க வேண்டும் என கார்கரேயின் அன்னை ஆக்ரோசத்துடன் தொலைகாட்சியின் முன்னிலையில் கோரிக்கை வைத்த சம்பவமும் நடந்துள்ளது. மற்றொரு அதிகாரியான ஸலஸ்கரின் மைத்துனரும் இதே கோரிக்கையை முன்வைத்துள்ளார். அதாவது (நாட்டிற்காக உயிர்நீத்த) தீரமான உயிர் தியாகிகளின் உறவினர்கள் நீதி தேடுகின்றனர். தாங்கள் அறிந்தவற்றிற்கும் பின்னால் அறியாத பல விஷயங்கள் தீரமிக்கக் காவலர்களது கொலையின் பின்னணியில் உள்ளதாக அவர்கள் கருதுகின்றனர். கார்கரே, காந்தே, ஸலஸ்கர் ஆகியவர்களின் மரணத்திற்கும் மாலேகோன் குண்டுவெடிப்பு வழக்கிற்கும் தொடர்பு இருப்பதாக அவர்கள் நம்புகின்றனர். மோடி அறிவித்த ஒரு கோடி ரூபாயைக் கார்கரேயின் மகன் நிராகரித்தது எதனால்?. சிந்தித்துப் பாருங்கள்; குஜராத் அரசின் துணையில்லாமல் மும்பையை நோக்கிய தீவிரவாதிகளின் படகு பிரயாணத்திற்கு எந்த ஒரு சாத்தியமும் இல்லை. கார்கரேயும் காந்தேயும் மும்பைக் காவல்துறையில் உள்ளவர்களுள் மிகச் சிறந்த மதச்சார்ப்பற்றவர்களும் சனாதன இந்துக்களுமாக இருந்தனர். நடுநிலைமையின் மனித உருவங்களாக அவர்கள் இருந்தனர். குண்டு துளைக்காத ஆடை அணிந்திருந்த கார்கரே எவ்விதம் குண்டு துளைத்து இறந்தார்?. அவருக்குக் குண்டு துளைத்தது நெஞ்சிலா? அல்லது கழுத்திலா?. அநேகமாக இவை எதுவுமே நமக்குத் தானாக வெளிவரப் போவதில்லை. ஆனால், நாம் தெரிந்துக் கொள்ள வேண்டும். அப்படி அறிவதற்கான உரிமை நமக்கு உண்டு. மாலேகோன் குண்டு வெடிப்பு வழக்குடன் ப்ரவீண் தொகாடியா, சோட்டா ராஜன் போன்றவர்களின் பெயர்கள் வெளியான வேளையிலேயே கார்கரே தொலைத்துக் கட்டப் பட்டுள்ளார்.பாகிஸ்தானையும் சீனாவையும் தங்களின் கட்டுப்பாட்டில் வைக்க, இந்தியாவைத் தங்களின் கூட்டணியினுள் கொண்டு வருவதே அமெரிக்க-இஸ்ரேல் முயற்சிகளாகும். அதற்காகவே அமெரிக்கர்களும் இஸ்ரேலியர்களும் மும்பையில் குறி வைக்கப்பட்டனர். நரிமன் ஹவுஸில், சந்தேகத்திற்கிடமான வகையில் அதிகமான இஸ்ரேலிகள் வந்து சென்று கொண்டிருந்ததாக அண்டைவாசிகளின் சாட்சியங்களை வைத்து அதிகமான செய்திகள் வெளியாகியிருந்தன. கொலையாளிகள் தீவிரவாதத் தாக்குதலில் ஈடுபட்டு, தங்களைச் சார்ந்தோரைக் கொலை செய்திருப்பதற்கான சாத்தியங்கள் உண்டு.அபாயகரமானதும் தற்கொலைக்கு ஒப்பானதுமான இஸ்ரேல்-அமெரிக்க அணியில் இந்தியாவை இணைப்பதற்காக முயலும் இந்திய அரசாங்கத்தில் உள்ள ஒரு கூட்டத்திற்கும் பாகிஸ்தான், சீனா, இரான் போன்ற நாடுகளுடன் நல்ல தொடர்புகளை உருவாக்கிக் கொண்டு செல்லும் சுதந்திர நாடாக இந்தியா தொடர வேண்டும் என விரும்புகின்ற எதிர்க் கூட்டத்திற்கும் இடையிலான சண்டைதான் மும்பையில் அரங்கேறியிருக்கின்றது.
எனவே, இது இந்திய தேசியம் புனர் நிர்மாணிக்கப்பட வேண்டிய தேவையான காலகட்டமாகும். அமெரிக்காவிற்கும் இஸ்ரேலிற்கும் ஹிந்துத்துவத்திற்கும் அனுகூலமான நாட்டின் செயல்பாடுகளே இதுபோன்ற அக்கிரமங்களுக்கான அடிப்படைக் காரணம். 1857இல் நிலைபெற்றிருந்த, ஏகாதிபத்தியத்திற்கு எதிரானதும் இந்து-முஸ்லிம் ஒற்றுமையில் உறுதியானதுமான தேசியத்திற்கு நாடு திரும்பிச் செல்ல வேண்டிய நேரம் இது.
அமரேஷ் மிஸ்ரா
நன்றி :சத்தியமார்க்கம்.காம்
Share:

அரஃபா தினத்தன்றைய நோன்பு

اَلسَّلاَمُ عَلَيْكُمْ وَرَحْمَةُ اللهِ وَبَرَكةُ

ஏகஇறைவன் தனது அடியார்கள் பாவம் செய்தவர்களாக மறுமையில் தன்னை சந்திக்கவிருப்பதை விரும்பவில்லை அதனால் அவர்கள் உலகில் வாழும் காலத்திலேயே தங்களது பாவங்களை கழுவி தூய்மையாக்கிக் கொள்வதற்காக பல சந்தர்ப்பங்களை தனது திருத்தூதர் முஹம்மது(ஸல்) அவர்கள் மூலம் அறிவித்துக் கொடுத்தான். அதில் ஒன்று தான் அரஃபா தினத்தன்றைய நோன்பு.

ஹஜ்ஜூடைய நாட்களில் ஒன்பதாம் நாள் அன்று ஹஜ் யாத்ரீகர்கள் அரஃபாவில் குழுமுகின்ற தினத்தன்ற வெளியில் இருக்கக் கூடிய மக்களை பெருமானார் (ஸல்) அவர்ளக் நோன்பு நோற்க உத்தரவுப் பிறப்பித்ததுடன் அவர்களும் அன்றைய தினம் (ஹஜ் செய்;யாத வருடங்களில்) நோன்பு நோற்றார்கள். நபி(ஸல்) அவர்கள் துல்ஹஜ் ஒன்பதாம் நாள் நோன்பு வைப்பார்கள் என்று நபிகளார்(ஸல்) அவர்களின் துணைவியார்களில் சிலர் கூறினார்கள். அறிவிப்பவர்: ஹுனைதாபின் காலித்(ரலி) நூல்கள்: அபூதா¥த், நஸயீ, அஹ்மத்பிரதி

பலன்

இதன் மூலமாக நோன்பு நோற்றவர்களுடைய கடந்த வருடத்துப் பாவங்களையும் இந்த வருடத்துப் பாவங்களையும் அல்லாஹ் மன்னிப்பதாக பெருமானார்(ஸல்) அவரகள் அறிவிக்கின்றார்கள். அரஃபா நாளில் நோன்பு நோற்பது பற்றி நபி(ஸல்) அவர்களிடம் வினவப்பட்டது. அதற்கு அவர்கள் ''அது கடந்தவருடத்தின் மற்றும் வரக்கூடிய வருடத்தின் பாவத்தை போக்கிவிடும் என்று பதிலளித்தார்கள். அறிவிப்பவர்: அபூகதாதா(ரலி) நூல்: முஸ்லிம், திர்மிதி, அபூதா¥த்

وَلْتَكُن مِّنكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنكَرِ وَأُوْلَـئِكَ هُمُ الْمُفْلِحُونَ

நன்மையை ஏவி, தீமையைத் தடுத்து நல் வழியை நோக்கி அழைக்கும் சமுதாயம் உங்களிடம் இருக்க வேண்டும் அவர்களே வெற்றி பெற்றோர். திருக்குர்ஆன். 3:104
Share:

ஆறாதே மனம் டிசம்பர் ஆறுவந்தால்

நரசிம்மன் என்ற நரி கண்மூடி தூங்கியதுபோல் நாடகமாடிய பொழுதினில்..
ஓ நாய்கள் சேர்ந்து நம் தன்மானதில் சிறு நீர் கழித்ததுவே!
ஹிட்லர் கூட்டங்கள் இடித்தது இறை இல்லத்தை மட்டுமா?
மன சாட்சியுள்ள மனிதன் சொல்வர்- இறையாண்மையும்,இந்தியப்பெருமையும் சேர்த்துதான்!
குற்றம் செய்தவன் நாளை நாட்டின் பிரதமர்,சனாதிபதி,சட்டம் இயற்றுபவன்
ஆனால் நிரபராதி கைதியாய்....சட்டத்தின் கால் அவனின் குரல் வலையை அழுத்தி கொண்டும் இருப்பதில் இந்தியன் என்று சொல்வதில் பெருமையா? இழிவா?
இதில் வேற்றுமையில் ஒற்றுமை என வெற்று பிரச்சாரம்!
மசூதி இடித்ததை காலம் மறக்கலாம்....
ஆனாலும்,அந்த புண் புனுக்குக்குள் இன்னும் ஆறாமல் இன்னும் மறைந்தே இருக்கிறது!
தினம் அந்த ரணம் ,வேதனை!
ஒரு நாள் காயம் ஆரும் அன்று மசூதி அங்கே மருபடியும் எழும்!
அதுவரை இந்திய முஸ்லிம் என்று சொல்லாமல்...
இந்தியாவில் வாழும் முஸ்லிம் என கொள்வோமா?
-----தபால் காரன்(முகமதுதஸ்தகீர்)
www.adiraipost.blogspot.com
Share:

அதிரையில் கனமழையும் பணவேட்டையும்-உரையாடல்

பேய் மழை பெய்து ஓய்ந்திருக்கிறது அதிரையில். மின் கம்பங்கள் சாய்ந்து விட்டதால் ஊரில் நான்கைந்து நாட்களாக மின்சாரம் வினியோகம் தடைபட்டிருக்கின்றது என்பது நாம் யாவரும் அறிந்ததே. மின்சாரம் இல்லாமல் கஷ்டப்படும் நம்மூர் மக்களில் இருவர் இப்படி பேசிக்கொள்கிறார்கள்.

