Wednesday, October 29, 2008

தமிழ் தா(க்)கம்

இதைப்படித்து விட்டு வாழ்த்தாவிட்டாலும் பரவாயில்லை யாரும் வதுவாப்பேரு செய்யாமல் இருந்தாலே எங்களுக்கு சந்தோஷம் தான்.மற்றும் இதைப்படிப்பதனால் யாருக்கும் ஹோம் சீக்கு (ஊர்/வூட்டு ஞாபகம் ) வந்தால் அதற்கு நாம் பொறுப்பேற்பதற்கில்லை. உங்களிடம் இது போன்ற உள்ளூர் (சொல்) சரக்குகள் இருப்பின் அதை பின்னூட்டமாகவோ அல்லது ஒரு கட்டுரையாகவோ இங்கு இறக்கி வையுங்கள். (படிச்சிட்டு நாங்களும் சிரிப்பொம்ல.....) இந்த பக்கத்தை பெரிதாக்கி படிக்க அதன் மேல் சொடுக்கவும்.







காலை உணவின் அவசியம்

காலை வேளையில் பணக்காரனைப் போலவும், மதியம் ஏழையை போலவும், இரவு பிச்சைக்காரனைப் போலவும் சாப்பிட வேண்டும் என்பார்கள். இன்றய அவசர உலகினில் நமது உணவு பழக்க வழக்கங்கள் முற்றிலும் மாறுபட்டுவிட்டன எனக் கூறினால் அது மிகை இல்லை.


காலையில் வேலைக்குத் தாமதமாக எழுபவன் காலைப் பசியாறலைத் தவறவிடுகிறான். மதியம் மூக்கு பிடிக்க சாப்பிடுகிறான். மதியம் தேனீரைப் பருகி இரண்டொரு பலகாரங்களைத் தினித்துக் கொள்கிறான். இரவில் மட்டுமே உணவை மனதார ருசி பார்க்கும் தருணம் கிடைக்கிறது. இதன் காரணமாக இரவு வேளைகளில் அளவிற்கு அதிகமாகவே சாப்பிட்டுவிட்டு தூங்கிப் போகிறான்.

உணவு உட்கொண்டப் பிறகு உறக்கம் கொள்வது மிகவும் தகாத பழக்கம் என்பார்கள். உணவு செரிமானம் ஆகாது. வயிற்றில் இருந்தபடி பாழ்பட்டுப் போகும். சிலர் காலையில் எழுந்தவுடன் அவர்களின் வாய் துர்நாற்றம் வீசுவதற்கு இது தான் காரணம். செரிமானம் ஆகாத உணவினால் மலச்சிக்கலும் உண்டாகிறது.

சீனர்களிடையே ஒரு பழக்கம் உண்டு. மாலை ஆறு அல்லது ஆறரை மணி வாக்கில் உணவை உட்கொள்வார்கள். பிறகு பிள்ளைகளை விளையாட விடுவார்கள். பெரியவர்கள் நடை போடுவார்கள். இது உணவு செரிமானத்திற்குச் சிறந்த வழி. இரவு பசியெடுத்தால் கனமில்லா உணவு வகைகளை கொஞ்சமாய் சாப்பிடுவார்கள். இது அவர்களின் காலாச்சாரத்தில் உண்டு. இன்றைய நாட்களில் சீனர்களும் இவ்வுணவு முறையைப் பின்பற்றுகிறார்களா என்பதும் கேள்வியே.

மனித வாழ்க்கைக்குக் காலை உணவு அத்தியாவசிமானது. குழந்தைகள் முதல் பெரியவர்கள் வரை காலை உணவை உட்கொண்ட பிறகே அன்றய நாட்களுக்கான வேலைகளில் முழு மூச்சாக ஈடுபட வழி செய்கிறது. நேரம் தவறி எடுத்துக் கொள்ளப்படும் காலை உணவு உடற் சோர்வையும் சோம்பலையும் ஏற்படுத்தும்.

குழந்தைகள் சரியான உணவு முறையை பேன சிறு வயது முதல் கற்பித்துக் கொடுத்தல் நலம். பெற்றோர்களும் முறையான உணவு வழக்கத்தை பின்பற்றுவாராயின், குழந்தைகளுக்கு அப்பழக்கம் இயல்பாக அமைந்துவிடும். நாம் உண்ணும் உணவானது உடல் வளர்ச்சிக்கு மட்டுமல்லாது அறிவாற்றலின் வளர்ச்சிக்கும் வித்தாக அமைய வேண்டியது அவசியம். வாயோடு மணக்க குடலோடு கடுக்கவும் இருப்பின் அது சரியான உணவாகாது.

காலம் தவறாமலும், நினைத்த நேரங்களில் கண்டதை சாப்பிடாமலும், செரிவான உணவு வழக்கைத்தை அமல்படுத்துவோர் மிகவும் சொற்பமே. இதற்கு பெருமளவில் நாம் சொல்லும் பதில் தான் என்ன? கால ஓட்டத்திற்கு ஈடு கொடுக்க முடியாத மனித வாழ்க்கையே ஆகும்.

காலை உணவு மூளைக்கு சாப்பாடு என்பது அறிவியல் அறிஞர்கள் கூற்று. உதாரணமாக ரொட்டி வகைகளில் இருக்கும் ஊட்டச்சத்து மூலையில் துரித செயல்பாட்டுக்கும் உடல் உற்சாகத்திற்கும் பெரிதும் துணை புரிகின்றன.

ஒரு ஆய்வின்படி காலை பாசியாறையை சாப்பிடமல் பள்ளி வரும் மாணவர்களை விட சாப்பிட்டு வரும் மாணவர்களே படிப்பில் சிறந்து விளங்குவதாகக் குறிபிட்டுள்ளார்கள். இவ்வாய்வின் மற்றுமோர் தகவலின்படி காலை உணவு அத்தியாவசியம் இல்லாதது எனும் போக்கு மக்களிடையே அதிகரித்து வருகிறதாம். இது மிக வேதனையளிக்கக் கூடிய விடயமாய் அமைகிறது. ஏன் இப்படி? காலையில் உட்கொள்வதைவிட ஒரே வேலையாக மதியம் சாப்பிட்டுவிட்டால் போதும் என நினைக்கிறார்கள்.

பள்ளிச் செல்லும் மாணவர்களில் பெருவாரியானவர்கள் காலை பசியாறுவது இல்லை. 10 மணி வாக்கில் பள்ளியில் கொடுக்கப்படும் ஓய்வு நேரத்தில் உணவு எடுத்துக் கொள்கிறார்கள். அப்படித் தேர்வு செய்யும் உணவு வகைகளில் ருசி மிகுந்தவற்றை தேர்வு செய்கிறார்களே தவிர அவை ஆரோக்கியமான உணவு வகைகள் தானா என்பதில் கவனம் செலுத்துவதில்லை.

இதனால் மாணவர்களின் அறிவாற்றல் பாதிப்பிற்குள்ளாகிறது. பால் மற்றும் பழச்சாறு வகைகளில் காலை உணவாக உட்கொள்ளுதல் நலம். ஆனால் சிலருக்கு பால் குடித்தால் வாந்தி வரும் என்பார்கள். காலை உணவு ஒவ்வாது எனவும் சொல்வார்கள். தொட்டில் பழக்கம் இடுகாடு மட்டும் என்பதை போல் கடைசி காலம் வரை இப்படிபட்ட பழக்கங்களோடு இருப்பவர்களும் உண்டு.

அதை விடக் கொடுமையாக எந்நேரமும் சோறு மட்டுமே உணவாக கொள்ளும் ஆட்களும் உண்டு. சோறு சாப்பிட்டால் மட்டுமே இவர்களுக்கு வயிறு நிறையும்.

Food Facts Asia நடத்திய ஆய்வின்படி, காலம் தவறி காலை உணவை எடுப்பவர்களின் உடல் எடை அதிகரிப்பதாகவும். நேரப்படிக் காலை உணவைக் கொள்பவர்களின் எடை சீரான முறையில் இருப்பதாகவும் கருத்துத் தெரிவித்து இருக்கிறார்கள்.

இதனையடுத்து காலை உணவை தவிர்த்து நேரடியாக மதிய உணவை உட்கொள்ளும் பிறிவினர் உடல் எடையால் மிகவும் பாதிப்பிற்குள்ளாகிறார்கள். காலை உணவை தவிர்த்தவர்கள் மதிய உணவு வேலைக்குக் காத்திருப்பார்கள். பசியும் அதிகபடியாக இருக்கும். இதனால் அளவிற்கு அதிகமாக சாப்பிடும் எண்ணம் எழும். அதிகமாக சாப்பிடுவதால் உடல் எடையும் கண்மண் தெரியாமல் எகிறிவிடுகிறது. அதை மீண்டும் கட்டுப்பாட்டிற்குள் கொண்டு வரவும் அவஸ்தைக்குள்ளாகிறது.

உணவு மனிதனின் அத்தியாவசியப் பொருட்களில் ஒன்று. மனித வாழ்க்கையின் அச்சாணியாக விளங்குகிறது. சரியான உணவு முறையைத் தேர்ந்தெடுத்து சிறப்பான முறையில் வாழ்வது நம் கையில்.

சரபுதீன்

ஜித்தாவிலிருந்து

Tuesday, October 28, 2008

செய் உடனே செய்!

(நமதூர் மொழியில் ஹொதரத்தா ஒரு கவிதை)
சடப்பு வந்தாலும்-
சல்லக்கடுப்பு என்றாளும்
செய்ய வேண்டிய காரியத்தை-குடினிய குடிச்சிட்டு,
சட்டுபுட்டுனு செஞ்சிடனும் மாப்பளே!
இல்லாங்காட்டி பொறவு செரவடியாத்தான் போவும்.
இத புரிந்துகொள்ளனும் மாப்பளே !
இத எடுத்துக்குரதும்,எடுத்துகாததும் உன் இஸ்டம்-
பொறவு உனக்குத்தான் கஸ்டம்.
---(மவராசி பெத்த புள்ள முஹம்மது தஸ்தகீர்).

Monday, October 27, 2008

உஷார்.. உஷார்.. உஷார்..

கடந்த மாதத்தில் இணையத்தில் தமிழ் சகோதரர்களுக்கு மத்தியில் உலா வந்த மின்னஞ்சல் செய்தி சற்று அதிர்ச்சியளிக்கு முகமாகவே இருந்தது. அந்த மின்னஞ்சலில் குறிப்பிட்டிருந்த செய்தி:

அதாவது ஷேக் சாஹிப் என்னும் சகோதரர் பிரான்ஸ் நாட்டிலுள்ள பிகால் (Pegal) என்ற நகரத்தில் உணவுப் பொருட்கள் தரக்கட்டுப்பாட்டு மையத்தில் பணியாற்றிக் கொண்டிருக்கிறார். அவர் பணியாற்றும் துறை தரத்தை நிர்ணயம் செய்யும் துறை (Quality Control) என்பதால் உணவு மற்றும் மருந்துப் பொருட்களை ஆய்வு செய்து அதன் தரத்தை பதிவு செய்வதே அவருக்குக் கொடுக்கப்பட்ட வேலை.

எந்த ஒரு நிறுவனமாக இருந்தாலும் அவர்களின் தயாரிப்பை விற்பனைச் சந்தையில் அறிமுகப்படுத்தும் போது உணவுப் பொருளாக இருந்தாலும், மருந்துப் பொருளாக இருந்தாலும் அதை சோதனைக்குட்படுத்திய பின்பே அறிமுகப்படுத்தும். அவ்வாறு மேற்கொள்ளப்படும் சோதனையில் விற்பனைக்கு வரவிருக்கும் உணவு மற்றும் மருந்துகளின் கலவையை (ingredients) சோதனை செய்து அதை பிரான்ஸ் நாட்டின் உணவு தரக்கட்டுப்பாடு மையம் அங்கீகாரம் அளித்தபின் மட்டுமே விற்பனைக்காக வெளிவரும். உணவுத் தரக்கட்டுப்பாடு மையத்தில் உணவுப்பொருட்களை பிரித்து அதன் கலவையை (ingredients) ஆய்வு செய்வார்கள். இந்த கலவைகள் சிலவற்றிற்கு அறிவியல் பெயர்களும் இருக்கும், சிலவற்றிற்கு குறியீட்டுப் பெயர்களும் இருக்கும். எடுத்துக்காட்டாக E-904, E-141 என்று.

இவ்வாறு சோதனை செய்து கொண்டிருந்த ஷேக் சாஹிப் சில கலவைகளைக் (ingredients) குறித்து அந்த நிறுவனத்திடம் விளக்கம் கேட்டபோது 'உங்களுக்கு கொடுக்கப்பட்ட வேலையை மட்டும் செய்யுங்கள், எந்தவித கேள்விகளும் கேட்கவேண்டாம்' என்ற பதில்தான் வந்தது. இவர்களின் இந்த பதில் ஷேக் சாஹிப்பின் சிந்தையில் மேலும் சந்தேகங்களை எழுப்பியது. அதற்கடுத்து அவர்களின் கோப்புகளை ஆய்ந்து பார்க்கும் போது உலக முஸ்லிம்கள் அனைவருக்கும் அதிர்ச்சியூட்டும் தகவல்களை கிடைக்கப்பெற்றுத் திகைத்தார்.

சற்றேறக்குறைய எல்லா மேற்கத்திய நாடுகள் மற்றும் ஐரோப்பாவிலும் முதலாம் வகை மாமிசமாக உணவுக்குத் தேர்ந்தெடுப்பது பன்றியே ஆகும். எனவேதான் பலவகை பன்றிகளை உற்பத்தி செய்யும் பன்றிப் பண்ணைகள் அதிகமாக அந்நாடுகளில் உள்ளன. பிரான்ஸில் மட்டும் இதுபோன்ற பன்றிப் பண்ணைகள் 42,000 ஆயிரத்துக்கும் மேல் உள்ளன. ஏனைய விலங்கினங்களைக் காட்டிலும் பன்றியின் மாமிசத்தில் அதிகமான கொழுப்பு உள்ளது. ஐரோப்பியர்களும், அமெரிக்கர்களும் அதிகப்படியான கொழுப்பைத் தவிர்க்கவே முயற்சி செய்கின்றனர்.

இந்நிலையில் பன்றிகளிலிருந்து நீக்கப்பட்ட கொழுப்பு எங்கே செல்கிறது என்பதுதான் கேள்வி?

உணவுத் தரக்கட்டுப்பாடு மையத்தின் மேற்பார்வையில்தான் எல்லாப் பன்றிகளும் அறுக்கும் கொட்டில்களில் அறுக்கப்படுகின்றன. அறுத்த பன்றிகளிலிருந்து நீக்கிய பெரும்பான்மையான கொழுப்பை எவ்வாறு அப்புறப்படுத்துவது என்பதுதான் இவர்களுக்குத் தலைவலி. ஆரம்ப காலத்தில் முறையாக இதை எரித்துவிடுவார்கள்.

இவர்கள் பன்றிக் கொழுப்பை எரிப்பதால் எவ்வித பயன்பாடும் இல்லை. எனவே இதை எவ்வாறு பயன்படுத்தலாம் என எண்ணத்தொடங்கினர். பன்றிகளிலிருந்து நீக்கப்பட்ட கொழுப்புகளைக் கொண்டு முதல்கட்டச் சோதனையாக சோப்புகளைத் தயார் செய்து பார்த்தனர். இவர்களின் இந்த முயற்சி பலன் கொடுத்தது. அதற்கடுத்த கட்டமாக முழுவீச்சில் இந்த பன்றிக் கொழுப்பை பல வேதியியல் நொதிப்பொருட்களைக் கொண்டு அமிலங்களாக மாற்றி விற்பனைக்கு இறக்கி விட்டனர்.

பல்வேறு காரணங்களுக்காக உற்பத்தி நிறுவனங்கள் பெரும்பாலும் இதை வாங்கத் துவங்கினர். அவ்வேளையில் ஐரோப்பாவில் உணவுப் பொருட்களுக்கான சட்டம் கொண்டுவரப்பட்டது. எல்லா உற்பத்தி நிறுவனங்களும் அவை உற்பத்தி செய்யும் உணவுப் பொருட்கள், காஸ்மெடிக் பொருட்கள் (சோப்பு, ஷாம்பூ, முகக் கிரிம், ஹேர் கிரிம்..) மற்றும் மருந்துப் பொருட்களின் அட்டையில் அவற்றில் கலந்துள்ள கலவைகளை (ingredients) கண்டிப்பாக குறிப்பிடவேண்டும் என்று. இதனால் பன்றிக் கொழுப்பு கலந்துள்ள பொருட்களில் இதை பன்றிக் கொழுப்பு (Pig Fat) என்றே குறிப்பிட்டு வெளியிட்டுக்கொண்டிருந்தனர்.

இந்நிலையில் இஸ்லாமிய நாடுகளில் இதுபோன்ற பன்றிக் கொழுப்பு சேர்க்கப்பட்ட பொருட்களுக்கு தடைவிதிக்கப்பட்டது. இத்தடையின் விளைவாக பன்றிக் கொழுப்பைச் சேர்த்துள்ள பொருட்களின் விற்பனையில் பின்னடைவு ஏற்பட்டது.