ஆமாத்மா : "அய்ஷாமா, யான்வுளே கேக்குறிய, குடிக்க தண்ணி இல்லாம நாங்க படுற பாடு அல்லாஹ் ஒருத்தனுக்கு தான் தெரியும்."

அய்ஷாமா : "ஆமாவுளே எங்க வீட்லயும் தான், இவ்வோ வாப்பா தான் சொன்னாக, மல தண்ணிய புடிச்சு காச்சி குடிக்கலாம் னு, அப்டி தான் நேத்து சோறு கூட ஆக்கினோம்"

ஆமாத்மா : "அதான்வுளே பண்ண வகை இல்லாம போச்சு, சரி சரி வா, புதுமன தெருவுல அடி பைப்புல எல்லோரும் தண்ணி பிடிக்குறாகளாம், வா நாமலும் போய் ஒரு கொடம் பிடிச்சுட்டு வருவோம்."

அய்ஷாமா : "இந்தா வர்றேன்"

ஆமாத்மா : "அப்டியே ஒன்ற செல் ஃபோனையும் எடுத்துடு வா, ஜனரேட்ட்டர் ல சார்ஜ் போட்டு தர்றாங்களாம்,ஃபோனுக்கு பத்து ரூவாயாம் சார்ஜ் பன்றதுக்கு"

அய்ஷாமா : "நல்லதா போச்சு, எங்க வீட்ல மட்டும் அஞ்சு ஃபோனு, அம்பது ரூவா, கொடுவா பிசுக்கு வாங்குற காசு, நல்லா சம்பாதிக்குறானுவோ, சரி என்னா பன்றது? கொடத்தையும் ஃபோனையும் எடுத்துட்டு வர்றேன்"(போய் குடம் எடுத்து வருகிறார்)

ஆமாத்மா : "SKS-ல ஜனரேட்டர் தருவாங்களாம், ஒரு மோட்டாருக்கு 300 ரூவாயாம், ஒரு மணி நேரம் ஓடுமாம், டேங்க் நிரஞ்சாலும் நிரையாட்டியும் ஒரு மணி நேரம் தான் ஓடுமாம்"

அய்ஷாமா : "ஆஹா, அப்படியா???"

ஆமாத்மா : "அது மட்டும் இல்லை, ஜனரேட்டர் கேக்க போனா SKS காரவனுவோ 'உங்க வீட்ல நீர் மூழ்கியா? இல்லை சாதா மோட்டாரா? னு' கேப்பாங்களாம், நீர் மூழ்கியா இருந்தா வரமாட்டானுவளாம், ஏன்னா நீர் மூழ்கி சீக்கிரம் நெரஞ்சுடுமாம், வருமானம் கம்மி ஆயிடுமாம் "

அய்ஷாமா : "அல்லாஹ்வே, கொள்ள நயம்டீ, கெட்டி காரனுவோ, பொலச்சுகிடுவானுவோ"

ஆமாத்மா : "மல வந்தாலும் வந்துச்சு, எல்லா வெலையும் ஏறி போச்சு, உம்மாடி, காய்கறியெல்லாம் நெருப்பு வெல விக்குது"

அய்ஷாமா : "ஆமாவுளே, அதுக்கு கூட ஜனம் போட்டி போட்டு வாங்குதுவோ"

ஆமாத்மா: "என்னத்த சொல்ல, நம்ம ஊர்ல ஒரு கடையிலயும் மொலவுதிரி கெடைக்கல, வீடல் இருந்த அரிக்கலாம்புக்கும் எண்ணை இல்லை,
புள்ள குட்டிவொள வச்சுகிட்டு ரொம்ப செரமமா இருக்குவுளே"

அய்ஷாமா : " ஆமா, அல்லாஹ் இருக்கான், இன்னும் ஒன்னு ரெண்டு நாளைல எல்லாம் சரி ஆகிடும், அடி பைப்பு வந்துடுச்சு, வாங்க வரிசைல நிப்போம்"

ஆமாத்மா : "சரிவுளே"

உங்களுக்காக அடி பைப்பில் தண்ணி பிடித்துக்கொண்டே,
உங்கள் நண்பன்
Share:

சிந்தீப்பீர்.....

ஒரு காலத்தில் நமது ஊர் பெண்கள் கிணற்றில் தண்ணிர் எடுத்து தனது தேவைகளை நிறைவேற்றி கொண்டனர். ஆதலால் நோய் நொடி இல்லாமல் நிம்மதியாக வாழ்ந்தனர். ஆனால் இபொழது நிலமை தலைகீழாக இருக்கிறது.இருந்த இடத்தில் இருந்து கொண்டு வேளை ஏதும் செய்யாமல் தேவைகளை பூர்த்தி செய்வதால் பெயர் தெரியாத வியாதிகளெல்லாம் வந்துவிட்டன.

நமது ஊரின் இன்றய நிலமை என்ன என்று பார்த்தால் ஊரே தண்ணீரில் மிதக்கிறது ஆனால் நமது தேவைகளை நிறைவேற்றி கொள்ள தண்ணிர் இல்லை காரணம் கடந்த மூன்று நாட்களாக மின்சாரம் வினியோகம் இல்லாத காரணத்தினால் நமது மக்கள் மிகுந்த சிரமத்து ஆளாகி இருக்கின்றனர்.

இப்பொழது ஊரில் தண்ணீர் டேங் நிறைத்துக்கொள்ள ஜெனேரேட்டர் வடாகை 250/= இதையெல்லாம் நாம் கருத்தில் கொண்டு காலங்கள் மாறினாலும் நாம் நம்து மூதாதையர்கள் காட்டித்தந்த வாழ்க்கை முறையை கடைபிடித்தால் இந்த மாதிரி பிரச்சினை வராமல் பார்த்து கொள்ளாலாம். நமது ஊர் மக்கள் இனியாவது சிந்திப்பார்களா............

ஹபீப் ரஹ்மான் - ஜித்தா
Share:

தமிழகத்தை மிரட்டும் நிஷா புயல்!

வங்க கடலில் உருவான புயலை தொடர்ந்து, தமிழக முழுவதும் பலத்த மழை கடந்த 4 நாட்களாக இடைவிடாது பெய்து வருகிறது, இதனால் தமிழகமே வெள்ளக்காடாக மாறியுள்ளது.புயல் நாகப்பட்டினம் அருகே நிலை கொண்டுள்ளதால் கடலோர மாவட்டங்களில் அதிகளவு மழைப் பெய்து வருகிறது.

தலைநகர் சென்னையில் பலமான காற்றுடன் நல்ல மழைப் பெய்து வருகிறது, ஆங்காங்கே ரோடுகளில் வெள்ளம் பெருக்கெடுத்து ஓடுகிறது மற்றும் பெரிய பெரிய மரங்களும் விழுந்த வண்ணம் உள்ளன. தமிழகத்தில் பெரும்பாலான மாவட்டங்களில் பள்ளி, கல்லூரிகளுக்கு விடுமுறை விடப்பட்டுள்ளது. 24ஆம் தேதி நடக்கவிருந்த பல பழ்கலைக்கழக தேர்வுகள் நாள் குறிப்பிடாமல் ஒத்திவைக்கப்பட்டுள்ளது. மொத்தத்தில் மக்களின் இயல்பு வாழ்க்கை பெரிதும் பாதிக்கப்பட்டுள்ளது.

நமதூரை (அதிரையை) பொருத்தவரையில் கடந்த 3 நாட்களாக மின் வினியோகம் இல்லை. பல தெருக்களில் மரங்கள் சாய்ந்துள்ளது, மின் கம்பங்களும் மழையால் சாய்ந்து கிடக்கின்றன. அதிகளவு காற்றுடன் நல்ல மழைப் பெய்து வருகிறது. காலேஜ் ரோட்டில் (ECR) உள்ள கால்வாய்களில் அதிகளவு தண்ணீர் பெருக்கெடுத்து ஓடுகிறது. ஊரில் உள்ள எல்லாக்குளங்களுக்கும் தண்ணீர் வரத்து அதிமாக உள்ளது. தாழ்வான பகுதிகளில் வசிக்கும் மக்கள் பாதுக்காப்பான பகுதிக்குச்செல்லுமாறு அறிவுருத்தப்பட்டுள்ளார்கள். சென்னையில் இருந்து நமதூருக்கு புறப்படும் தனியார் சொகுசு பஸ்கள் அனைத்தும் கடந்த இரண்டு நாட்களாக இயக்கப்படவில்லை.

சற்றுமுன் கிடைத்த தகவலின் படி நிஷா என்று பெயர் சூட்டப்பட்டுள்ள இப்புயல் காரைக்காலில் இன்று காலை கரையைக் கடந்ததுள்ளது, முன்னதாக இந்தப் புயல் சி்ன்னம் வேதாரண்யம்-நாகப்பட்டினம் இடையே நேற்றே கரையைக் கடக்கும் என எதிர்பார்க்கப்பட்டது. ஆனால், அது நகரவில்லை. ஒரே இடத்தில் நிலை கொண்டது. இந் நிலையில் இப்போது புயல் நாகப்பட்டிணம் கரையோரமாக நகர ஆரம்பித்தது பின்னர் அது மேலும் வட மேற்காக நகர்ந்து காரைக்காலில் இன்று காலை கரையைக் கடந்ததுள்ளது.

-Abdul Barakath.
Share:

பயிரிடமிருந்து பாதுகாப்பு கேட்கிறது வேலி.

பயிரிடமிருந்து பாதுகாப்பு கேட்கிறது வேலி.

அன்பானவர்களே,
பெண்கள் மீதான வன்கொடுமைகளை தடுப்பதற்காக பல்வேறு சட்டங்கள் நம்நாட்டில் இயற்றப்பட்டுள்ளது. அதையும் தாண்டி பெண்கள் பாதிக்கப்பட்டால் அவர்களுக்காக குரல் எழுப்ப பல்வேறு பரிமாணங்களில் மாதர் சங்கங்களும், ஏனைய பெண்ணுரிமை அமைப்புகளும் நிறையவே இருக்கின்றது. இருப்பினும், பெண்கள்மீதான பாலியல்கொடுமைகள் ,வரதட்சனைக்கொடுமைகள், அதையொட்டிய தற்கொலைகள் நாட்டில் குறைந்ததற்கான அறிகுறியைக்கானவில்லை.
இப்போது,பெண்களால் நாங்கள் பாதிக்கப்படுகிறோம் என்றுகூறி 'ஆண்கள் பாதுகாப்புச்சங்கம்' என்ற பெயில் சங்கம் உருவாகியுள்ளதாகவும் அச்சங்கத்தின் சார்பாக,வரும் டிசம்பர் ஆறு அன்று போராட்டம் நடைபெற உள்ளதாகவும் செய்திகள் கூறுகின்றன.

இதைபடிக்கும்போது வியப்பாக இருக்கிறது ஏனெனில்,பாதுகாப்பளிக்க வேண்டியவர்களே பாதுகாப்பு தேடுவதுதான்.சமீபத்தில் இவர்கள் சென்னை மாநகர கமிஷனரை சந்தித்து மனு ஒன்றையும் அளித்துள்ளார்கள். அவர்களில் ஒருவர் செய்தியாளரிடம் ;என் மனைவி கூலிப்படையை ஏவி என்னைத்தாக்கினார் என்கிறார்.

மற்றொருவர் ;நான் என்மனைவியை அடித்ததால் கோபமுற்ற அவள் காவல்நிலையம் சென்று,என்மீதும்,எந்தாய் மற்றும், என்தங்கை மீது நாங்கள் வரதட்சனை கேட்டுதுன்புறுத்துவதாக புகார்கூற காவல்துறை எங்களை அள்ளிச்சென்றது பின்பு நாங்கள் விடுவிக்கப்பட்டாலும் இது எண்கள் மனதை பெரிதும் பாதித்துவிட்டது.என்கிறார்.

அன்பர்களே,ஒருபுறம் கணவனால் மனைவி பாதிக்கப்படுவதும்,மறுபுறம் மனைவியால் கணவன் பாதிக்கப்படுவதும் எதனால் என்று சிந்தித்தால் அவர்களுக்கு தெளிவான வழிகாட்டுதல் இல்லாததுதான். கணவன் மனைவிக்குள் பிரச்சினை வரும்போது பெரியவர்கள் சொல்லும் அறிவுரைகள் பெரும்பாலும் மதிக்கப்படுவதில்லை.. ஆனால்,இஸ்லாத்தில் வாழ்க்கையும் வணக்கமாக சொல்லப்பட்டுள்ள காரணத்தால் பெரும்பாலும் முஸ்லீம் தம்பதிகளிடம் இதுபோன்ற பிரச்சினைகள் ஏற்படுவதில்லை.அப்படியும் சில முஸ்லீம் தம்பதிகளிடம் ஏற்ப்படுமாயின், அவர்கள் மார்க்கத்தை விளங்காதவர்ஆகத்தான் இருப்பார்கள்.

இப்போது வல்லோன் வகுத்துத்தந்த வாழ்க்கை திட்டத்தை பாருங்கள்;
பெண்களை அவர்களின் அழகுக்காக மணமுடிக்காதீர்கள்; அவர்களின் அழகு அவர்களை அழித்துவிடலாம்; அவர்களின் செல்வத்திற்காக மணமுடிக்காதீர்கள்; அவர்களின் செல்வம் அவர்களை தவறச் செய்திடலாம்; நல்லொழுக்கத்திற்காக அவர்களை மணமுடியுங்கள்; நல்லொழுக்கமுள்ள அழகற்ற கருநிறத்து அடிமைப்பெண் (தீய ஒழுக்கமுள்ள பெண்ணைவிட) மேலானவள் என நபி(ஸல்) அவர்கள் விளக்கினார்கள். (அறிவிப்பு: இப்னு அம்ர்(ரழி) நூல்: இப்னு ஹிப்பான், அஹ்மத்)
பெண்ணை தேர்ந்தெடுக்கும்போதே, அழகாக இருக்கிறாளா? காசு பணத்தை அள்ளி தருவாளாஎன்று பாராமல் நல்ல ஒழுக்கமுள்ள பெண்ணாக தேர்ந்தெடுத்திருந்தால் வடிவேலு மாதிரி[படத்தில்தான்] அடிவாங்குற நிலைமை வருமா
பெண்களுக்கு அவர்களின் மகர்கொடைகளை மனமுவந்து கொடுத்து விடுங்கள்.[அல்-குரான்]
கல்யாணம் செய்யும் போது அவளிடம் கையேந்தாமல் நீ கொடுத்திருந்தால் உன்மீது வரதட்சனை தடுப்பு பிரிவில் கேஸ் போடமுடியுமா ?
ஆண்கள் தமது செல்வங்களை செலவிடுகிறார்கள் என்பதாலும்,ஆண்கள் பெண்களை நிர்வாகம் செய்பவர்கள். [அல்-குரான்]

மனைவியை வேலைக்கு அனுப்பாமல் நீங்கள் சம்பாதித்து குடும்பத்தை நிர்வாகம் செய்திருந்தால் அவள் உன்னை மிஞ்ச முடியுமா..?
அவர்கள்[மனைவியர்]உங்களுக்கு ஆடை;நீங்கள் அவர்களுக்கு ஆடை.[அல்குரான்]
ஆடை எப்படி மானத்தை காக்குமோ அதுபோல் கணவனும் மனைவியும் ஒருவர் மானத்தை ஒருவர் காக்கவேண்டுமென நினைத்திருந்தால் மானத்தை கப்பலேர்ற காவல்நிலைய படி ஏறுவார்களா..? பிணக்கு ஏற்ப்படும் என்று[மனைவியர்விசயத்தில்] அஞ்சினால் மனைவியருக்கு அறிவுரை கூறுங்கள். படுக்கையிலிருந்து ஒதுக்குங்கள்.அவர்களை [லேசாக] அடியுங்கள்[அல்குரான்]

.
ந்த வழியை கையாண்டால் எந்த மனைவியும் வழிக்கு வந்துவிடுவார்கள். அப்படியே வழிக்கு வராமல் விவாகரத்து பண்ணிவிட்டால் கூட ,
[விவாகரத்து செய்துகொண்ட தம்பதியர்]இருவரும் இணக்கத்தை விரும்பினால் மூன்று மாதவிடாய் காலத்திற்குள் மீண்டும்[ திருமணமின்றி ]சேர்ந்து கொள்ளலாம்.
இவ்வாறு விவாகரத்து செய்தல் இரண்டுதடவைகளே, [இதன்பிறகு] நல்லமுரையில் சேர்ந்து வாழலாம் அல்லது அழகான முறையில் விட்டுவிடலாம்.[அல்குரான்]
இவ்வளவு எளிமையான அழகான சட்டத்தை
அனைவரும் கடைபிடித்தால், அனைத்து மகளிர் காவல் நிலையங்களும் தேவையில்லை. ஆளுக்கொரு சங்கங்களும் தேவையில்லை. ஆர்ப்பாட்டங்களும் தேவையில்லை.



இடுகையிட்டது நிழல்களும் நிஜங்களும்.




.

__,_._,___
Share:

ஆரோக்கியமான உணவுகள்

கோழிக்கறியில் கிடைக்கும் சத்துகள்

அசைவ உணவு உண்போரால் அதிகம் விரும்பிச் சாப்பிடப்படுவது கோழி இறைச்சிதான். இதற்கு முக்கியக் காரணம், இதனுடைய சுவை. கோழி இறைச்சிக் கொண்டு ஆயிரக்கணக்கில், அறுசுவையிலும் உணவுகள் தயாரிக்கப்படுகின்றன.கோழிக்கறி புரதச்சத்து மிகுந்த உணவாகும். கொழுப்புச்சத்து மிகவும் குறைவு.

கோழி முட்டையில்தான் கொழுப்பு அதிகம். அதிகம் எண்ணெய் சேர்க்காமல், தந்தூரி முறையில் செய்யப்படும் கோழிக்கறி உணவுகள் மிகவும் ஆரோக்கியமானவை. கொழுப்பை தவிர்க்க நினைப்பவர்கள், மற்ற இறைச்சிகளை ஒதுக்கிவிட்டு கோழி இறைச்சியை சாப்பிடலாம்.

கோழி இறைச்சி 100 கிராம் உண்பதில் அடங்கியுள்ள சத்துக்கள்

சக்தி (Energy)109 கலோரிகள், ஈரப்பதம்/நீர் (Moisture)72.2 கிராம், புரதம் (Protein)25.9 கிராம், கொழுப்பு (Fat)0.6 கிராம், தாதுக்கள் (Minerals)1.3 கிராம், கால்சியம் (Calcium)25 மி.கி, பாஸ்பரஸ் (Phosporous)245 மி.கி., ரைப்போஃப்ளேவின் (Riboflavin)0.14 மி.கி.,போலிக் அமிலம் (Folic acid)6.8 மை.கி.