பன்றிக் கொழுப்பு என்று எழுதியிருந்தாலும் ஐரோப்பியர்களால் அப்பொருட்கள் விரும்பி வாங்கப்பட்டே வந்தன. இஸ்லாமிய நாடுகளிலும், முஸ்லிம்களாலும் இவ்வாறான உற்பத்திப் பொருட்கள் புறக்கணிக்கப்படுவதால் பன்றிக் கொழுப்பு (Pig Fat) என்று எழுதுவதற்கு பதிலாக விலங்குகள் கொழுப்பு (Animals Fat) என்று எழுதினர். அப்போது மீண்டும் ஐரோப்பிய நாடுகள் இஸ்லாமிய நாடுகளில் விலங்குகளின் கொழுப்பு அடங்கிய பொருட்களை விற்பனை செய்ய அங்கீகாரம் கேட்டனர். விலங்குகளின் கொழுப்பு என்று ஐரோப்பிய நிறுவனங்கள் கூறிய போது எந்த வகையான விலங்குகள் என்பதற்கு ஆடுகள் மற்றும் மாடுகளின் கொழுப்பு என்று கூறினர். மீண்டும் ஒரு கேள்வி அப்போது எழுந்தது. ஆடு மற்றும் மாடுகளின் கொழுப்பு எனினும் அது முஸ்லிம்களுக்கு ஹராம்தான். ஏனெனில் ஐரோப்பிய நாடுகளில் ஆடுகள் மற்றும் மாடுகள் இஸ்லாமிய முறைப்படி அறுக்கப்படாததால். இக்காரணத்தின் அடிப்படையில் இஸ்லாமிய நாடுகளின் தடையும், முஸ்லிம்களின் புறக்கணிப்பும் இப்பொருட்கள் மீது தொடர்ந்தது. கி.பி.1970-லிருந்து ஐரோப்பிய நாடுகளில் வசித்து வருபவர்களுக்கு இந்த உண்மை தெரியாமலிருக்காது.

இஸ்லாமிய நாடுகளின் தடையால் ஐரோப்பிய பெரும் பெரும் தயாரிப்பு நிறுவனங்களின் விற்பனையின் மூலம் கிடைக்கும் 75% வருவாயை இழந்தனர். இந்த 75% என்பது பல பில்லியன்ஸ் டாலர்களுக்கும் அதிகமாகும்.

இதன் முடிவாக அவர்கள் விலங்குகளின் கொழுப்பு என்பதை எழுதுவதும் தவிர்த்து குறியீட்டு மொழியைப் (Coding Language) பயன்படுத்தத் துவங்கினர். குறியீட்டு முறையானது உணவு தரக்கட்டுப்பாடுத் துறையின் நிர்வாகத்தினருக்கு மட்டுமே தெரியும். அப்பொருட்களைப்பயன்படுத்தும் பொதுமக்களுக்கு குறியீட்டு கலவைகள் (E-INGREDIENTS) பற்றி சற்றும் அறிய வாய்ப்பில்லை.

E-INGREDIENTS
என்ற கலவைகளை பெரும்பாலான உற்பத்தி நிறுவனங்கள் பயன்படுத்துகின்றன. பற்பசை, ஷேவிங் கிரீம், சிவிங்கம், சாக்லேட், இனிப்புப் பண்டங்கள், பிஸ்கட்ஸ், கார்ன் பிளாக்ஸ் (Corn Flakes), டோஃபி (Toffees), டின் மற்றும் குப்பிகளில் நிரப்பப்பட்ட உணவுப்பொருட்கள் மற்றும் குளிர்பானங்கள் என்று எல்லா பொருட்களிலும் இந்த வகையான கலவைகளை கலக்கின்றனர். விட்டமின் மாத்திரைகள் மற்றும் பல மருந்துப் பொருட்களிலும் பன்றிக்கொழுப்பின் கலவைகளைக் கலந்து முஸ்லிம் நாடுகளில் விற்பனைக்காகப் பரவச்செய்துள்ளனர்.


பன்றிக் கொழுப்பை உட்கொள்வதாலும், பயன்படுத்துவதாலும் உடலில் ஏற்படும் மாற்றங்கள் - வெட்கம் அகன்றுவிடுதல், தீய எண்ணங்களை உருவாகிவிடுதல், வன்முறை எண்ணங்களை வளர்த்துவிடல் போன்ற தன்மைகள் தங்களையறியாமலே மாற்றம் அடையச் செய்யக்கூடிய தன்மை பன்றிக் கொழுப்பு கொண்டுள்ளது என்பது மற்றுமொறு செய்தி. முஸ்லிம்களை இதுபோன்ற தீய தன்மைக்கு ஆளாக்க முயற்சிசெய்யும் அவர்களின் யுக்திகளில் இதுவும் ஒன்று.

இக்கட்டுரையின் நோக்கம் என்னவென்றால் ஒவ்வொரு முஸ்லிமும் தாங்கள் அன்றாடம் பயன்படுத்கூடிய பொருட்களில் கீழ்கண்ட கலவைக் குறியீடுகள (E-INGREDIENTS) இருக்கின்றனவா என ஒப்பிட்டுப்பார்த்து அதை முற்றிலும் நிராகரிக்க வேண்டும். ஏனெனில் இவையனைத்தும் பன்றியின் கொழுப்பிலிருந்து செய்யப்பட்டவையாகும்..

E100, E110, E120, E140, E141, E153, E210, E213, E214, E216, E234, E252,E270, E280, E325,
E326, E327, E334, E335, E336, E337, E422, E430, E431, E432, E433, E434, E435, E436, E440,
E470, E471, E472, E473, E474, E475, E476, E477, E478, E481, E482, E483, E491, E492, E493,
E494, E495, E542, E570, E572, E631, E635, E904.


தானாகவே செத்ததும், இரத்தமும், பன்றியின் மாமிசமும், அல்லாஹ் அல்லாத பெயர் சொல்லப்பட்டதும் ஆகியவைகளைத்தான் உங்கள் மீது ஹராமாக (தடுக்கப்பட்டவையாக) ஆக்கிருக்கிறான். ஆனால் எவரேனும் பாவம் செய்யாத நிலையில் - வரம்பு மீறாமல் (இவற்றை உண்ண) நிர்பந்திக்கப்பட்டால் அவர் மீது குற்றமில்லை. நிச்சயமாக அல்லாஹ் கருணைமிக்கோனும், மன்னிப்பவனுமாக இருக்கின்றான். (அல்குர்ஆன்-2:173)

உங்களில் ஒருவர் தமக்கு விரும்புவதையே தம் சகோதரருக்கும் விரும்பாதவரை, (பரிபூரண) முஃமினாக ஆகமாட்டார் என நபி(ஸல்) கூறினார்கள்.
(
புகாரி, முஸ்லிம்: அனஸ்(ரலி))

இதுபோன்ற பன்றிக் கொழுப்பைக் கொண்டுள்ள பொருட்களை நாம் நிராகரிப்போம், மற்றவர்களுக்கும் இச்செய்தியை எடுத்துரைப்போம்!

சற்று காலத்தின் பின்சென்று சில நிகழ்வுகளை இதோடு தொடர்புபடுத்திப் பார்ப்போம். கி.பி 1857-ல் தெற்காசிய நாடுகளில் ஆங்கிலேயர்களின் ஆதிக்கம் கோலோச்சிய காலம், கிழக்கிந்தியக் கம்பெனியில் பல்வேறு இந்தியர்கள் சிப்பாய்களாக பணியாற்றிக்கொண்டிருந்தனர். அப்பொழுது பாதுகாப்புக்குத் தேவையான குண்டுகளும், துப்பாக்கித் தோட்டாக்களும், வெடிபொருட்களும் ஐரோப்பாவில் தயாரித்து ஆசிய நாடுகளுக்கு கடல்வழி மூலம் கொண்டுவந்தனர். ஐரோப்பாவிலிருந்து ஆசிய நாடுகளுக்கு கடல் மூலம் பயணிக்க அப்போது ஒரு மாதத்திற்கும் மேலாகியது. கடற் பயணத்தின்போது வெடிமருந்துப் பொருட்களும், தோட்டாக்களும் ஒன்றோடு ஒன்று உராய்வதாலும் வேறுபட்ட வெட்பநிலையாலும் வெடித்துவிடுவதும் உண்டு, வீணடைந்துவிடுவதும் உண்டு. இத்தகைய நிலையைத் தவிர்க்க தோட்டாக்கள்மீதும், வெடிகுண்டுகள் மீதும் கொழுப்பு பூச்சை மேற்கொண்டனர். அதற்கு பயன்படுத்திய கொழுப்பு பன்றிகளின் கொழுப்பும் மற்றும் மாடுகளின் கொழுப்புமாகும்.

இக்கொழுப்புகள் பூசப்பட்ட குண்டுகள் அனைத்தும் அதன் மூடியைத் திறப்பதற்கு பற்களைப் பயன்படுத்துவது போன்ற அமைப்பைக் கொண்டிருந்தன. பன்றிக் கொழுப்பு மற்றும் மாடுகளின் கொழுப்பு பற்றிய செய்தி சிப்பாய்களிடையே பரவ ஆரம்பித்த்தது. ஆங்கிலேய கிழக்கிந்தியக் கம்பெனியில் இருந்த பெரும்பாலான முஸ்லிம் இராணுவ வீரர்கள் பன்றி இஸ்லாத்தில் தடுக்கப்பட்ட பிராணி என்பதாலும், இந்துமதத்தில் பசுவை தெய்வமாக வணங்குவதாலும் அதைப் பயன்படுத்தத் தயங்கினர். மேலும் இத்தகைய செயலை எதிர்த்து இந்திய சிப்பாய்கள் டில்லிக்கு அருகேயுள்ள மீரத் என்ற இடத்தில் 1857, மே 10ம் தேதி பஹதுர் ஷா தலைமையில் போராடினர். இப்போராட்டத்தில் 100 க்கும் மேலான ஐரோப்பியர்கள் கொல்லப்பட்டார்கள். இந்நிகழ்ச்சி 'சிப்பாய்க் கலகம்' என்று வரலாற்றில் பதியப்பட்டுள்ளதை வரலாறு படித்தவர்கள் அறிவார்கள்.

சென்ற ஆண்டு நடந்த சில நிகழ்ச்சிகளையும் இதோடு சற்று தொடர்புபடுத்திப் பார்ப்போம். பாலஸ்தீனத்தில் முஸ்ஸிம்களைக் கொன்று குவித்தும் அராஜகம் புரிந்தும் வரும் யூதர்கள் தங்களைப் பாலஸ்தீனப் போராளிகளிடமிருந்து காத்துக்கொள்ள இத்தகைய செயலையே கையாண்டனர். அதாவது முஸ்லிம்கள் பன்றியைத் தொடவும் மாட்டார்கள், அது அவர்களுக்கு விலக்கப்பட்டதாகும் என்பதன் அடிப்படையில் யூத மத போதகரான எலிசர் பிசர் (Eliezer Fisher) பன்றிக் கொழுப்புகளை அடங்கிய பைகள் பேருந்துகளிலும், வியாபார வர்த்தகக் கட்டிடங்களிலும், அவர்கள் தங்கியிருக்கும் குடியிருப்புகளிலும் அதிகமாக கட்டித் தொங்கவிட ஆலோசனையளித்தார்.

தற்கொலைப் படைகள் தாக்குதல் நடத்தினால் அவர்கள் மேல் இந்த பன்றிக்கொழுப்பு படிந்து அசுத்தமான முறையில் இறந்துகிடப்பர். அதை அவர்கள் விரும்பவும் மாட்டார்கள். எனவே தற்கொலைப் படைகளிடமிருந்து தங்களைக் காத்துக்கொள்ள இந்த அணுகுமுறையை இஸ்ரேலிய பாதுபாப்பு அமைச்சராகிய யாக்கூ எட்ரி (Yaacov Edri)யும் பரிந்துரை செய்தார். இச்செய்தியை பெரும்பாலான ஊடகங்களிலும் வெளிவந்திருந்தது.

ஆரம்ப காலம் தொட்டே இஸ்லாத்தின் எதிரிகளான இதுபோன்றவர்கள் தங்களின் காழ்ப்புணர்ச்சிகளால் இவ்வாறான செயல்கள் புரிந்து வருவது புதிதல்ல. முஸ்லிம்களாகிய நாம் விழிப்புடன் இருப்போம் மேலும் அவர்களின் தயாரிப்புகளைப் புறக்கணிப்போம்.

'
நீங்கள் யூதர்களாக அல்லது கிறிஸ்தவர்களாக மாறிவிடுங்கள். நீங்கள் நேர்வழியை அடைவீர்கள்' என்று அவர்கள் கூறுகிறார்கள். 'அப்படியல்ல! (நேரான வழியைச் சார்ந்த) இப்ராஹீமின் மார்க்கத்தையே பின்பற்றுவோம், (இணை வைக்கும்) முஷ்ரிக்குகளில் நின்றும் அவரில்லை' என்று (நபியே!) நீர் கூறுவீராக! (அல்-குர்ஆன் - 2:135)

நம் அனைவரையும் நேர்வழியில் செலுத்த அல்லாஹ் போதுமானவன்.

Sunday, October 26, 2008

தாய்ப்பாசம்

.





பத்துமாதம் சுமந்து பெற்றெடுத்தக் குழந்தை பெண்ணாகிப்போனதால் குப்பைத் தொட்டியில் அல்லது குளத்தில் வீசிச்செல்லும் ஆறறிவு "மனித மிருங்களுக்கு" மத்தியில் மடிதவறிவிழுந்த தன்குட்டியை வெறிநாயிடம் இருந்து போராடி பாதுகாக்கும் ஐயறிவு ஜீவன்களும் வாழ்கின்றன.

மனிதாபிமானம்...இல்லை!..இல்லை!!...மிருகாபிமானம்!!!



சாத்தானின் வேதம் ஓர் எச்சரிக்கை

ஐக்கிய அமீரகத்திலுள்ள ஷார்ஜா ஒளிபரப்புச் சேவை (Sharjah broadcasting Channeல்) வெளிநாட்டு இலக்கியங்கள் (Foreign Writings) என்ற பெயரில் ஒளிபரப்பும் நிகழ்ச்சியை நடத்துபவரான ராயத் அமான் என்பவர் இதை வெளிப்படுத்தியுள்ளார்.டாக்டர். R. சிங் எழுதியுள்ள அனைத்து இந்துக்களும் விழிப்படையுங்கள் (All Hindus Wake up), "இந்துத் தலைவர்களின் உடன்படிக்கைக் குறிப்பேடு" என்று பெயரிடப்பட்டுள்ள இப்புத்தகத்தில் மற்றவர்களை அதிர்ச்சிக்குள்ளாக்கும் படியான அந்த 13 கட்டளைகள் என்ன? கீழே படியுங்கள்:1. இஸ்லாமியர்களைக் குறிவைத்து எதிர்மறையான செயல்களை இஸ்ரேல் தொடர்ந்து செய்து வருவதால் அந்நாட்டை இந்துக்கள் மிகவும் நேசமுடைய ஒரு நாடாக கருதவேண்டும்.2. இயன்றவரையிலான தீய ஒழுக்கங்களையும், நெறிகளையும் இஸ்லாமிய சமூகத்தினரிடையே பரப்பிட வகை செய்ய வேண்டும்.3. ஹிந்து கோயில்கள் இயன்றவரை அனைத்து இடங்களிலும் நிறுவப்படவேண்டும். ராமரின் உருவச் சிலைகள் பணியிடங்களில் வைக்கப்படல் அவசியம்.4. இஸ்லாத்திற்கு எதிரான கூட்டங்கள் தொடர்ச்சியாக நடத்தப்படவேண்டும்.5. இஸ்லாமிய நாடுகளுக்கும், முஸ்லிம் சமூகங்களுக்கு இடையேயும் போதைமருந்துகள் விநியோகமும், விபச்சாரமும் பெருமளவு நடைபெற வழிவகை செய்திட வேண்டும்.6. முஸ்லிம் சமூகத்தினுள் ஊடுறுவிச் சென்று முஸ்லிம் பெண்களுடன் உறவு கொண்டு கருத்தரிக்கும் ஒவ்வொரு குழந்தையும் ஹிந்துவாக பிறக்க வைப்பது மிகவும் வலியுறுத்தப்படுகிறது.7. ஹிந்துவான நீங்கள் ஒரு மருத்துவராக இருக்கும் பட்சத்தில் முஸ்லிம்களுக்கு கருத்தரிப்பதில் சிக்கல் உண்டாக்கிவிட வேண்டும். இயன்றால் பிறவி ஊனமாக்கவும் முயற்சி செய்திடல் வேண்டும்.8 நீங்கள் ஒரு ஹிந்து நர்ஸ் அல்லது டாக்டராக இருக்கும் பட்சத்தில் பிறந்த முஸ்லிம் குழந்தையின் காதில் ஓம் மந்திரம் ஓதி விட வேண்டும்.9. நீங்கள் ஒரு இஸ்லாமியரின் கடையில் வேலை செய்தால் இயன்ற வரையில் அங்குள்ள பொருள்களை வீணாக்குவது அவசியம்.10. முஸ்லிம்களுடன் ஒன்று சேர்ந்து நட்புடன் பழகுவதுபோல் நடித்து, முழு நம்பிக்கைக்கு உள்ளானபின்பு அவர்களின் முதுகில் குத்த வேண்டும்.11. முடிந்தவரை அனைவரையும் முஸ்லிம்களுக்கு எதிராக திருப்பி விட முயற்சி செய்திட வேண்டும்.12. முஸ்லிகளின் வீட்டில் நீங்கள் பணிபுரிபவராக இருப்பின் அவர்கள் மனைவி மற்றும் குழந்தைகளை உங்களின் பால் ஈர்த்து உங்களை அவர்களின் மிகுந்த நம்பிக்கைக்கு பாத்திரமானவர்களாகவும், அன்பிற்குரியவர்களாகவும் வைத்திருப்பது மிக அவசியம்.13. கறுப்பு நிறக் கயிறை உங்கள் மணிக்கட்டில் கட்டிக் கொள்ளுங்கள்.இவை அனைத்தும் நீண்டகால திட்டங்கள் வகுத்து தற்போது அமோக விளைச்சலைக் கொய்து வரும் ஆர்.எஸ்.எஸ் தனது தொண்டர்களுக்கு அளித்து வரும் பயிற்சியின் ஒருபகுதி என்பது அனைவரும் அறிந்த உண்மை தான்.ஆனால் அதனை தற்போது புத்தகவடிவில் அச்சடித்து வெளிப்படையாக வினியோகிக்கும் அளவுக்கு அவர்களுக்கு துணிச்சல் வந்திருப்பதற்கு இஸ்லாமிய சமூகத்தின் ஒற்றுமையின்மையும், பிரச்சினையின் வீரியத்தை சமூகம் சரியாக இன்னும் புரிந்து கொள்ளாமையுமே முக்கிய காரணங்களாகும்.உலகளாவிய அளவில் முஸ்லிம்களை குறிவைத்து உலக வன்சக்திகள் தாக்குதல் தொடுத்துக் கொண்டிருக்கும் இவ்வேளையில், இஸ்லாமிய நாடுகளில் பணிபுரிந்து தங்களது வருமானத்தை ஈட்டும் பெரும் அளவிலான இந்துக்களிடையில் கூட ஆச்சரியமும் அதிர்ச்சியும் அளிக்கக் கூடிய இவ்விஷக்கருத்துக்கள் பரப்பப்பட்டு அவர்களுக்கு தொடர்பயிற்சிகள் கொடுக்கப்படுவதை பார்க்கும்பொழுது, முஸ்லிம் சமுதாயம் இதுவரை கண்டிராத மிகப்பெரிய ஆபத்தை எதிர்நோக்கியுள்ளதோ என்ற அச்சம் மேலிடுவதை தவிர்க்க இயலவில்லை.
அனுப்புதல், அபு ஜுலைஹா