முட்டையில் கிடைக்கும் சத்துகள்

அதிக ஊட்டச்சத்துகளுடன் இயற்கையில் கிடைக்கக்கூடிய பொருட்களில் முக்கியமானது முட்டை. புரோட்டீன் (Protein) அதிகம் நிறைந்தது. விட்டமின் A (Vitamin A), விட்டமின் B (Vitamin B) அளவில் அதிகம் இருப்பதால், தோல் ஆரோக்கியத்திற்கும், பார்வை திறனுக்கு வலுவூட்டவும், இரத்த சிவப்பணுக்கள் உற்பத்திக்கும் மிகவும் உகந்தது.

சைவ உணவு உண்பவர்கள்கூட இன்று அதிகம் விரும்பிச் சாப்பிடும் சுவையான, ஊட்டம் நிறைந்த உணவுப் பொருள் இது. முட்டையை அவித்து சாப்பிடலாம், ஆம்லெட் போட்டு சாப்பிடலாம் என்று இருந்த நிலை போய், இன்று எண்ணற்ற விதங்களில், சுவைகளில் பல்வேறு உணவுகள் முட்டையைக் கொண்டு தயாரிக்கப்படுகின்றன. அவற்றினை இந்தப் பக்கத்தில் தொகுத்து தருகின்றோம்.

முட்டை100 கிராம் உண்பதில் அடங்கியுள்ள சத்துக்கள்

சக்தி (Energy)173 கலோரிகள், ஈரப்பதம்/நீர் (Moisture)73.7 கிராம், புரதம் (Protein)13.3 கிராம், கொழுப்பு (Fat)13.3 கிராம், தாதுக்கள் (Minerals)1 கிராம், கால்சியம் (Calcium)60 மி.கி., பாஸ்பரஸ் (Phosporous) 220 மி.கி, இரும்பு (Iron)2.1 மி.கி., கரோட்டீன் (Carotene)420 மை.கி., தையாமின் (Thiamine)0.10 மி.கி., ரைப்போஃப்ளேவின் (Riboflavin)0.40 மி.கி, நியாசின் (Niacin)0.1 மி.கி., போலிக் அமிலம் (Folic acid)78.3 மை.கி.

மீனில் கிடைக்கும் சத்துகள்

மீன்கள் இந்தியாவில் சில இடங்களில் சைவ உணவாகவே கருதப்படுகின்றது. மீன்களில் புரதச்சத்து மட்டுமன்றி கால்சியமும் மிகுதியாய் உள்ளது. மீன்களின் வகைகளைப் பொறுத்து அவற்றில் அடங்கியுள்ள சத்துக்களும் வித்தியாசப்படுகின்றன. கெண்டை மீன்களில் ஆட்டிறைச்சியில் உள்ளது போல் இருமடங்கு கொழுப்பு சத்து உள்ளது.

கெலங்கா (கெழக்கன்) போன்ற மீன்களில் கொழுப்பு மிகவும் குறைவு. மீன் இறைச்சி உடல் சூட்டை உண்டாக்குவது இல்லை. கடல் உணவுகளில் பெரிதாக கலப்படம் செய்ய வாய்ப்பில்லை என்பதால் அனைத்து தரப்பினரும் கவலை இன்றி சாப்பிட மீன் இறைச்சி ஒரு சிறந்த உணவு.ஒவ்வொரு மீனுக்கும் சத்துக்கள் விபரம் வித்தியாசப்படுவதால், பொதுவாக மீன்களுக்கு என்று கொடுப்பது கடினம். அதிகம் உணவாகும் வௌவால் மீனின் சத்துக்கள் விபரம் கீழே கொடுக்கப்பட்டுள்ளது.

100 கிராம் (வெள்ளை) வௌவால்(வவ்வாள்) மீனில் அடங்கியுள்ள சத்துக்கள்

சக்தி (Energy)87 கலோரிகள், ஈரப்பதம்/நீர் (Moisture)78.4 கிராம், புரதம் (Protein)17 கிராம், கொழுப்பு (Fat)1.3 கிராம், தாதுக்கள் (Minerals)1.5 கிராம், கார்போஹைட்ரேட்கள் (Carbohydrates)1.8 கிராம், கால்சியம் (Calcium)200 மி.கி., பாஸ்பரஸ் (Phosporous)290 மி.கி., இரும்பு (Iron)0.9 மி.கி., நியாசின் (Niacin)2.6 மி.கி., ரைப்போஃப்ளேவின் (Riboflavin)0.15 மி.கி.

Source: National Institute of Nutrition - Hyderabad

தொகுப்பு:உம்முஅப்துற்றஹ்மான்
Share:

ஈயின் அறிவுரை

ஒரு ஈயிடம் அதன் தாய் இறக்கும் முன் அறிவுரை கூறியது. "மகனே, எப்போதுமே பளபளப்பான ஒட்டிக் கொள்ளக் கூடிய காகிதங்களில் இருந்து விலகியே இரு. உன் தந்தை அதில் சிக்கி தான் இறந்து போனார்." அந்த ஈயும் தாயின் அறிவுரையைக் கேட்டு பளபளப்பான ஒட்டும் காகிதங்களில் இருந்து சில காலம் விலகியே இருந்தது.

ஆனால் பல இளைய ஈக்கள் அந்த ஒட்டும் காகிதங்கள் அருகில் அனாயாசமாக பறந்து செல்வதைக் கண்ட போது அதற்கு ஆச்சரியமாக இருந்தது. சில ஈக்கள் வேகமாகச் சென்று உட்கார்ந்ததுடன் பிரச்சி
னை ஏதும் இல்லாமல் திரும்ப வந்த போது அந்த ஈயிற்கு தாய் அனாவசியமாக பயப்பட்டதாகத் தோன்றியது.

அந்த பளபளத்த காகிதங்களின் அருகில் சென்ற போது ஈக்களின் பிரதிபலிப்பு பார்த்த போது அது பார்வைக்கு மிகவும் ரம்மியமாக இருந்தது. அந்த ஈ துணிச்சலை வரவழைத்துக் கொண்டு மெள்ள அந்தக் காகிதத்தின் அருகே சென்று சென்று வந்தது. பிரச்சினை எதுவுமில்லை. சிறிது நேரத்தில் அதற்கு தைரியம் கூடியது. மின்னல் வேகத்தில் சென்று அந்தக் காகிதத்தில் அமர்ந்து பார்த்து நொடியில் மின்னல் வேகத்திலேயே கிளம்பியது. பிரச்சினை இல்லை.

அந்தக் காகிதத்தில் அப்படியே ஈக்கள் உட்கார்ந்து அனாயாசமாக போவதைப் பார்த்த அந்த ஈயிற்குத் தன் அனுபவமும் சேர்த்து யோசிக்கையில் இதில் எந்தப் பிரச்சினையும் இருப்பதாகத் தோன்றவில்லை. பகட்டும் பளபளப்பும் நிறைந்த அந்தக் காகிதத்தில் அமர்ந்து விளையாடுவது ஜாலியாக இருந்தது. போய் சற்று அதிக நேரம் தங்கி வர ஆரம்பித்தது. சிறிது நேரத்தில் மிக களைப்படைந்து விட்ட ஈ அப்படியே உறங்கி விட்டது. அது விழித்த பிறகு பறக்க நினைத்த போது ஒரு இறகு அந்த காகிதத்தில் நன்றாகவே ஒட்டிப் போயிருந்தது. அதனால் பறக்க முடியவில்லை. அந்தக் காகிதத்தில் இருந்து அந்த ஈ தப்பிக்க முடிந்தாலும் கூட அந்த ஒட்டி போன இறகை இழந்தேயாக வேண்டும்.

அது இறகை இழந்ததா, இல்லை வாழ்க்கையையே இழந்ததா என்று நாம் ஆராயப் போவதில்லை. இந்த உதாரணத்தைத் தன் நூல் ஒன்றில் சொன்ன ரால்ப் வாலெட்டும் அது பற்றிக் கூறவில்லை.

நாம் ஆராயப் போவதெல்லாம் அந்த ஈக்கு அந்தக் காகிதத்தின் மீது சென்று அமரும் அவசியம் இருந்ததா என்பதை மட்டும் தான். அந்த அவசியம் இருக்கவில்லை என்பதே உண்மை. அது ஆபத்தானது என்பதையும் அது தந்தையின் உயிரையே குடித்தது என்பதையும் ஈ முன்பே அறிந்திருந்தது. ஆனால் அந்தக் காகிதத்தின் பளபளப்பு, போய் ஓரிரு தடவை ஒன்றும் ஆகவில்லை என்கிற தைரியம், மற்றவர்களும் செய்கிறார்கள் என்ற சமாதானம், ஜாலியாக இருக்கிறது என்கிற எண்ணம் எல்லாமாக சேர்ந்து அதன் அறிவை மழுங்கடித்து ஆபத்தில் சிக்க வைத்திருக்கிறது.

தீ தான் சார்ந்திருக்கும் பொருளை எல்லாம் சாம்பலாக்கும் வல்லமை படைத்தது. அந்தத் தீயை விட ஆபத்தான தீயவை இருக்கின்றன.

உலகில் அந்த பளபளப்பான ஒட்டிக் கொள்ளும் காகிதத்தைப் போன்ற தீய விஷயங்கள் பல இருக்கின்றன. சூதாட்டம், போதைப் பழக்கம், தகாத உறவு வைத்துக் கொள்ளல் , தொலைக் காட்சி , வலைகள் போன்ற எத்தனையோ இருக்கின்றன. ஆரம்பத்தில் அது போன்ற வலையால் பெரிய தீங்கு ஏற்படாத நிலைமை கூட இருக்கலாம். ஆனால் அதை வைத்து ஆபத்தைக் குறைத்து மதிப்பிட்டு விடாதீர்கள். அதில் தங்க ஆரம்பிக்கும் போது உங்களை உடும்புப்பிடியுடன் அந்த வலை உங்களை இழுத்துப் பிடித்துக் கொள்ளும். பெரும் சேதத்தையோ, நாசத்தையோ ஏற்படுத்தாமல் அந்த விஷ வலை உங்களை தப்பிக்க விடாது.

வாழ்க்கையில் பல விஷயங்கள் இல்லாமல் நாம் சந்தோஷமாக வாழ முடியும். ஆனால் நாம் அப்படி நினைக்கத் தவறுவது தான் பல வருத்தங்களுக்கு மூல காரணமாக உள்ளது. அந்த ஈயின் இயல்பான வாழ்க்கைக்கு எப்படி அந்த பளபளப்புக் காகிதம் எந்த விதத்திலும் தேவையாக இருக்கவில்லையோ, அப்படியே நாம் மகிழ்ச்சியாக நிறைவான வாழ்க்கை வாழ முன்பு குறிப்பிட்டது போன்ற தீய வலைகள் தேவையில்லை. இப்படி ஏதாவது ஒரு வலை உங்கள் வாழ்க்கையில் கவர்ச்சியை ஏற்படுத்துமானால் இந்த ஈ கதையை நினைவுபடுத்திக் கொண்டு புத்திசாலித்தனமாக விலகிச் செல்லுங்கள்.

-Abo Sumayya. Jeddah.-
Share:

மைக்கேல் ஜாக்ஸன் இஸ்லாத்தை ஏற்றார்?!

அமெரிக்க பாப் இசைப்பாடகர் மைக்கேல் ஜாக்ஸன் இஸ்லாத்தை ஏற்றதாக பிரபல பத்திரிக்கைகளை மேற்கோள் காட்டிய மடல்கள் மின்மடல்களிலும் மடற்குழுமங்களிலும் வலம் வருகின்றன். செய்தியின் நம்பகத்தன்மையை உறுதிசெய்வதற்காக மைக்கேல் ஜாக்ஸனின் இணைய பக்கத்திற்குச் சென்று பார்த்தால், THRILLER பாடல் ஆல்பத்தின் விளம்பரமே தெரிகிறது!

மைக்கேல் ஜாக்சன் குறித்த வதந்திகளுக்குப் பஞ்சமில்லை என்றாலும் அவர் இஸ்லாத்தை ஏற்றது குறித்து பிரபல பத்திரிக்கைகள் செய்தியாக வெளியிட்டிருப்பதால் ஓரளவு நம்பக்கூடியதாகவே இருக்கிறது. எப்படியோ மைக்கேல் இஸ்லாத்தை ஏற்றது உண்மையாக இருப்பின் மனதார வாழ்த்தி வரவேற்போம். எல்லாப் புகழும் அல்லாஹ்வுக்கே!

சமீப வருடங்களாக மைக்கேல் ஜாக்ஸன் பல்வேறு குற்றச்சாட்டுகளைத் தொடர்ந்து வழக்குகளுக்கும் ஆளாகி வந்துள்ளார். தன்னுடைய பாப் இசை ஆல்பம் வெளியீட்டு ஒப்பந்தத்தை மீறியதாதாக பஹ்ரைன் இளவரசர் ஏழு மில்லியன் பவுண்ட்ஸ் நஷ்டஈடு கேட்டு வழக்கு தொடுத்திருக்கும் சூழலில் மைக்கேல் இஸ்லாத்தை ஏற்றுக்கொண்டச்செய்தி ஊடகங்களில் தலைப்புச் செய்தியாகியுள்ளது.

மைக்கேலின் சகோதரர் ஜெர்மைன் ஜாக்ஸன் இஸ்லாத்தை தன்னுடைய வாழ்க்கைநெறியாக ஏற்று ஹஜ்ஜுக்கு சென்று திரும்பியபோது பல்வேறு வழக்குகளால் மனம் சோர்ந்து போயிருந்த மைக்கேல் ஜாக்ஸனுக்கு குர்ஆன் மொழிபெயர்ப்புடன் இஸ்லாமியப் புத்தகங்களையும் பரிசாக வழங்கியதோடு இஸ்லாத்தின்பால் அழைப்பு விடுத்ததாகவும் சொன்னார். R

முன்பு இங்லாந்தின் பிரபல பாப் பாடகர் CAT STEVENS இஸ்லாத்தில் இணைந்து யூசுப் இஸ்லாம் என்று பெயர்மாற்றி முழுநேர இஸ்லாமிய அழைப்பாளராக இருப்பதையும் குறிப்பிட வேண்டும். மைக்கேல் ஜாக்ஸன் கலிமா சொல்லி இஸ்லாத்தை ஏற்றபோது இவரும் உடனிருந்ததாகச் சொல்லப் படுகிறது. தனக்கெனதனி ரசிகர் பட்டாளத்துடன் பஞ்சமில்லா சொத்து,சுகம், புகழ் இருந்த போதும் அவற்றினால் கிடைக்காத மனநிம்மதியும் ஆதம திருப்தியும் இஸ்லாத்தில் இருப்பதை அடையாளம் கண்டு கொண்டார்கள்.

பிறப்பால் முஸ்லிமாகி,விரும்பியோ அல்லது விரும்பாமலோ முஸ்லிம் பெயருடன் நடமாடிவரும் நம்மில் எத்தனைபேர் அல்லாஹ் வழங்கியுள்ள அருகொடைகளிலெல்லாம் சிறந்த அருட்கொடையான 'முஸ்லிம்' என்ற அடையாளம் குறித்து சிந்தித்திருப்போமா? மைக்கேல் ஜாக்ஸனும் கேட் ஸ்டீவனும் இஸ்லாத்தில் அடைக்கலமாக நாற்பதுக்கும் மேற்பட்ட வருடங்களாயின.எந்தவொரு முயற்சியும் செய்யாமலேயே பிறவிமுதல் முஸ்லிமாகியுள்ளோம்! அல்ஹம்துலில்லாஹ்!

அமெரிக்க அரசு வழங்கும் சிறப்புப் பாதுகாப்புடன் தனது சொந்த பாதுகாப்பு அதிகாரிகளைமீறி மைக்கேலின் பண்ணை வீடுவரைச் சென்று எந்தவொரு முஸ்லிம் படைத்தளபதியும் வாளேந்திப் போரிட்டு மைக்கேலை கட்டாய மதமாற்றம் செய்யவில்லையே!

இஸ்லாம் வாளால் பரப்பப்பட்டது, முஸ்லிம் மன்னர்கள் கட்டாயப்படுத்தி மதமாற்றம் செய்தார்களென இதுவரை இஸ்லாம் குறித்தும் முஸ்லிம்கள் குறித்தும் மனம்போனபோக்கில் பொய்ச்செய்திகளை பரப்பிவந்த உலகமகா ஊடகங்களே இனியேனும் உங்கள் பசப்புரைகளுக்கு முடிவுரை எழுதுங்கள். இஸ்லாம் பழமைவாதிகளுக்கே உரிய மார்க்கம் என்ற உடைந்த இசைத் தட்டாக ரீங்காரமிட்டவர்களே இனியேனும் உங்கள் சுருதியை மாற்றிக் கொள்ளுங்கள்!

பின்குறிப்பு: வழக்கமான வதந்திகளுடன் மைக்கேல் ஜாக்ஸன் மீக்காயில் என்று பெயர்மாற்றி முஸ்லிம் ஆனதாகச் சொல்லப்படும் இச்செய்தியும் வதந்தியாக இருப்பின், இஸ்லாத்திற்கோ முஸ்லிம்களுக்கோ யாதொரு இழப்பில்லை.

"மேலும், எவர்கள் நம்முடைய வழியில் முயற்சிக்கிறார்களோ நிச்சயமாக அவர்களை நம்முடைய நேரான வழியில் நாம் செலுத்துவோம். நிச்சயமாக அல்லாஹ் நன்மை செய்வோருடனேயே இருக்கிறான்" (குர்ஆன்-029:069)

وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِينَ

<<<அபூஅஸீலா-துபாய்>>>

Share:

மைக்கல் ஜாக்சன் இஸ்லாத்தை தழுவினார், அல்ஹம்துலில்லாஹ். அவருடைய பெயர்: மீக்காயில்.

Michael Jackson embraces Islam, spells `Mikaeel'

London: Troubled pop star Michael Jackson has converted to Islam and has changed his name to Mikaeel.

Thesun.co.uk reports that Jackson, 50, was dressed in the Islamic garb as he pledged his allegiance to the Koran at a friend's house in Los Angeles. He sat on the floor as an Imam officiated the ceremony.

Jackson, who was raised a Jehovah's Witness, decided to convert after discussing religion with a music producer and songwriter on his new album, both of them converts to Islam.

"They began talking to him about their faith and how they thought they had become better after they converted. Michael soon began warming to the idea. An Imam was summoned, and Michael went through the shahada, which is the Muslim declaration of belief," a source was quoted as saying.

Mikaeel is the name of one of Allah's angels.
Source: Indo-Asian News Service

MSN Special:
Michael Jackson to present evidence in person in court
Arab sheikh sues Michael Jackson

News Source :
http://news.in.msn.com/international/article.aspx?cp-documentid=1661526
http://news.in.msn.com/international/article.aspx?cp-documentid=1703792

லாஸ் ஏஞ்செலஸ்: பாப் ஸ்டார் மைக்கேல் ஜாக்சன் இஸ்லாம் மதத்திற்கு மாறி விட்டார். தனது பெயரையும் மிகயீல் எனவும் அவர் மாற்றி விட்டார்.

பனோராமா என்ற இதழின் இணையதளத்தில் இந்த செய்தி வெளியாகியுள்ளது. தான் இஸ்லாமின் ஐந்து கடமைகளை கடைப்பிடிக்க ஆரம்பித்துள்ளதாகவும், பெயரை மிகயீல் என மாற்றிக் கொண்டுள்ளதாகவும், விரைவில் அதிகாரப்பூர்வமாக தனது மத மாற்றத்தை அறிவிப்பேன் எனவும் ஜாக்சன் இந்த இணையதளத்திற்கு அளித்துள்ள பேட்டியில் தெரிவித்துள்ளார்.