வக்கீல் படிப்புக்கு ஓர் வக்காலத்து (மனம்விட்டு # 2)

வக்கீல், வக்காலத் ஆகிய இருசொற்களுமே அரபு/பாரசிகம் மொழியிலிருந்து நம் நாட்டிற்கு மொகலாயர் கொண்டுவந்தாகள். சட்டம் ஒரு இருட்டரை என்று மேல்நாட்டு அறிஞன் சொன்னதை மறுத்து "சட்டம் ஒரு இருட்டரை; வக்கீலின் வாதம் ஒளிவிளக்கு" என்றார் அறிஞர் அண்ணா. நாளடைவில் அறிஞர் அண்ணா "சட்டம் ஒரு இருட்டரை" என்றதாக மக்கள் புரிந்து கொண்டார்கள்!

கல்வியாளர்களும் கல்விக்கூடங்களும் நிறைந்துள்ள நமதூரில் கடந்த 10-20 ஆண்டுகளில் சொல்லிக் கொள்ளும்படியாக யாரும் வழக்குரைஞர்/வக்கீல் பட்டம் பெற்றதாக அறியமுடிவதில்லை. நானறிந்து மாண்புமிகு. A.J.அப்துல் ரஸ்ஸாக் காக்கா, A.S.M.அபுல்ஹசன் காக்கா, சகோதரர் அப்துல் முனாப் (பைத்துல்மால்) தவிர்த்து புதிதாக யாரும் வக்கீல் பட்டம் பெற்றதாகவோ அல்லது சட்டத்துறை பயின்றதாகவோ அறியமுடியவில்லை. (அனேகமாக இவர்கள் தவிர்த்து ஓரிருவர் இருக்கக்கூடும்; இருப்பின் பின்னூட்டத்தில் அறியத்தரவும்)

"வக்கீலுக்குப் படித்தால் பொய்சொல்ல வேண்டும்" என்ற அபிப்ராயம் நம் மக்கள் மட்டுமின்றி பரவலாகவே இருந்தது. B.COM படித்தால் வங்கிகளில் வட்டிக் கணக்கு மட்டுமே எழுதவேண்டிவரும் என்பது எப்படி தவறானதோ அது போன்றே இதுவும் தவறான அபிப்ராயம்.

வக்கீல் தொழிலில் பொய்களைச் சொல்வதைவிட உண்மையாக வாதிட்டு நீதி பெறலாம் என்று நேர்முகமாகச் (POSITIVE) சிந்தித்தால் இது விளங்கும். வக்கீலாக இருப்பதால் ரவுடிகள், போலீஸ் என பலரும் தேடி வருவார்கள். அக்கம்பக்கத்தினர் தவறாகப் பேசுவார்கள். பாதிக்கப்பட்டவரை பகைத்துக் கொள்ள வேண்டிவரும் என்றெல்லாம் நினைக்கிறார்கள். இதுவும் தவறு. இன்று நாம் வாழும் சமூகத்தில் இவர்கள் தவிர்க்கமுடியாதவர்கள். யாராக இருந்தாலும் அறிவுப்பூர்வமான அணுகுமுறையினால் எதிர்கொள்ளலாம்.

சட்டப்படிப்புடன் தொடர்புடைய எதேனும் ஒரு டிப்ளமோ படித்து கம்பெனி செகரட்டரி, சட்ட ஆலோசகர் போன்ற பணிகள் செய்யலாம். உள்நாடு மட்டுமின்றி வெளிநாடுகளிலும் இதற்கு வாய்ப்புண்டு. உதாரணமாக சட்டப்படிப்புடன் சர்வதேச வர்த்தகம் குறித்த பட்டயப்படிப்பை படிக்கலாம்.

மேலும் சொத்து வாங்கல் விற்றல் தொடர்பான ரியல் எஸ்டேட் தொழில் செய்யலாம். உலகலாவிய அளவில் இத்தொழிலுக்கு நிறைய வாய்ப்புகள் இருந்தாலும் உள்ளூரிலேயே இத்தொழிலுக்கு நல்ல வாய்ப்புண்டு. மேலும் குடும்பத்திற்கு ஒருவர் சட்டம் தெரிந்தவராக இருப்பது சாலச்சிறந்தது. வருங்காலத்தில் MLA, MP ஆகவும் சட்டப்படிப்பு அவசியமாகலாம். யார் கண்டார்?

ஆக, வக்கீலுக்குப் படித்தால் பொய் சொல்லியே ஆக வேண்டும் என்ற மூடநம்பிக்கையை ஒழித்து நேர்மையாகவும் சம்பாதிக்க முடியும் என்ற எண்ணத்தை வளரும் தலைமுறையினரிடம் விதைப்போம். இதற்கான சிந்தனையை மாணாக்கர்களிடம் வளர்க்க நமதூர் கல்விக் கூடங்களில் சட்டத்துறை வல்லுனர்களை வரவழைத்துக் கலந்துரையாடல் ஏற்பாடு செய்து மாணாக்கர்களை ஊக்குவிக்கலாம்.

அபூஅஸீலா-துபாய்

****************

ஆட்டோவிற்குப் பதிலாக சிற்றூந்து (MINIBUS) ஆலோசனை குறித்தப் பதிவுக்கு துபாயில் இருப்பதால் பதிவில் பின்னூட்டமிட முடியவில்லை.

அருமையான யோசனை. நமதூரின் எல்லைகள் விரிவடைந்து ஜும்ஆப் பள்ளிகளும் திசைக்கு ஒன்றாக ஆனபோது இதுபோன்ற பேரூந்துச்சேவை இருந்தால் உச்சிவெயிலில் முதியவர்களும், சிறார்களும் ஜும்ஆ சென்றுவர நன்றாக இருக்குமே என்று நினைத்ததுண்டு.

அதிரை எக்ஸ்ப்ரஸ் மற்றும் AWC-யில் கருத்துப்பரிமாற்றங்கள் செயல் படுத்தப்படாமலேயே நின்றுவிடுகின்றன. நல்ல சிந்தனையாளர்களும் செல்வந்தர்களும் ஒருங்கிணைந்தால் இதுபோன்றத் திட்டங்களை ஊர் நலனுக்காகச் சிறப்பாகச் செய்யமுடியும்.

பொருளாதார அளவில் இது சாத்தியமானத் திட்டமே. பைத்துல்மாலின் ஆம்புலன்ஸ் மிகுந்த செலவு வைப்பதாக இருப்பதால் புதிய ஆம்புலன்ஸ் வாங்கத் திட்டமிட்டுள்ளார்கள். எனவே இதை AYDA அல்லது ARDA செய்வதே சிறந்ததாக இருக்கும் என்பது என் தனிப்பட்ட அபிப்ராயம். வெளிநாடுவாழ் அதிரைவாசிகள் இத்திட்டத்தை பங்கு அடிப்படையில் செய்ய முடியுமா? என்று தெரிவித்தால் துபாய்வாழ் அதிரைவாசிகளிடம் இதுகுறித்துக் கலந்து ஆலோசிக்க முடியும்.

அபூஅஸீலா-துபாய்

Thursday, October 23, 2008

இந்துத்துவாவாதிகள் கக்கும் நஞ்சு. கொடிகட்டும் குண்டாயிசம்!

இந்துத்துவாவாதிகள் கக்கும் நஞ்சு இப்பொழுது புரையேறும் ஒரு கட்டத்தை அடைந்துவிட்டது. உத்தரப்பிர தேசத்தில் இப்பொழுது அது ஒரு புதுத் திருப்பத்தோடு முறுக்கேறி மீசையை முறுக்கிக் கொண்டு திமிருகிறது.
வழக்கறிஞர்களை வகுப்புவாதம் என்கிற கோடரியால் பிளந்து கொண்டு இருக்கிறது.

உத்தரப்பிரதேசத்தில் வன்முறையாளர்கள் என்று முத்திரை பொறிக்கப்பட்ட முசுலிம்களுக்கு ஆதரவாக எந்த வழக்குரைஞரும் வாதிடக்கூடாது; மீறி வாதிட முன்வந்தால் அவர்கள் மிருகத்தனமாகத் தாக்கப்படுவார்கள் என்பது எழுதப்படாத சட்டமாகிவிட்டது.

பயங்கரவாதி என்று தவறாகக் குற்றம்சாற்றப்பட்ட ஒரு முசுலிமுக்காக வாதாடி வழக்கில் குற்றமற்றவர் என்று தீர்ப்பு வருவதற்குக் காரணமாக இருந்த வழக்குரைஞர் முகமது ஷோயாப் என்பவர் நீதிமன்ற வளாகத்துக்குள்ளேயே மிருகத்தனமாகத் தாக்கப்பட்டுள்ளார்.

தாக்கப்பட்ட வழக்குரைஞர் காவல் நிலையம் சென்று புகார் கொடுத்தார்; என்ன கொடுமை! அந்தப் புகாரைப் பதிவு செய்ய காவல் நிலையம் மறுத்துவிட்டது.

இந்த நிலையில், லக்னோவில் உள்ள காவல்துறை மூத்த அதிகாரியிடமும், மாவட்ட நீதிபதியிடமும் எழுத்து மூலமாகப் புகார் கொடுத்துள்ளார் என்ற செய்தியைத் தெரிந்து கொண்டதும் அந்தப் பாசிசக் கும்பல் மீண்டும் அந்த வழக்கறிஞரை நையப் புடைத்தது;

ஆடைகளை உருவி நிர்வாணப்படுத்தி நீதிமன்றக் கட்டடத்தைச் சுற்றி ஊர்வலமாக அழைத்துச் சென்றனராம் (வெட்கம்! மகாவெட்கம்!! ஒரு ஜனநாயக நாட்டில்தான் நாம் வாழ்கிறோமோ?)

இவ்வளவுக்கும் மாயாவதி தலைமையிலான ஆட்சியின் காவல்துறை இந்த அருவருப்பான செயல்களுக்கு வெறும் பார்வையாளராகவே இருந்திருக்கின்றது.

மாவட்ட நீதிபதி ஒருவர், நடுநிலை பிறழாத தன்மை யோடு, இந்தச் சட்ட விரோத, நியாய விரோத அராஜகம்பற்றி உயர்நீதிமன்றத்துக்கு எழுத்து மூலமாகவே புகார் கொடுத்துள்ளார் என்பது ஒரு ஆறுதலான தகவலாகும்.
மற்றொரு வழக்கறிஞர் ஏ.எம். பஃரிடி என்பவர் பயங்கர வாதி என்று முத்திரை குத்தப்பட்ட இன்னொரு இசுலாமியருக்காக வாதாடி,

அவர் பக்கம் உள்ள நியாயத்தால் குற்றமற்றவர் என்று நீதிமன்றத்தால் தீர்ப்புப் பெற்றுத் தந்தவர் என்பதற்காக அவரும் அந்த இந்துத்துவா கும்பலால் கடுமையாகத் தாக்கப்பட்டார். இவர் கொடுத்த புகார் மனுவையும் காவல்துறை பதிவு செய்ய மறுத்து விட்டது.

முசுலிம் பர்சனல் லா போர்டு சட்ட ஆலோசகரான சஃரிபாப் ஷிலானியும், வேறு சிலரும் லக்னோ உயர்நீதி மன்றத்துக்கு முறையீடு செய்யச் சென்றபோது, அவர்களும் வழிமறித்துத் தாக்கப்பட்டுள்ளனர்.

வழக்குரைஞர் ஏ.எம். பஃரிடி தங்கியிருந்த அறைக்குத் தீ மூட்டி அவரைக் கொலை செய்ய முயற்சித்தனர்; அவர் எப்படியோ தப்பிப் பிழைத்திருக்கிறார்.

இதற்குமேல் நினைத்தே பார்க்க முடியாத ஒரு செயலில் காவல்துறை இறங்கியது.

லக்னோ வழக்கறிஞர் சங்கத்தின் தலைவராக உள்ள வெறிபிடித்த ஒரு இந்துத்துவாவாதி கொடுத்த புகாரின் அடிப்படையில், அடி உதைப்பட்ட ஷிலானி, பஃரிடி, ஷோயாப் ஆகியோர்மீது குற்றம் சுமத்தப் பட்டு முதல் தகவல் அறிக்கை (எஃப்.அய்.ஆர்.) தயார் செய்யப்பட்டு விட்டது.

இப்படிக் கூட நடக்குமா என்றுதான் எவரும் நினைப்பார்கள்; என்ன செய்வது! அப்படியேதான் நடந்திருக்கிறது.

இந்து வெறிக் கூட்டத்தின் நடத்தை ஒரு பக்கம் எப்படியோ இருந்தாலும், உ.பி.யை ஆளும் மாயாவதி ஆட்சி - அதன் காவல்துறை காக்கி உடையில் துள்ளித் திரியும் கா(லி)வி களாக இருப்பது சகிக்க முடியாத அவமானகரமானதாகும்.

உ.பி.யில் பா.ஜ.க. ஆட்சியில் இல்லை. இந்த நிலையிலேயே இவ்வளவுக் கொடூரம் என்றால், இவர்கள் ஆட்சிப் பொறுப்புக்கு வந்தால், சந்தேகம் ஏதும் வேண்டாம் - பச்சையான பார்ப்பனிய மனுதர்மக் கொடிதான் பயங்கர வேகத்தில் பறக்கும் குண்டாயிசம் தான் அவர்களின் அணுகுமுறையாகவும் இருக்கும். எச்சரிக்கை! எச்சரிக்கை!!

Wednesday, October 22, 2008

எந்தக் குழந்தையும் நல்லக் குழந்தைதான் மண்ணில் பிறக்கையிலே......

பிள்ளைப்பேறு தான் பெரும் பேறு என்பதும், மக்கட்ச் செல்வமே மகத்தான செல்வம் என்பதும் யாராலும் மறுக்கவோ, மறைக்கவோ முடியாத மிகப்பெரிய உண்மை.அதனினும் பெரிது யாதெனின், பெற்ற மக்களை பேணி வளர்ப்பதாகும்.