பஹ்ரைனில் செட்டில் ஆகிறார்:

மேலம் விரைவில் பஹ்ரைனுக்குப் போய் ஜாக்சன் செட்டிலாகப் போவதாகவும் கூறப்படுகிறது. அங்கு ஏற்கனவே அவர் செயற்கைத் தீவு ஒன்றில் இடம் வாங்கிப் போட்டுள்ளார் என்பது குறிப்பிடத்தக்கது.

தனது மத மாற்றம் குறித்து நெருக்கமானவர்களிடம் ஜாக்சன் பேசுகையில், எனது தனிப்பட்ட நம்பிக்கைகளுக்கு சரியான மதமாக இஸ்லாம் உள்ளது. யூதர்கள் எல்லாம் ரத்தம் உறிஞ்சும் அட்டைகள் எனக் கூறினாராம் ஜாக்சன்.


தொடர்ந்து ஜாக்சன் கூறுகையில், இந்த அட்டைப் பூச்சிகளால் நான் மிகவும் சோர்வடைந்து விட்டேன். யூதர்கள் எல்லாம் நிறைய சம்பாதிக்கிறார்கள். மிகப் பெரிய வீடுகளைக் கட்டிக் கொள்கிறார்கள், கார்கள், வசதிகள் என சந்தோஷமாக இருக்கிறார்கள். இதெல்லாம் அவர்களின் சதி செயலால் கிடைப்பவை.

விரைவில் எனது ஸ்டுடியோவையும், சொத்துக்களையும் அமெரிக்காவிலிருந்து பஹ்ரைனுக்கு மாற்றிக் கொள்ளப் போகிறேன். அமெரிக்காவில் இதுவரை எனக்குக் கிடைக்காத சுதந்திரம் பஹ்ரைனில் கிடைக்கும் என நம்புகிறேன் என்று கூறியுள்ளார் ஜாக்சன்.

சமீபத்தில் லாஸ் ஏஞ்செலஸில் உள்ள தனது நண்பரின் வீட்டில், குரான் முன்பு தான் இஸ்லாமில் நம்பி்ககை வைத்துள்ளதாக சத்தியம் செய்தாராம் ஜாக்சன். அங்குதான் அவர் முறைப்படி இஸ்லாமியராகவும் மாறினார் என்று கூறப்படுகிறது.

எளிமையாக நடந்த அந்த நிகழ்ச்சியில் ஒரு இமாம் கலந்து கொண்டுள்ளார். தரையில்,விரிக்கப்பட்டிருந்த துணியில், தலையில் தொப்பியோடு ஜாக்சன் அமர்ந்திருக்க, அவருக்கு இஸ்லாம் மத மார்க்கப்படி மத மாற்றம் செய்யப்பட்டுள்ளது.

http://thatstamil.oneindia.in/news/2008/11/21/world-michael-jackson-converts-to-islam.html

-Abdul Barakath.
Share:

இல்லத்தரசிகளின் வேண்டுகோள்

பிஸ்மில்லாஹ்
  • அதிரை எக்ஸ்பிரஸாருக்கும் அதிரை எக்ஸ்பிரஸ்ஸின் வாசகர் (வசாகிகள் இருக்கிறார்களோ இல்லையோ இருந்தால் அவர்களுக்கும்) எனது அஸ்ஸலாமுஅலைக்கும் (வரஹ்). ஊர் சுத்தி உமர் காக்கா அவர்களோ அரசியல் பற்றி வெகு விமர்சையாக எழுதுகிறார்கள், தஸ்தகீர் அவர்களோ காவிகளை தோலுரித்து கவிதையாக் கட்டுரை எழுதுகிறார், அபு ஹசன் அவர்களோ இனிய மார்க்கமாகிய இஸ்லாத்தைப்பற்றியும் அரசியலுடன் எளியவர்களும் வியக்கியானம் படிப்பவர்களுக்கு செப்பையில் அடிப்பது போலவும் கட்டுரையிலும் அரட்டையிலும் வந்து விளாசிட்டு போறார், அபூ அஸீலவோ கார்த்திகை மாசத்து மழை போல் கோடை இடியுடன் அவ்வப்போது வந்து செல்கிறார். ஆனால் ஊரின் பெயரில் ஆரம்பிக்கப்பட்டா இத்தளத்தில் எல்லோரும் வெளிநாட்டில் இருந்து கொண்டுத்தான் கட்டுரைகள் எழுதுகிறார்கள் என்று தோன்றுகிறது.ஏனென்றால் யாரும் ஊரில் வீட்டுப்பெண்களான எங்களுக்கு ஏற்படும் பிரச்சனைகளை யரும் எழுதவில்லை ஆதலால்தான் எனக்கு இந்த துணிவு வந்தது அல்லாஹ்வின் துணையுடன் எழுதுகிறேன் தவறுகள் இருப்பினும் அல்லாஹூக்காக மண்ணித்துக் கொள்ளவும்
இல்லத்தரசிகளின் பிரச்சனைகளில் முதலிடம் பெறுவது கேஸ் சிலிண்டர் இரண்டு மதத்திற்கு ஒருமுறைதான் பதியப்பட்டு மீண்டும் இரண்டு வாரங்கள் கழித்து தரப்படுகிறது வீட்டில் கேஸ் முடிந்தவுடன் ஏஜென்ஸிக்கு போன் செய்து கேட்டால் ஒழுங்கற்ற பதில் தரப்படுகிறது. எனக்கு கிடைத்த பதில் உங்கள் வீட்டில் இரண்டு நபர்கள் தானே இருக்கிறீர்கள் ஏன் அவசரபடுகிறீர்கள் என்கின்றனர், கேஸ் சிலிண்டருக்கு 1986ல் நான் பதியும் போது நாங்கள் உண்மையாக இருவர்தான் 22வருடமாக நங்கள் என்ன குழந்தை எதுவும் பெற்றுக்கொள்ளாமல் மலடியாகவக இருந்துவிட்டோம் நாங்கள் இருவர்தான் என கணிக்க இவர்கள் யார் நகர் புறங்களில் இதைபோல் கேள்வி கேட்டுவிடமுடியுமா?

அதிராம்பட்டினத்திற்கு என்று தனியாக கேஸ் ஏஜென்ஸி அவசியம் வேண்டும் கேஸ் வந்த புதிதில்(1985) பட்டுக்கோட்டை தாலுக்க மக்கள் தொகையில் 25 சதவீதம் வீட்டில் மட்டும் தான் கேஸ் அடுப்பு உபயோகித்தனர் ஆனால் இன்றோ அரசாங்கம் இலவசமாக கேஸ் அடுப்பு சிலிண்டர் கொடுக்கும் அளவுக்கு எங்கும் உபயோகிக்க ஆரம்பித்துவிட்டார்கள் இன்று 100 சதவீதம் முழுமையாக பயண்பாட்டிற்கு வந்துவிட்டது இன்னும் காலம் தாமதிக்காமல் அதிரையில் உள்ள பல மாறுபட்ட இயக்கத்தினர் இல்லத்தரசிகளான எங்களுக்காக நல்லமுடிவு எடுக்கவேண்டுகிறோம்.இதனால் பயன் அடையபோவது குடும்பதலைவர்கள், மேலும் அவர்களின் பணமும், நேரமும்தான்.
இல்லத்தரசிகளுக்கா
  • உம்முஅப்துல்ரஹ்மான்
Share:

குண்டு வைத்து கொலை செய்வது எப்படி ?

ஒரு பாட்டில் ரம்முக்காக சோரம் போன அதிகாரிகளைக் கொண்ட பெருமை நம் ராணுவத்துக்கு உண்டு. இப்போது ஒருபடி மேலே போய்விட்டார்கள். குண்டு வைத்து கொத்துக் கொத்தாய்க் கொலை செய்வது எப்படி என்று தீவிரவாதிகளுக்குப் பயிற்சி தருகிறார்கள். நல்ல முன்னேற்றம்தான்!

மகாராஷ்டிரா மாநிலம் மாலேகானில் கடந்த செப்டம்பர் 29-ம் தேதி பயங்கர குண்டுவெடிப்பு நடந்தது. மோட்டார் பைக்கில் வைத்த குண்டு வெடித்து 6 பேர் இறந்தனர். 50-க்கும் மேற்பட்டோர் படுகாயம் அடைந்தனர். நவராத்திரியை ஒட்டி நடந்த குண்டுவெடிப்பு என்பதால் வழக்கம்போல் இஸ்லாமிய தீவிரவாதிகள் மேல்தான் பழிபோடப்பட்டது. ஆனால் உண்மையில் குண்டுவைத்தவர் இந்து பெண் சாமியார் என்று அறியவந்தபோது பலர் அதிர்ந்தனர்.

தீவிரவாத எதிர்ப்புப் படை போலீசார் நடத்திய தீவிர விசாரணையில்தான் இந்தத் திடுக்கிடும் தகவல் அம்பலமானது. மத்திய பிரதேசத்தைச் சேர்ந்த அபினவ் பாரத் என்ற இந்து அமைப்பைச் சேர்ந்த பெண் சாமியார் பிரக்யா தாக்கூர்தான் இக் குண்டுவெடிப்புக்கு மூல காரணம். அவரது கூட்டாளிகளும் கைது செய்யப்பட்டனர். போலீசுக்கு முதலில் சாமியார் ஒத்துழைக்க மறுத்தார். அவரிடம் உண்மை கண்டறியும் சோதனை நடத்தப்பட்டது.

மாலேகான் குண்டுவெடிப்பில் பெண் சாமியாருக்கு இருந்த தொடர்பு பற்றி செய்தி வெளியான சில நாள்கள் வரை சங் பரிவாரங்கள் எந்த மூச்சையும் விடவில்லை. பின் எதிர்ப்பைக் காட்டத் தொடங்கினர். ஜோடிக்கப்பட்ட வழக்கு என்றார் பா.ஜ. செய்தித் தொடர்பாளர் ரவி சங்கர் பிரசாத். பா.ஜ. தேசியத் தலைவர் ராஜ்நாத் சிங் ஆவேசத்தின் எல்லைக்கே சென்றுவிட்டார். "குண்டுவெடிப்பு விசாரணை என்ற பெயரில் பிரக்யா தாக்கூரை மும்பை போலீசார் துன்புறுத்தி வருகின்றனர். அவரிடம் மூன்று, நான்கு முறை உண்மை கண்டறியும் சோதனை நடத்தியுள்ளனர். இந்த விவகாரத்தில் மகாராஷ்டிரா அரசுக்கும் போலீசுக்கும் முக்கிய பங்கு உள்ளது" என்று கூறியுள்ளார்.

குண்டுவெடிப்பில் நேரடித் தொடர்புள்ளவர் என்று குற்றம்சாட்டப்பட்டிருக்கும் ஒருவரிடம் விசாரணை நடத்துவதையே ராஜ்நாத் தவறு என்கிறார். ஆனால் முஸ்லிம் என்பதாலேயே, குண்டுவெடிப்பு சம்பவங்களில் தொடர்பற்றவர்கள்கூட விசாரிக்கப்படாமலேயே கைதிகளாகப் பல ஆண்டுகள் சிறையில் வாடுவதை அவர் மறந்துவிட்டார்.

மாலேகான் குண்டுவெடிப்பின் முக்கிய குற்றவாளியாகக் கருதப்படும் ராம்ஜியுடன் பெண் சாமியார் பேசிய தொலைபேசி உரையாடல் சாட்சியம் அரசு தரப்பில் நாசிக் நீதிமன்றத்தில் சமர்ப்பிக்கப்பட்டுள்ளது. அனைத்துக்கும் சாமியார்தான் காரணம் என்பதை அந்த உரையாடல் தெளிவாக உணர்த்துகிறது. கோர்ட்டில் சமர்ப்பிக்கப்பட்ட உரையாடல் சாட்சியம் இதுதான்:

பிரக்யா: அநேகமாக இன்று மாலைக்குள் என்னை போலீசார் கைது செய்துவிடுவார்கள்.

ராம்ஜி: எப்படிச் சொல்கிறீர்கள்?

பிரக்யா: குண்டுவெடிப்பில் என் மோட்டார் சைக்கிளைப் பயன்படுத்தியிருப்பதை போலீசார் கண்டுபிடித்துவிட்டார்கள். அதுசரி குண்டுவெடிப்பு சம்பவத்தில் ஏன் அதிகம் பேர் சாகவில்லை? கூட்டமான பகுதியில் மோட்டார் சைக்கிளை நிறுத்தவில்லையா?

ராம்ஜி: இடம் கிடைக்கவில்லை. கடைசியாக கிடைத்த இடத்தில் பார்க் செய்தேன். அங்கே அவ்வளவாகக் கூட்டம் இல்லை.

இப்படிப் போகிறது உரையாடல்.

ஆனாலும் ஜோடிப்பு வழக்கு என்று திரும்பத்திரும்பச் சொல்கின்றனர் பரிவார்கள். இப்போது வி.எச்.பி.க்கும் இதில் பங்கிருப்பது தெரியவந்துள்ளது. குஜராத்தைச் சேர்ந்த வி.எச்.பி. பிரமுகர்கள் 3 பேருக்கு இதில் தொடர்பிருப்பதாக போலீசார் தெரிவித்துள்ளனர்.

எந்த மதத்திலும் தீவிரவாதிகள் உருவாவதைக்கூட ஏற்றுக்கொண்டுவிடலாம். ஆனால் நாட்டின் ராணுவ அதிகாரிக்கும் இதில் பங்கிருக்கிறது என்பதுதான் ஒட்டுமொத்த மக்களையும் அதிர்ச்சியில் உறையச் செய்திருக்கிறது. ராணுவத்தில் லெப்டினன்ட் கர்னல் பதவி வகித்து வரும், புனேவைச் சேர்ந்த ஸ்ரீகாந்த் புரோகித் என்பவர் இந்தக் குண்டுவெடிப்புச் சம்பவம் தொடர்பாகக் கைது செய்யப்பட்டிருக்கிறார். மாலேகான் குண்டுவெடிப்புக்குப் பணம், ஆர்டிஎக்ஸ், துப்பாக்கிகள் சப்ளையுடன் சதித் திட்டமும் தீட்டிக் கொடுத்ததாக இவர் கைதாகியுள்ளார். தீவிரவாதத் தொடர்பு சம்பந்தமாக ராணுவ அதிகாரி கைது செய்யப்பட்டிருப்பது இந்திய வரலாற்றில் இதுவே முதல் முறை. இந்த விவகாரத்தில் மேலும் பல ராணுவ அதிகாரிகளுக்குத் தொடர்பு இருப்பதும் விசாரணையில் தெரியவந்துள்ளது. அவர்களிடம் விசாரணை நடத்த ராணுவத்தின் அனுமதி கேட்கப்பட்டுள்ளது.

''தீவிரவாதக் குற்றத்துக்காக ராணுவ அதிகாரி ஒருவர் கைதாகி இருப்பது ராணுவத்தின் கவுரவத்துக்குக் களங்கத்தை ஏற்படுத்தி உள்ளது. தடம் புரளும் அதிகாரிகளைக் கண்காணிக்க ராணுவத்திடம் செயல்திட்டங்கள் உள்ளன. அவற்றை இனித் தீவிரமாகப் பயன்படுத்துவோம்'' என்று துணைத் தளபதி தில்லான் கூறியுள்ளார். இது காலம்கடந்த ஞானமாகத்தான் தெரிகிறது. தீவிரவாத-ராணுவத் தொடர்பு எந்த அளவு படர்ந்திருக்கும் என்பதைத் தெளிவாகச் சொல்ல முடியாத நிலைதான் உள்ளது.

ராணுவ அதிகாரியைக் கைது செய்ததற்கும் பா.ஜ. எதிர்ப்பு தெரிவித்து வருகிறது. குஜராத் முதல்வர் நரேந்திரமோடிதான் இதைக் கடுமையாக எதிர்த்துள்ளார். ''மாலேகான் குண்டுவெடிப்பு வழக்கில் அப்பாவி ராணுவ அதிகாரிகளை மும்பை போலீசார் கைது செய்து வருகின்றனர். இதுபோன்ற செயல்கள் தாய்நாட்டின் பாதுகாப்புக்காக அல்லும்பகலும் அயராது உழைக்கும் ராணுவத்தினரின் மனஉறுதியை சீர்குலைத்துவிடும்'' என்று சொல்லியிருக்கிறார்.

குண்டுவைத்தது முஸ்லீம் இயக்கமாக இருந்தால் அவர்கள் தீவிரவாதிகள். இந்து இயக்கமாக இருந்தால் அவர்கள் அப்பாவிகள் என்பதுதான் மோடி சொல்லும் தத்துவம். பெரும்பான்மை ஊடகங்களும், அமைப்புகளும் இப்படித்தான் நினைக்கின்றன. இந்த விவகாரத்தில் காட்டப்படும் கனத்த கள்ள மவுனமும் அதைத்தான் உணர்த்துகிறது.
Share:

நாக்கைப் புடுங்குற மாதிரி நாலு கேள்வி

மாலேகான்(மகாராஷ்ட்ரா) மற்றும் மொடாசா(குஜராத்) குண்டுவெடிப்புகளில் சங்பரிவாரச் சாமியாரிக்குத் தொடர்புள்ள விசயம் ஊடகங்களில் கசியத் தொடங்கியதும் பாஜகவும் அதன் ஊதுகுழல்களும் "இந்துக்களை இழிவு படுத்தும் சூழ்ச்சி" என்று ஒப்பாரி வைத்தார்கள்.தீவிரவாத ஒழிப்புப்படையினர் அடுத்தடுத்த ஆதாரங்களை வெளியிட்டதும் சாமியாரிக்கும் தங்களுக்கும் தொடர்பில்லை என்று சொல்லி சாமியாடினர். குற்றச்சாட்டிற்கான அசைக்க முடியாத ஆதாரங்களை ஒவ்வொன்றாக வெளியிட்டதும் சாமியாரினிக்கு வேண்டிய சட்ட உதவிகளை பாஜகவே செய்யும் என்று அதன் செய்தித் தொடர்பாளர் அறிவித்திருக்கிறார்.

வழக்கமாக இதுவரையிலான குண்டு வெடிப்புகளில், சம்பவம் நடந்த ஓரிரு மணிநேரத்திற்குள் இதைச் செய்தவர்கள் இஸ்லாமியத் தீவிரவாதிகள் சிமி, ஹுஜி,முஜாஹிதீன் என்றெல்லாம் சொல்லாவிட்டால் கஷ்டப்பட்டு குண்டு வைத்ததற்கு அர்த்தமில்லாமல் போய்விடுமென்பதால் அஹிம்சாவாதி அத்வானி உடனடியாக அறிக்கை விடுவார். அத்வானிக்குச் சளைத்தவனா என்பதுபோல் உலகமகா அஹிம்சாவாதி குஜராத் படுகொலைகள் புகழ் நரேந்திரமோடி மத்திய அரசை ஏற்கனவே நான் எச்சரித்திருந்தேன். அதை சீரியசாக எடுத்திருந்தால் இந்தவார குண்டு வெடிப்பு தவிர்க்கப்பட்டிருக்கும் என்று நமுட்டுச் சிரிப்புச் சிரிப்பார்.