பேணுதல் என்றால் என்ன?
பெற்ற குழந்தைக்கு உண்ண உணவும், உடுக்க உடையும் கொடுப்பது ஒவ்வொரு பெற்றோரின் மீதும் கடமை தான். அதை விட பெரிய கடமை ஒன்று உள்ளது. அஃதாவது, நல்ல ஒழுக்கத்தையும், பெரியோரைப் பேணும் பண்பையும் போதிப்பது ஒவ்வொரு பெற்றொரின் மீதும் கடமையாகும்.
பொருளாதாரத்தால் மிகுந்த சில பெற்றொர்கள், தன் குழந்தைகளைச் செல்வச் செழுமையில் வளர்க்க வேண்டும் என எண்ணுவது தவறென சொல்வதற்கில்லை. ஆனால், உங்கள் செல்வமே உங்களது குழந்தைச் செல்வத்தை கொன்று விடாமல் பார்த்துக் கொள்வது உங்கள் கடமை தானன்றி வேறில்லை. தன் தந்தை பணக்காரன் என்னும் எண்ணம் ஒரு குழந்தைக்கு வந்துவிட்டால், அந்த எண்ணம் ஒன்றே அக்குழந்தையின் அழிவிற்குக் காரணம் ஆகி விடக்கூடும். நீங்கள் பணக்காரர் என்பதை குழந்தைகளிடம் காட்டுவதை விட, அந்த பணம் சம்பாதிக்க நீங்கள் பட்ட இன்னல்களையும், சிந்திய வியர்வைத் துளிகளையும் உங்கள்
குழந்தைச் செல்வங்களுக்கு எடுத்துக் கூறுங்கள். பணம் மரத்தில் இருந்து பறிக்கப் படுவதில்லை, வியர்வையில் பூத்த விருட்சமே பணம் என்பதை ஒரு குழந்தை விளங்கும் படி செய்துவிட்டால், உங்கள் குழந்தை உங்களது கட்டுப்பாட்டில் இருக்கும்.


குழந்தை வளர்ப்பில் மிக முக்கியமாக கவனிக்கப் படவேண்டியவை:


1) சிறிய பருவத்திலேயே இஸ்லாமிய மார்க்க அடிப்படை அறிவையேனும் (குறைந்தபட்சம்)குழந்தைகளுக்கு ஊட்டுங்கள்.

2)நபிகள் நாயகம் (ஸல்) அவர்களின் வாழக்கை வரலாற்றையும், அவர்கள் வழி வந்த நல்லோர்களின் வரலாற்றையும் சொல்லிக் கொடுங்கள்.

3) குழந்தைகள் பெற்றொர்களுக்கு செய்ய வேண்டிய கடமைகள் பற்றி எடுத்து சொல்லி, அதை அவர்களை கடைப்பிடிக்க செய்யுங்கள். நீங்களும் அவர்களுக்கு செய்ய வேண்டிய கடமைகளை உரிய முறையில் செய்யுங்கள்.

4)வயதிற்கு மூத்தோருக்கு, வயதால் சிறியவர்கள் தர வேண்டிய மரியாதை பற்றியும், செய்ய வேண்டிய கடமைகள் பற்றியும் எடுத்து உரையுங்கள்.

5)குழந்தைகளின் நடவடிக்கைகளை கண்காணியுங்கள். அதில் நீங்கள் வித்தியாசம் உணர்ந்தால், அது பற்றி உங்கள் மகன்/மகளிடம் மனம் விட்டுப் பேசுங்கள். தவறுகள் நீங்கள் கண்டால், அதன் விளைவுகளைச் சொல்லி எச்சரியுங்கள். திட்டாதீர்கள், மாறாக, திருத்தம் உண்டாக்கப் பாருங்கள். நீங்கள் திட்டுவீர்களானால், உங்கள் மீதான பயத்தினால்,உங்களுக்குத் தெரியாமல் அவர்கள் தப்பு செய்ய நேரிடலாம். உங்கள் மீது பயம் ஏற்படுவதை விட, நிகழப் போகும் தவறினால் அவர்களுக்கு ஏற்படும் தீமையை எண்ணி பயப்படுவது சிறந்த்ததாகும்.

6) குழந்தைகளுக்கு செல்லம் கொடுப்பதில் தவறில்லை. அவர்களது கை நிறைய செல்வம் கொடுப்பது, அவர்கள் வழிகெட்டுப் போக வழி வகுக்கும். முடிந்த வரை, அவர்களுக்கு வேண்டிய பொருட்களை நீங்களே நேரடியாக வாங்கிக்கொடுப்பது சிறந்தது. அவ்வாறு வாங்கிக் கொடுத்த பொருட்களை அவர்கள் உபயோகிக்கும் முறையையும் நீங்கள் கண்காணிப்பது நல்லது.
உதாரணத்திற்கு, அவர்களுக்கு நீங்கள் வாங்கிக்கொடுத்த கணினியை அவர்கள் உபயோகித்துக் கொண்டிருக்கும்போது, நீங்கள் அருகில் வந்தால், அவர்களது கணினி திரை மாற்றப்பட்டால், அதில் கூட தவறுகள் நடப்பதற்கான வாய்ப்பு இருப்பதை உங்களால் உணர்ந்து கொள்ள முடியும். எனவே, புலனாய்வு துறை போல் இல்லாமல், ஒரு நண்பனாய் அவர்களைக் கண்காணிப்பது அவசியம்.


எல்லாவற்றுக்கும் மேலாக, இறை அச்சத்தை ஊட்டி உங்கள் குழந்தைகளை வளர்த்தீர்களேயானால், அக்குழந்தைச்செல்வம் உங்களுக்கும் பலன் தந்து, உலகத்திற்கும் பயன் தரும் நன்மக்களாக இன்ஷா அல்லாஹ் அமையும் என்பதில் எள்ளளவும் ஐயமில்லை.!!


---உங்கள் அன்பு எழுத்தாளன்,
அதிரை அருட்புதல்வன்

Tuesday, October 21, 2008

புகைப்பதை நிறுத்துவது எப்படி?

புகைப்பதை நிறுத்துவதற்கு எளிதான வழியென்று Cold Turkey முறை என்று ஒன்று சொல்கிறார்கள். முதலில் புகைப்பதை நிறுத்துவதற்கான ஒரு நாளை தேர்ந்தெடுக்கவும். இரண்டு அல்லது மூன்று வாரங்கள் தள்ளி ஒரு நாளை தேர்ந்தெடுப்பது உத்தமம் என்கிறார்கள். பிறகு அந்த நாளை நோக்கி கொஞ்சம் கொஞ்சமாக புகைக்கும் பழக்கத்தை குறைத்துக் கொண்டே சென்று, குறிப்பிட்ட நாளில் சுத்தமாக நிறுத்தி விட வேண்டும். ஆனால் இது ஆகிற வேலையாக எனக்குப் படவில்லை.

ஒரு கணவனிடம் மனைவி ஒருத்தி முறையிட்டாளாம், "என்னங்க, என் தம்பி சந்நியாசம் வாங்கப் போகிறானாம். கொஞ்சம் கொஞ்சமா உலக ஆசைகளையெல்லாம் ஒன்னு ஒன்னா விட்டுகிட்டிருக்கான்."

அதற்கு கணவன் "கவலைப்படாதே! உன் தம்பி கண்டிப்பா சந்நியாசியா ஆக மாட்டான்" என்று ஆறுதல் சொன்னானாம்.

உடனே மனைவி, "அதெப்படி உறுதியா சொல்றீங்க?"

கணவன், "இப்படி கொஞ்சம் கொஞ்சமா எல்லாம் சந்நியாசி ஆக முடியாது. அதனால உன் தம்பி சந்நியாசி ஆக மாட்டான்" என்று சொன்னான்.

அதற்கு மனைவி "பின்னே கொஞ்சம் கொஞ்சமா ஆகாம, எப்படி சந்நியாசி ஆவாங்க?" என்று கேட்டாளாம்.

உடனே கணவன் "இப்படித்தான்" என்று சொல்லிவிட்டு வீட்டை விட்டு வெளியேறி சந்நியாசியாகி போய் விட்டானாம்.

புகைப்பது, குடிப்பது போன்றவைகளையும் இப்படித்தான் டக்கென்று ஒரு நிமிடத்தில் முடிவெடுத்து ஒரேயடியாக விட்டு விட வேண்டும். ஆனால் இப்படி நிறுத்துவதற்கு, சந்நியாசம் வாங்க எவ்வளவு மனப்பக்குவம் தேவையோ அந்தளவுக்கு மனவலிமை தேவை.

சரி, "டக்"

நிறுத்தியாயிற்று. 10 நிமிஷம் ஆயிற்று. 30 நிமிஷம். ஒரு மணி நேரம் ஆயிற்று. அடுத்த தம் போட வேண்டிய நேரம். "தம் அடிக்க கூடாது என்று முடிவெடுத்து விட்டாலும் அந்த தம் அடிக்க வேண்டும் போல் இருக்கும் உணர்வு வரும்பொழுது என்ன செய்வது?"

அந்த மாதிரி உணர்வு ஏற்படும் நேரத்தில், யாரிடமாவது பேசுங்கள், சிறிது காலாற நடை போடுங்கள்(அப்படியே நடந்து பெட்டிக்கடைக்கு போய் விடாதீர்கள்!), தண்ணீர் குடித்து பாருங்கள். செய்யும் வேலையில்/வேறு ஏதாவது பொழுதுபோக்கில் முழு கவனத்தையும் செலுத்த முயலுங்கள்.

"தினசரி சாப்பிட்டவுடன் ஒரு தம் அடித்து பழகியாயிற்று. இப்பொழுது திடீரென்று எப்படி அதை மாற்றுவது?"

டோட்டலாக தம் அடிப்பதுடன் சம்பந்தப்பட்ட அந்த பழக்க முறையையே மாற்றுங்கள். உதாரணத்திற்கு, சாப்பிட்டவுடன் தம் அடிப்பவராக இருந்தால், வழக்கமாக சாப்பிடும் இடத்தில் சாப்பிடாமல் வேறு இடத்தில் சாப்பிடுங்கள். காபி குடித்தவுடன் தம் அடிக்க வேண்டுமா? காபி குடிக்கும் நேரத்தில் டீ குடித்து பழகுங்கள். காலையில் ஆஃபீஸ் வரும் வழியில் நின்று ஒரு தம் அடிப்பவராக இருந்தால், வழக்கமான வழியை மாற்றி புது வழியில் வர முயலுங்கள். இது போல் தம் அடிக்கும் செயலுடன் சம்பந்தப்பட்ட மற்ற பழக்க முறைகளில் இருக்கும் ஒழுங்கு முறைகளை உடைத்துப் போடுங்கள்.

"நான் இது போல் பல தடவைகள் தம்மை விட முயன்றிருக்கிறேன். ஆனால் அப்பொழுதெல்லாம் முடியவில்லையே. என்ன செய்ய?"

திரும்பவும் முயலுவோம். தவறில்லை. சென்ற தடவைகளில் தம்மை விட முயன்ற பொழுது என்னென்ன தவறுகள் செய்தோம் என்பதை ஞாபகப்படுத்தி, அவற்றை தவிர்க்க முயலுங்கள்.

முக்கியமான தேவை மனவலிமை. முதல் மூன்று நாட்கள் தாண்டுவது மிகக் கடினம். அதற்குபின் கொஞ்சம் பழகிவிடும். தொடர்ந்து மூன்று மாதம் இருந்து விட்டால், அப்புறம் சுத்தமாக நினைவையே விட்டு விடலாம்.

சரபுதீன்

ஜித்தாவிலிருந்து

Monday, October 20, 2008

பிஞ்சுகளைக் குதறும் வெறியர்கள்.. குழந்தைகள் மீதான பாலியல் வன்முறை!

திண்டிவனம் காவேரிப்பாக்கத்தைச் சேர்ந்த கால் ஊனமுற்ற பழனி, சத்யா தம்பதியினரின் மூன்று வயதுகூட நிரம்பாத மகள் லாவண்யா. மாலை நேரத்தில் தெருவில் விளையாடிக் கொண்டிருந்த லாவண்யாவை தாயார் அழைக்க பதிலில்லை. மின் தடையால் எங்கும் இருட்டு. பதட்டத்தில் தேடியபோது அருகாமைப் புதரில் பிறப்புறுப்பில் இரத்தம் வடியக் கிடந்த மகளைக் கண்டு பெற்றோர் அதிர்ச்சி அடைகின்றனர். போலீசு விசாரணையில் எதிர் வீட்டில் உள்ள பாண்டியன் எனும் 25 வயது இளைஞன் மனைவியைப் பிரிந்து வாழ்பவன் அந்தப் பிஞ்சுக் குழந்தையை பாலியல் வன்முறைக்கு ஆளாக்கியது தெரியவந்தது.

தூக்கத்தில் திடீர் திடீரென்று விழித்துக்கொள்ளும் ஆறு வயதான நதியா வழக்கத்துக்கு மாறாக இரவில் சிறுநீர் கழிக்கத் தொடங்கினாள். அவளைக் குளிப்பாட்டும் போதுதான் பிறப்புறுப்பில் நகக்கீறல்கள் இருப்பதைக் கவனித்தாள் அவளது தாய். குழந்தையிடம் பேச்சுக்கொடுக்கும் போதுதான் எதிர் வீட்டிலிருக்கும் இளைஞன் சாக்லெட் கொடுத்து தன்னை ஏதோ செய்ததாகக் குழந்தை சொல்லித் தெரிய வந்தது.

· போலியோவால் பாதிக்கப்பட்ட ஐந்து வயதுச் சிறுமியின் முகம் திடீரென்று வீங்கி உடல்நலம் பாதிக்கப்பட்டது. சிகிச்சை அளித்த டாக்டர் அச்சிறுமியிடம் மெதுவாகப் பேச்சுக்கொடுத்தபோது பக்கத்து வீட்டு இளைஞன் அச்சிறுமியைத் தவறாகப் பயன்படுத்தி வந்த கொடூரம் வெளிச்சத்திற்கு வந்தது.

· தெருவில் விளையாடிக் கொண்டிருந்த எட்டு வயது ரம்யாவை பலவந்தமாகத் தூக்கிச் சென்ற எதிர்வீட்டின் 45 வயதான சீனிவாசன் பலாத்காரம் செய்யும்போது கையும் களவுமாகப் பிடிபட்டான்.

· கேக் தயாரிக்கும் பேக்கரி ஒன்றில் பயிற்சிக்காக வந்த கேட்டரிங் படிக்கும் கல்லூரி மாணவர்கள் ஆறு பேர், அங்கு விளையாட வரும் ஐந்து வயதுச் சிறுமியை தங்களது இச்சைக்குப் பல நாட்களாகப் பயன்படுத்திய விவரம் தெரியவந்தபோது அதிர்ச்சியில் உறைந்தது அச்சிறுமியின் குடும்பம்.

· சென்னை மெட்ரிகுலேசன் பள்ளியில் நான்காம் வகுப்பு படிக்கும் ஒன்பது வயது மாணவியை உடற்கல்வி ஆசிரியர் கழிப்பறையில் வைத்து ஓராண்டாகப் பாலியல் வன்முறை செய்தது விசாரணையில் தெரியவந்தது. அதே ஆசிரியரால் குதறப்பட்ட வேறு இரண்டு மாணவிகளும் புகார் கொடுத்தனர்.

· நாகையில் அரசு உதவிபெறும் பள்ளியில் ஏழாம் வகுப்பு படிக்கும் 14 வயது மாணவியை 45 வயது ஆசிரியர் ஆய்வகத்தில் வைத்து பாலியல் வன்முறை செய்ததில் அம்மாணவி கருத்தரித்தாள்.

· மதுரை அரசு மேல்நிலைப் பள்ளியில் நான்கு மாணவிகளை ஆசிரியர் ஒருவர் பாலியல் வன்முறை செய்தது பொதுமக்களின் போராட்டத்திற்கு பின் தெரியவந்தது. இதற்குத் தண்டனையாக அவ்வாசிரியர் இடமாற்றம் செய்யப்பட்டார்.

· ஈரோடு ஆரம்பப் பள்ளியில் தலைமை ஆசிரியர் ஏழு வயது மாணவியைத் தவறாகப் பயன்படுத்தியது கண்டுபிடிக்கப்பட்டது. கோவை பள்ளியில் இதே போன்று வன்கொடுமைக்கு ஆளான மாணவி ஒருத்தி தற்கொலை செய்து கொண்டாள்.
.............

முதல் சம்பவம் சென்ற மாதத்தில் நடந்தது. பின்னையவை சமீப காலங்களில் நடந்து பத்திரிக்கைகளில் வெளிவந்தவை. சிறார்களைப் பாலியல் வன்கொடுமைக்குள்ளாக்கும் இத்தகைய சம்பவங்கள் எங்கோ மேலை நாடுகளில் மட்டும் நடக்கும் வக்கிரம் என்று எண்ணிக் கொண்டிருப்பவர்களின் மதிப்பீட்டை இவை மறுதலிக்கின்றன. பல்வேறு ஆய்வுகளும் புள்ளி விவரங்களும் இதையே வழிமொழிகின்றன.

செல்பேசிகளும், இருசக்கர வாகனங்களும், தொலைக்காட்சிகளும் மட்டுமே நாம் காணும் மாற்றங்கள் அல்ல. பண்பாடும் கூட மாறித்தான் வருகின்றது. பொருளாதாரத்தில் நாட்டின் முன்னேற்றமும், விவசாயிகளின் தற்கொலையும் ஒருங்கே நிகழ்வது போல பண்பாட்டில், குறிப்பாக பாலுறவில் காதலும் கலவியும் எதிரெதிர்த் துருவங்களாக மாறி வருகின்றன.

பத்திரிக்கைகளின் அரைநிர்வாணப் படங்களும், மழையில் நனைந்து அங்கங்களைக் காண்பிக்கும் "மானாட மயிலாட' நடனமும் இன்று அதிர்ச்சியை ஏற்படுத்துவதில்லை. நேற்று குடும்பத்துடன் பார்க்கத் தகுதியற்றவையாகக் கருதப்பட்ட திரைப்படங்களெல்லாம் இன்று குடும்பத்தின் அங்கீகாரத்தைப் பெற்றுவிட்டன. நேற்று ஆபாசமென ஒதுக்கப்பட்டவை இன்று கலாச்சாரத்தின் அங்கமாக மாறி விட்டன. பத்திரிக்கைகளில் மட்டுமே வந்த கள்ளஉறவுச் செய்திகள், இன்று இல்லத்தரசிகளின் மனதைக் கவரும் "தொடர்'களாகி விட்டன. தனது இன்பத்திற்காக எதையும் செய்யலாம் என்ற வக்கிரம் சமூக வாழ்வின் அனைத்து விழுமியங்களையும் ஆக்கிரமிக்கத் தொடங்கியிருக்கின்றது.

பார்த்து இரசிக்க வேண்டிய குழந்தைகளைப் பிய்த்துக் குதறும் காமவெறி இன்றைக்குத்தான் தோன்றியது என்று கூற முடியாது. இதன் அடிவேர் பார்ப்பனியத்தின் மூடுண்ட சமூகத்தில் இருக்கின்றது. சாதியத்தைத் தனது ஆன்மாவாக வரித்திருக்கும் சமூகம், ஆண் பெண் உறவையும் சீனப் பெருஞ்சுவரால் பிரித்திருக்கின்றது. சக மனிதனுடனேயே சாதிபார்த்து பழகும்போது காமத்திற்கு வைக்கப்பட்டுள்ள கட்டுப்பாடு பற்றிச் சொல்லத் தேவையில்லை. தேவதாசிகளையும், கோபுரங்களில் விதவிதமான கலவிச் சிற்பங்களையும் பார்வைக்கு வைத்திருக்கும் பண்டைய பாரதம், காமசூத்ராவை உலகிற்கு அளித்த பார்ப்பனியம், மேட்டுக்குடியினர் பாலியல் ருசிகளை அனுபவிப்பதற்கு மட்டும் வழி ஏற்படுத்திக் கொடுத்திருக்கின்றது.

இந்திய மக்களுக்கு பார்ப்பனியத்தின் சாபத்தால் காதலே மறுக்கப்பட்டிருப்பதால், பாலியல் பிரச்சினைகள் அதிகரிக்கின்றன. பாலுணர்வு எனும் இயற்கையான உணர்வு திருட்டுத்தனமான விசயமாகப் பார்க்கப்படுகின்றது. நடுத்தர வயதை எட்டிவிட்டால், காமத்தைக் குற்றமாகக் கருதி மறைத்துக் கொள்ளும் போலித்தனமும், காதலில் சுதந்திரமாக இணைவதற்கு சாத்தியங்கள் மறுக்கப்படுவதும் குறுக்கு வழிகளை நோக்கி மனத்தைத் தூண்டுகின்றன.

மணவாழ்க்கையில் குறிப்பிட்ட காலத்திற்குப் பின்னர் கணவன் மனைவிக்கிடையிலான நேசம் பல காரணங்களால் குறையத் தொடங்கும்போது, சலிக்கத் தொடங்கும்போது, அவற்றுக்கான காரணங்களை ஆராய்ந்து யாரும் சீர்செய்து கொள்வதில்லை. பிரிவு என்பது அவ்வளவு சுலபமான ஒன்றாக இல்லை.
இதுதான் வாழ்க்கை என்று விதிக்கப்பட்டிருந்தாலும் மணவாழ்வில் கிடைக்காத இன்பத்தை, குறிப்பாக ஆண்கள் (சில சமயங்களில் பெண்களும்) மணவாழ்விற்கு வெளியே தேடுகின்றார்கள். இவையெதுவும் தற்செயலாக நிகழ்வதில்லை. ஆழ்மனத்தில் கனன்று கொண்டிருக்கும் ஆசை நிறைவேறுவதற்கான தருணத்தை எதிர்பார்த்துக் காத்திருக்கின்றது. சந்தர்ப்பங்கள் அதற்கு உதவுகின்றன. கள்ள உறவின் தோற்றுவாய் இப்படித்தான் இருக்கின்றது.

இத்தகைய சூழ்நிலைக்கு ஆட்படுவோர் திருட்டுத்தனத்தில் மட்டுமே சுதந்திரத்தைக் காண்கிறார்கள். இவர்களுடைய வாழ்வின் மற்ற வேலைகளை முதலில் மெதுவாகவும், பின்னர் வெகுவேகமாகவும் அரிக்கும் கரையானாகக் காமம் மாறிவிடுகின்றது. சிந்தனையின் மையத்தையே கைப்பற்றிவிடும் இந்த வெறி மற்றெல்லாச் சிந்தனைகளையும் தடுமாற வைக்கின்றது. சமூக வாழ்க்கையில் ஊக்கத்துடன் ஈடுபட வேண்டிய மனிதனை நைந்துபோக வைக்கின்றது. காதலைத் துறந்து காமத்தை மட்டும் ஒரு விலங்குணர்ச்சி போல துய்ப்பதற்கு வாய்ப்பளிக்கும் விபச்சாரமும் கூட இத்தகைய நபர்களின் பிரச்சினைகளுக்கு முடிவு கட்டுவதில்லை.

அதனால்தான் கலவியில் புதிது என்ன? என்ற கேள்வி அடுத்து வருகின்றது. அந்தக்கால மன்னர்களும், ஜமீன்தார்களும், இந்தக்கால பணக்காரர்களும், முதலாளிகளும் எல்லையற்ற காமத்தில் திளைத்தாலும் திருப்தி கொள்வதில்லை. பாலுறவுச் சுதந்திரம் கொடிகட்டிப் பறக்கும் மேலை நாடுகளிலிருந்து கோவாவின் கடற்கரைக்கும், இலங்கைக் கடற்கரைக்கும் இளஞ்சிறுவர்களைத் தேடி வெள்ளையர்கள் வருகிறார்கள்.

விபச்சாரமே குலத்தொழில் என்று விதிக்கப்பட்ட சில ஆந்திரக் கிராமங்களில் புதிதாகப் பருவமெய்தும் சிறுமிகளுக்குப் பொட்டுக்கட்டும் சடங்கும் அவர்களை ஏலமெடுக்கும் முறையும் இன்றும் தொடர்ந்து நடந்து வருகின்றன. மேட்டுக்குடி வர்க்கத்தின் காமக்களியாட்டம் ஆண்களுக்கு மட்டுமே உரியது என்ற காலமும் மாறி வருகின்றது.

உலகமயமாக்கத்தால் பெருகியிருக்கும் பணக்கொழுப்பும், இணையத்தால் திறந்துவிடப்பட்டிருக்கும் இன்பவாயில்களும் இன்று பணக்காரப் பெண்களையும் வாடிக்கையாளர்களாக்கி விட்டன. இவர்களுக்குச் சேவை புரியும் ஆண் விபச்சாரிகளும் மாநகரங்களில் பெருத்து வருகின்றார்கள். மொத்தத்தில் உயர் வர்க்கத்தினர் இதற்கேற்ற மனநிலையையும், பணநிலையையும் ஒருங்கே பெற்றிருக்கின்றனர்.

இந்த வசதி இல்லாதவர்களுக்கு விரலுக்கேற்ற விபச்சாரம் இருக்கின்றது. என்றாலும் அதனைத் தேடிப்போவது அத்தனை சுலபமாய் நடப்பதில்லை. இரகசியம் காக்க முடியாத கள்ள உறவுகளோ கொலையில் முடிகின்றன. இத்தகைய சூழ்நிலையில்தான் ஒழுக்கக்கேடுகளை நியாயப்படுத்தும் கருத்துக்கள் பரப்பப்படுகின்றன.

இந்தியா டுடே போன்ற பத்திரிக்கைகள் மூன்று மாதத்துக்கு ஒருமுறை இந்திய ஆண்களும் பெண்களும் கட்டுப்பெட்டித்தனத்தைக் கைவிட்டு பாலியல் சுதந்திரம் பெற்று வருவதைக் கொண்டாடுகின்றன. கள்ள உறவுகளும், திருமணத்துக்கு முந்தைய உறவுகளும் பெருத்து வருவதாக அவர்கள் வெளியிடும் புள்ளி விவரங்கள், "இவையெல்லாம் சகஜம்தான் போலும்' என்ற கருத்தை வாசகர்கள் மனதில் எளிதில் உருவாக்குகின்றன.

செல்போனில் புழங்கும் நீலப்படங்கள், பாலியல் குற்றங்களையே கவர்ச்சிகரமான அட்டைப்படக் கட்டுரைகளாக்கும் பத்திரிக்கைகள், அவற்றையே தமது கதைக்கருவாகக் கொண்டிருக்கும் தொலைக்காட்சித் தொடர்கள் ஆகிய அனைத்தும், எரியும் தீயில் எண்ணெயை ஊற்றுகின்றன. குறிப்பாக நடுத்தர வர்க்கத்தினர், தான் இழந்து விட்ட இன்பம் குறித்து உள்ளுக்குள் புழுங்கத் தொடங்குகின்றனர். புதிய அதிருப்தியாளர்கள் உருவாக்கப் படுகின்றனர்.

தனிநபரின் காமம் புடைப்பதற்கேற்ற கலாச்சாரச் சூழலும் மறுபுறம் அதைத் தடை செய்யும் சமூகக் கட்டுப்பாடுகளும் கோலோச்சும் வாழ்க்கையில், என்னதான் இருந்தாலும் எல்லோரும் எல்லை மீறி விடுவதில்லை. அல்லது மனத்தளவில் எல்லை மீறினாலும் செயலில் மீறாத வண்ணம் தம்மைக் கட்டுப்படுத்திக் கொள்கின்றார்கள். சமூக விழுமியங்களின் அடிப்படையில் தனது சொந்த உணர்வுகளைக் கட்டுப்படுத்திக் கொள்ளப் பலரும் போராடினாலும் இந்தப் போராட்டத்தில் தோல்வியுறுபவர்களும் இருக்கின்றார்கள்.

கீழே கிடக்கும் பணத்தை உரியவரிடம் சேர்ப்பதா, யாரும் பார்க்கவில்லை என்பதால் சட்டைப்பையில் வைத்துக் கொள்வதா என்று முடிவு செய்ய வேண்டிய தருணம் பலருக்கும் வருகின்றது. ஒருமுறை எல்லை மீறிவிட்டால், பிறகு வக்கிரம் இயல்பாக மாறிவிடுகின்றது. கடுகளவு குற்ற உணர்வுகூட இல்லாமல் அடக்கப்பட்ட காமத்தை இவர்கள் வெறியுடன் தீர்த்துக் கொள்கிறார்கள். இவர்களுக்குப் பிரச்சினையில்லாத தொல்லையில்லாத இலக்கு குழந்தைகள். வயதுவந்த பெண்ணை வல்லுறவுக்கு ஆளாக்குவதும், ஒரு சிறுமியை வல்லுறவு செய்வதும் ஒன்றல்ல. பிந்தையதைச் செய்வதற்கு மிகுந்த வன்மம் வேண்டும்.

பெண்களே வல்லுறவைத் தடுக்க முடியாமல் பலியாகிவிடும் நிலையில், குழந்தைகளோ அதைப்பற்றிய சுவடு கூடத் தெரியாமல், என்ன ஏது என்று அறியாமல் பலியாகிறார்கள். விபச்சாரமும், கள்ள உறவும் வாய்க்காத தருணங்களில் அண்டை வீடுகளில் இருக்கும் பெண் குழந்தையே ஒரு காமுகனுக்கு வெறியூட்டப் போதுமானதாக இருக்கின்றது. பொதுப்பால் என்று போற்றப்படும் ஒரு குழந்தையை இத்தகைய கயவர்கள் வளர்ந்த பெண்ணாக உருவகித்துக் கொள்கின்றார்கள். ஒரு இனிப்பு வாங்கிக் கொடுத்து விட்டு மறைவிடத்தில் வக்கிரத்தைத் தீர்த்துக் கொள்கின்றார்கள். சற்றே அறியும் பருவமென்றால் மிரட்டிப் பணிய வைக்கிறார்கள்.

பள்ளிகளில் ஆதிக்கம் செய்யும் ஆசிரியர்கள் இப்படித்தான் மாணவிகளை வேட்டையாடுகின்றனர். பெயிலாக்கி விடுவேன், கொன்று விடுவேன் என்று அந்த மாணவி மிரளும் வண்ணம் மான் வேட்டை நடைபெறுகின்றது. கற்பின் புனிதம் குறித்த கருத்து ஆதிக்கம் செய்யும் சமூகத்தில் ஒரு மாணவி தனக்கு நேர்ந்ததை வெளியிலோ வீட்டிலோ அவ்வளவு எளிதாகச் சொல்லுவதில்லை. விதி விலக்காய் வெளியே தெரியும் சம்பவங்களிலிருந்துதான் இந்த வக்கிரத்தை அறிய வருகின்றோம். முனைவர் படிப்புக்காக கைடு உதவியுடன் ஆய்வு செய்யும் கல்லூரிப் பெண்கள் கூட இந்தக் கயவர்களின் மிரட்டலுக்கு அடிபணிய நேரிடுகின்றது.

சிறுவர்களும், சிறுமிகளும் வயது வந்த எதிர்பாலினத்தவருடன் உறவு கொள்ளும் நீலப்படங்கள்தான் இன்றைய சிறப்பாம். இதைப் பார்த்துத்தான் பணக்காரத் தம்பதியினர் கிளர்ச்சி அடைகிறார்களாம். சிறார்களை வல்லுறவுக்கு ஆட்படுத்தும் போக்கு உழைக்கும் மக்களிடத்தில் இருப்பதை விட மேல்தட்டு நடுத்தர வர்க்கத்திடம்தான் அதிகம் நிலவுகிறதென ஆய்வுகள் தெரிவிக்கின்றன. இவர்களிடம் குடும்ப உறவு பண உறவாகவும், பண்ட உறவாகவும் போலித்தனம் நிரம்பியதாகவும் இருப்பதால் இத்தகைய சீரழிவுகள் அதிகம் நடக்கின்றன.

குழந்தைகளை வல்லுறவு கொள்ளும் மனிதர்கள் எவரும் சமூகத்தால் ஒதுக்கப்பட்ட கேடிகளல்ல. அந்தக் குழந்தையின் உறவினராகவோ, அண்டை வீட்டாராகவோ பொதுவாக நன்னடத்தையுடன் வாழ்பவர்கள்தான். இவர்கள்தான் இன்னொருபுறம் தமது கைகளுக்கு அருகாமையில் இருக்கும் பச்சிளம் குழந்தைகளை அவை அறியாவண்ணம் குதறுகின்றவர்களாகவும் இருக்கிறார்கள். தனது நன்னடத்தையைக் காப்பாற்றிவரும் அதே வேளையில் காம வக்கிரத்தைத் தீர்ப்பதற்கு இரகசியமான கருவிகளாகக் குழந்தைகளைப் பயன்படுத்துகின்றார்கள்.

ஒரு குழந்தையின் குழந்தைத் தன்மையை இரக்கமின்றி நசுக்கும் இந்தக் கயவர்கள் எவரும் மனநோயாளிகள் அல்ல. பிடிபடாத வரை இந்த வக்கிரத்தைத் தொடரலாம் என்று திட்டமிட்டுத்தான் இந்தக் காரியத்தில் இறங்குகின்றார்கள். குழந்தைகளை வல்லுறவு செய்தல் ஒரு விபத்து போலவும் நடப்பதில்லை. அனைத்தும் திட்டமிட்டுதான் நடக்கின்றன.

ஒவ்வொரு சந்தர்ப்பத்திலும் ஒரு குழந்தை முழுமையான வல்லுறவுக்கு ஆட்படுத்தப்பட வேண்டும் என்பதில்லை. பாலியல் வெறியுடன் ஒரு குழந்தையின் மீது கைகள் படரும் ஒவ்வொரு நிகழ்வும் வல்லுறவுதான். அந்த வகையில் பெரும்பான்மையான குழந்தைகள் இந்த அபாயத்தை சந்திக்கும் நிலையில்தான் இருக்கின்றார்கள். பருவம் வராத குழந்தைகளின் உணர்ச்சியைத் தூண்டி விடுதல், நீலப்படங்களைக் காண்பித்து உணர்வூட்டுதல் போன்றவற்றையும் இந்தக் கயவர்கள் செய்கின்றார்கள். உடலும், வயதும் முதிர்ந்த பின்னர் அறிய வேண்டிய பாலுறவை முன்பே அறிந்து கொண்டு அதற்கு பலியாகின்றார்கள் இந்தக் குழந்தைகள்.

விபச்சாரத்தில் ஈடுபடுத்தப்படும் சிறார்களுக்கு இது வன்முறையாக நடக்கின்றது. பெற்றோர் அக்கறையோ கண்காணிப்போ இல்லாமல் இணையத்தில் மூழ்கும் மாணவர்களோ பிஞ்சிலே வெம்பி விடுகின்றார்கள். தொலைக்காட்சியின் அத்தனை நிகழ்ச்சிகளும், விளம்பரங்களும் சிறுவர்களைப் பாலியலுக்கு அறிமுகம் செய்கின்றன.

பள்ளி ஆண்டுவிழாவில் குத்தாட்டங்களுக்கு நடனம் ஆடும் சிறுமி, தான் தொலைக்காட்சியில் பார்த்த ஒரு வயதான பெண்ணின் விரகதாபத்தை அபிநயம் பிடித்துக் காட்டுகின்றாள்; அகமகிழ்கின்றார்கள் பெற்றோர்கள். அபிநயத்தில் ஆரம்பித்து அது அடுத்த கட்டத்திற்கு போவது இயல்பாக நடக்கின்றது.

பாலியல் கொடுமைகளுக்குள்ளாக்கப்படும் குழந்தைகள் அதைப் புரிந்து கொள்ளும் அறிவு வளர்ச்சியைப் பெறும்போது பெரும் மனவியல் சித்திரவதைகளுக்கு ஆளாகின்றார்கள். தனக்கு மிகப்பெரிய கொடுமை நடந்து விட்டதாகவும், தனது புனிதம் கெட்டுப்போனதாகவும், தான் கோழையென்றும், இன்னும் பலவிதமாகவும் அவர்கள் கருதிக் கொள்வதால், இத்தகைய குழந்தைகளை சிகிச்சை அளித்து மீளப்பெறுவது என்பது மிகவும் சிரமமானதாகி விடுகின்றது.

ஆசிரியர்கள் இழைக்கும் கொடுமைகளால் மாணவிகள் அடையும் மனச்சிதைவுக்கு எல்லையில்லை. எதிர்கால வாழ்வை விருப்பத்துடனும், நம்பிக்கையுடனும் எதிர்கொள்ளும் மனத் துணிவை இவர்கள் இழக்கிறார்கள். விசயம் வெளியே தெரியக்கூடாது என்று மறைக்கப்படுவதால் அது உள்ளுக்குள்ளேயே மனதை ரணமாக்குகின்றது.

பாலியல் வன்கொடுமைகளில் இருந்து தப்பிப்பதற்கு பல ஆலோசனைகள் தன்னார்வத் தொண்டு நிறுவனங்களால் முன்வைக்கப் படுகின்றன. குழந்தைகளின் மறைவுறுப்புக்களை யாரும் தொட அனுமதியாத வண்ணம் கற்றுக் கொடுப்பது, குழந்தைகளுடன் தேவையானவற்றை வெளிப்படையாகப் பேசுவது, அவர்களையும் அப்படிப் பேசவைப்பது, விடலைப் பருவத்தினருக்கு செக்ஸ் கல்வி, விளையாடும் குழந்தைகளை ஆசிரியர்களும் குடும்பத்தினரும் கண்காணிப்பது, மாணவிகள் படிக்கும் பள்ளிகளுக்கு பெண்களை மட்டும் ஆசிரியர்களாக நியமித்தல் என்று பல ஆலோசனைகள் பேசப்படுகின்றன.

இவற்றையெல்லாம் செய்யலாம்தான். இவை தடுப்பு மருந்து மட்டுமே. நோயின் மூலத்தை அறிந்து அழிக்கும் சக்தி இந்த மருந்திடம் இல்லை. ஆம், குழந்தைகளை பாலியல் வல்லுறவுக்குள்ளாக்கும் கயவர்களைத் திருத்துவதற்கு எந்த மருந்தும் அரசிடமும், தன்னார்வத் தொண்டு நிறுவனங்களிடமும் இல்லை. சொல்லப்போனால் இந்த நோயை முற்றச்செய்யும் வேலையைத்தான் உலகமயமாக்கத்தின் பண்பாடு செய்து வருகின்றது. இயற்கையான காமம் செயற்கையாக உப்பவைக்கப்படும் இன்றைய சூழலில் இவை ஒவ்வொன்றையும் எதிர்த்துப் போராடுவது மிகவும் கடினமான காரியம்.

முக்கியமாக இந்த மனவிகாரம் உள்ளவர்கள் என எல்லோரையும் சொல்ல முடியாதுதான். அதே சமயம் இந்தக் கொடுமையைச் செய்யப் போகிறவர்கள் யார் என்பதையும் கண்டு பிடிக்க முடியாது. அது அந்தக் குழந்தையின் மாமாவாகவோ, சித்தப்பாவாகவோ, ஆசிரியனாகவோ, அண்டை வீட்டு இளைஞனாகவோ இருக்கலாம்.

நான்கு சுவர்களுக்குள் நமது குடும்பத்தின் நலனை மட்டும் பேணிக் கொள்ளலாம் என்றுதான் பலரும் கருதிக் கொண்டிருக்கின்றனர். ஆனால், தெருவில் இறங்காமலா இருந்துவிட முடியும்? ஒழுக்கக் கேட்டையும் வக்கிரத்தையும் தோற்றுவிக்கும் சமூகச் சூழலுக்கு எதிராகப் போராடுவதன் மூலம் மட்டும்தான் அவற்றை எதிர்த்து நிற்க முடியும். அந்தக் கிருமிகளிடமிருந்து நம்மையே தற்காத்துக் கொள்ளவும் முடியும்.

நன்றி - http://tamilcircle. net/

Sunday, October 19, 2008

நாம் கொடுப்பது ரூ 52 . என்னதான் நடக்கிறது ?

இந்தியாவில் ஒரு லிட்டர் பெட்ரோலின் உண்மையான விலை ரூ 22 தான் . நாம் கொடுப்பது ரூ 52 . என்னதான் நடக்கிறது ?

காலம் காலமாக நம்மை ஆண்ட அரசுகள் எல்லாம் எந்த அளவிற்கு உண்மையை மறைத்து மக்களை ஏமாற்றி வந்துள்ளன என்பது , பெட்ரோலிய பொருட்களின் விற்பனையில் நடக்கும் திரைமறைவு உண்மைகளை அலசிப் பார்க்கும் போதுதான் தெரிய வருகிறது.


உண்மை என்னவென்றால் பெட்ரோலின் உண்மையான விலையை விட இரண்டு மடங்குக்கும் அதிகமான விலையைக் கொடுத்துதான் நாமெல்லாம் இத்தனை நாட்களாகப் பெட்ரோலை வாங்கி உபயோகித்துக் கொண்டிருக்கிறோம் .

உணவு, உடை,உறைவிடம் ஆகியவை மக்களின் அடிப்படைத் தேவைகளாக இருந்த காலமெல்லாம் மாறி இன்று மின்சாரம் , பெட்ரோல், சமையல் எரிவாயு போன்றவையும் மக்களின் அடிப்படைத் தேவைகளாகி விட்டன.

பெட்ரோல், சமையல் எரிவாயு, மின்சாரம் போன்ற இந்தப் பொருட்களின்
விலைகளில் ஏற்படும் மாற்றங்கள் ஒட்டுமொத்த மக்களையுமே பாதிக்கக் கூடியதாக உள்ளது.

அதிலும் பெட்ரோலியப் பொருட்களின் விலையில் ஏற்படும் மாற்றங்கள் நாட்டின் ஒட்டு மொத்த விலைவாசியையுமே பாதித்து , மேல்தட்டு மக்கள், நடுத்தர மக்கள், ஏழைகள் என எல்லோருடைய வாழ்விலும் பெரும் தாக்கத்தை ஏற்படுத்தக் கூடியதாக உள்ளது.

சில மாதங்களுக்கு முன்னர் இந்தியாவில் பெட்ரோலியப் பொருட்கள் விலையேற்றம் செய்யப்பட்ட போது அதைப் பற்றி பரபரப்பாக பேசிய மக்கள் இன்று பெரும்பாலும் அதை மறந்துவிட்டனர் .

ஆனால் இன்று இந்தியா முழுவதும் எதிரொலிக்கும் விலைவாசி உயர்வுக்கு மிக முக்கிய காரணங்களில் இந்த பெட்ரோலியப் பொருட்களின் விலை ஏற்றமும் ஒன்றாகும்.

இந்தியாவில் ஒவ்வொரு முறையும் பெட்ரோலியப் பொருட்களின் விலை ஏற்றப்படும் போதும் சர்வதேச சந்தையில் கச்சா எண்ணெய் விலை உயர்வதைக் காரணம் காட்டுகிறது நமது அரசு.

இந்தியா தனது பெட்ரோலிய தேவையில் 75 சதவீதத்திற்கும் மேலாக இறக்குமதியையே சார்ந்துள்ளது. கச்சா எண்ணெய் இறக்குமதி செய்யப்பட்டு பின்னர் அது சுத்திகரிக்கப் படும் பொது பெட்ரோல், டீசல் , மண்ணெண்ணெய் , தார் போன்ற பல பொருட்களாக பிரிக்கப்பட்டு பின்னர் விற்பனை செய்யப்படுகிறது.

75 சதவீத கச்சா எண்ணெய் இறக்குமதி செய்யப்படும் நிலையில் , சர்வதேச சந்தையில் கச்சா எண்ணெய் விலை உயரும் போது உள்நாட்டிலும் விலை உயர்வு என்பது இயற்கைதானே என்று நமக்கு தோன்றும் , ஆனால் இந்த விவகாரத்தில் காலம் காலமாக மக்கள் ஏமாற்றப்பட்டு வருகின்றனர் என்பதே உண்மை.

இந்தியாவில் பெட்ரோலியப் பொருட்களை விநியோகம் செய்யும் மூன்று எண்ணெய் நிறுவனங்களும் ஒரு நாளுக்கு 600 கோடி ரூபாய் அளவுக்கு தினந்தோறும் இழப்பை சந்தித்து வருவதாகக் கூறுகின்றன, அதாவது தங்களுக்கு ஆகும் உற்பத்தி செலவை விட குறைவான விலையில் பெட்ரோலியப் பொருட்களை விற்று இழப்பை சந்திப்பதாக கூறுகின்றன .

பெட்ரோலிய பொருட்களை விற்பனை செய்யும் நிறுவனங்களும் இழப்பை சந்திக்கின்றன , மக்களும் பெட்ரோலியப் பொருட்களை இரண்டு மடங்கு விலை கொடுத்துதான் வாங்குகின்றனர் , பின்னர் யார்தான் இதில் லாபம் சம்பாதிப்பது என குழப்பமாக உள்ளது அல்லவா?


கச்சா எண்ணெயில் இருந்து பிரித்தெடுக்கப் படும் ஒரு லிட்டர் பெட்ரோலின் அடக்க விலை வெறும் 22 ரூபாய்தான் என எண்ணும் போது அதிர்ச்சியாக உள்ளது அல்லவா?

22ரூபாய் விலை உள்ள ஒரு லிட்டர் பெட்ரோல் எப்படி 52 ரூபாயாக மாறுகிறது என்று பார்த்தால் ,

கச்சா எண்ணெய் விலை ஒரு பீப்பாய் 130 டாலராக இருந்த போது அதிலிருந்து சுத்திகரிக்கப் படும் பெட்ரோலின்

அடிப்படை விலை =ரூ21.93

எக்சைஸ் வரி =ரூ14.35

கல்வி வரி =ரூ00.43

முகவர் லாபம் =ரூ01.05

வாட் வரி =ரூ05.50

கஸ்டம்ஸ் வரி =ரூ01.10
(கச்சா எண்ணெய்)
கஸ்டம்ஸ் வரி =ரூ01.54
(பெட்ரோல்)
போக்குவரத்து செலவுகள் =ரூ06.00

மொத்த விலை =ரூ51.40


இதில் மத்திய மாநில அரசாங்கங்களுக்கு கிடைக்கும் வரிப் பணம் மட்டுமே கிட்டத்தட்ட ரூ 22 ஆகும் ,அதாவது பெட்ரோலின் அடக்க விலையை விட அதிகமாக வரியாக வசூலிக்கப் படுகிறது .

மத்திய அரசுக்கு பெட்ரோலியப் பொருட்களின் மீது விதிக்கப்படும் வரியில் இருந்து மட்டும் 1,22,000 கோடி ரூபாய் வருமானமாகக் கிடைக்கிறது ,

சர்வதேச சந்தையில் கச்சா எண்ணெய் விலை உயரும் போதெல்லாம் அரசு நினைத்தால் தன்னுடைய வரியைக் குறைத்து பெட்ரோலியப் பொருட்களின் விலையைக் கட்டுக்குள் வைத்திருக்கலாம் , ஆனால் எப்போதுமே விலை உயர்வு என்னும் சுமையை மக்களின் தலையில் சுமத்துவதைதான் அரசு வழக்கமாகக் கொண்டுள்ளது .

ஒரு பொருளின் விலையைப் போல நூறு சதவீத அளவில் வரியை வசூலித்துக் கொண்டு , விலை ஏற்றங்கள் ஏற்படும் போது கூட அந்த வரியில் சிறிதளவும் குறைத்துக் கொள்ளாமல் மக்களை இந்த அரசுகள் ஏமாற்றி வந்துள்ளன .

பெட்ரோலியப் பொருட்களின் விலை உயர்வினால் நாட்டில் இன்று எல்லாவிதமான பொருட்களின் விலையும் தாறு மாறாக உயர்ந்து மக்களின் அன்றாட வாழ்கையை எந்த அளவிற்கு பாதித்துள்ளது என்பதைக் கண்ட பிறகும் கூட அரசு எந்த வகையிலும் மக்களுக்கு உதவ முன்வரவில்லை என்பது மிகுந்த வேதனையாகத்தான் உள்ளது....

நான் கொடுத்துள்ள கணக்கீடுகள் கச்சா எண்ணெய் விலை பீப்பாய் ஒன்றுக்கு 130 டாலராக இருந்த போது கணக்கிடப்பட்டது , ஆனால் இன்று கச்சா எண்ணெய் விலை பீப்பாய் ஒன்றுக்கு 70 டாலராக குறைந்து விட்டது, இன்னமும் கூட மத்திய அரசுக்கு பெட்ரோலியப் பொருட்களின் விலையைக் குறைக்க வேண்ண்டுமென எண்ணாமல் இருப்பதுதான் வேதனையிலும் வேதனை...................


சரபுதீன்

ஜித்தாவிலிருந்து

Saturday, October 18, 2008

கண்கலங்க வைத்த கதை

ஒருவன் தன் உழைப்பால் வரும் வருமானத்திலிருந்து சிறுக,சிறுக சேர்த்து வாங்கிய தன் புதிய காரை புதுப்பொழிவுடன் என்றும் வைத்திருக்க வேண்டும் என்ற எண்ணத்தில் அதை மிகவும் பாதுகாப்பாக ஏதோ வைரக்கல்லை மெருகூட்டுவது போல் மெல்ல, மெல்ல துடைத்துக் கொண்டிருந்தான்.
அச்சமயம் அங்கு வந்த அவனுடைய நான்கு வயதே நிரம்பிய மகன் காரின் மறுபுறம் சிறுபிள்ளைக்கே உரிய விளையாட்டுத்தனத்தில் ஒரு கல்லை எடுத்து காரில் கிறுக்கி விட்டான்.

அதைக் கண்ட காரின் முதலாளியான அவன் தந்தை என்ன செய்திருக்க வேண்டும்? தன் பிள்ளையை செல்லமாக கண்டித்து (இது மனிதர்களின் மனோபாவத்திற்கேற்ப (சாந்தமான குணம்) வேறுபடும்) அல்லது அதற்கு ஒரு படி மேல் போய் கடின சொல் மூலம் லேசாக அவனைத்தட்டி அனுப்பி இருக்க வேண்டும். தன் மகனின் கையைப் பிடித்து கதறக்கதற தன் கையில் வாகனத்தின் பாகங்களை கழற்ற பயன் படுத்தப்படும் ஆயுதம் இருக்கின்றது என்று கூடத்தெரியாமல் ரத்தம் சொட்ட, சொட்ட தண்டித்து விட்டான் அந்தப் பாலகனை "ஆத்திரக்காரனுக்கு புத்தி மட்டு" என்பதை நிரூபிப்பவனாக.
பிறகென்ன 'அழுதாலும் குழந்தை அவள் தானேப் பெற வேண்டும்" என்பது போல் அவன் பெற்றப் பிள்ளையல்லவா அந்த பாலகன்?. அச்சிறுவனை ரத்தம் சொட்ட, சொட்ட தன் காரிலேயே அள்ளி போட்டுக் கொண்டு மருத்துவமனை விரைகிறான்.

மருத்துவமனையில் தன் மகனின் கை நரம்புகள் மிருகத்தனமான அடியால் துண்டிக்கப்பட்டு கையை மருத்துவர்கள் அறுவை சிகிச்சை மூலம் அகற்றி விடுகின்றனர் பாவம் அந்த பச்சிளம் பாலகன். பிறகு அறுவை சிகிச்சை செய்த கையில் முறையே கட்டுகள் கட்டப்பட்டு மருத்துவமனையில் தங்க வைக்கப்பட்ட அச்சிறுவன் ஒன்றுமறியாத பிஞ்சு உள்ளத்துடன் தன் தந்தையை நோக்கி கேட்கிறான் "அப்பா (எப்பப்பா) எப்பொழுது என் கை விரல்கள் வளரும்"? (பாவம் ஏதோ வெட்டப்பட்ட செடி பிறகு முளைத்து வருவது போல் துண்டிக்கப்பட்ட தன் கையும் வளரும் என்று நினைத்துக் கொண்டான் போலும்.)
அதைக்கேட்ட தந்தை வாழ்க்கையில் வெறுப்புற்றவனாக, கைசேதத்தை உணர்ந்தவனாக ( ஆம் உண்மையான கை சேதம் தான் இது), தன் மகனின் ஒரு வார்த்தையின் மூலம் ஹிரோஷிமாவில் வீசப்பட்ட அணுகுண்டைப்போல் சிதறடிக்கப்பட்ட தன் உள்ளத்தின் வேதனையுடன், இதற்கெல்லாம் காரணம் தன் அறிவற்ற செயல் தான் என உணராதவனாய் தன் புதிய காரை நோக்கி விரைகிறான் பிறகு அதை திட்டி, அடித்து துவசம் செய்கிறான்.

பிறகு சோர்வுற்றவனாக தன் மகன் கல்லால் கிறுக்கிய இடத்தை சற்று உற்று நோக்கிப் பார்த்து அதில் எழுதப்பட்ட வாசகம் மூலம் அவன் தன்னை உயிருடன் புதைக்கப்பட்டது போன்ற கடும் வேதனையை உணர்கிறான் அவ்விடத்தில். அதில் அப்படி என்ன அவன் மகன் கிறுக்கி இருப்பான்? ஒன்று மில்லை சிறிய வார்த்தை தான். " LOVE YOU DAD - அன்புள்ள அப்பா" மட்டுமே எழுதப்பட்டிருந்தது.
இனி தான் இவ்வுலகில் வாழ (லாயக்கு) அருகதை இல்லாதவன் என அவனே முடிவு செய்தவனாக, தான் செய்த அச்செயலுக்கு இனி இவ்வுலகில் பரிகாரமில்லை என்ற மன வேதனையுடன் அதற்கு அடுத்த நாள் இவை எல்லாவற்றிற்கும் தீர்வு தற்கொலையே என்று எண்ணி அதையும் செய்து முடிக்கிறான். மேலும் அவசரப்பட்டவானாக.

இதன் மூலம் இங்கு நமக்கு புகட்டப்பட்ட பாடம்/தத்துவம் என்னவெனில் "உலகில் இறைவன் பொருட்களைப் படைத்தது, அதைப் படைக்க மனிதனுக்கு ஆற்றலைக் கொடுத்தது யாவும் அதை மனித குலம் முறையே பயன் படுத்தவே; மனிதர்கள் யாவரும் படைக்கப்பட்டது ஒருவருக்கொருவர் அன்பு செலுத்தவே அன்றி வேறில்லை." "ஆனால் இன்றைய நாகரிக உலகில் பொருட்களுக்கு மதிப்பும், மரியாதையும் கொடுக்கப்பட்டு மாறாக மனிதர்கள் உதாசீனப்படுத்தப்படுகிறார்கள்" என்பதை இக்கதை நமக்கு வெளிப்படையாக பாடம் புகட்டுகிறது.

எனவே மனிதர்களை நேசிப்போம்; உண்மையான மனித நேயம் காப்போம் இறுதியில் நம்முடன் எடுத்துச் செல்ல என்ன இருக்கிறது? என்ற உயர்ந்த சிந்தனையுடன். ஒரு நண்பர் மூலம் எனக்கு வந்த ஆங்கில மின்னஞ்சலின் தமிழ் மொழியாக்கம் தான் இது.

இதை நம் யாவருக்காகவும் தமிழ் மொழியாக்கம் செய்து மகிழும் உங்களின்,

எம்.ஐ. நெய்னா முகம்மது
சவுதியிலிருந்து.

பாம்புக்கு அனுமதி! பாம்பை அடித்தக் கம்புக்குத் தடை!!




தினமலரின் முஸ்லிம் விரோத காழ்புணர்வை தமிழக முஸ்லிம்களிடம் எடுத்துச் சென்ற அதிரை எக்ஸ்ப்ரஸ் மீதான தடை தொடர்கிறது. ஆனால் தினமலருக்கு ஐக்கிய அரபு அமீரகத்தில் மீண்டும் அனுமதி கிடைத்துள்ளது.

கொடுமையடா!!!

Friday, October 17, 2008

அய்டாவின் (AYDA) அப்ஹா சுற்றுலா

ஸுபஹானல்லதி சஹ்ஹர்ரலனா..... ஹாதா.... வமாகுன்னா.... பிரயாண துஆ, சவூதி அரேபியாவின் விமானத்தில் அமர்ந்து புறப்படுகையில் ஒலி பெருக்கியில் கேட்கும்போது உண்மையாகவே இறையாண்மையை பறை சாற்றும் ஒரு கம்பீரக்குரல், அதே துஆவுடன் சகோ ரஃபீக் அபூபக்கர் மொழிய கோரசாக நாங்கள் அனைவரும் முழங்க ஜித்தாவிலிருந்து ஆடவர், பெண்டிர் மற்றும் சிறார்கள் உட்பட சுமார் 30 பேர்களை மூன்று ஊர்தியில் நிரப்பிக்கொண்டு 'அய்டாவின் அப்ஹா சுற்றுலா' துவங்கியது.

30.09.2008 நோன்புப்பெருநாளின் மறுநாள் ஆனதால் காலையிலேயே மக்கள் வேண்டுகோளின்படி நாஸ்தா நச்சரிப்பு சான்ட்விச் பசி-யாற்றி பயணத்தை தொடங்கினோம். அப்ஹாவும் ஒரு அழகிய மலையரசி! தாயிப் நகரைப்போலவே ஒரு கோடை வாசஸ்தலம் ஏமன் தேசத்தை நோக்கி ஜிசானுக்கு போகும் வழியில் அல்லீத் என்னும் சிற்றூரை தொட்டு எங்களின் வண்டிகள் விரைந்தன. வழிநெடுக நல்ல வெப்பம் கூடுதலாக இருந்ததால் ஒருவருக்கு சட்டை 'கதராகி' விட்டது. மற்றொருவருக்கு முழுப்பேண்ட் முக்கால் பேண்டாகி(பர்முடாஸ்) விட்டது. இன்னொருவருக்கோ பேண்ட் கைலியாக மாறிவிட்டது. (இதாம்ப்பா..... ராஹத்தாயிருக்குது....!)என்றார். லுஹர் & அசர் கசராக தொழுதுவிட்டு மதிய சாப்பாட்டு வேலையை முடித்துவிட்டு பயணத்தை தொடர்ந்தோம். அழகிய மலைகளும் இறைவனின் படைப்பின் அதிசயங்களும் தெரியத் தொடங்கின. மெல்ல மெல்ல குளிர்காற்று எங்களை வருடத்தொடங்க ஆடைக்குறைப்பு செய்தவர்கள் வாடைக்காற்றுக்கு வருந்த சாலைகள் பாம்புபோல வளைந்து வளைந்து மலையேறத்தொடங்கின.

ஜித்தாவிலிருந்து சுமார் 800 கி.மீ தொலைவிலிருக்கும் அபஹாவும் கமிஸ்முஷைதும் ட்வின்ஸ் சிட்டி போலாகும். நம் நாட்டு ஹவ்ரா-கொல்கத்தா மற்றும் ஹைதராபாத் -செக்கந்தராபாத் போன்ற இரட்டை நகரம் எனத்தோன்றுகிறது. கிழக்கே கங்கை கலக்கின்றது தெற்கே சாகர் பிரிக்கின்றது. இங்கே அபஹாவையும் கமீஸ்ஸையும் விமானத்தலம்தான் இணைக்கின்றது அய்டா பொருளாளர் ப.. சிதம்பரத்தனமாக செயல்பட்டு அஜீஸ்பண்ணி நயம்பட நடந்தார். ஆனால் மலைப்பாதைகளில் சிலவற்றை(?!) பார்த்ததும் "காக்கா...... காக்கா.... காக்........கா வண்டியை நிறுத்......துங்….கோ!" சொரிந்துகொள்ள என்னவென்று பார்த்தால் மதில்மீது ஏறிக்கொண்டும், மரத்தில் தாவிக்கொண்டும் நின்றவைகளுக்கு மக்கள் கேக், முறுக்கு விநியோகம் செய்து மகிழ்ந்து கொண்டிருந்தனர். என்னயிருந்தாலும் பாசம்..... ஆங்கிலச்சொல்படி Nativity இருக்குமல்லவா?! அங்கு ஊருக்கே குளிர் சாதன வசதி இறைவனால் இலவசமாக வழங்கப்பட்டிருந்ததை நம் கண் குளிர காணமுடிந்தது. சுபஹானல்லாஹ்....

நம் நாட்டில் மலைகளின் ராணி நீலகிரி (ஊட்டி) என்பார்கள். அப்படியானால் சவுதியின் மலைப்பிரதேசம் அப்ஹா மலைராணியின் சாச்சி மகள் போலும். (எல்லாம் தாயபுள்ளமா...) வானரங்கள் தன் சேஷ்ட்டையால் நம்மை வருகவென வரவேற்றதையும் கண்டோம். (பாவம் அதை விட கில்லாடி மனித ரகங்கள் (அஜ்வா நெய்னா, அஜீஸ்) நம் குழுவில் இருப்பது அதற்கு தெரியாது போலும்.) ஷம்ஸ் ஹார்-சூரியன் உக்கிரம்தான் ஆனால் 30000 அடி கண் கூசியதுதான். அதுவும் அப்ஹாவின் தாஜ் கிரீடம் அல்ஸுதாதான். அங்கேயே இரவு தங்கினோம் ஒரு மலையிலிருந்து சுற்றிச்செல்வதற்கு இன்னொரு மலையை குடைந்து பாதை மிக அற்புதமாக அமைத்துள்ளனர். இதுபோன்று 11 குகைப்பாதைகள் அமைக்கப்பட்டுள்ளது. குகைக்குள் வாகனங்கள் நுழையும்போது PUT ON YOUR HEDLIGHTS என்று அறிவிப்பு எழுதப்பட்டுள்ளது.

சென்னையிலிருந்து மும்பைக்கு ரயிலில் நெருங்கையில் 8 இடங்களில் இதுபோன்ற குகைகளை காணலாம். இடையிடையே தலைவலியில் ('தல' / "தலக்கே" தலைவலி?!) உதிரிபாகத்திற்காக சிலமணிநேர காத்திருப்பு! உணவு உரிய நேரத்தை வழுகி கிடைத்தது போன்ற சிற்சில சங்கடங்களை தங்கள் பொக்கை வாய் புன்சிரிப்பால் போக்கடித்தது லிட்டில் ஸ்டார்ஸ் சனாவும், தஹ்ஸினாவும்தான். நமக்கு சிலமணி நேரங்களுக்கு முன்னாள் வெப்பம் இப்போதோ விடுதியில் குளிர். பால்கனியில் நிற்கமுடியாத அளவுக்கு இறைவனின் படைப்பின் நுட்பம் மறுநாள் காலையில் கழிவறை ஒன்றிரெண்டே உள்ளதால் பஜ்ர் தொழுகை நான்கு ஐந்து நான்கு என்று (நம்மூர் பெருநாள் தொழுகை மாதிரி) பல ஜமாத்துகளுடன் நடந்து முடிந்தது குளிர்ந்த நீரில் எப்படி குளிப்பது என்று யோசித்தவர்கள் வெப்பமும் குளிரும் கலந்த தண்ணீரில் இதமாகக்குளிக்க, பாத் ரூமின் உள்ளே இருப்பவரை பழி வாங்க வேண்டுமானால் வெளியிலிருக்கும் வாஷ்பேசினை திறந்தால் ஏய்.....ஏய்.....யாரது..... என்று வேண்ட நல்ல தமாஷ்!

சவூதி அரேபியாவின் மிக உயரமான இடமான இந்த இடத்திற்கு விடுமுறை நாட்களில் பல பாகத்திலிருந்து சுற்றுலா பயணிகள் வருகின்றனர். உச்சியிலிருந்து பள்ளத்தாக்குகளையும் மற்ற மலைகளையும் காணும் வியூகம் அலாதியானது. இங்கிருந்து கேபிள் காரில் அடித்தளம் வரை 15 நிமிடத்திற்கு அழைத்து சென்று வருகின்றனர். இருமங்கும் அமைந்துள்ள மலைகளுக்கிடையே தான் இந்த கேபிள் கார் நகர்கிறது அச்சம், ஆச்சர்யம், பிரமிப்பை ஏற்படுத்தும் இன்னொரு கேபிள் அபஹாவிலிருந்து 50கி.மீ.ல் ஹப்லா எனும் இடத்தில் அமைந்துள்ளது. மேலே பூங்கா, பள்ளத்தாக்கில் பள்ளி, உணவு விடுதி. அந்த பள்ளத்தாக்கிலும் மக்கள் வாழ்ந்து கொண்டிருக்கிறார்கள். சாலை இருமருங்கும் வண்ண விளக்குகளால் அலங்கரிக்கப்பட்டு இருந்தன. ஒரு மலையை முழுவதும் பச்சை விளக்குகளால் அழகூட்டப்பட்டிருந்தது கண்ணை கவர்ந்தது. அதில் ஏறிப்பார்க்க ஆசைப்பட்டு சுத்தோ சுத்துன்னு சுற்றி, பிறகுதான் அது 'அக்கரைப்பச்சை' மலை என உணர்தோம். மற்றொரு மலையோ சிப்பி சிப்பிகளாக சிற்பிக்கப்பட்டிருந்தது.

உள்ளூரில் வசிக்கும் நண்பர் திரு. பிச்சுமணி என்னும் அப்ஹா தமிழ் சங்க பொருளாளர் பல மணிநேரம் எங்களுடன் இருந்து ஒத்துழைப்பு தந்து வழிகாட்டியது நன்றிக்குரியது, மேலும் ஒரு மாலை நேரத்தில் மௌலவி இப்ராஹீம் மதனி அவர்கள் ஒரு இலங்கை டீமுடன் கிரிக்கெட் விளையாடிக்கொண்டு இருக்கும்பொழுது சந்தித்து மகிழ்ந்து, 'ஈந்திய டீமுடன் மெச் ஒண்டு போட ஏலுமா' என நாங்கள் அணுக முதல் பந்திலேயே அவர்கள் கேச் ஆக அத்தோடு மூச்?! ஜாலி சேஷ்டைகள் வரைமுறையோடு இருக்க வந்திருந்த மூத்த அங்கத்தினர்கள் ஹாஜி அபூ ஹனீப் மற்றும் ஹாஜி ஜக்கரியா பெரிதும் உதவினர். . ஒருவழியாக பூனை கொள்ளை விஜயம் (பெருநாள் முடிந்த மறுநாள் அல்லவா) முடிந்தது.

மறுதினம் மலையை சுற்றி சுற்றி இறங்க எங்களை சுற்றி சூடு ஏற வெள்ளிக்கிழமை ஜும்ஆ பிரயாணிக்கு வாஜிப் இல்லைதானே என்று வாதாட வாகனமும் உண்டு சமய வசதியும் உண்டு என்று ஒரு சிற்றூரில் ஜும்ஆ கடமையை மன நிறைவோடு முடித்து வயிற்றை நிறைக்க உணவு விடுதி நாடினோம்.எமன் நாட்டுக்கார சாப்பாட்டு கடைக்காரரோ பீஃ பிரியாணி, பீஃ ருபியாணி பீஃ ஜீலானி பீஃ புஹாரி பீஃ மந்தி என்று கூறிக்கொண்டே போக கப் என்று பிடித்து முந்தியே உட்கார்ந்து விட்டோம். அரபு நட்டு இறைச்சி சாப்பாடு என்பதால் சற்று விலை கூடுதலாக இருந்தாலும் கடைக்காரர் எங்களிடம் நீங்கள் எந்த நாடு என்று கேட்க, கைலி உடுத்த எங்களுக்கு கற்று தந்தது நீங்கள் சோறு உன்ன உங்களுக்கு பழகி தந்தது நாங்கள் என்று சொன்னவுடன் அகமகிழ்ந்த கடைக்காரர் தள்ளுபடி விலையில் சாப்பாட்டை தள்ளினார். மீண்டும் எங்கள் பயணம் ஜித்தாவை நோக்கி துவங்கியது. இடையிடையே இளைப்பாற தேநீர் உபசரிப்பும் களைப்பாற ஓட்டுனர் மாற்றமும் செவ்வனே நடைபெற மகிழ்வோடு ஜித்தா வந்தடைந்தோம். ஆக மொத்தம் ஒருகாலத்தில் நம்மூரில் பெருநாள் அன்று பெண்களெல்லாம் பூனைக்கொல்லை என்று சொல்லி சென்று வருவார்களே அதுபோல் தான் இன்றைய நாகரிக உலகின் பூனைக்கொல்லையாக அப்ஹா சென்று வந்தோம்.

இப்பயணத்தால் யாருக்கும் கூதக்காச்சல் வந்ததா? எனத் தெரியவில்லை. இப்படியெல்லாம் விடுமுறைகாலங்களில் சுற்று (அ) சிற்றுலா சென்று வருவதால் நம் உள்ளத்தின் சுமைகளெல்லாம் பறந்து போய் புதுத்தெம்புடன் பணிக்குச் செல்ல உதவுகிறது.

இனிய சுற்றுலா நினைவுகளுடன். எழுதி வழங்கி மகிழும்,

எம். ரஃபியா
ஜித்தாவிலிருந்து.

Wednesday, October 15, 2008

மதரஸதுந்நூர் பெண்கள் மதரஸா

மதரஸதுந்நூர் என்ற பெயரில் பெண்கள் மதரஸா
அஸ்ஸலாமு அலைக்கும்

அல்லாஹ்வின் பேரருளால் நமதூர் சின்ன நெசவுத்தெருவில் மரைக்கா பள்ளி அருகில் மதரஸதுந்நூர் என்ற பெயரில் பெண்கள் மதரஸா கடந்த 08/10/08 அன்று துவங்கப்பட்டுள்ளது அல்ஹம்துலில்லாஹ்.பெற்றோர்கள் தங்கள் பெண் பிள்ளைகளை அனுப்பி தீனை கற்றுக் கொடுத்து பயனடையச் செய்யுமாறு கேட்டுக்கொள்கிறோம்.

வகுப்பு நேரம் :

சிறு பிள்ளைகளுக்கு பள்ளி மதரஸா மற்றும் மார்க்க விஷயங்கள்

காலை 6. மணி முதல் 7.30 வரை

மாலை 4.30 மணி முதல் 5.30 வரை

பெரிய பிள்ளைகளுக்கு குர் ஆன் பயிற்சி,ஹதீஸ் மனனம், கொள்கை விளக்கங்கள் மற்றும் மார்க்க சட்டத்திட்டங்கள்
காலை 9 மணி முதல் 12.30 வரை
மாலை 2 மணி முதல் 4.30 வரை

தொடர்புக்கு
9840383564

இப்படிக்கு

நிர்வாகம்

மதரஸதுந்நூர் அதிரை.

Tuesday, October 14, 2008

ஊர்சுத்தி உமரின் பொன்மொழிகள்

என்றைக்கோ கிடைக்கப்போகும் US விசாவைவிட
இன்றைக்குக் கிடைக்கும் UAE விசாவே மேல்!

Credit Card ஐ வைத்து Cell Phone வாங்குவதைவிட
Cell Phone ஐ வைத்து Credit Card கடனை அடைப்பதே மேல்!!

கல்ப் ரிட்டர்னாக இருந்தாலும், யூரோப் ரிட்டர்னாக இருந்தாலும்
வெள்ளை வேட்டி மூனுமாசத்துல பழுத்துடும் ஜாக்கிரதை!

சட்டியில் வைத்து கீழே சூடாக்கினால் பிராச்சப்பம்
மேலே சூடாக்கினால் பிஜ்ஜா (அப்பம்?)

என்னதான் பணக்கார வீட்டுக்கல்யாணம்னாலும்
பந்தல் கீத்துல/தகரத்துலதான் போடமுடியும்.

என்னடா நல்லாத்தானே ஊர்சுத்திக்கிட்டு இருந்தார்! என்னாச்சு இந்த மனுசனுக்கு தத்துவம்லாம் சொல்ல ஆரம்பிச்சுட்டாருன்னு யாரும் என்னை தப்பா எடுத்துக்கக் கூடாது.

வட்டி வாங்காதே-கொடுக்காதே-சாட்சி சொல்லாதே-உடந்தையாக இருக்காதேன்னு படிச்சு படிச்சு சொல்லியும் இந்தா பாருங்க நல்லாத்தானே இருக்கோம். வட்டி இல்லாம உலகம் இயங்குமா? என்றெல்லாம் தத்துவம் பேசியவர்கள், லேமென் பிரதர்ஸ் மஞ்சக்கடுதாசி (Insolvency) கொடுத்தப் பின்னாடி உலகநாடுகளில் இப்படித்தான் பலரும் புலம்ப ஆரம்பிச்சிட்டாங்களாம்.

வரவுக்குமீறி வட்டிக்குக் கடன் வாங்கிவிட்டுத் திருப்பிச் செலுத்த முடியாமல் வாடிக்கையாளர்கள் டிமிக்கி கொடுத்ததால் வங்கிகள் நிலைகுலைந்து போயுள்ளார்கள்."உங்கள் தேவையே எங்கள் சேவை" என்று 'மானாட மயிலாட' போன்ற தொலைக்காட்சி நிகழ்ச்சிகளை ஸ்பான்சர் செய்தவர்களெல்லாம் திக்கு முக்காடிப் போகுமளவுக்கு வங்கிகள் மீதான நம்பிக்கை சீர் கெட்டுள்ளது. ஏதோ இரண்டு பொருளாதார மேதைகள் (மன்மோகன் சிங், ப.சிதம்பரம்) மத்திய ஆட்சியில் இருப்பதால் நம்நாட்டு வங்கிகள் ஓரளவு தாக்குப் பிடித்துள்ளன.

பாவம்! அமெரிக்காவின் கடைக்கண் பார்வைக்காக கண்ணைமூடி தலையாட்டி அமெரிக்காவுக்கு வால் பிடித்து அமெரிக்கா பின்னாடி சென்ற ஐரோப்பிய,கிழக்காசிய நாடுகளின் பொருளாதாரம்தான் பெரிதும் பாதிக்கப்பட்டிருக்கிறதாம். இனி, அடுத்தடுத்த நாட்களில் நம்மள மாதிரி ஐரோப்பிய, அமெரிக்க ஏகாதிபத்தியவாதிகளும் வெட்டித் தத்துவம் சொல்லிக் கொண்டு திரியப்போகிறார்கள்.

உப்பைத் தின்றவன் தண்ணிக் குடிச்சுத்தான் ஆகனும்! நல்லாக் குடிங்கடே!!

-இப்படிக்கு-
www.ஊர்சுத்தி.உமர்

Monday, October 13, 2008

சத்தியம் அது சத்தியம்


1976-ல் வெளியான ஒரு புத்தகம் மேற்குலகை உலுக்கியது. குறிப்பாக ஐரோப்பிய விஞ்ஞானிகளிடையே பெரும் சலசலப்பை ஏற்படுத்தியது.


'குர்ஆன்,பைபில் மற்றும் அறிவியல்: அறிவியல் பார்வையில் சமய நூல்கள்' என்ற அந்த புத்தகம் இலட்சக்கக்கான பிரதிகள் விற்றுத் தீர்ந்தன. உலகின் பல்வேறு மொழிகளிலும்
மொழிபெயர்க்கப்பட்டது. அன்றைய தொலைகாட்சியிலும் விவாத மேடைகளிலும் பல்வேறு தலைப்புகளில் விவாதங்களை முன்னிறுத்திய அந்த நூலை எழுதியவர் பிரெஞ்சு தொல்லியல்
மற்றும் உயற்கூறியல் விஞ்ஞானி மாரிஸ் புகைல் என்பார்.


இத்தனை பரபரப்பை ஏற்படுத்தும் வகையில் அந்த புத்தகத்தில் அப்படி அவர் என்னதான் எழுதியிருந்தார். அதில் இருந்த செய்திதான் என்ன..?


'நான் எகிப்தின் அருங்காட்சியகத்தில் மம்மிகள் வைக்கப்பட்டிருந்த இடத்தை கவனித்துக் கொண்டிருந்தேன். அங்கு வரும் ஏராளமான சுற்றலா பயணிகள் 'ஆஹா.. என்ன ஒரு விந்தை
இது. காலத்தை கடந்த மனிதர்களை காண்பது எப்படி ஒரு பிரமிப்பை தருகிறது..' என்று விழிகள் விரிய முனுமுனுத்தபடி நகர்ந்து சென்றனர்.


'என்னே ஒரு துரதிஷ்டம்..! பாடம் செய்யப்பட்ட அந்த உடல் பறைசாற்றும் பாடத்தை, இறைவனையும் அவன் தூதரையும் நிராகரிப்பவர்களுக்கு உறைந்த சாட்சியாய் அத்தாட்சியாய்
அந்த உடலை நூற்றாண்டுகளாய் இறைவன் பாதுகாப்பதை அறியாதவர்களாய்...'


இவை வாசகம் அல்ல.. சாசனம்.


சமயங்களை கேலி செய்யும் விஞ்ஞானிகளை விக்கித்துப் போக வைத்த இந்த வாசகத்தை ஒரு சராசரி மனிதன் கூறவில்லை. பிரான்ஸின் தலைசிறந்த விஞ்ஞானி இதனை கூறியதுதான்
இத்தனை பரபரப்பை உண்டாக்கியது.


அவர் அவ்வாறு கூறியதன் பின்னனி என்ன?


1981-ல் ஃபிரன்ஸிஸ்கோ மித்ரா பிரன்ஸின் அதிபரான போது எகிப்திய அரசாங்கத்திடம் தொல்லியல் ஆய்வுக்காக உலகின் மிகக்கொடிய கொடுங்கோல் அரசன் என்று கூறப்படும்
'பாரோஹ்' என்ற ஃபிர்அவ்னின் உடலை தந்துதவும்படி வேண்டிக் கொண்டார்.
அதன்படி அந்த உடல் பிரான்ஸின் ஆய்வுக்கூடத்தை அடைந்தபோது அதிபர் உட்பட அங்கிருந்த அணைவரும் சிரம் தாழ்த்தி ராஜமரியாதையுடன் அதை வரவேற்றனர்.


அதன் பின் அந்த மம்மி ஆய்வுக்கூடத்தின் ஒரு பிரத்தியோக பகுதிக்கு கொண்டு செல்லப்பட்டு விஞ்ஞானி மாரிஸ் புகைல் தலைமையில் பல்வேறு தொல்லியல் மற்றும் உடற்கூறியல்
ஆய்வுகளுக்கு உட்படுத்தப்பட்டது.


குறிப்பாக அந்த மம்மி எவ்வாறு இறந்தது என்பதை அறிய விஞ்ஞானிகள் மிகுந்த நாட்டம் கொண்டனர்.


இறுதியாக அன்றிரவு வெளியிடப்பட்ட விஞ்ஞானிகளின் அறிக்கையில் 'அந்த உடலில் எஞ்சியுள்ள உப்பு அது கடலில் மூழ்கடிக்கப்பட்டு இறந்து பிறகு உடனடியாக மீட்கப்பட்டு சிதையாமல்
பாதுகாக்கப்பட்டிருக்கிறது' என்பதை வெளியிட்டனர்.


விஞ்ஞானி மாரிஸ் புகைலுக்கு புலப்படாத ஒரு விஷயம் 'கடலிலிருந்து கண்டெடுக்கப்பட்ட மற்ற உடல்களைவிட இந்த உடல் மற்றும் எப்படி எவ்வித சிதையும் அடையாமல் இத்தனை
காலம் தாக்குப்பிடித்தது?' என்பதுதான்.


எனவே அவருடைய இறுதி அறிக்கையில் 'பாரோஹ்(ஃபிர்அவ்ன்) உடல் மட்டும் உயிர் பிரிந்தவுடன் ஏதோ ஒரு புதிய முறையில் பதப்படுத்தப்பட்டு பாதுகாக்கப்பட்டிருக்க வேண்டும்'
என்று எழுதினார்.


அப்போது அங்கிருந்த சக விஞ்ஞானி ஒருவர் 'முஸ்லிம்கள் இந்த மம்மியின் மரணம் பற்றி தங்கள் வேதப்புத்தகத்தில் கூறப்பட்டுள்ளது என்று ஏதோ கூறுகிறார்கள்' என்று கூறினார்.


அதை மறுத்த மாரிஸ் புகைல் 'இன்றைய விஞ்ஞான வளர்ச்சியும் உயர் தொழில்நுட்ப ஆய்வுக்கூடம் மற்றும் கம்ப்யூட்டர்கள் துணையும் நாம் கையாண்ட உத்திகளும் இல்லாமல் இதை
யாரும் கூறமுடியாது' என்றார்.


ஆனால் அந்த சக விஞ்ஞானியோ 'முஸ்லிம்களின் வேதப்புத்தகமான 'குரானில்' பாரோஹ்(ஃபிர்அவ்ன்) கடலில் மூழ்கடிக்கப்பட்டு பின்வரும் மனிதர்களுக்கு அத்தாட்சியாய் அவன் உடல்
பாதுகாக்கப்படுகிறது' என்ற செய்தி இருப்பதை உறுதிப்படுத்தவும் மாரிஸ் புகைல் வியப்பில் ஆழ்ந்தார்.


200 ஆண்டுகளுக்கு முன் கண்டெடுக்கப்பட்ட ஒரு உடலைப்பற்றி 1400 ஆண்டுகளுக்கு முந்தைய ஒரு புத்தகம் எவ்வாறு விவரிக்க முடியும்?


சில பத்தாண்டுகளுக்கு முன்புதான் அறியப்பட்ட எகிப்திய நாகரிகத்தைப் பற்றிய குறிப்புகளை அதற்கு 1400 ஆண்டுகள் முந்தைய புத்தகத்தில் எவ்வாறு காணமுடியும்?


தமது வேதமான பைபில் கூறியதை குர்ஆனின் கூற்றோடு கவனமாக ஒப்பிட்டு பைபில் பாரோஹ் கடலில் மூழ்கடிக்கப்பட்டதை பற்றி மட்டுமே கூறுவதையும் குர்ஆன் அவனுடைய
மரணத்தையும் மரணத்திற்கு பின் அவனுடல் பாதுகாக்கப்படுமென்று கூறுவதையும் அறிந்து பிரமித்தார்.


'இதோ என் முன் வைக்கப்பட்டிருப்பதுதான் மோஸசை(மூஸா) விரட்டிச் சென்றவனின் உடலா..?'


'இது இவ்வாறு பாதுகாக்கப்படும் என்பதை முஹம்மது(ஸல்) 1400 ஆண்டுகளுக்கு முன்பே அறிவாரா..?'


மாரிஸ் தன் தூக்கத்தை தொலைத்தார். பைபிலை கொண்டுவரச் சொல்லி அதன் பக்கங்களை புரட்டினார். 'பாரோஹ்வும் அவன் சேனைகளும் கடலில் மூழ்கி மாண்டனர். அவர்களில்
எவரும் உயிர் பிழைத்தாரில்லை' என்று மட்டுமே இருந்ததையும் பாரோஹ்வின் உடல் அழியாமல் பாதுகாக்கப்பட்ட விபரம் அதில் இல்லாதிருப்பதையும் கண்டார்.


அதன் பிறகு விஞ்ஞானிகள் அந்த மம்மியை எகிப்திய அரசிடம் திருப்பி ஒப்படைத்தனர். ஆனால் மாரிஸ் புகைல் மட்டும் ஓயவில்லை. இந்த மம்மி பாதுகாக்கப்படும் என்ற விபரங்களை
முஸ்லிம்கள் ஏற்கெனவே அறிவார்கள் என்ற உண்மை அவரை ஓய விடவில்லை.


அவர் உடனே எகிப்துக்கு பயணமானார். எகிப்தின் முஸ்லிம் உடற்கூறியல் விஞ்ஞானிகளுடன் ஒரு சந்திப்பை ஏற்படுத்தி பாரோஹ்வின் உடல் இறப்புக்கு பின் புதிய முறையில் பாதுகாக்கப்
பட்டிருக்கிறது என்ற தமது கண்டுபிடிப்பை பற்றி விவாதித்தார்.


ஒரு முஸ்லிம் விஞ்ஞானி அமைதியாய் எழுந்து குர்ஆனின் ஒரு பக்கத்தை புரட்டி சில வாசகங்களை காட்டினார்.


அந்த வாசகத்தை படித்த மாரிஸ் புகைல் உறைந்து போய் எழுந்து நின்றார்.


அவர் வாய் மெல்ல முனுமுனுத்தது 'நான் இந்த குர்ஆனை நம்புகிறேன்.. இந்த குர்ஆன் கூறும் இஸ்லாத்தையும் நம்புகிறேன்..'


அதன் பின் அவர் பிரான்ஸுக்கு ஒரு புதிய மனிதனாய் திரும்பிச் சென்றார்.


அந்த விஞ்ஞானியின் வாழ்வை புரட்டிப்போட்ட அந்த வாசகம்..



10:92 எனினும் உனக்குப் பின்னுள்ளவர்களுக்கு ஓர் அத்தாட்சியாக இன்றைய தினம் நாம் உம் உடலைப் பாதுகாப்போம். நிச்சயமாக மக்களில் பெரும்பாலோர் நம் அத்தாட்சிகளைப்பற்றி
அலட்சியமாக இருக்கின்றார்கள்' (என்று அவனிடம் கூறப்பட்டது).



ஆக்கம்:அபூஸமீஹா