இந்தியா சுதந்திரமடைந்து பாகிஸ்தான் பிரிந்து சென்றதால் மனம் வெதும்பி இருந்த மோகன்தாஸ் கரம்சந்த் காந்தியைத் "தற்கொலை" செய்த நாதுராம் கோட்சே என்ற இந்து ஞானமரபைச் சார்ந்த சமூக சீர்திருத்தவாதி கைது செய்யப்பட்டபோது ராஷ்ட்ரிய ஸ்வயம் சேவக்(RSS) முதலில் கோட்சேக்கும் எங்களுக்கும் தொடர்பில்லை என்று கைகழுவியது. நாதுராம் கோட்சேயின் தம்பி கோபால் கோட்சே சிறுவயதுமுதலே கோட்சே பிரதர்ஸிற்கு RSSஉடன் இருந்த தொடர்புகளை புட்டு வைத்தான். பாஜகவின் பொற்காலஆட்சியில் நாதுராம் கோட்சேக்கு கோயில் கட்டுமளவுக்கு புகழ்ந்தார்கள் என்பது தனிக்கதை.

சரி விசயத்திற்கு வருவோம். குண்டு வெடிப்புகள் முஸ்லிம்களின் ஏகபோக உரிமை என்பதுபோல் பேசி, எழுதி, முழங்கி வந்தவர்கள் கீழ்கண்ட எனது கேள்விகளுக்கு என்ன பதில் வைத்திருக்கிறீர்கள் என்று சொல்வீர்களா?

1) முன்னெச்சரிக்கை நடவடிக்கையாக இனிவரும் சுதந்திர மற்றும் குடியரசு தினத்தன்றும் வரலாறு, புவியியல்,அறிவியல்....................காணாத பாதுகாப்பை இஸ்லாமியர்களின் வழிபாட்டுத் தலங்களுக்கு(ம்) வழங்குவீர்களா?

2) முன்னெச்சரிக்கை நடவடிக்கையாக சாதுக்களையும் சாத்விக்களையும் சிலவாரங்களுக்குக் கைது செய்து சிறையிடைப்பீர்களா?

3) கோழி களவாணி/ ஆடு களவாணி/பிளேடு பக்கிரி/ கேப்மாறி/ மொள்ளமாறி/ முடிச்சவிழ்க்கி யாராவது பிடிபட்டால் பி.ஜெய்னுலாபிதீன்/ ஜவாஹிருல்லா/ காதர் முஹைதீன் இவர்களில் யாருக்காவது கொலைமிரட்டல் ஈமெயில் வந்திருப்பதாகச் சொல்லி போலீஸ் பாதுகாப்பு கொடுப்பீர்களா?

4) ரயில் நிலையம்,பேரூந்து நிலையம் மற்றும் பொதுமக்கள் கூடுமிடத்தில் விபூதி வைத்த, பூணூல் போட்ட, சபரி மலை, திருப்பதி, பழனிக்கு மாலை போட்டவர்களிடம் துருவித்துருவி விசாரிப்பீர்களா?

இதை வாசித்துக் கொண்டிருக்கும் இந்துமத நண்பர்களே! என்னடா இவன் இப்படி எல்லோரையும் சகட்டுமேனிக்கு சந்தேகப்பட்டு எழுதியிருக்கிறான்! யாரோ ஒருசிலர் செய்த தவறுகளுக்காக ஒட்டுமொத்த இந்துக்களையும் குற்றஞ்சொல்வது எவ்வகையில் நியாயம் என்று கேட்கத் தோன்றுகிறதா?

இதே கேள்வியைத்தானே நாங்களும் கடந்த 10-15 வருடங்களாகக் கேட்டுக் கொண்டிருக்கிறோம்! என்ன செய்வது தலைவலியும் திருகுவலியும் தனக்கு வந்தால்தானே அடுத்தவரின் வலி சிலருக்குப் புரிகிறது!

இப்படிக்கு,

WWW.ஊர்சுத்தி.உமர்
Share:

வெள்ளை மாளிகையில் குடிபுக இருக்கும் கருப்பு நிலாவே!!!

அம்மாவாசை போன்று இருள் சூழ்ந்திருந்த நிறவெறி பிடித்திருந்த அமெரிக்க மக்களின் மத்தியில் ஒரு கருப்பு நிலாவைப்போன்று அமெரிக்க சரித்திரத்தை புரட்டிப்போட்டு வெற்றி வாகை சூடிய "பராக் ஹுசைன் ஒபாமாவே" உம் வருகை அகிலத்தின் அமைதிக்கு நல்வரவாகட்டுமாக.
உம்மிடத்தில் நாம் ஒன்றும் பெரும் பரிசை எதிர்பார்க்க வில்லை. அமைதிப் புறாக்கள் பறக்கும் இப்பரந்த வானில் அணுகுண்டை சுமந்த ஏவுகணைகள் பறப்பதை நாம் விரும்பவில்லை. அது மழைபோல் தூவிச்செல்லும் குண்டுகளால் எத்தனை, எத்தனை பச்சிளம் பாலகர்கள் உயிருடன் மண்ணில் புதைக்கப்பட்ட கொடூரம்.. இனி ஒருபோதும் வேண்டாமைய்யா....அதைக் கனவிலும் நினைத்திடல் கொடுமையைய்யா....
எங்களுக்கு நீ பரிசு மழை பொழியாவிட்டாலும் பரவாயில்லை. அதை எதிர்பார்க்கவும் இல்லை. எம்மேனிகளை உருக்குலைய வைக்கும் குண்டு மழை பொழியாமல் இருந்தாலே எங்களுக்கு சந்தோஷம் தான்.
சுறாக்களை வேட்டையாடுகிறோம் என்று சொல்லி, ஒன்றுமறியா பச்சிளம் குட்டி மீன்களையும் உம் படைகள் வேட்டையாடி விடுகின்றனர். விடியலை தேடி காலமெல்லாம் காத்திருந்த கருப்பின மக்களுக்கு விடி வெள்ளி போன்று வந்தாயே!
நாம் காலை விடியலில் குருவிகளின் இனிமையான கூக்குரலைத் தான் கேட்க விரும்புகிறோம். குண்டு மழை பொழியும் போர் விமானங்களின் இரைச்சலையல்ல.
எங்கள் நாட்டில் பாலாறு ஓடாவிட்டாலும் பரவாயில்லை. ரத்த ஆறு ஓடாமல் இருந்தாலே பெரு மகிழ்ச்சி தான் எங்களுக்கு.
உம் ஆட்சி தராசின் தட்டில் உள்ள முள் போல் சரிசமமாக நீதி வழங்கட்டும். ஆதிக்க சக்திகளின் அழுத்தத்தால் உம் நீதித்தட்டு நிலை குலைந்து, தாழ்ந்து விட வேண்டாம்.
உன் நாட்டு நலனில் அதிகம் கவனம் கொள். பிறநாட்டு விவகாரங்களில் அழையா விருந்தாளியாய் ஒரு போதும் போக வேண்டாம். நேர்மை தவறாமல் இரு உன்னை செல்வங்கள் தானே தேடி வரும்.
வேட்டைக்கார இஸ்ரேல் ராணுவத்திடம் குருவி போல் சுட்டுக்கொல்லப்படும் பாலஸ்தீனிய மக்களுக்கு உம் வருகை ஒரு வசந்த கால தென்றலாய், தேனமுதமாய் திகழட்டும். இதுவே எம் எதிர்பார்ப்புடன் கூடிய ஏக்கம்.
கல்நெஞ்சம் கொண்ட கயவர்களின் மத்தியில் மிருதுவான பஞ்சு போன்ற உள்ளம் கொண்ட மனிதனாய் நீ விளங்கிடல் வேண்டும். அமைதிப் புறா என்றும் உன் உள்ளத்தில் குடிகொண்டிருக்க வேண்டும். கழுகுகள் பல பயமுறுத்தினாலும் அதற்காக பயந்து பறந்துவிடாதே.
உன் வருகையால் உலகில் ஆயுதக்கலாச்சாரம் எனும் களைகள் பிடுங்கப்பட்டு அமைதி எனும் பயிர் செழிப்புடன் வளரட்டுமாக.
இவ்வுலகில் தொலைந்து போன மனிதாபிமானத்தை தூர்வாற்றி, செப்பனிட்டு சீர்படுத்த உம் பயணம் இனிதே தொடங்கட்டுமாக. அதற்கு நாமெல்லாம் கருத்து வேறுபாடுகளை களைந்து உம் பயணத்தினூடே வரும் தடைகளை தகர்த்தெறிந்து வெற்றி நடை போட நிபந்தனை ஏதுமின்றி உதவுவோம்.
எண்ணெய் வளத்தை தன் வசப்படுத்த ஆதிக்க சக்திகளின் ஆதரவில் காரணமின்றி செய்து முடித்தப் போர்களும், அதனால் இம்மானுடம் சிந்திய குருதிகளும் போதுமய்யா...போதும்.
இருள் சூழ்ந்த வானில் இடி முழக்கமா? அல்லது வெடிச்சத்தமா? என அமைதியற்ற இவ்வுலகில் சாந்தியைத் தான் எதிர்பார்கிறோம். சமாதானத்தைத் தான் விரும்புகிறோம்.
புதியதோர் உலகு செய்ய வேண்டியதில்லை. இறைவனால் முன்பே வடிவமைக்கப்பட்டு மானுடம் அமைதியுடன் வாழ இலவசமாக வழங்கப்பட்ட இவ்வுலகில் வாழும் காலம் சிறிதே என்றாலும், உன் வரவால் மக்களின் எதிர்பார்ப்புக்கள் பெரிதே.
உலகமே உன் வருகைக்காக காத்துக் கிடக்கும் இவ்வேளையில், ஆணவம் எனும் அழுக்கான உடைகளை களைந்து, அமைதி எனும் புத்தாடை அணிந்து, நீதி எனும் மிடுக்கான நடையில், மனித நேயம் எனும் தெளிவான பார்வையில் வெற்றி நடைபோட நாமெல்லாம் வாழ்த்தி உம்மை வரவேற்கிறோம்.
அதிரை எக்ஸ்பிரஸிற்காக,
வழங்கி மகிழும்.
அபு_ஹசன்.
Share: