Wednesday, April 30, 2008

சிறுபான்மையினர் இடஒதுக்கீட்டில் குழப்பம்!

கடந்த ஆண்டு தமிழக அரசு கொண்டுவந்த சிறுபான்மையினருக்கான இடஒதுக்கீட்டில் முஸ்லிம்களுக்கு மட்டும் துரோகம் நடைப்பெற்று வருவதை பல கட்சிகள் சுட்டிக்காட்டிய நிலையில் அமைச்சரின் பதில் சற்று ஆறுதலாக உள்ளது.

சட்டப் பேரவையில் செவ்வாய்க்கிழமை நடைப்பெற்ற பிற்படுத்தப்பட்டோர் நலத் துறை மானியக் கோரிக்கை மீதான விவாதத்தில் காங்கிரஸ் உறுப்பினர் ஹசன் அலி பேசுகையில் வேலைவாய்ப்பிலும், கல்விநிலையங்களிலும் இஸ்லாமியர்களுக்கு வாய்ப்புகள் குறைந்துள்ளன. 100 பேருக்கு 4 பேர் கூட வாய்ப்பு இல்லாத நிலை உள்ளது என்றார்.

இதற்கு பதிலளித்து பேசிய அமைச்சர் கே.கே.எஸ்.எஸ்.ஆர் இடஒதுக்கீட்டில் குழப்பம் இருப்பதை முதல்வரின் கவனத்திற்கு எடுத்து சென்று இருக்கிறோம். இக்குழப்பம் பற்றி ஆய்வு செய்து நல்ல முடிவை விரைவில் அறிவிப்போம் என்றார். இடஒதுக்கீட்டில் கிறிஸ்தவர்களுக்கு கிடைத்த அளவு இஸ்லாமியர்களுக்கு கிடைக்கவில்லை என்பது உண்மை, சமவாய்ப்பு கிடைப்பதற்க்கான உத்தரவு(அரசானை) விரைவில் பிறப்பிக்கப்படும் என்று அமைச்சர் ஆற்காடு வீராசாமி தெரிவித்துள்ளார்.

-Abdul Barakath

தமிழகத்தை மிரட்ட வரும் புயல் - ' நர்கீஸ்'

அது என்னங்க காமெடிப் புயல், கவர்ச்சிப் புயல் மாதிரி 'நர்கீஸ் புயல்'.

அமெரிக்கா போன்ற மேலை(?) நாடுகளைப் பின்பற்றி நம் தமிழகத்திலும் புயலுக்கெல்லாம் பெயர் வைக்க ஆரம்பித்து விட்டார்கள்.

தங்கள் அபிமான புயல்களான நமிதா, த்ரிஷா,ஷ்ரேயா போன்ற பெயர்களை பரிந்துரைக்க ஒரு சில ரசிகர்கள் தயாராக வேன்டாம். வானிலை ஆராய்ச்சி நிலையத்தில் இருப்பவர்கள் அவர்கள் ரசனைக்கேற்றார் போல், தங்களுக்குப் பிடித்த பெயரை வைப்பார்களோ, என்னவோ!

வடிவேல் பாணியில் சொன்னால் "பொம்பளைப் பெயரா பாத்து வெப்பாய்ங்களோ",

சரி கீழே உள்ள தமிழக வானிலை ஆராய்ச்சி மையத்தின் எச்சரிக்கையை மனத்தில் கொண்டு இது போன்ற சமயங்களில் நெடுந்தூர பயணங்களை சிறிது தள்ளிப் போடுவோம். (ஒத்திப் போடுவதென்பது நம்மவர்களுக்கு ரொம்ப பிடித்த விசயமாச்சே)


தமிழகத்தில் பலத்த காற்றுடன் மழை பெய்யும்

'நர்கீஸ்' என்று பெயரிடப்பட்டுள்ள இந்த காற்றழுத்தத் தாழ்வு மண்டலம் காரணமாக சென்னை, எண்ணூர் மற்றும் நாகூர் கடற்கரையில் புயல் எச்சரிக்கை கொடி ஏற்றப்பட்டுள்ளது.

தென்கிழக்கு வங்கக்கடலில் உருவாகியுள்ள காற்றழுத்தத் தாழ்வு மண்டலம், தீவிரக் காற்றழுத்த மண்டலமாக வலுப்பெற்று சென்னைக்குக் கிழக்கே 550 கிலோ மீட்டர் தொலைவில் மையம் கொண்டுள்ளது.

இது மேலும் வலுவடைந்து வடமேற்கு திசையில் நகர்ந்து வடகிழக்கு திசையில் திரும்பக்கூடும் என்று சென்னை வானிலை ஆய்வு மையம் தெரிவித்துள்ளது.

அடுத்த இரண்டு நாட்களில் கடலோரத் தமிழகத்தில் லேசானது முதல் மிதமான மழை பெய்யக்கூடும் என்றும், வடதமிழகத்தில் ஐம்பது முதல் 55 கிலோ மீட்டர் வேகத்தில் சூறாவளிக் காற்று வீசக்கூடும் என்றும் வானிலை ஆய்வு மையம் எச்சரித்துள்ளது.

-(அப்துல் கபூர்)

Tuesday, April 29, 2008

''என்னால ஓசிக் கஞ்சி குடிக்க முடியாது!''



''அடுத்த வேளை நாஸ்ட்டாக்கே அல்லாடினுக்கிற அன்னாடங்காச்சி நானு! என்னய படம் புட்ச்சி இன்னா பண்ணப்போற நீயி?'' - பொக்கை வாய் சிரிப்புடன் பேசுகிற ராஜம்மா, வட சென்னை தண்டையார் பேட்டைவாசிகளுக்குத் 'தண்ணிக்காரம்மா'!

தினந்தோறும் குடங்களில் தண்ணீர் பிடித்து ட்ரை சைக்கிளில் பல வீடுகளுக்கு டோர் டெலிவரி செய்கிறார் இந்தக் குடுகுடு பாட்டி!

''எனக்கு 97 வயசுன்னா நம்புவியா? உப்புக்காத்துப் பட்டு உரமாகிக் கிடக்குறதுனால இவ்ளோ நாளு தாங்கி நிக்குது இந்த உடம்பு. நா பொறந்தது வளந்தது எல்லாமே பக்கத்துல காசிமேடுதான். சின்ன வயசுலேயே கண்ணாலம் கட்டிக்கினு வயித்துல ஒண்ணு, தோளுல ஒண்ணுனு... தோ நீ நின்னுக்கினு கீறியே, இந்த இடத்துல குச்சுவீடு கட்டி இருந்தோம். என் வூட்டுக்காரரு போர்ட்டுல கூலி வேலை பார்த்தாரு. குடிச்சுக் குடிச்சே ரத்த ரத்தமா வாந்தி எடுத்துச் செத்துப்பூட்டாரு! பெத்த அஞ்சு புள்ளைங்கள்ல மூணை அப்பவே சுடுகாட்டுக்கு வாரிக் கொடுத்துட்டேன். இப்ப ரெண்டு உசுரோட இருக்குதுங்க. ஆனா, விரட்டிவிட்டுருச் சுங்கோ! இப்ப எங்கே, எப்படி இருக்குதுங் கன்னே தெரியலை. எனக்கு இந்த ட்ரை சைக்கிளும் தண்டையார்பேட்டை சனங்களும்தான் ஒலகமே! தண்ணி வண்டிய வுட்டா வேற பொயப்பு தெரியாது!'' ஒரு கோழியின் காலடித் தடங்களைப் போல காலம் வரைந்த சுருக்க ரேகைகள் முகத்தில் நெளியப் பேசுகிறார் ராஜம்மா.

''என் வூட்டுக்காரருக்கு உடம்புக்கு நோவு வந்து படுத்த படுக்கையாக் கிடந்தப்போ ஒரு ஆளு, 'சாராயம் விக்கிறியாம்மே? ஒரு நாளுக்கு நூறு ரூபா வருமானம் கிடைக்கும்'னாரு. வூட்டுக்காரரு நோவை ஆத்தணும்னா இதெல்லாம் தப்பில்லேனு காசிமேட்டுல சரக்கு வித்துக்கினு திரிஞ்சேன். வயசான ஆயாங்கிறதால என்னை போலீஸ்காரங்களும் சந்தேகப்பட்டு புட்ச்சது கெடியாது. கையில நிறைய பணம் பொழங்குச்சு. அப்போதான் அந்த புண்ணியவானைப் பார்த்தேன். தண்டையார்ப்பேட்டையில ஒரு நா சரக்கு வித்துட்டு இருந்தப்ப எங்கிட்ட வந்து, 'இதெல்லாம் ஒரு பொயப்பா? இப்படி பொயக்கிறதுக்கு பிச்சை எட்த்துத் துன்னலாம் நீயி! பல பேரு தாலிய அறுத்துச் சம்பாரிக்கிற பணம் என்னிக்குமே உன் உடம்புல ஒட்டாது, தெரிஞ்சுக்கோ! நீ செய்யிற பாவம் உன்னைய கடைசி காலத்துல சும்மா வுடாது!'ன்னாரு. நான் அப்படியே மெர்சலாயிட்டேன்.

'நீ பார்க்குறதுக்கு எங்க ஆயா கணக்கா இருக்குறம்மா! அதனாலதான் உங்கிட்ட இத்தச் சொல்லுறேன். இல்லாங்காட்டி போய்க்கினே இருப்பேன்'னாரு. 'இத்தத் தவிர வேற பொயப்பு தெரியாதே'ன்னேன். 'வீட்டுக்கு வீடு போயி பத்துப் பாத்திரம் தேயி. இல்லாங்காட்டி நாலு வீட்டுக்குக் கொடத்துல தண்ணி ரொப்பிக் கொண்டுபோய் குடு. வீட்டுக்கு ஒரு ரூபா கிடைச்சாலும் அதுல சந்தோஷமா சோறு துன்னு. உன் உடம்புலயும் ஒட்டும்'னாரு!

அன்னிக்கு பூரா யோசிச்சேன். 'கரீக்ட்டு. எனக்கின்னாத்துக்கு ஊராமூட்டு துட்டு'ன்னு அந்தத் தண்ணி பொயப்ப விட்டுப்புட்டு, இந்தத் தண்ணி பொயப்புக்கு மாறிக்கினேன்!'' கண்கள் இடுங்க குழந்தைச் சிரிப்பைப் படரவிடுகிறார் ராஜம்மா பாட்டி.

''அன்னிக்கு அவரு சொன்ன அந்த வார்த்தைங்க அப்பிடியே முள்ளாக் குத்தி மன்சுல நின்னுடுச்சு. தண்ணிக் கொடம் இடுப்புல தூக்கிக்கினு போயி வூடு வூடா குடுப்பேன். அப்றமா, இந்த வண்டியை வாங்கினேன். நெதமும் 50, 60 வீட்டுக்குத் தண்ணி குடுத்துனுக் கீறேன். மழைவெள்ளம், நோவுன்னு வந்து தாராந்தா ஒழிய, பொயப்பை நிறுத்துனது கெடையாது. ஆண்டவன் புண்ணியத்துலயும், அந்த மவராசன் புண்ணியத்துலயும் ரொம்ப சந்தோஷமா இருக்குறேன். கால் வயித்துக் கஞ்சின்னாலும் உழைச்சுச் சம்பாதிச்சுக் குடிக்கிறதுல ஒரு சொகம் இருக்கத்தான்யா செய்யுது!'' என்கிறார் பெருமிதமாக.

''எல்லோரும் 'இந்தத் தள்ளாத வயசுல ஏன் இப்படித் தனியாக் கெடந்து அல்லாடினுக்கீற? பேசாம எங்ககூட வா! எங்கியாச்சும் அநாதை இல்லம், முதியோர் இல்லம்னு சேர்த்துவிடுறோம்'னு கூப்புட்டாங்கோ. நான் முடியாதுன்னுட்டேன். உழைச்சுப் பழக்கப்பட்ட உடம்புய்யா இது. என்னால ஓசிக் கஞ்சி குடிக்க முடியாது. என்னைய சுடுகாட்டுல போய் வைக்கிறவரைக்கும் இந்தத் தண்ணி வண்டிதான் எனக்கு எல்லாமே!'' கண்களில் ஈரம் கசியப் பேசும் ராஜம்மா கடைசியில் கேட்டார்... ''இப்ப நான் பேசினதை எழுதிட்டுப் போய் என்னா பண்ணுவே?''

''ஊர் உலகம் படிக்கட்டும்னு பத்திரிகையில எழுதுவோம்'' என்றதும், சிரித்தார்.

''அப்ப சுருக்கமா ஒண்ணு மட்டும் மறக்காம எழுதிடு கண்ணு! உனக்கு யாராச்சும் நல்லது சொன்னா, கேட்டுக்கணும். எனக்கு ஒரு மகராசன் நல்லது சொன்னாரு. அதனால தான், சாராயம் வித்த கெழவியா செத்துப்போயிருக்க வேண்டியவ, தண்ணி பிடிச்சு ஊத்துற பாட்டியா இன்னும் பொழைச் சுட்டிருக்கேன்!''


<நன்றி:- ஆனந்த விகடன்> 30-04-2008


Sunday, April 27, 2008

புதுப்பள்ளி குளம்



சென்னைக்கு ஒரு கூவம் போல் ஆஸ்பத்திரி தெருவிற்கு ஒரு கூவம் புதுப்பள்ளி குளம்எனக்குத் தெரிந்து மீன் வளர்ப்பு குத்தகை குளமாகயிருந்து, பள்ளிக்கு வருமானம் கிடைத்த குளம் இன்று கொசுப் பண்ணையாக மாறியிருக்கும் அவலம்...:-(

மலேரியா,சிக்குன்குனிய போன்ற நோய் பரப்பும் இக்குளம் நமக்கு தேவையா?

இன்ஷா அல்லாஹ் புதுப் பள்ளி ஒரு ஏசி பள்ளியாக மாறினாலும் கொசுவத்தியில்லாமல் தொழுகை நடத்த முடியாத நிலைமைக்கு தள்ளியிருக்கும் இக்குளம் நமக்கு தேவையா?

அந்தி சாய்ந்தா பிறகு படையெடுத்து வரும் தீவிரவாதிகளிடம் இருந்து எங்கள் குழந்தைகள் மற்றும் பெரியவர்களை காப்பது எப்போழுது?

விட்டுக்குள் இருந்தாலும், வெளியில் நின்றாலும்,தொழகைக்கு சென்றாலும் கடித்து குதறும் இக்கொசுகளை கட்டுக்குள் கொண்டுவர முடியுமா?

ஆடு மாடு கூடத் தங்கத் தகுதியில்லாத இலச்சண்க்கில் செலவு செய்து குட்டகை போட்ட பள்ளி நிர்வாகம் இக்குளத்தின் அவல நிலையை கவனிப்பார்களா?

இரத்தம் குடிக்கும் இந்த சைத்தான்களை சமாதியாக்க உஙகள் மேலான கருத்துகளை இங்கு பதிவு செய்யுங்கள்.



-Diary

Saturday, April 26, 2008

வாழ்த்த வேண்டுகிறேன்!

எங்கள் சாச்சா மர்ஹூம் மு.சா.மு. அபுல் ஹசன் அவர்களின் கடைசி மகனார் முஹம்மது தமீம் அவர்களுக்கு, நடுத்தெரு (கோனா வீட்டு) அனஸ் காக்கா அவர்களின் மகளை வரும் 27-04-2008 (ஞாயிற்றுக் கிழமை) திருமணம் செய்ய பெரியோர்களால் நிச்சையிக்கப்பட்டுள்ளது.

மணமக்களை வாழ்த்தி, இரு உலக மேலான வாழ்விற்காக எல்லாம் வல்ல அல்லாஹ்விடம் துஆ செய்யுமாறு வேண்டுகிறேன்.

அன்புடன்
மு.சா.மு.முஹம்மது தமீம்
(Los Angeles, CA. USA.)

Wednesday, April 23, 2008

ஓடுகாலி

படிக்கும் முன் நிதானம் தேவை, கருத்தினை உள்வாங்கும் முன் நடுநிலை தேவை, பாதியில் எழுந்துவிட்டு பிறகு மீதியை அடுத்த பாதியிலிருந்து தொடரக்கூடாது. இது எச்சரிக்கை அல்ல வேண்டுகோள்...

ஓடிப்போகும் பழக்க வழக்கம் சமுதாயச் சீர்கேட்டிற்கு எவ்வாறெல்லாம் வித்திடுகிறது என்பதை இங்கே காண்போம்.

உடல் சுகத்திற்காக இஸ்லாத்தினை விட்டு ஓடியவர்கள் பற்றி :

அரைமணி நேர கட்டில் சுகத்திற்காக வரப்போகும் எல்லையில்லா இன்பத்தையும், முடிவில்லா வசந்தத்தையும் தொலைத்த நிரந்தர ஆயுள் கைதிகள். சத்தியத்தை மட்டுமல்ல சுத்தத்தையும் தெளிவுற விளக்கிய சன்மார்க்க இஸ்லாம்.

சிறுநீர் கழித்து சுத்தம் செயயாவிடில் இஸ்லாத்தில் எவ்வித பங்குமில்லை என சுத்தத்திற்காக போர் பிரகடணப்படுத்திய மார்க்கம் இஸ்லாம். மலம் கழிப்பதில் கூட முறையான நெறிமுறைகளை வித்திட்ட மார்க்கம் இஸ்லாம். இதையெல்லாம் விட்டு விட்டா ஓடுகிறீர்கள்? இதில் மனிதர்கள் மோசமானவர்களாக இருக்கலாம் அதற்கு மார்க்கம் என்ன செய்யும்?

நடந்து செல்லும் பொழுது காலில் எதிர்பாராத விதமாக முள் குத்தி ரத்தம் சொட்டுகிறது. அதனால் வலியும், கடும் வேதனையும் இருக்கிறது. அதற்காக நம் காலையா வெட்டி வீசிவிடுகிறோம்? விளங்காத ஜென்மங்கள்....

கணவன் இறந்து விட்டால் நீ காலமெல்லாம் வாழாவெட்டியாக இருந்து வாழ்க்கையை தொலைத்து விடாமல், மறுமணம் செய்து வாழ்வின் மீதி நாட்களை சந்தோஷமாக கழி என்ற உன்னதமான கோட்பாடைக் கொண்ட மார்க்கம் இஸ்லாம். அதை விட்டு, கணவன் இறந்து விட்டால் அவனோடு உடன் கட்டை ஏறு அல்லது காலமெல்லாம் வாழாவெட்டியாக இருந்து விடு என வெந்த புண்ணில் வேலைப்பாய்ச்சும் கொள்கையையா தேர்ந்து எடுத்துக் கொண்டாய்?

சூட்சி வலையில் விழுந்த விட்டில் பூச்சிகள் தான் நீங்கள் (ஓடுகாலி). உன்னத ஓரிறைக் கொள்கையிலிருந்து, நிரந்தர அழிவை விலை கொடுத்து வாங்கியவர்கள்தான் நீங்கள்.

உலகில் முஸ்லிம்கள் இஸ்லாத்தின் கோட்பாட்டை கடைபிடிப்பதில் பலகீனமானவர்களாக இருக்கலாம். அதனால் இஸ்லாம் பலகீனம் அடையப் போவதில்லை. காஃபிர்கள் உலகில் எல்லாவற்றிலும் பலம் உள்ளவர்களாக இருக்கலாம். ஆனால் அவர்கள் இறுதியில் இஸ்லாத்திடம் தோற்றவர்களாகவே இருப்பர்.

இங்கு எல்லாம் செவிடன் காதில் ஊதிய சங்கு போல் தான் இருக்கும் உங்களுக்கு (ஓடுகாலிகளுக்கு) மறுமையில் காதில் ஈயத்தை காய்ச்சி ஊற்றப்படும் வரை. ஒரு தடவையல்ல ஆயிரமாயிரம் ஆண்டுகள் ஊற்றப் பட்டுக் கொண்டே இருக்கும்.

இவ்வுலகில் யாரும் திட்டி கேவலப்படுத்த நினைப்பதால் இஸ்லாம் தாழ்ந்து விடப் போவதில்லை. உலகமே ஒன்றிணைந்து பாராட்டிப் புகழ்வதால் இஸ்லாம் ஒன்றும் வானலாவ உயர்ந்து விடப் போவதில்லை. அது இறைவனுடையது. நிலையானது. சர்பத்தில் விழுந்த ஐஸ் கட்டி கரைந்து இறுதியில் சர்பத்தாகி விடுகிறது. அதே ஐஸ் கட்டியை தூக்கி சாக்கடையில் போட்டால் அது கரைந்து கடைசியில் சாக்கடையாகிறது. அது போல் தான் மனித வாழ்க்கையும்.

இஸ்லாத்தினை முழு மனத்தூய்மையுடன் பின்பற்றுபவனுக்கு இறுதியில் முடிவில்லா மகிழ்ச்சியும், எல்லையில்லா சந்தோஷமும் காத்திருக்கிறது. அதை புறக்கணித்தவனுக்கு முடிவில்லா துன்பமும், துக்கமும் உண்டு. இப்படியெல்லாம் அடிக்கடி நாம் இஸ்லாத்தைப் பற்றி எழுதுவதன் மூலம் பெறும் பாவங்கள் செய்வதிலிருந்து பாதுகாப்பு தேடிக் கொள்கிறோம். நம்முடைய இந்த ஆர்வமும், அதற்குண்டான முயற்சியும் கடைசி வரை தொடரட்டுமாக..

உம்மதம் உனக்கு; எம்மதம் எனக்கு என்ற உன்னத தத்துவத்தை கொண்டது தான் இஸ்லாம். நமதூரில் நடந்தேறிய சில (ஓடுகாலி) சம்பவங்கள் இன்னும் நம் உள்ளத்தை உளியால் துளையிட்டுக் கொண்டிருக்கிறது. நாம் மறையும் வரை மறக்கலாகாது.


கட்டுரை ஆசிரியர் : M.I.Naina from KSA
தொகுப்பு : Sharafudeen


கருத்து செறிவுள்ள சகோ. நெய்னாவின் (அரட்டையின் வாயிலாக உதித்த) சிந்தனை முத்துக்களை தொகுத்து அளித்த சர்புதீனுக்கு நன்றி.

குறிப்பு: இப்பதிவில் சிலவாசகங்கள் பிறம நம்பிக்கையாளர்களைப் புண்படுத்துவதாக பதிவரும் வாசகர்களும் கேட்டுக் கொண்டதற்கிணங்க சில வரிகள் நீக்கம் செய்யப்பட்டுள்ளன.

பதிவெழுதும் அன்பர்கள் இத்தகையப் பிரச்சினைகளில் உணர்ச்சிக்கு முன்னுரிமை கொடுக்காமல் வாசிப்பவரின் சிந்தனையைத் தூண்டும் விதமாக எழுதினால், கட்டுரையின் நோக்கம் திசை திரும்பாமல் வாசகர்களைச் சென்றடையும் என்பதைக் கருத்தில் கொண்டு தொடர்ந்து எழுதும்படி வேண்டுகிறோம்.

அன்புடன்
அதிரை எக்ஸ்ப்ரஸ் குழு

அரட்டைஅரங்கம் - சில விளக்கங்கள்!

அதிரை எக்ஸ்ப்ரஸ் அரட்டை அரங்கில் சமீபத்தில் நடந்த கருத்துப் பரிமாற்றங்கள் சில சகோதரர்களின் மனத்தைப் புண்படுத்தியது போல் தெரிகிறது.

எவ்வித உள்நோக்கமுமின்றி இங்கு பகிர்ந்து கொள்ளப்படும் பல விசயங்கள் அனைவரும் ஏற்றுக் கொள்ளும்படியாகவோ அல்லது வாசிப்பவர்கள், சொல்லப்பட்ட விசயத்தை அப்படியே புரிந்து கொள்வார்கள் என எதிர்பார்ப்பது நியாயமில்லை என்பதை இணைய அரட்டைகளில் பரிச்சயமுள்ளவர்கள் நன்கு அறிவார்கள்.

அதிரை எக்ஸ்பிரஸின் வாசகர்களில் பெரும்பாலோருக்கு பறிமாறப்படும் விசயங்கள் 'நச்' சென்று ஓரிரு வரிகளில் இருப்பதே இத்தகைய உடனடி அரட்டை வசதி ஆர்வத்தை தூண்டுகிறது.

எழுதப்படும் விசயத்திற்கு உடனடி பதிலும் பெறப்படுவதால், தான் எழுதியது சரியா தவறா அல்லது சொல்லப்பட்ட விசயம் சென்றடைந்ததா என்பதை உடனடியாக எழுதுபவர்களும் அறிந்து கொள்ள முடிவதென்னவோ உண்மைதான்!

ஓரிரு வரிகளில் சொல்லப்படும் அருமையான கருத்துக்கள் ஓரிரு மணித்துளிகளில் அரட்டை அரங்கச் சாளரத்திலிருந்து மறைந்து விடுவதை பலமுறை நினைவுறுத்தியும், எழுத்தாற்றல் மிக்க படைப்பாளிகள்/எழுத்தாள்ர்கள் இதை உணந்ததாகத் தெரியவில்லை.

தமிழிணையங்களில் இஸ்லாத்தைப் பற்றிய தூற்றல்களைப் பட்டியலிடுவதற்காக பல திடீர் தளங்கள் உருவாகியுள்ளதை அவ்வப்போது அறிகிறோம். சில பிரபலமான வலைப்பூ திரட்டிகளில் இஸ்லாம் என்ற தலைப்பில் தேடினால் இஸ்லாத்திற்கு எதிரான கருத்துக்களை முஸ்லிம் பெயர்களில் பதிந்துள்ளார்கள்.

கூகில் போன்ற தேடுபொறிககளும் (SEARCH ENGINES) அவற்றைப் பட்டியலிடுவது தவிர்க்க முடியாத ஒன்றாக உள்ளது. இவற்றை எதிர்கொள்வதற்கு மேற்சொன்ன எழுத்தாற்றல் மிக்கவர்கள் பதிவாக எழுதினால் ஓரளவு முடியும் என்பதாலேயே, பதிவாக எழுதுங்கள் என்று ஒப்பாரி வைக்கிறோம்.

துரதிஷ்டமாக கற்றறிந்த நம் சகோதரர்களும் இதைப் புரிந்து கொள்ளாமல், அவ்வாறு சொல்பவர்களைக் கோபித்துக் கொள்கிறார்கள். அரட்டையில் எழுதுபவை கூகிலிலோ அல்லது வேறு திரட்டிகளிலோ திரட்டப்படுவதில்லை என்பதை உணர்ந்தால் அரட்டை அரங்கைவிட தனிப்பதிவே ஆவணப்படுத்த தகுந்தது என்பது விளங்கும்.

இனியும் தற்காலிக குறுஞ்செய்திகளாக தத்தம் கருத்துக்கள் இருக்க வேண்டுமா என்பதை சம்பந்தப்பட்டவர்களின் முடிவுக்கு விட்டுவிடுவோம்!

அன்புடன்,
அதிரை எக்ஸ்ப்ரஸ் டீம்

JOB OPPORTUNITY IN DUBAI.

Position: Software Engineer.
Working Platform: VB with ORACLE.

Provide the following Info:
a) Qualification.
b) Present Cost to Company.
c) Expected Cost to Company.
d) Mobile No. & email address.
f) Total Exp (in Months):-
Experience in VB (in Months)
Experience in ORACLE (in Months)
g) Present Company & Location.
h) Joining Time Desired.
i) Passport No.(if any)
j) Date of Birth (MANDATORY)
k) Would you be able to attend Personal Interview on Saturday.

Pls reconfirm that all information given in your resume and send immediately to following email address.

Contact Person : Mr. Badruddin.
Email: badruddin@proscapegroup.com

For more details do call to this No. 9884155138

-Abdul Barakath.

Monday, April 21, 2008

கற்றதும் பெற்றதும் (கடன் தள்ளுபடி)

தேர்தல் காலங்களில் அல்லது மழை,வெள்ளம்,பஞ்சம் போன்ற இயற்கைச் சீரழிவுகளின் போது வங்கிக் கடன்களை தள்ளுபடிச் செய்யக்கோரும் அறிக்கைகளைத் தொடர்ந்து மத்திய/மாநில அரசுகள் வங்கிகள்ள் வழங்கிய கடன்களுக்கான வட்டியையோ அல்லது முதலையும் சேர்த்தோ தள்ளுபடி செய்வதை பலரும் அறிந்திருப்போம்.

சமீபத்தில்மத்திய நிதிநிலை அறிக்கையில்கூட நிதியமைச்சர் ப.சிதம்பரம் இச்சலுகையை வாரி வழங்கினார்!இவ்வாறு தள்ளுபடிச் செய்யப்படும் கடன்கள் என்றைக்காவது அதிரை முஸ்லிம்களுக்குக் கிடைத்திருக்கிறதா என்று தெரியவில்லை! பெரும்பாலும் விவசாயம் மற்றும் மீனவக் கடன்கள் மட்டுமே இதுபோன்ற சந்தர்ப்பங்களில் தள்ளுபடிச் செய்யபடுகின்றன.

வட்டி வாங்குவதும் கொடுப்பதும் ஹராம் என்று தெரிந்திருக்கும் நமக்கு, அவ்வாறு கொடுபட வேண்டியக் கடன்களுக்கான வட்டி தள்ளுபடி செய்யப்படும்போது பயன்பெற முடியாதற்க்குக் காரணம் நம்மவர்கள் அவசரத்தில் வாங்கும் கடன்கள் நகை அல்லது சொத்துகளின் மீதான பிணைக் கடன்களாக இருப்பதே ஆகும்.

கடன் கொடுக்கும்போது உள்ளுர் வங்கிகள் பல ஆவணங்களில் கையெழுத்து வாங்குவார்கள். எப்படியாவது கடன் கிடைத்தால் போதும் என்ற அவசரத்தில் நம் பெண்களும் பாமரர்களும் ஆவணங்களைப் படிக்கக் கூட முடியாமல் சொல்லும் இடங்களில் கையெழுத்து போட்டுக் கொடுக்கிறோம். கடன் பெற்றதும் மாதம் மாதம் வட்டி மட்டும் கட்டி நிரந்தரக் கடனாளர்களாகவே பல குடும்பங்கள் இருக்கின்றன.

அதிரை வங்கிகளில் மட்டும் நாளொன்றுக்கு ஐந்து முதல் பத்து கோடி ரூபாய் மதிப்புள்ள பணப் பரிவர்த்தனைகள் நடக்கின்றன. அவற்றில் பெரும்பாலானவை அயல்நாடுகளில் பொருளீட்டும் நம்மவர்களின் பணம்தான். காசோலை/டிராஃப்ட்டுகளின் அடிப்படையில் கணக்கிலிருந்து பணம்பெற தன்மையைப் பொருத்து காலம் கடத்தும் வங்கிகள், அவ்வாறு பரிவர்த்தனைச் செய்யப்பட்ட அந்நியச் செலவணிக்கான வட்டியை அனுபவிக்கிறார்கள்.

இப்படியாக பலவகையிலும் நம் பணத்தைக் கொண்டு இயங்கும் வங்கிகள், அவசர காலங்களில் கொடுக்கும் கடன்களை அரசின் தள்ளுபடிச் சலுகையைப் பெறும் வாய்ப்புள்ள விவசாயக் கடன் வகைகளில் கொடுக்கலாமே!

வங்கியத் தொழிலில் பரிச்சயமுள்ளவர்கள் பொது அமைப்புகளுடன் இணைந்து இத்தகையக் கடன்களைப் பெறும் வழிமுறைகளப் பற்றிய விழிப்புணர்வை நமதூர் பெண்களுக்கும், பாமர்களுக்கும் ஏற்படுத்தினால் அநியாய வட்டிக் கடன்களிலிருந்து மீள்வதோடு, வட்டியும் முதலும்கூட தள்ளுபடியாக உதவலாமே!

<<அபூஅஸீலா-துபாய்>>

துபாயில் தொழிலாளர் தொண்டு நிறுவனம் துவக்கம்

அமீரக நாடுகளில் ஒன்றான துபாயில், பல நாடுகளை சார்ந்த பல அடிப்படை தொழிலாளர்கள் சோனாப்பூர் என்ற பகுதியிலும் மற்றும் அல்கூஸ், ஜெபல் அலி போன்ற பகுதியிலும் வசிக்கிறார்கள். இவர்கள் அதிகப்படியாக கட்டுப்பானப்பணி புரிவதிலும், சாலை ஓரப்பணி புரிவதிலும், மற்றும் பல கடினமான பணிகளிலும் ஈடுப்படுகிறார்கள். இவர்களை பணிக்கு எடுக்கும் நிறுவனங்கள் அனைத்தும் ஒப்பந்த அடிப்படையில் உள்ள நிறுவனங்கள் தான் (Contracting Companies). இந்த நிறுவனங்கள் ஒப்பந்தம் செய்யும் போது குறைந்த சம்பளத்தினை தொழிலாளர்களுக்கு தருகிறார்கள். சம்பளம் அதிகம் கிடைக்க வேண்டும் என்பதற்காக தொழிலாளர்கள் ஒரு நாளைக்கு 12 மணி நேரங்கள் அல்லது 14 மணி நேரங்கள் பணிபுரிகிறார்கள் இருந்தாலும் அவர்களுக்கு கிடைக்கும் ஊதியமோ மிக மிக குறைவாக இருக்கிறது. வெள்ளிக்கிழமை மற்றும் விடுமுறைக்காலங்களிலும் வேலை செய்தாலும் ஒரு சில நிறுவனங்கள் தொழிலாளர்களுக்கு குறைந்த கூலியினை தருகிறது. அத்துடன் தொழிலாளர்கள் தங்கக்கூடிய இடங்களும் அடிப்படை வசதி இல்லாத அளவிற்கும் மாறிக்கொண்டு வருகிறது.

ஒரு சில நிறுவனங்கள் செய்யும் இத்தகைய தவறுகளால் பல பிரச்சனைகளை இங்குள்ள தொழிலாளர்கள் தினம் தினம் சந்திக்க வேண்டி இருக்கிறது. சென்ற சில மாதங்களாக துபாய், அஜ்மான், ஷார்ஜா போன்ற பகுதியில் உள்ள தொழிலாளர்கள் அடிப்படை வசதி இல்லை, ஆறு மாத சம்பள பாக்கி, அறைகளில் மின்சாரம் இல்லை, தங்கி இருக்கும் பகுதிகளில் சரியான தண்ணீர் வசதி இல்லை மற்றும் இன்னும் பல காரணங்களை காட்டி சாலைகளில் இறங்கி போராட்டங்களை செய்தனர். போராட்டத்தில் ஈடுபட்ட பல தொழிலாளர்களை அவர்களின் தாய் நாட்டிற்கு திரும்ப அனுப்பி விட்டது துபாய் அரசாங்கம்.

அடிப்படை தொழிலாளர்கள் இல்லை என்றால், துபாயில் கட்டுமான பணிகள் அனைத்தும் முடங்கி விடும் என்பதினை கருத்தில் கொண்ட துபாய் அரசாங்கமானது, தொழிலாளர்களுக்கு ஏற்படும் பிரச்சனைகளை தீர்க்க வேண்டி சோனாப்பூர் பேருந்து நிலைய பகுதியில் நிரந்தரமாக தொழிலாளர்கள் குறை தீர்க்கும் தொண்டு நிறுவனம் ஒன்றினை (Permanent Committee for Labour Affairs (PCLA) 18.4.08 வெள்ளிக்கிழமை மாலை அன்று பல தொழிலாளர்கள் முன்னிலையில் துவங்கியது. இந்நிகழ;ச்சியில் கலந்துக்கொண்டு உரையாற்றிய மேஜர் ஜெனரல் முஹம்மது அஹமது அல் மாரி அவர்கள் (Major - General Mohammed Ahmed Al Marri - Director of the Dubai Naturalisation and Residency Department and Chairman of PCLA) அவர்கள் கூறுகையில், தொழிலாளர்களுக்கு எந்த ஒரு பிரச்சனை எற்பட்டாலும் எங்களிடம் முறையிடலாம், வேலை நேரம் அதிகம் நிறுவனங்கள் தருகிறது, சம்பள பாக்கி, அடிப்படை வசதி குறைவு இது போல் என்ன பிரச்சனை இருந்தாலும் நாங்கள் முக்கியத்துவம் கொடுத்து அந்தந்த துறைச்சார்ந்தவர்களிடம் (Relevant Department) கூறுவோம். ஒரு மணி நேரத்துக்குள் தொழிலாளர்களின் பிரச்சனை சரிப்படுத்த எங்களின் இந்த நிறுவனமானது முயற்சியினை மேற்கொள்ளும். தொழிலாளர்களின் வசதியினை கருத்தில் கொண்டு மாலை நேரத்திலும் எங்கள் தொண்டு நிறுவனம் பணி செய்யும். அரசுத்துறை சார்ந்த நிறுவனங்கள் எப்படி செயல்படுகிறது, எப்படி அந்த நிறுவன அதிகாரிகளை சந்தித்து குறை சொல்வது போன்றவைகளை பற்றியும், கல்வியின் அவசியம் பற்றிய விழிப்புணர்வை அடிப்படை தொழிலாளர்களுக்கு கற்றும் தரும் பணியிலும் இந்த நிறுவனமானது செயல்படும் என்றும் அவர் மேலும் குறிப்பிட்டார். தற்போது சோனாப்பூரில் துவங்கி இருக்கிறோம் அதன் பின் ஜெபல் அலி, அல் கூஸ் போன்ற பகுதியிலும் மிக விரைவில் துவங்க உள்ளோம் என்றும் சொன்னார்.

இந்த துவக்க நிகழ்ச்சியில் இலங்கை, எகிப்து, பாகிஸ்தான், பங்களாதேஷ் போன்ற நாடுகளை சார்ந்த அரசுத்துறை (Government Diplomats) அதிகாரிகள் கலந்துக்கொண்டனர். பாகிஸ்தான் தூதரகத்தினை சார்ந்த முஹம்மது வாஷின் (Mohammed Waseen Welfare Consul at the Pakistani consulate in Dubai) அவர்கள் குறிப்பிடுகையில், இந்த நிறுவனமானது தொழிலாளர்களின் அடிப்படை வசதிக்காகவும், மற்றும் மகிழ்வுடன் தொழிலாளர்கள் துபாயில் இருப்பதற்கான அனைத்து வசதி வாய்ப்பினை தரும் என்றும் கூறினார்.

நன்றி : கலீஜ் டைம்ஸ் 19.4.2008 முதல் பக்க செய்தி

தகவல் : முத்துப்பேட்டை அபூ ஆஃப்ரின்


Sunday, April 20, 2008

மருத்துவ நிதிவசூல்


சென்றமுறை மேலத்தெருவைச் சார்ந்த சிறுவன் ஜியாவுதீனுக்கு நமதூர் சகோதரர்கள் நேரடியாகவும் வெவ்வேறு அமைப்புகள் மூலமும் மருத்துவச் சிகிச்சைக்கு உதவினார்கள். அதேபோல் இச்சிறுவனுக்கும் சம்பந்தப்பட்ட அமைப்புகள் மூலமும் தனியாகவும் உதவ துபாயில் வசிக்கும் நமதூர்வாசிகள் ஏற்பாடு செய்வதாக அறிந்தோம். அல்ஹம்துலில்லாஹ்!

சவூதி மற்றும் பிறபகுதிகளில் நமதூர்வாசிகளுடன் தொடர்பிலிருக்கும் சகோதரர்களும், அமைப்புகளில் அங்கம் வகிக்கும் சமூக ஆர்வலர்களும் இச்சிறுவனுக்குத் தகுந்த உதவிகள் கிடைக்க உதவும்படி கேட்டுக் கொள்கிறோம்.

இச்சிறுவனுக்கு மருத்துவ நிதிஉதவி செய்ய விரும்பும் அமீரகவாழ் அதிரைவாசிகள் துபாயில் செயல்பட்டுவரும் மேலத்தெரு முஹல்லாவாசிகளின் அமைப்பான தாஜுல் இஸ்லாம் இளைஞர் அமைப்பின் நிர்வாகிகள் சகோதரர் ஹாஜா அலாவுதீன் (மொபைல்:050-5593275) மற்றும் மாலிக் (மொபைல்:050-7914780) அவர்களைத் தொடர்பு கொள்ளவும்.

வழக்கம்போல் ஒருநாள் செய்தியாக மட்டும் இதைப் படித்துவிட்டு சென்றுவிடாமல், நம்மால் இயன்ற உதவிகளைச் செய்ய சகோதரர்கள் முன்வர வேண்டுமாய்க் கேட்டுக் கொள்கிறோம்.

சவூதி மற்றும் பிறநாடுகளில் வசிக்கும் சகோதரர்களும் தங்கள் பங்களிப்பைச் செய்யவும். அதிரை எக்ஸ்ப்ரஸுடன் தொடர்பிலுள்ள நமதூர் சகோதரர்களிடம் இச்செய்தியைத் தெரிவித்து முடிந்தவரை மருத்துவ உதவியைத் துரிதப் படுத்தும்படி கேட்டுக் கொள்கிறோம்.

நிதி உதவியை நேரடியக வழங்க முடியாதவர்கள் பின்னூட்டமாகவோ அல்லது தனிமடல்மூலமோ தங்கள் மொபைல் மற்றும் இருப்பிடத்தைத் தெரியப்படுத்தினால் அதற்கான ஏற்பாடுகளையும் செய்ய வசதியாக இருக்கும்.

மரண அறிவிப்பு

அஸ்ஸலமு அலைக்கும்.

மரண அறிவிப்பு

நடுத்தெரு மர்ஹூம் ஹாஜி M.A.M.அசனா லப்பை தம்பி மரைக்காயர் அவர்களின் மகனும்,மர்ஹூம் ஹாஜி M.A.M.முஹம்மது தமீம் (புருனை தமீம்) அவர்கள் மற்றும் M.A.M.அப்துல் கபூர் அவர்களின் சகோதரரும், அப்துல் ஹாலிக், ஹசன் இவர்களின் தகப்பனாருமாகிய ஹாஜி ஹாபிழ் மஹ்மூத் அவர்கள் காலமாகிவிட்டார்கள். அன்னாரின் ஜனாஸா இன்று இரவு 7 மணிக்கு தக்வா பள்ளியில் நல்லடக்கம் செய்யபடுகிறது.

குறிப்பு:-

ஹாஜி ஹாபிழ் M.A.M.மஹ்மூத் அவர்கள் ஜமால் முஹம்மது கல்லூரி தொடங்கிய ஆண்டு பி.ஏ படித்தார் என்பது குறிப்பிடதக்கது.

இப்படிக்கு,

முஹம்மது நெய்னா

Saturday, April 19, 2008

தக்வா மார்க்கெட்டில் சுகாதார சீர்கேடு

கொட்டிகிடக்கும் குப்பைகளில் மேயும் நாய் மற்றும் பன்றிகள்...

நமதூர்கடைத்தெரு தக்வா பள்ளி மீன் மார்க்க்கெட் அருகில்கட்டண கழிப்பிடம் அருகில் கோழிக்கடை இறைச்சிக்கடை கழிவுகளை இப்பகுதியில் கொட்டிவருகின்றனர்.
இதனால் பல்வேறு நோய்கள் பரவும் அபாயம் இருக்கிறது இதை நிர்வகிக்கும் பள்ளிவாசல் நிர்வாகமும் பஞ்சாயத்போர்டும் கண்டு கொள்வது இல்லை இதனால் பல்வேறு பகுதிகளிலிருந்து நோய்பரப்பும் பன்றிகளும் நாயி தொல்லையும் அதிகமாக இருப்பதாக அப்பகுதியில் வசிக்கும் குடும்பத்தினர் கூறுகின்றனர்.
இனிமேலாவது தக்வாபள்ளி நிர்வாகம் இதில் அதிக கவணம் செலுத்தி தூய்மையான பகுதியாக பராமரிக்க வேண்டுகிறோம்.
-JP-

அப்பப்பப்பா என்னா வெயிலு...

//தற்பொழுது அதிரையில் மண்டையை பிளக்கும் கடும் வெயில்அடித்துவருகின்றன.//

கோடையை சமாளிக்க ஏ.சி. பொருத்துவது அனைவராலும் முடியாது என்ற பிரச்சினை உலகெங்கும் உள்ளது தான். அமெரிக்காவில் நடுத்தர மக்களுக்காக தற்போது ஒரு நவீன ஏ.சி. அறிமுகம் செய்யப்பட்டுள்ளது.

அறையை மொத்தமாக குளிர்விக்க வேண்டுமென்றால் அதற்கு ஏராளமான மின்சாரம் தேவைப்படும். ஆனால் போர்வை போர்த்திக்கொண்டு அந்த போர்வைக்குள் குளிர் காற்றை கடத்தி விடும் இக்கருவி.

இது கட்டில் மீது எளிதாக பொருத்தக்கூடியதாக உள்ளது. மிகச் சிறிய ஏ.சி. கருவியிலிருந்து வெளிவரும் குளிர்காற்று அத்துடன் வழங்கப்படும் சிறப்பு போர்வை வழியாக மட்டுமே செல்வதால் தனி நபருக்கு குறைந்த செலவில் ஏ.சி. வசதி அமைக்க ஆகும் செலவு 100 டாலர் (ரூ. 4 ஆயிரம்) மட்டுமே!
என்ன அமெரிக்கா வாழ் அதிரை காரர்களே பர்சேஸ்க்கு கிளம்பியாச்சா.......?
-JP-

Thursday, April 17, 2008

ம்ம்ம்.... ஆ..ஹ்... நல்லா மணக்குது(?)

குழந்தைகள், இளம் வயதினர் ஏன் சில பெரியவர்கள் கூட அவர்கள் செல்லும் வாகனம் ஏதாவது சிக்னலில் நின்றால் கவலையே படமாட்டார்கள். சிக்னலில் நின்று கொண்டிருக்கும் வாகனங்களில் இருந்து வரும் டீசல்,பெட்ரோல் புகையை ஆழமாக இழுத்துச் சுவாசிப்பார்கள். டீசல்,பெட்ரோல் புகையின் வாசம் அவர்களுக்கு ரொம்பப் பிடிக்கும்.

அப்படிப்பட்டவர்களுக்கு அதிர்ச்சி தரும் செய்தி :

டீசல்,பெட்ரோல் புகையை அதிகம் சுவாசித்தால் அது மூளையின் வழக்கமான செயல்பாட்டை நிரந்தரமாகச் சீர்குலைத்துவிடுமாம்.

இதற்கு முன் செய்த ஆராய்ச்சிகளில் டீசல்,பெட்ரோல் புகையில் உள்ள மிகமிகச் சிறிய (நானோ) பொருள்கள் மூளையில் தங்கிவிடும் என்றுதான் கண்டுபிடித்திருந்தார்கள். இதனால் சுவாச நோய்கள் வரும் என்று கூறினார்கள்.

தற்போதைய ஆராய்ச்சியின்படி டீசல்,பெட்ரோல் புகையைச் சுவாசிப்பதால் மூளையில் ஒருவித அழுத்தம் ஏற்படுவதையும், அதன் தகவல் செயல்பாட்டில் சில மாற்றங்கள் ஏற்படுவதையும் கண்டுபிடித்திருக்கிறார்கள்.

டீசல்,பெட்ரோல் புகை விரும்பிகள் தங்கள் மூக்கைக் கைக்குட்டையால் இனிமேல் மூடிக் கொள்வது நல்லது.

நன்றி- தினமணிக்கதிர்.

(அப்துல் கபூர்)

Wednesday, April 16, 2008

மருத்துவ உதவி வேண்டுகோள்

நமதூரைச்சார்ந்த நிஹ்மத்துல்லா (வயது 17) புதுத்தெருவைச்சார்ந்தவர். கிட்னிகள் இரண்டும் செயலிலந்த நிலையில் கடந்த இரண்டு ஆண்டுகளாக செயற்கை முறையில் துளைகளிடப்பட்டு டியூப் வழியாக சிறுநீர் வருவதற்கான ஆபரேஷன் செய்யப்பட்டு கடும் துன்பத்தில் வாழ்ந்து வருகிறார்.

இவருக்கு இந்த நோய் கடந்த பல வருடங்களாக இருந்தும் வசதியின்மையின் காரணமாக மேற்கொண்டு சிகிச்சைகள் அளிக்க முடியாமல் அவருடைய பெற்றோர் சிரமப்படுகின்றனர்.

மேற்கொண்டு மருத்துவர்களின் ஆலோசனைப்படி கிட்னி மாற்று அறுவைச்சிகிச்சைக்கோ, வேறு சிகிச்சைகளுக்கோ அவருடைய தற்போதைய நிலையில் சில லட்ச ரூபாய்கள் செலவு செய்யவேண்டிய நிர்பந்தத்தில் பணம் புரட்ட முடியாத நிலையில் அவருடையப் பெற்றோர் மிகுந்த கவலையடைந்துள்ளனர்.

நல்லுள்ளம் படைத்த வாசகர்கள் இவருடைய மருத்துவ சிகிச்சைக்காக தாராளமாக நிதியுதவி வழங்குமாறு அதிரை எக்ஸ்பிரஸ் தாழ்மையுடன் கேட்டுக்கொள்கிறது.

மேற்கொண்டு தகவல் பெற விரும்புவோர் அதிரை எக்ஸ்பிரஸூக்கு மின்னஞ்சலிடுமாறு கேட்டுக்கொள்கிறோம்.

இவருடைய நல் சுகத்திற்கு அனைவரும் அல்லாஹ்விடம் இறைஞ்சுவோமாக!




நோயாளியை நலம் விசாரிப்பதின் சிறப்பு

ஓர் ஆடவர் தன்னுடைய முஸ்லிம் சகோதர்ரை நலம் விசாரிக்கும் பொழுது அவர் அமரும் வரை சுவனத்தின் கனிகளில் நடக்கிறார். அவர் அமர்ந்து விடும் பொழுது அருள் அவரை சூழ்ந்து கொள்கிறது. அது காலை நேரமாக இருப்பின் - அவர் மாலைப்பொழுதை அடையும் வரை 70 ஆயிரம் மலக்குகள் அவருக்காக துஆ செய்கிறார்கள்; அது மாலைப் பொழுதாக இருப்பின் அவர் காலைப்பொழுதை அடையும் வரை அவருக்காக 70 ஆயிரம் மலக்குகள் துஆச் செய்கிறார்கள்.

ஆதாரம்; திர்மிதீ, இப்னுமாஜா, அஹ்மது

நோயாளருக்காக - அவரை நலம் விசாரிக்கையில் துஆ

لا با س طهور ان شا الله

லா பஃஸ தஹூருன் இன்ஷா அல்லாஹ்

பொருள்: எந்தக் குற்றமும் இல்லை. அல்லாஹ் நாடினால் (இந்நோயினால் உங்களுக்கு பாவம்) பரிசுத்தமாகும். (புகாரி)

தெரிந்துக் கொள்வோம்.


உத்தம திரு நபி (ஸல்) அவர்கள் கற்று தந்த ஒரு சுன்னத்தைத்
தெரிந்து கொள்வோம்.

-Abdul Barakath.

வெளிநாட்டினருக்கு செளதி இளவரசர் உதவி

ரியாத்: செளதி அரேபியாவில் பணியாற்றி வரும் வெளிநாட்டுத் தொழிலாளர்களுக்கு மருத்துவ சிகிச்சைக்கான உதவிகளை செய்ய இளவசர் அல் வாலித் பின் தலால் ஒத்துக் கொண்டுள்ளார்.செளதி அரேபியாவில் பணியாற்றி வரும் வெளிநாட்டுத் தொழிலாளர்களுக்கு தேவைப்படும் மருத்துவ சிகிச்சைக்கான நிதியுதவி, சிகிச்சை உதவி உள்ளிட்டவற்றை இளவரசர் வாலித் வழங்குவார்.தொழிலாளர்களுக்கு மட்டுமல்லாது அவர்களது குடும்பத்தினருக்கும் இந்த மருத்துவ உதவி வழங்கப்படும்.

இது தொடர்பான அமைப்பு, சிகிச்சைக்கான தேவை உள்ளிட்டவை குறித்துப் பரிசீலித்து, இளவரசருக்குப் பரிந்துரைக்கும். அதன் பேரில் உதவிகள் கிடைக்கும்.

இதுதொடர்பான விவரங்களுக்கு ஹமாத் அல் அசிம்,டபிள்யூ.ஏ.எம்.ஒய். தலைமை அலுவலகம், கிங் பாத் சாலை, ஓவைஸ் மார்க்கெட் எதிரில், ரியாத்.தொலைபேசி எண்- 2050000

சிரிப்பு

சிரியுங்கள், உலகம் உங்களுடன் சேர்ந்து சிரிக்கும். அழுங்கள், நீங்கள் ஒருவர்தான் தனித்து அழுது கொண்டிருப்பீர்கள்.

இன்று வாழ்வில் நாம் திரும்பிப் பார்க்கும் திசையில் எல்லாம் தெரிபவை இரண்டு. அவைகளில் ஒன்று திருப்தி. மற்றென்று பேராசை. இந்த இரண்டும் தனித்தனியாக்கூட இல்லை. உள்ளங்கையும் புறங்கையும் போல ஒன்றின் இருபக்கங்களாக இருக்கின்றன.

யாரிடம் பேராசை இருக்கிறதோ அவரிடம் மறுபுறம் திருப்தியும் இருக்கிறது. கிடைத்தற்குப் திருப்திப்பட்டுக் கிடைக்க வேண்டியதற்காக உழைக்கும் ஆரோக்கியமான மனநிலை தென்படவில்லை. காரணம், மன இறுக்கம், மன உழைச்சல்.

தொடர்ந்து படிக்க தலைப்பை சொடுக்கவும்.


இந்த மன புகைச்சலிருந்து விடுபட உதவுவது மனம் விட்டு சிரிப்பது. சில சிரிப்புகளை சிறிது அலசுவோம்.

வாய்விட்டு சிரிப்பது - நமட்டு சிரிப்பு - வாயை மூடிக்கொண்டு சிரிப்பது - ஓகோ என்று சிரிப்புது- அவுட்டு சிரிப்பு - வெடிச்சிரிப்பு - 'களுக்'கென்று சிரிப்பு - பயங்கரமாய் சிரிப்புது - புன்சிரிப்பு - வயிறு வலிக்க சிரிப்புது - விழுந்து, விழுந்து சிரிப்புது - குபீரென்று சிரிப்பு - மனதுக்குள்ளே சிரிப்பு - உதட்டளவில் சிரிப்பு , வெறிச்சிரிப்பு - கலகலவென்று சிரிப்பு - 'பக்'கென்று சிரிப்பு- குலுங்ககுலுங்க சிரிப்பு- கடைசியாக வருவதுதான் *கபட சிரிப்பு* [விடுப்பட்ட சிரிப்பு இருந்ததால் தொ¢விக்கலாம்.]

நகைச்சுவை என்பது சில சமயம் கேலி செய்வதற்கு பயன்படுத்தப்படுகிறது. எதையும் கேலி செய்வதற்கு விஷயத் தெளிவு வேண்டும். அதை நகைச்சுவையோடு கேலி செய்வதற்கு புத்திசாலிதனம் வேண்டும். அதுவும் பிறர் மனம் புண்படாமல் கேலிசெய்ய, கேலி செய்வதற்கு பக்குவமான அறிவு வேண்டும். அத்துடன் சிந்தனையை தூண்டிவிட தெளிந்த மனம் வேண்டும்.

சிரிப்பு ஆக்கபூர்வமமானது. சிரியுங்கள். மனம் சுத்தமாகிறது. ஆரோக்கியமடைகிறது.


மனம் ஆரோக்கியமடைந்தால் அதைத் தொடர்ந்து உடம்பும் ஆரோக்கியம் அடைகிறது. அப்படி ஒரு மருந்து இருப்பதை நாம் மறந்துவிடுகிறோம். அவ்வளவுதான். சிரிப்பெனும் மருந்தைத் தினம் தினம் அருந்துங்கள்
[சிரிக்கக் கூடாது என்ற தீர்மானத்துடன் பல்லைக் கடித்துக்கொண்டு
இருந்தால்.... மன்னிக்கவும்.]

சிரிப்பே உலகின் மிகச்சிறந்த மருந்து என்று சொன்னால், அது மிகையல்ல. கடந்த 20 ஆண்டுகளாக நமது உள்ளத்திற்கும் , நோய்களுக்கும் இடையேயான தொடர்பை ஆராய்ந்து வருகிறார்கள் உடற்கூறு வல்லுநர்கள். இந்த ஆராய்ச்சியின் பலனாக ஒரு உண்மையைக் கண்டறிந்தனர்.

நமது எண்ணங்களுக்கும் மன நிலைக்கும் ஏற்றபடி உடலினுள் இயங்கும் செல்களின் நோய் எதிர்ப்பு சக்தி கூடுகிறது, அல்லது குறைகிறது என்பதே அது. 1993-ம் ஆண்டின் இவ்வாராய்ச்சியில் ஒரு பயனுள்ள உண்மை கண்டறியப்பட்டது. நமது நரம்புகள் ஒரு ரசாயனத்தை வெளியிட்டுக் கொண்டுடிருக்கிறது. இதற்கு "CGRP" என்று பெயர். இதுதான் நரம்புகளுக்கு அடியிலுள்ள நோய் எதிர்ப்பு சக்தி செல்களின் இயல்பை ஊக்குவிப்பதும், மட்டுப்படுத்துவதும். நமது மன அலைக்கு ஏற்ப 'CGRP' அதிகமாக
உற்பத்தியாக்கி உடலில், நோய் எதிர்ப்பு சக்தியும் அதிகமாக்கும். நாம் மனம் விட்டுச்சிரிக்கும் போது 'CGRP' அதிகமாகச் சுரக்கிறது என்பதுதான் ஆராய்ச்சியில் கண்டறிப்பட்ட உண்மை.

உலகின் மிகச் சிறந்த மருந்து மனம்விட்டுச் சிரிப்பதே என்று நியூயார்க் பல்கலைக் கழகப் பேராசிரியர் ஆர்தர்ஸ்டோன் தன் ஆய்வின் மூலம் உறுதி செய்துள்ளார்.


நாம் சிரிக்கும் போது நம் மூக்குனுள் உள்ள சளியில் 'ம்யூனோகுளோபுலின் ஏ' [IMMUNOGLOBULIN-A] என்ற நோய் எதிர்ப்புப் பொருள் அதிகா¢த்து பாக்டீயாக்கல், வைரஸ், புற்றுநோய்த் திசுக்கள் உடலுக்குள் சென்று விடாமல் தடுக்கிறதுதாம். இதனால் மனம்விட்டுச் சிரிப்பவர்கள் நோய் எதிர்ப்புச் சக்தியுடன் நீண்ட நாட்கள் ஆரோக்கியமாக உயிர் வாழலாம் என்கிறார் இந்தப் பேராசிரியர். மேலை நாடுகளில் டாக்டர்கள் நோயாளிகளுக்கு -சிரிப்பு வீடியோக்களைப் பார்க்குமாறு பா¢ந்துரை செய்கிறார்கள்.

நேர்மன் கசின்ஸ்' என்னும் அமொ¢க்க நாவலாசியா¢யர் 1983-ம் ஆண்டு தான் எப்படி இதய நோயிலிருந்து மீண்டும் வந்தார் என்பதை குறிப்பிட்டுள்ளார்.
''நான் மாரடைப்பு வந்ததுடன் கொழுப்பு சத்துள்ள உணவுகளை தவித்தேன்.
எளிய உடற் பயிற்சிகளைத் தவறாமல் மேற்கொண்டேன்.


விளையாட்டு, நடைப்பயிற்சியும் மேற்கொண்ட பிறகு, மீதி நேரங்களில் வயிறு குலுங்க சிரித்து மகிழ்ந்தேன். அதற்கென நகைச்சுவைப் படங்கள் டி வி -யில் பார்த்தேன். நகைச்சுவை வசனங்களை டேப் ரிக்கார்டில் கேட்டு மகிழ்தேன். என்ன ஆச்சா¢யம் ? நாளடைவில் என் இதயம் பலப்பட்டு நோய் இருந்த இடம் சுவடே தொ¢யாமல் மறைந்து போனது"

நோய் எதிர்ப்பு சக்தியை உடலில் உற்பத்தி செய்யும் வெள்ளை அணுக்களின் உற்பத்தியைச் 'சிரிப்பு' முடுக்கிவிடுகிறது என்பதைச் சிரிப்பு பற்றி ஆராய்ந்த மருத்துவ அறிஞர் வில்லியம் பிரை தன்னுடைய ஆய்வின் மூலம் உறுதி செய்துள்ளார்.

சிரிப்பு பற்றி ஆராயும் மருத்துவ அறிஞர்களை ' GELOTO LOGIST என்கிறார்கள்.
இவர்கள் பலவித ஆய்வின் மூலம் கண்டறிந்த உண்மைகள் அவைகள்.

சிரிப்பு நம்மிடைய ரத்ததில் அதிகப்படியான ஆ க்ஸஜன் இருப்பதற்கான தசைகள் வலுவடைகின்றன. ''இரத்த அழுத்தம்'' அளவு குறைகிறது. நுரையீரல் நன்கு செயல்படுகின்றன.


'என்சீபேலின்ஸ்' என்ற ஹார்மோனை நம் உடலில் சுரக்கச் செய்து தசைவலியை நீக்க உதவுகிறது சிரிப்பு. சிரிப்பதனால் ரத்தக் குழாய்கள் விரிவடைந்து ரத்த ஓட்டம் அதிகா¢க்கிறது. மன இறுக்கம் தளர்கிறது

சிந்தைக்கும், உணர்ச்சிகளுக்கும் தலைமை பீடமாகச் செயல்படும் - நம் மூளையின் வலப்பக்கப் பகுதி, சிரிப்பினால் நன்கு செயல்படுகிறது.
சிரிப்பு- பெப்டிக் அல்சர் போன்ற இரைப்பைப் புண்கள் வராமலேயே தடுக்கிறது. உலக வாழ் உயிரனங்களில் நம்மால் மட்டுமே சிரிக்க முடியும். சிரிப்பினால் எவ்வளவு நன்மைகள் என்று சிரித்து பாருங்கள்.

எனவே, நோய்விட்டுப் போக மனம் விட்டுச் சிரியுங்கள்.
"சிரிக்க தொ¢ந்த சமுதாய விலங்கு மனிதன்" என நம்மை மற்ற இனங்களிலிருந்து வகைப்படுத்தி அறிவியலார் கூறுவதுண்டு.

சிரிப்பு என்பது மனிதனுக்கு மட்டும் உள்ள, மற்ற விலங்கினங்களுக்கு
இல்லாத சிறப்பு.

மனிதனுக்கு பல சமயங்களில் மன இறுக்கத்தை குறைக்க, நட்பை வளர்க்க
ஒருவருக்கொருவர் நெருக்கமாக பழக, இடைவெளியை குறைக்க, மனத்தெளிவு, மனமகிழ்ச்சி என பலவிதமான பயன்பாட்டில் திகழ்கிறது இந்த சிரிப்பு. நகைச்சுவை மனிதனை சிரிக்க வைக்க மட்டும் இல்லாமல் அது வேறு பல சுவைகளையும் உள்ளடக்கியதாகவும் உள்ளது.

''பெர்னாட்ஷ'' ஒரு சமயம். ''உண்மையான அறிவு என்பது நகைச்சுவையான சிரிப்பு பின்னணியிலேயே செயல்படுகிறது' என்றார். நகைச்சுவையும், சிரிப்பும் அறிவை அளவிட்டு காட்டுவதாக பெரும்பாலும் அமைகிறது.

நகையும் சுவையும் சிரிப்பும் அறிவு பூர்வமானது என்பதை மெய்ப்பிக்க, நமக்கு அக்பர், பீர்பால் கதைகள், தெனாலிராமன் கதைகள் போன்றவை சான்றாக இருக்கிறது. அமரர் 'கல்கி' யின் படைப்புக்கள் நகைச்சுவை முலாம் பூசப்பட்டு மிளிர்பவைதான்.

இன்றைய கால கட்டத்தில் நமக்கு கொஞ்சம் நகைச்சுவையும், சிரிப்பும் பஞ்சம் ஏற்பட்டு இருப்பதாகவே கூறலாம். சமுதாய சூழ் நிலையும், மன உளைச்சலும் இதற்கு காரணம் கூறலாம்.

நம்மில் சிலர்- பொ¢ய பதவியிலுள்ளவர்கள் 'சிரித்துப் பேசக் கூடாது' என்று
கங்கணம் கட்டிக்கொண்டு இறுக்கமாகவே இருக்கிறார்கள். இந்தப் போக்கு மாறவேண்டும்.

நகைச்சுவை உணர்வால் மட்டுமே பொறுமை வளர்க்க முடியும். நண்பர்களிடத்தில் தனித் தோற்றத்தையும், குடும்பத்தினரிடம் அதிகம் நெருக்கத்தையும் எந்த விதமான இடர்பாடுகளையும் எளியதாகக் கையாளவும், சிறப்பாக நமக்கு உதவி செய்கிறது. சிரிப்பது உங்கள் கடமை. மனிதனின் சோர்வை அகற்றுவது சிரிப்பு. சிரிக்கும் உணர்வு இருந்தால் எத்தனை கொடிய துன்பத்தையும் துரத்தமுடியும். மனதுக்கு தைரியம் அளிப்பது நகைச்சுவை உணர்வுதான். சிரிக்க கூடிய சக்திதான். சிரிப்பு 'கவர்ந்திழுக்கக்' கூடியது முகம். சிரித்த முகத்துடன் இருப்பவர்கள், அந்த புன்சிரிப்புதான் எத்தனை அழகானது!!!

இளமையான புன்னகை இனிமையான ஆன்மாவைக் குறிக்கிறது. கண்ணுக்குள் தொ¢யமால் உள்ளுக்குள் ஒளிந்திருக்கும் அழகை வெளிப்படுத்துவது புன்னகை. 'மர்ரெ பாங்க்ஸ்' என்ற தத்துவ டாக்டர், இன்றைய உலகத்தின் நெருக்கடிகள், கஷ்டங்கள் யாவற்றிலிருந்தும் விடுபட, சிரிப்பு ஒன்றுதான் வழி. உங்களால் சிரிக்க முடிகிறது என்றால் நல்ல மனத்தோடு இருக்கிறீர்கள் என்று பொருள். சிரிப்பு உங்களுக்கு உடல் நலத்தைத் தருகிறது. செல்வத்தைத் தருகிறது. ஏன் அதை நீங்கள் விடவேண்டும்.?

இன்றைய் உலகம் இளையர்கள் கையில். இளையர்கள் சிரிப்பை விரும்புகிறார்கள். நீங்கள் சிரிக்காமல் இருந்தால் இளையதலைமுறையினர் நட்பை இழக்கிறீர்கள். உலகத்துடன் உள்ள தொடர்பை இழக்கிறீர்கள்.

இந்த பரபரப்பான வாழ்க்கைச் சுழலில் மனம்விட்டு அடிக்கடி சிரிப்பது
மிக்க அவசியமாகிறது.

நல்ல நகைச்சுவைகளை அனைத்தும் நாம் தனியாக இருந்து சிரித்தாலும் நம்மை பற்றி மற்றவர்கள், ''சாமிக்கு கொஞ்சம் மண்டை கிறுக்கு" என எண்ணக்கூடும்.

ஆகவே, அதனையும் கருத்தில் - கவனத்தில் கொண்டு சிரிக்கவும்,
மனம் விட்டு சிரிக்கவும். நலம் சிறக்கும்

By Haja Sharif

Tuesday, April 15, 2008

உணவுப் பொருட்களில் கலப்படம்

நான் குமுதத்தில் ஒரு கட்டுரை படித்தேன்.அது முக்கியமான கட்டுரை என்பதால் adiraixpress வாசகர்களும் படிக்க அனுப்பியுள்ளேன்
By (Haja)

Monday, April 14, 2008

சுட்டிக் குழந்தை

"அடிக்க அடிக்க அம்மியும் நகரும்" என்பார்கள். மூன்று வயதுகூட நிரம்பாத இச்சிறுவன் ஆளில்லாத மாருதி ஆம்னி வேனை தனது பிஞ்சுக் கைகளால் பின்னுக்குத் தள்ளும் காட்சி. (மாஷா அல்லாஹ்!) எவ்வித கேமரா யுக்தியும் இல்லாத உண்மையான நேரடிக்காட்சி என்று படம் பிடித்தவர் சொன்னார். நடுத்தெரு ஹாஜா பஹ்ருதீன் அவர்களின் இளையமகன் இவன். பெயர். அப்துல் கரீம். (ஈமெயில் hajabahurudeen at yahoo.com)

video
மென்மேலும் சாதனை படைக்க அதிரை எக்ஸ்ப்ரஸின் சார்பில் வாழ்த்துக்கிறோம்.

பின்குறிப்பு: உங்களிடமும் இதுபோன்ற வீடியோ கிளிப்பிங்ஸ், போட்டோ ஆகியவவை இருந்தால் தயங்காமல் அதிரை எக்ஸ்ப்ரஸ்@மெயில் என்ற முகவரிக்கு இணைப்பாக அனுப்பியோ அல்லது www.youtube.com போன்ற வீடியோ தளங்களில் சேமித்து சுட்டியையோ அனுப்பி வைக்கலாமே. இதன் மூலம் மேலும் பல இளஞ்சாதனையாளர்கள் உருவாக உந்துதலாக அமையும்.

கற்றதும் பெற்றதும் (குண்டான் மாற்று/குண்டாமாத்து )

வாய் அகன்று, அடிப்பாகம் குவிந்த உலோகப் பாத்திரத்திற்கு குண்டான்/ குண்டான் சட்டி என்று சொல்வார்கள். ப்ளாஸ்டிக் பாத்திரங்கள் புழக்கத்தில் வந்த பின்னர் இத்தகைய உலோகப் பாத்திரங்கள் அருங்காட்சியகத்தில் மட்டுமே இருக்கின்றன.அதிரை போன்ற முஸ்லிம்கள் பெரும்பான்மையாக உள்ள ஊர்களில் குண்டான் மாற்றுத் திருமணம் நடைமுறையில் இருந்து வருகின்றது.

சமீபத்தில் டி.ராஜேந்தர் நடித்து வெளிவந்த வீராச்சாமி படத்தில் குண்டான் மாற்று திருமணம் பற்றிய ஒரு வசனம் வரும். பெண் கொடுத்து - பெண் எடுக்கும் (நமதூரைப் பொருத்தவரை ஆண் கொடுத்து ஆண் எடுக்கும் :-)) திருமணத்தை இவ்வாறு குறிப்பிடுவர்.பெண்ணுக்கு வரதட்சினை கொடுக்க முடியாதவர்கள் திருமண வயதிலுள்ள ஆண்மகனை குண்டானாக மாற்றிக் கொள்வதே குண்டாமாற்றுத் திருமணம்!

நகை-நட்டு,வீடு-வாசல்,நிலம்-புலம்,காடு-களணி ஆகிய எதுவுமே சரியாக அல்லது தேவையின்றி மகள்களின் திருமணங்கள் நடந்தேற இத்தகையத் திருமணமுறை உள்ளது. வரதட்சினைக் கொடுமைக்குத் தீர்வாக இப்பழக்கம் கடைபிடிக்கப்பட்டாலும் வரதட்சினையைவிடக் கொடுமையான விளைவை சில திருமணங்கள் உண்டாக்குகின்றன.

தங்கள் மகளுக்குச் சரியாகச் செலவு பணத்தை மருமகன் அனுப்பாவிட்டால்?!, மருமகளுக்கும் செலவுக்குப் பணம் கிடைக்காது அல்லது இந்தக் கையில் வாங்கி அந்தக் கையில் திருப்பி விட்டுவார்கள்.அதாவது பரஸ்பரம் பணம் கொடுக்க வேண்டியதில்லை!சாமர்த்தியமுள்ள மறுமகள் கணவனிடமிருந்து தனியாகப் பெற்றுக் கொள்வாள். முடிந்தால் தனது வரும்படியைத் தடுத்த பெற்றோருக்கும் கொடுக்க விடாமல் செய்வாள்! (அடிப்பாவி!:).

விளைவு!ஆசைமகனைச் சுருட்டிக் கொண்டதாகச் சொல்லி உட்கட்சிப் பூசல் எழும். புள்ளே நல்லாத்தாம்மா இருந்துச்சு! அந்த __________ வீட்டுக்குப் போய்ட்டு வந்த பின்னாடி மடிச்சுமடிச்சு (மிகவும் ரகசியக் குரலில்) போவுது! என்ற புலம்பத் தொடங்கி கொஞ்சம் கொஞ்சமாக பகைவலுவடைந்து கேஸ் ஸ்டவ் வெடிக்கும் அளவுக்குப் போகும் அபாயமில்லை (ஏனென்றால் மறுமகள்தான் தாய்வீட்டோடு தங்கி விடுவாளே!) என்றாலும் மாமியார்-மருமகள் சண்டையில் கடைசியில் கடைசியில் உடைபடுவதென்னவோ மகனின் மண்டைதான்!

பொருளாதார ரீதியில் இத்தகையப் பிரச்சினைகளை இருவீட்டாரும் (அல்லது இளிச்சவாய் வீட்டார்) சந்திப்பது ஒருபக்கம் என்றால் இன்னொரு பக்கம் பரஸ்பரம் தாலியறுப்பு வரைச்சென்று,சகோதரியின் திருமணம் நடக்கத் தாரை வார்க்கப்பட்ட சகோதரனின் சந்தோசம் சிலசமயம் குண்டானில் போட்டு வறுத்தெடுக்கப்படும்!

பின்குறிப்பு: எதிர்மறை விளைவுகளை மட்டுமே சொல்லியுள்ளேன். நம் முன்னோர்களில் பலர் இத்தகைய முறைத்திருமணம் செய்து இன்றுவரை சந்தோசமாக இருந்து வருவதைக் கண்டாலும், குண்டான் மாற்றுமுறைத் திருமணங்கள் பாதுகாப்பானது என்று சொல்லப்படுவது குறித்து அனுபவ(க் குண்டான்கள்:)))ஸ்தர்கள் சொல்லலாமே!

<<<அபூஅஸீலா-துபாய்>>>

Sunday, April 13, 2008

கற்றதும் பெற்றதும் (ஊடகவியலும் முஸ்லிம்களும்)

பரபரப்புக்காக எதையும் எழுதி/சொல்லி/காட்சிப்படுத்துவதும், கிசுகிசு, கட்டுக் கதை,ஆபாசம் ஆகியவற்றை முன்னிலைப்படுத்துவதும் இஸ்லாமிய மரபல்ல என்பதோடு இவற்றை வன்மையாகக் கண்டிக்கவும் செய்கிறது பிறர் சிரிக்க வேண்டும் என்பதற்காக நையாண்டி செய்வதும், பரிகசிப்பதும் இஸ்லாம் காட்டித்தந்த வழிகளல்ல!இவற்றை அளவுகோளாகக் கொண்டிருப்பதாலேயே முஸ்லிம்கள் ஊடகத் துறையில் சர்வதேச அளவில் முன்னுக்கு வரமுடியவில்லை.

ஊடகத்துறையை ஆக்கிரமித்துள்ளவர்கள் நினைத்தால் இன்று யாரையும் தீவிரவாதி என்றோ அல்லது அமைதிக்கான நோபல்/ பாரத ரத்னா விருது பெறத்தகுந்த உத்தமர் என்றோ உலகமக்களை நம்பவைக்க முடியும்.

ஹிட்லர் மகாக் கொடியவன், ஆயிரக்கணக்கில் யூதர்களைக் கொன்ற கொடியவன் என ஏறத்தாழ நூற்றாண்டுகளாகியும் மக்கள் மனதில் பதிய வைத்திருப்பதற்கு, யூதர்களின் பிடியிலுள்ள ஊடகங்களே முக்கியக் காரணம். யூதர்களைக் கொன்ற ஹிட்லர் கொடியவன் என்றால், அதைவிட அதிகமான முஸ்லிம்களைக் கொன்ற ஜார்ஜ் புஷ் ஒரு மகாக்கொடியவன்.

கேள்விப்பட்டிருக்கும் விசயங்களை வைத்தே ஹிட்லரை வெறுப்பவர்கள், நம் கண்முன் நடக்கும் படுகொலைகளுக்குக் காரணமாக இருக்கும் ஜார்ஜ் புஷ், ஏரியல் ஷரோன், நரேந்திரமோடி ஆகியோரை வெறுக்காமலிருப்பதற்கு ஊடகங்களின் சூழ்ச்சிகளே முக்கியக் காரணம். தங்களின் இமேஜை தக்க வைக்க ஊடகங்களுக்கு எலும்புகளைப் போட்டதால்தான் வெட்கமின்றி மீண்டும் மீண்டும் மக்களை சந்தித்து ஆட்சியில் அமர முடிந்தது.

மேலை நாடுகளில் ஊடகங்களைக் காலடியில் வைத்திருக்கும் திமிரில் தான் இஸ்லாத்தை அநாகரிகமாக விமர்சனம் செய்கின்றனர். உரிமைகள் பற்றி ஒருபக்கம் பேசிக்கொண்டே கல்வி நிறுவனங்களில் முஸ்லிம்களின் உரிமைகளை மறுப்பர். மனிதஉரிமை குறித்து கவலைப்பட்டுக் கொண்டே க்வாண்டநாமோவிலும் அபூகரைப்பிலும் முஸ்லிம்களை சித்திரவதைப் படுத்த சிறப்பு அதிகாரத்தைக் கொடுப்பர். எதையும் செய்து விட்டு உலக மக்களின் கண்களை ஊடகக் கருப்புத்துணியால் கட்டி விடலாம் என்ற ஆழ்ந்த நம்பிக்கை.

பொய் சொல்ல வேண்டாம்! ஆபாசக் கதைகளை அரங்கேற்ற வேண்டாம்! இஸ்லாமியக் கோட்பாடுகளை காற்றில் பறக்கவிடவும் வேண்டாம்! அட! மேற்கண்ட எதுவுமேயின்றி உண்மைகளை மட்டும் உரக்கச் சொல்லலாமே! முஸ்லிம்கள் மற்றும் இஸ்லாம் சம்பந்தப்பட்ட பத்திரிக்கை,செய்தித்தாள், வானொலி, தொலைக்காட்சி, இணையம்,வலைப்பூ ஆகிய எந்த ஊடகமாக இருந்தாலும் அவை இஸ்லாமிய அறவுரைகளை மட்டுமே முன்னிறுத்தி இருப்பதால் பரவலான வாசகர் வட்டத்தை இழக்கின்றன.

சர்வதேச அளவில் புகழ்பெற்ற ஊடககங்களுடன் போட்டியிடும் அளவுக்கு இஸ்லாமிய ஊடகங்கள் வெற்றிபெறாமல் முடங்குவதற்கு அவற்றின் ஆக்கங்கள் பெரும்பாலும் அறவுரைகளைச் சொல்வதாகவே இருப்பதுதான். இணைய தளங்களில் கணிசமான அளவுக்கு இஸ்லாமிய தளங்கள் இருந்து வந்தாலும் பெரும்பாலானவை மேற்கண்ட ரகத்தைச் சார்ந்தவைகளாக இருப்பதைக் காண்கிறோம்.

தொலைக்காட்சி ஊடகத்தைப் பொருத்தமட்டில் அல்ஜஸீரா சர்வதேச தரத்துடன் நம்பகமான தளமாக இருந்து வருகிறது. அமெரிக்காவின் ஈராக்-ஆப்கன் ஆக்கிரமிப்புகளையும் அடக்குமுறைகளையும் யூத மேலான்மை ஊடகங்கள் மறைத்தவற்றை அல்ஜஸீரா அம்பலப்படுத்தி அமெரிக்காவின் வயிற்றெரிச்சலைக் கட்டிக்கொண்டதன் விளைவால் நியூயார்க் பங்குச் சந்தையில் பட்டியலிடுவதிலிருந்து நீக்கப்பட்டிருந்தது

உலகில் மூன்றிலொரு பங்கைக் கொண்டிருக்கும் முஸ்லிம்களிடம் அவர்களின் சதவீதத்தை விடவும் மிகக் குறைந்த அளவே ஊடகங்கள் உள்ளன. செய்திகளையும்,நடப்புகளையும் முஸ்லிம் அல்லாதாரின் கண்ணோட்டத்திலேயே பார்க்கவேண்டிய துர்பாக்கியநிலை உள்ளது. இதைத் தவிர்க்க ஊடகத் துறையில் முஸ்லிம்கள் கவனம் செலுத்த வேண்டியது அவசியம்.

தமிழகத்தைப் பொருத்தமட்டில் உள்ளூர் செய்திகளை ஊடகங்களில் சரியாகச் சொல்ல நம்பத் தகுந்தவர்கள் இல்லை. காவல்துறையும் அதிகாரிகளும் சொல்வதை அப்படியே கிளிப்பிள்ளையாக பத்திரிக்கைகள் சொல்கின்றன. இதனால் உண்மை மூடிமறைக்கப்பட்டு, அப்பாவிகள் குற்றவாளியாக்கப் படுகிறார்கள்.

உணர்வு, மக்கள் உரிமை போன்ற வாரஇதழ்கள் மாணவப் பத்திரிக்கையாளர் பயிற்சி முகாம்களை நடத்தி, தகுதிபெற்றவர்களுக்கு சிறப்புச்செய்தியாளர் அடையாள அட்டை வழங்கினால் பத்திரிக்கைத் துறைசார்ந்த பாதுகாப்பு கிடைக்கிறது. இதன்மூலம் பொய்வழக்குகள் அச்சுறுத்தல்களிலிருந்து பாதுகாப்புப் பெற்று உண்மையை யாருக்கும் தயங்காமல் உரத்துச் சொல்ல முடியும்.

கருத்துரிமை என்பது ஜனநாயகத்தின் ஒருபகுதி என்பதையும், உண்மையை உள்ளபடி சொல்ல ஒரு முஸ்லிம் அஞ்சக்கூடாது என்பதையும் நினைவில் கொண்டு தேர்ந்த,நேர்மையான,ஊடகவியலாளராக வாழ்த்துக்கள்!

<அபூஅஸீலா-துபாய்>>

Saturday, April 12, 2008

கற்றதும் பெற்றதும் (பள்ளி செல்ல மனமில்லையோ?)

முன்பெல்லாம் அதிகாலையில் முஸ்லிம் சிறுவர் சிறுமியர் கையில் ஒரு எழுது பலகையையுடன் அல்லது குர்ஆனின் ஆரம்பப்பாடக் குறிப்புடன் (யஸர்னல் குர்ஆன்) தூக்கக் கலக்கத்தில் முஹல்லா பள்ளிவாசல் நோக்கி விரைந்து கொண்டிருப்பர். சிறுவர்கள் தொப்பியும் (பழைய காலத்து கருநீல வண்ண வெல்வெட் தொப்பியில் தண்ணீர்பட்டு சுருங்கியிருந்தால் கன்றுக் குட்டி நக்கியதாகக் கேலி செய்த/செய்யப்பட்ட சிறுவர்களில் அடியேனும் ஒருவன் :-) சிறுமிகள் முக்காட்டுடன் குர்ஆனை நெஞ்சில் சுமந்து செல்லும் அழகே தனிதான்! அது ஒரு காலம்!

மேல்நிலைப்பள்ளிப் பாடத்திட்டமும் பகுதி நேரப் படிப்பாக (SHIFT SYSTEM) இருந்ததால் ஆறு முதல் எட்டாம்வகுப்பு வரை படிக்கும் மாணாக்கர்களும் குர்ஆன் பள்ளியைத் தவிர்க்காமல் படித்து வந்தனர். பிற்காலத்தில் இத்தகைய (SHIFT SYSTEM) கைவிடப்பட்டு முழுநேரமாக மாறியது. இதனால் அதிகாலையில் குர்ஆன் பள்ளிக்குச் செல்லும் வழக்கம், வழக்கொழிந்து போனது.

இதனை உணர்ந்த சில உலமாக்கள் ஒன்றுகூடி சிறார்களுக்கான குர்ஆன் மதரசாவை புதுப்பொழிவுடன் நவீன கல்விமுறைகளுடன் துவங்கி ஓரிரு ஆண்டுகள் சிறப்பாக நடந்து வந்தது. ஆஸ்பத்திரித் தெருவில் இத்தகைய மதரஸா வெகுசிறப்பாக நடந்து வந்தது.

வழக்கமாக அலீஃ,பே, த்தே..ஆகிய அரபி எழுத்துக்களையும் ஸபர்,ஸேர் ஆகிய குறியீடுகளையும் இணைத்துப் படிக்கத் தெரிந்திருந்தாலே போதும் குர்ஆன் முடித்து விட்டதாகச் சொல்லி ஒருநாள் 'ஹத்தம்' ஓதி நார்ஸா வழங்கும் முறையை மாற்றியமைத்து, அரபு எழுத்துக்களுடன் இலக்கணம், பேச்சாற்றல் மற்றும் ஃபிக்ஹ் பற்றிய அறிவு, வயது வந்தவர்களுக்கான இஸ்லாமியக் குளிப்புமுறை,இளைஞர்களுக்குத் தாம்பத்ய ஆலோசனை போன்ற அவசிய மார்க்கக் கல்விகளையும் வழங்கி வந்தார்கள்.இதுவும் பிற்காலத்தில் செயலிழந்து போனது.

இப்படியாக குர்ஆன் பள்ளிகளிலிருந்து நமது மாணாக்கர்கள் தூரமானது ஒருபக்கம் என்றால் இன்னொரு பக்கம் குர்ஆன் போதனை செய்துவந்த லெப்பைகள் எனப்படும் உஸ்தாதுகளும் தங்கள் தொழிலை !? மாற்றிக் கொண்டார்கள். காசுக்காக குர்ஆனை விற்கிறார்கள் என்ற குற்றச்சாட்டுடன் குர்ஆனுக்கும் நபிமொழிகளுக்கும் மாற்றமானவற்றையும் போதிக்கிறார்கள் என்று சொல்லப்பட்டு புறந்தள்ளப்பட்டார்கள். (பெரும்பாலோர் வயிற்றுப் பிழைப்புக்காக குர்ஆன் போதனையையே பிரதானத் தொழிலாகச் செய்து வந்ததுடன் ஹத்தம்,பாத்திஹா போன்ற பித்ஹத்களையும் பயிற்றுவித்தும் செயல்படுத்தியும் வந்தார்கள் என்பதை மறுப்பதற்கில்லை).

சுயமாக குர்ஆன்-ஹதீஸைக் கற்று விளங்கிக் கொள்ளலாம் என்ற புரட்சி 1980களின் தொடக்கத்தில் வெடித்தது! ஏற்கனவே குர்ஆன் ஹதீஸ்களைக் கற்று அறிஞர்களாக அறியப்பட்ட உலமாக்களும் லெப்பைகளின் லிஸ்டில் சேர்க்கப் பட்டு, மார்க்கத்தைக் கற்றவர்களைவிட மார்க்க விவாதக்கலை உலமாக்கள் பரவலானார்கள்! பண்டைய 7-8 ஆண்டுகள் குர்ஆன், ஹதீஸ், ஃபிக்ஹ்களை விளங்கும் முறைமாறி ஒரே ஆண்டில் ஆலிமாகலாம் என்ற நிலை ஏற்பட்டு INSTANT உலமாக்கள் உருவானார்கள்!

லெப்பைகளின் புரோகிதம் மற்றும் குர்ஆன் சார்ந்த தொழிலை (ஹத்து, தாயத்து எழுதுதலைக் கிண்டல் செய்தவர்கள் பின்னர் புத்தகங்கள் எழுதியும், மார்க்க சீடிக்கள் விற்றும் தொழில் செய்யலானார்கள்! வசதி வாய்ப்புகள் பெருகியதும் தொலைக்காட்சி நிகழ்ச்சிகள் மூலமாகவும் இஸ்லாத்தை எடுத்து வைக்கும் ஹைடெக் இணைய உலமாக்களானர்கள்!

பள்ளிகளை மூடச்செய்த பள்ளிக்கூட பாடமுறை,ஆலிம்களை அவமதித்தல் போன்றவற்றால் மாணவர்களுக்கும் இஸ்லாத்திற்கும்/குர்ஆன் கற்றலுக்கும் இடைவெளி அதிகரித்து விட்டது. "குர்ஆனும் நபிமொழியும் மட்டுமே எங்கள் வாழ்க்கை" என்றவர்கள்தான் பின்னர் குர்ஆன் வலியுறுத்தும் ஒற்றுமைக்கும், சகமுஸ்லிம் சகோதரனைக்குறை கூறி இகழ்ந்துரைக்க வேண்டாம் என்ற ஹதீஸுக்கும் மாறாக நடந்து கொண்டிருக்கிறார்கள்!

நான் மார்க்கத்தை முற்றிலும் அறிந்தவனல்லன்; பண்டைய உஸ்தாதுகள் மூலமும், பிற்கால ஹஜ்ரத்கள் மூலமும், நவீன புரட்சிகர உலமாக்கள் மூலமும் ஓரளவு மார்க்கத்தை அவ்வப்போது விளங்கியவன். தத்தமது தர்க்கங்களும் போதனைகளும் சரியா என்று சுயபரிசோதனை செய்யும் நிலையில் மேற்சொன்ன உஸ்தாதுகள்,ஹஜ்ரத்கள்,ஆலிம்கள் மற்றும் தொடர்புடைய அனைத்துப் பிரிவு முஸ்லிம்களும் உள்ளனர்.

இதை சுட்டிக்காட்ட வேண்டும் ஆவலில்தான் இப்பதிவை எழுதியுள்ளேன். யாரையும் புண்படுத்துவதற்காக இப்பதிவு எழுதப்படவில்லை;மாறாக நமது குழந்தைகளுக்கு குர்ஆனுடன் கொஞ்சம் நஞ்சமிருந்த தொடர்பை மீண்டும் கொண்டுவர வேண்டும் என்ற ஆவல் மிகைப்பில் எழுதப்பட்டது.

எது சரி? யார் பக்கம் தவறு? என்று பரஸ்பரம் வாதித்து மேலும் தாமதிப்பதை விட, குர்ஆன் ஆரம்பப் பள்ளிகளை மீண்டும் நமதூரில் எப்படிக் கொண்டு வருவது, என்று ஆக்கப்பூர்வமான ஆலோசனைகளை முன்வைக்கலாமே!

<அபூஅஸீலா-துபாய்>>

இமாம் ஷாஃபியில் மீண்டும் சீருடை மாற்றம்

இமாம் ஷாஃபி மெட்ரிக்குலேஷன் பள்ளி சமிப காலத்திற்க்குமுன் தங்களது பள்ளி சீருடையை மாற்றியது. அப்பொழுதே சில ஏழை தாய்மார்கள் மிகவும் சிரமத்திற்க்கிடையில் புதிய சீருடையை வாங்கிதந்தார்கள்.

ஆனால் பள்ளி நிர்வாகமோ மீண்டும் சீருடை மாற்ற அறிவிப்பை தெரிவித்துள்ளது. இது தாய்மார்கள் மத்தியில் கோபத்தை ஏற்படுத்தியுள்ளது. இதை நிர்வாத்திற்க்கு தெரிவிக்கும் வன்னம் பள்ளியில் பயிலும் மாணவ மாணவியரின் பெற்றோர்கள் பள்ளி நிர்வாகத்திற்க்கு கடிதம் அனுப்பியுள்ளனர் .
பள்ளி நிர்வாகம் இப்பெற்றோரின் கோரிக்கையை ஏற்க்குமா?
நன்றி : முனாஸ்கான்

நாம் தூங்கியவுடன் நமக்காக வேலை செய்யும் நம் உடல் உறுப்புகள்!

சுவர் இருந்தால்தான் சித்திரம் வரைய முடியும் என்பது பழமொழி. அதாவது நமது உடல் ஆரோக்கியமாக இருந்தால் நம் எந்த பணியையும் செய்ய முடியும். தூக்கம் என்பது உடலுக்கு மிக இன்றியமையாதது. உடலுக்கும், மனதிற்கும் முழுமையான ஓய்வை அளிக்கும் உன்னதமான ஒரு விஷயம்தான் தூக்கம். தினமும் 3 வேளை உண்ணும் உணவும், குறைந்தபட்சம் 6 மணி நேர தூக்கமும் ம‌னிதனு‌க்கு‌த் தேவைப்படுகிறது.

இரவில் அதிகமாக தூங்குபவர்களை விட குறைந்த நேரமே தூங்குபவர்களுக்குத்தான் உடல் பருமன் பிரச்சினை ஏற்படுவதாக சமீபத்தில் கனடா நாட்டு பல்கலைக்கழக பேராசிரியர் ஒருவர் நடத்திய ஆய்வு கூறுகிறது.


குறைவாக சாப்பிடுவதும் அளவுக்கு அதிகமாக சாப்பிடுவதும், நேரம் தவறி சாப்பிடுவதும் உடலுக்கு கேட்டை உண்டாக்கும். ஒவ்வொரு நாளும் ஒரு குறிப்பிட்ட நேரத்தில் உணவுகளை உண்ணும் பழக்கத்தை கொண்டு வர வேண்டும். ஏனோ தனோ என்று உண்ணாமல் உடலுக்கு ஏற்ற உணவுகளை மட்டும் அளவோடு உண்பதும் நல்லது.

அதெல்லாம் சரி ஏன் நேரத்திற்கு தூங்க வேண்டும், அது என்ன 6 மணி நேரம் தூக்கம், ஏன் அதிகாலையில் எழுந்திரிக்க வேண்டும், நேர‌ம் தவறாம‌ல் ஏ‌ன் சா‌ப்‌பிட வே‌ண்டு‌ம்?

நமது உட‌லி‌ல் உ‌ள்ள ஒ‌வ்வொரு உறு‌ப்புகளு‌ம் ஒரு ‌சில ம‌ணி நேர‌‌த்‌தி‌ல்தா‌ன் த‌ங்களது ‌ப‌ணிகளை‌ச் செ‌ய்‌கி‌ன்றன. அ‌ந்த நேர‌த்‌தி‌ல் அத‌ற்கே‌ற்ற வகை‌யி‌ல் நமது உட‌ல் ஓ‌ய்வாக இரு‌க்க வே‌ண்டியது அவ‌சிய‌ம்.

இரவு 9 மணி முதல் 11 மணி வரை :
இந்த நேரம் நமது உடலில் உள்ள நோய் எதிர்ப்புச் சக்திகள் வேலை செய்யும் நேரம். அதாவது நமது உடலில் உள்ள தேவையற்ற, அதிகப்படியான ரசாயனங்களை வெளியேற்றும் பணியைச் செய்யும். எனவே இந்த சமயத்தில் நாம் படுக்கைக்கு படுக்கச் சென்று விட வேண்டும்.

இந்த நேரத்தில் ஓய்வெடுக்காமல் வேலை செய்து கொண்டிருப்பவர்களுக்கு நோய் எதிர்ப்புச் சக்தி குறைந்து விடுகிறது.

இரவு 11 மணி முதல் 1 மணி வரை :
ஈரல் தனது வேலையைச் செய்யத் துவக்கும். மேலும், இந்த நேரம்தான் ஆழ்ந்த உறக்கம் கொள்ளும் நேரமாகும். இந்த நேரத்தில் விழித்திருக்க நேரிட்டால் ஈரல் தொடர்பான பிரச்சினைகள் ஏற்படுகின்றன.

நள்ளிரவு 1 மணி முதல் 3 ம‌ணி வரை:
இந்த நேரத்தில் கல்லீரல் தனது சுத்திகரிப்புப் பணியைச் செய்கிறது. இந்த நேரமும் மிகவும் ஆழ்ந்த உறக்கத்தில் இருப்போம்.

அதிகாலை 3 மணி முதல் 5 மணி வரை:
இந்த நேரத்தில் நுரையீரல் தனது சுத்திகரிப்புப் பணியைச் செய்யும். எனவேதான் இருமலால் பாதிக்கப்பட்டவர்கள் பலரும், இந்த நேரத்தில் அதிகமாக கஷ்டப்படுவார்கள். இருந்தாலும் அதிகாலையில் ஆ‌ழ்‌ந்து உற‌ங்‌கினாலே இருமல் இயற்கையாகவே சரியாகிவிடும் என்கிறது மருத்துவம்.

காலை 5 மணி முதல் 7 மணி வரை :
இந்த நேரத்தில் பெருங்குடல் தனது சுத்திகரிப்புப் பணியைச் செய்கிறது. எனவே இந்த நேரத்தில் நமது வயிறு காலியாக இருப்பது அல்லது தண்ணீர் மட்டும் பருகுவது நல்லது.

காலை 7 மணி முதல் 9 மணி வரை :
தற்போது சிறுகுடல் தனக்குத் தேவையான ஊட்டச்சத்துக்களை எடுத்துக் கொள்ளும். எனவே இந்த நேரத்திற்குள்ளாக காலை உணவை முடித்திருக்க வேண்டியது அவசியம். மேலும் காலை உணவை தவிர்க்கும் பலர் உள்ளனர். அவர்கள் அந்த பழக்கத்தை கைவிட்டு குறைந்தபட்சம் 9 முதல் 10 மணிக்குள் தங்களது காலை உணவை முடிக்க வேண்டும்.

தாமதமாக உறங்கி, காலையில் வெகு தாமதமாக எழுந்திரிப்பதால் நமது உடலில் இருந்து தேவையற்ற ரசாயனக் கழிவுகளை வெளியேற்றும் பணி வெகுவாக பாதிக்கிறது.

மேலும் இரவு முதல் காலை 4 மணி வரைதான் எலும்பு மஜ்ஜையில் ரத்தம் உற்பத்தி செய்யும் பணி நடக்கிறது. எனவே நேரத்திற்கு தூங்கச் செல்ல வேண்டியது நமது உடலின் ரத்த உற்பத்திக்கும் அவசியமாகிறது.

ஆரோ‌க்‌கிய‌த்துட‌ன் வா‌ழ்வத‌ற்கான பழ‌க்க வழ‌க்க‌ங்களை இ‌ன்‌றி‌ல் இரு‌ந்தே கடை‌பிடி‌க்க முயலுவோ‌ம்.

(அப்துல் கபூர்)

Friday, April 11, 2008

இறை நேசர்களின் சிபாரிசு

அளவற்ற அருளாளனும் நிகரற்ற அன்புடையோனுமாகிய அல்லாஹ்வின் திருப்பெயரால்...

அனைத்துப் புகழும் அகிலங்கள் அனைத்தையும் படைத்துப் இரட்ச்சித்து வருபவனான அல்லாஹ்வுக்கே உரித்தானது. அவனிடமே நாம் உதவி தேடுகிறோம்; அவனிடமே நாம் மன்னிப்பு கோருகிறோம்; அல்லாஹ் யாருக்கு நேர்வழி காட்டுகிறானோ அவரை யாராலும் வழி தவறச் செய்ய இயலாது; மேலும் யாரை அவன் வழி தவறச்செய்கின்றானோ அவருக்கு நேர்வழி காட்டுபவர் யாருமில்லை. வணக்கத்திற்கு உரியவன் அல்லாஹ்வுத்தஆலாவைத் தவிர வேறு யாருமில்லை என்று சாட்சி கூறகிறேன்; மேலும் முஹம்மது நபி (ஸல்) அவர்கள் அல்லாஹ்தஆலாவின் உண்மை அடியாராகவும் இறுதி தூதரும் ஆவார்கள் எனவும் சாட்சி கூறுகிறேன். ..

பொதுவாக இறைவனோடு மற்றவர்களையும் அதாவது பெரியார்களையும், ஷெய்ஹு மார்களையும், பீர்களையும், அவ்லியாக்களையும், இறைநேசர்களையும் பிராத்திப்பவர்கள் பின்வரும் காரணங்களில் சிலவற்றையோ அல்லது இவற்றில் ஏதேனும் ஒரு காரணத்தையோ கூறுவர்.

அவைகள் யாவை எனில்,
1. நீதிபதியிடம் வாதாடுவதற்காக ஒரு வக்கீல் தேவையல்லவா? அதுபோல் நாங்கள் அவ்லியாக்களிடம் அல்லாஹ்விடம் வாதாடுவதற்காக முறையிடுகிறோம்.

2. நாங்கள் கேட்பெதல்லாம் கிடைக்கிறது. அதனால் தான் தொடர்ந்து கேட்கிறோம்.

3. நாங்கள் பாவங்கள் செய்த பாவிகளாக இருக்கின்றோம். அதனால் பாவமே செய்யாத இறைவனுக்கு நெருக்கமான நல்லடியார்கள் அல்லாஹ்விடம் எங்களின் தேவைகளைக் கேட்டுப் பெற்றுத் தருவார்கள்

4. நல்லடியார்கள் கேட்கும் துஆ இறைவனால் மறுக்கப்படமாட்டாது. அதனால் அவர்கள் மூலம் இறைவனிடம் கேட்கிறோம்

5. மார்க்கத்தில் சிறிதளவு விபரமுள்ள இன்னும் சிலர் நாங்கள் அவ்லியாக்களிடம் நேரடியாகப் பிரார்த்திக்கவில்லை, மாறாக இறைவனிடமே அந்த அவ்லியாக்களின் பொருட்டால் எங்கள் தேவைகளை நிறைவேற்றித் தருமாறு வேண்டுகிறோம் என்கின்றனர்

6. நாங்கள் ஒன்றும் புதிதாக இதைச் செய்யவில்லை. எங்கள் முன்னோர்களும், மூதாதையர்களும் அவ்லியாக்களிடம் முறையிட்டுத் தானே தேவைகளைப் பெற்றுவந்தர்கள். அவர்கள் என்ன ஒன்றும் விளங்காதவர்களா?

7. எங்கள் ஆலிம்களும் மற்றும் ஹஜ்ரத் மார்களும் இதைச் செய்கிறார்களே, அவர்களும் தவறு செய்கிறார்களா? .

அல்லாஹ் தன்திருமறையில் அல்லாஹ் ஒருவனையே வணங்கவேண்டும் என்றும், அவன் ஒருவனிடமே உதவிதேட வேண்டும் என்றும் பல இடங்களில் வலியுறுத்திக் கூறியிருக்க கப்ரு வணக்கமுறைகளை ஆதரிப்போர் எடுத்து வைக்கும் மேற்கூறப்பட்ட வாதங்களை குர்ஆன் மற்றும் ஹதீஸின் அடிப்படையில் ஆராய்வோம்.

1) இறைவனுக்கு உவமை மனிதர்களில் உள்ள நீதிபதியா? இறைநேசர்களிடம் கையேந்தி நிற்கும் முஸ்லிம்களில் சிலர் அவர்களுடைய அறியாமையினால், நாம் நீதிபதியிடம் வாதாடுவதற்கு நமக்கு ஒரு வக்கீல் தேவையில்லையா? அல்லது ஒரு பெரிய அமைச்சரிடம் நமது தேவையை கேட்டுப் பெறுவதற்கு அவருக்கு நெருக்கமானவரை பரிந்துரை செய்வதற்காக நியமிப்பதில்லையா? அது போலத்தான் நாங்களும் இறைவனிடம் வாதாடி, கேட்டுப் பெறுவதற்காக இறைவனுக்கு நெருக்கமான இறைநேசர்கள் மூலம் வேண்டுகிறோம் என்று கூறுகின்றனர். இவ்வாறு கூறுவது இஸ்லாத்தை பற்றி அவர்கள் ஓரளவுக்கு கூட அறியாமல் இருப்பதே காரணம் ஆகும்.

நீதிபதி நாம் குற்றம் செய்தவாகளா அல்லது நிரபராதியா என்பதை நமக்காக வாதாடும் வக்கீல் எடுத்து வைக்கும் சாட்சியங்களை வைத்தே அறிந்து கொள்வார். அதுவும் சாட்சியங்கள் சரிவர நிருபிக்கப்படாவிட்டால் நிரபராதிக்குக் கூட தண்டணையளிக்கும் எத்தனையோ நீதிபதிகள் இருக்கிறார்கள். இது இப்படியிருக்க அகிலங்களையெல்லாம் படைத்து பரிவக்குவப்படுத்தி பாதுகாத்துக் கொண்டிருக்கும் அல்லாஹ்வுக்கு நமது தேவைகள் என்ன என்பது தெரியாதா? இதயங்களில் உள்ள இரகசியங்களை அறிபவனாக அல்லாஹ் இருக்கிறான் என்று தன்னுடைய திருமறையிலே பல இடங்களில் இறைவன் கூறுகின்றானே!!!

"வானங்களிலும், பூமியிலும் உள்ளவற்றை அவன் அறிகிறான்; நீங்கள் இரகசியமாக்கி வைப்பதையும், பகிரங்கமாக்கி வைப்பதையும் அவன் அறிகிறான்; மேலும், இருதயங்களிலுள்ளவற்றை யெல்லாம் அல்லாஹ் அறிகிறான்"(அல்குர்ஆன் 64:4).

இன்னும் பல வசனங்களில் 11:5, 67:13, 28:69, 2:284 அல்லாஹ் மட்டுமே இதயங்களிலுள்ள இரகசியங்களை அறிகிறான் என்றும் மற்ற யாரும் அவற்றை அறிய முடியாது என்றும் கூறுகின்றானே!.

நாம் கூறாமலே நமது தேவைகளை அறிந்திருக்கும் இறைவனுக்கு, கேவலம் மனிதர்களிலுள்ள ஒரு வக்கீலோ அல்லது அதிகாரியோ எடுத்துச் சொன்னால் தவிர அறிந்துக் கொள்ள முடியாமல் இருக்கின்ற நீதிபதியையும், அமைச்சரையும் நாம் எப்படி உதாரணங்களாக கூறமுடியும்?. இது இறைவனின் கண்ணியத்தைக் குறைவாக கருதுவதாகாதா? இறைவனுக்கு நீதிபதியையும், அமைச்சரையும் உதாரணங்களாக கூறி அல்லாஹ்விற்கு உவமைகளை ஏற்படுத்தி இணைவைத்த மாபாதகம் ஆகாதா? இவ்வாறு இறைவனுக்கு உதாரணங்களைக் கூறுபவர்களை அல்லாஹ் கடுமையான எச்சரிக்கின்றான்:

"ஆகவே நீங்கள் அல்லாஹ்வுக்கு உதாரணங்களை கூறாதீர்கள்; நிச்சயமாக அல்லாஹ்தான் (யாவற்றையும் நன்கு) அறிபவன் ஆனால் நீங்கள் அறிய மாட்டீர்கள்"(அல்குர்ஆன் 16:74)

ஆகவே அல்லாஹ்வுக்கு உதாரணங்களைக் கூறுவது இந்த திருமறை வசனத்தை மீறிய மாபெரும் குற்றமாகாதா? சிந்தியுங்கள் சகோதர சகோதரிகளே. அல்லாஹ் தன்திருமறையில் அல்லாஹ்வையே அழையுங்கள் என்றும், அவன் பிரார்த்தனை புரிபவர்களின் பிரார்த்தனையைச் செவியேற்கிறான் என்றும் ஆனால் உங்களால் அழைக்கப்படுபவர்களால் பதிலளிக்க முடியாது என்று பல இடங்களில் வலியுறுத்திக் கூறுகின்றான். "நிச்சயமாக அல்லாஹ்வையன்றி எவர்களை நீங்கள் அழைக்கின்றீர்களோ, அவர்களும் உங்களைப் போன்ற அடிமைகளே; நீங்கள் உண்மையாளர்களாக இருந்தால் நீங்கள் அவர்களை அழைத்துப் பாருங்கள் - அவர்கள் உங்களுக்கு பதில் அளிக்கட்டும்!"(அல் குர்ஆன் 7:194)

BY ABU ZULFICA FATHIMA

இலவச தொ(ல்)லைபேசி சேவை!


அமெரிக்கா, கனடாவிலுள்ள தங்கள் உறவினர் மற்றும் நண்பர்களுக்கு (கம்ப்யூட்டர்+இன்டர்நெட் உதவியுடன்) இலவசமாக பேசலாம்.

இதிலுள்ள சிறப்பம்சங்கள்:-

*அமெரிக்கா, கனடா மொபைல் மற்றும் வீட்டுத் தொலைபேசிக்கு அழைக்கலாம்.

*கணக்கு தொடங்க கிரெடிட் கார்ட் தேவையில்லை. (யாகூ மெசஞ்ஜரைப் போல). முற்றிலும் இலவசம்.

*துல்லியமான ஒலி/ஒளி (audio/video) சேவை.

*பலருடன் ஒளிக் கலந்தாய்வு வசதி. (Video conference with multiple people) யாகூவில் இவ்வசதி இல்லை.

* 500 நிமிடங்கள் வரை இலவசமாக பேசலாம்.

என்ன அமெரிக்காவிலுள்ள நண்பர்களுக்கு போன் பேச கிளம்பிட்டீங்களா?
ஒரு நிமிடம் ......

கண்ட நேரத்திலும் போன் செய்து நண்பர்களின் தூக்கத்தை கெடுக்காமல். அவர்களுடைய உள்ளூர் நேரம் பார்த்து(Local Time) போன் பண்ணுங்க.

அது சரி எப்படி உள்ளூர் நேரம் பார்ப்பது?

அதைச் சொல்லத்தான் நாங்க இருக்கோம்ல.....

http://www.google.com/ சென்று 'time new york' என்று டைப் செய்தால் நியுயார்க் நகரத்தின் உள்ளூர் நேரத்தைக் காட்டும். அதுபோல தான் மற்ற நகரங்களுக்கும் (time california, time toronto....).

அதெல்லாம் சரிதான் நம் ஊருக்கு இலவசமா பேச ஏதாவது இருக்கிறதா என்று வெளிநாட்டில் வாழும் நண்பர்கள் கேட்பது என் காதில் விழுகிறது.

கண்டுபிடிச்சிட்டா போச்சு! (விரைவில்)

அளவோடு பேசி வளமான நட்பை பேணுவோம்.

அமுக்குங்க >>>>>>>>.http://www.oovoo.com/

(அப்துல் கபூர்)

Thursday, April 10, 2008

கீழக்கரை கடற்கரையை ஒட்டி கடல்வாழ் உயிரின கண்காட்சியகம்

கீழக்கரை கடற்கரையை ஒட்டி கடல்வாழ் உயிரின கண்காட்சியகம்

ஐக்கிய அரபு அமீரகத்தின் வணிகத் தலைநகராம் துபாயை தலைமையிடமாகக் கொண்ட பன்னாட்டு தொழில் நிறுவனமான இடிஏ அஸ்கான் குழுமத்தின் மேலாண்மை இயக்குநர் அல்ஹாஜ் செய்யது எம் ஸலாஹுத்தீன் கீழக்கரையில் நிருபர்களிடம் கூறியதாவது :

வள்ளல் சீதக்காதி, உமறுப்புலவர் உட்பட பல புலவர்கள் வாழ்ந்து மறைந்த ஊர்
கீழக்கரையாகும். போர்ச்சுகீசியர், பிரெஞ்சுக்காரர்கள், ஆங்கிலேயர்கள்
மற்றும் வீரத்தளபதிகள் இவ்வூருக்கு வந்து சென்றுள்ளனர்.

இந்த ஊரின் வரலாற்றுச் சிறப்பை விளக்கும் வகையில் ஒலி, ஒளி காட்சி
பிரமாண்டமாக அமைக்கப்படும். பழமையை நினைவுபடுத்தும் அருங்காட்சியகம்,
கடல்வாழ் உயிரின கண்காட்சியகம், பழமையான கடல் பொருட்கள் இந்த
அருங்காட்சியகத்தில் வைக்கப்படும். கீழக்கரை கடற்கரையை ஒட்டி கடல்வாழ்
உயிரின கண்காட்சியகமும், அனைத்து மதத்தினரும் பயன்படுத்தும் வகையில்
பிரமாண்ட திருமண மண்டபமும் கட்டப்படும்.

பல கோடி மதிப்பீட்டிலான இந்த திட்டத்திற்கான அறிக்கை வெஸ்ட் ஆசியா
நிறுவனங்களின் இயக்குநர் அஹமது ரிபாயிடம் ஒப்படைக்கப்பட்டுள்ளது. திட்ட
அறிக்கை, வரைபட பணிகள் நிறைவடைந்த பின்னர் வேலைகள் துவக்கப்படும்.
இதற்கான செலவை இடிஏ அஸ்கான் குழு நிறுவனங்கள், கீழக்கரை நலச் சங்கம்
உள்ளிட்டவை ஏற்கும் என்றார்.

தகவல் :

கீழக்கரை ஹமீது யாசின்
ஈமான் அமைப்பின் ஜமாஅத் ஒருங்கிணைப்பாளர்
துபாய்

இன்றைய பெண்களின் நிலை

உடலை மறைப்பதற்கு நமது சகோதரிகளால் பல வண்ணங்களில் துப்பட்டி, அரை துப்பட்டி, முழு துப்பட்டி, புர்கா என்று அழைக்கப்படுகிறது. அதற்கு கற்பனையான வடிவம் கொடுத்து அதை அணிவதையே இஸ்லாமிய உடையாக கருதுகிறார்கள். உண்மையில் இஸ்லாமிய உடை என்று ஒன்று இல்லை. அந்தந்த நாடுகளில் சகோதரிகள் அங்குள்ள தட்ப வெப்ப சூழ்நிலைக்கு ஏற்ப, இறைத் தூதர் சொன்ன வழியில் அணிவதே இஸ்லாமிய உடையாகும். முகம், இரு கைகள் மட்டும் தெரிய மற்ற உடல் உறுப்புகளை மறைப்பது, இறுக்கமான ஆடைகளை தவிர்ப்பது அனைத்தும் இஸ்லாமிய உடையாகும். அது எந்த வண்ணத்தில், வடிவில் இருந்தாலும் சரியே. இக்கட்டுரையின் பல பகுதிகளில் மக்கள் பயன்படுத்தும் அதே வார்த்தையை பயன்படுத்துகிறோம். உண்மை நிலையை உணர்த்தவே இவ்வாறு அழைக்கிறோம்.

முகத்தை மறைப்பதை பலவகையாக பிரிக்கலாம். அவற்றில் சிலவற்றை மட்டும் காண்போம்.

1.பார்த்தால் மறைப்பது


இக்காட்சியை பெரும்பாலான இடங்களில் காணமுடியும். மாற்று மத நபர்களுடன் (ஆண்கள் உட்பட) பேசிக்கொண்டு இருப்பார்கள். முகத்தை மறைக்கமாட்டர்கள். யாராவது ஒரு தாடியையோ, தொப்பியையோ, கைலியையோ அல்லது முஸ்லிம்களை பார்த்துவிட்டால் போதும். உடனே முகத்தை மறைப்பார்கள் சரியாக இழுத்து போட்டுக் கொள்வார்கள். சகோதரிகளே! முக்காடு உங்களுக்கா!? மற்றவர்களுக்கா!? முக்காடு என்பது முஸ்லிம்களின் கண்களில் இருந்து பாதுகாக்க மட்டும் தானா!? மாற்று மத சகோதரர்களின் கண்களில் இருந்து பாதுகாக்க தேவை இல்லையா !!!

2.கிழடு கட்டை முக்காடு

இக்காட்சியை நகர் புறங்களில் காணலாம். முக்காடு அவசியம் தேவைப்படும் இளம் சகோதரிகள் அதை மறந்துவிட்டு (!) 'ஹாயாக' போய்க்கொண்டு இருப்பார்கள். முக்காடு அவசியம் தேவைப்படாத வயதான பெண்மணிகள் முக்காடு இட்டு செல்வார்கள். அதற்கு இளம் நங்கையர் சொல்லும் காரணம். முக்காடு எல்லாம் பத்தாம் பசலி தனம். அது எல்லாம் இக்காலத்துக்கு பொருந்தாது!

3
.சவுதி முக்காடு


இவர்கள் சவூதி அல்லது மற்ற முஸ்லிம் நாடுகளில் வசிக்கும்போது அந்த நாடுகளின் சட்டங்களுக்கு உட்பட்டு முக்காடிட்டு இருப்பார்கள். அவர்கள் அந்தந்த நாடுகளை விட்டு வெளிநாடுகளுக்கு செல்லும்போது அந்த பழக்கத்தை அங்கேயே விட்டு விட்டு வந்துவிடுவார்கள், ஏன்? மன்னர் போடும் சட்டங்களுக்கு அடிபணியும் சகோதரிகள் அந்த மன்னனை படைத்த அல்லாஹ்வின் கட்டளையை மீறுவது ஏனோ?


6.ஏர்போர்ட் முக்காடு

இது வெளிநாடு செல்லும் சகோதரிகளிடம் காணப்படுகிறது. சகோதரிகள் தங்களது சொந்த வீட்டை விட்டு (தமிழகத்தில்) புறப்படும் போது முக்காடு இட்டு ஏர்போர்ட் உள்ளே நுழையும் வரை போட்டு இருப்பார்கள் உள்ளே நுழைவதற்கு முன்பு முக்காட்டை அப்படியே கழற்றி வந்தவர்களிடம் கொடுத்து அனுப்பிவிடுவார்கள். மீண்டும் வெளிநாட்டில் இருந்து வரும் போது முக்காடு ஏர்போர்ட்டில் இருந்து தொடங்கும். வெளிநாட்டில் முக்காடு இட்டால் ஒரு மாதிரியாக பார்ப்பார்கள். இது இவர்கள் சொல்லும் காரணம்.

இப்படி முக்காடு இடுதலை பலவகையாக காணலாம். முக்காடு போடும் பெரும்பாலான பெண்கள் (அனைவரும் அல்ல) தாங்கள் முக்காடு போடாவிட்டால் கிழடு, கட்டைகள் ஏதாவது சொல்வார்கள், நினைப்பார்கள் என ஒரு சமுதாய அங்கீகாரத்துக்காகவே போடுகிறார்கள், முக்காடு தங்களது தற்காப்புக்காகத்தான் என்பதை எத்தனை பேர் உணர்கிறார்கள். உண்மையில் பாலியியல் பலாத்காரத்திற்கு உட்பட்ட பெண்களில், முக்காடு இட்ட பெண்களின் எண்ணிக்கை மிகமிகக் குறைவு. ஒளிவு மறைவு அற்ற சுதந்திரமாக வாழும் நாடுகளில் ஒழுக்க கேடுகளின் பட்டியலை எழுதினால் அது நீண்டு கொண்டே போகும்.

கல்யாணமில்லா குடும்பங்கள், தகப்பன் இல்லா குழந்தைகள், தகப்பன் பெயர் அல்லா முகமறியாத குழந்தைகள், பாசத்திற்கு அழும் குழந்தைகள், பிஞ்சிலே பழுத்த கிழங்கள், மணமாவதற்கு முன்பே குடும்ப உறவு காதல் பெயரில், முதியோர் இல்லங்கள் இப்படி எத்தனை எத்தனையோ.....

முக்காடு என்பது நம்மை தனிமைப்படுத்தவோ, அடையாளம் காட்டவோ அல்ல. தன்னுடைய பாதுகாப்புக்கு இறைவன் வழங்கியுள்ள சாதனம் என்பதை நாம் ஏன் உணர தவறிவிட்டோம்.!?

படித்த நமது சகோதரிகள் அடிமை தனம், ஆண் வர்க்கத்தின் ஆதிக்கம், பத்தாம் பசலித்தனம் என அடுக்கிக்கொண்டே போகலாம். கிறிஸ்துவர்கள் அதிகமாக வாழும் மேலை நாடுகளில் முஸ்லீகள் தாங்கள் மட்டும் முக்காடு அணிந்தால் போதாது தங்களது குழந்தைளுக்கும் பள்ளிக்கூடத்தில் முக்காடு போட அனுமதி வேண்டும் என போராட்டம் செய்கிறார்கள், வாகன உரிமை சான்றிதழில் முக்காடுடன் உள்ள படம்தான் வேண்டும் என அரசாங்கத்தின் மீது வழக்கு போடுகிறார்கள். ஒரு பிரபலமான தமிழ் நடிகை படப்பிடிப்புக்கு வரும்போது தன்னை முழுமையாக மறைத்துக்கொண்டு முக்காடு இட்டு வருகிறாள். ஏன் என்ன காரணம் என கேட்டதற்கு மக்களின் கண்களில் இருந்து தப்பவே என்கிறார் !!!!!!




நவ நாகரீகமான சுதந்திரமான அமெரிக்க குட்டை பாவாடையுடன் வாழ்ந்த ஒரு பெண் இஸ்லாத்தை தழுவிய பின்பு, முக்காட்டை பற்றி கூறிய கூற்று:- குட்டை பாவாடையுடன் சுதந்திரமாக சுற்றி வந்த போது கிடைக்காத சுதந்திரம் முக்காடு போட்ட பின்பு தான் கிடைத்தது என கூறுகிறார்.



"உயர்ந்த பொருளைத்தான் பாதுகாப்பாக வைத்திருப்போம். வைரத்தை தான் பட்டு துணியில் சுற்றிபாதுகாப்பாக வைப்பார்கள்.கற்களையோ ,கூலாங்கற்களையோ அல்ல. இஸ்லாத்தில் பெண்களுக்கு மிகுந்த சிறப்பான ஒரு இடம் கொடுக்கப்பட்டுள்ளது.அதை உணர்ந்து, நீங்கள் வைரம் என்றால் முக்காடு இடுங்கள். இல்லை..இல்லை... நாங்கள் கூலாங்கற்கள் என்றால்... சகோதரிகளே நீங்கள் வைரமா ??? கூலாங்கற்களா !!!! "


பெண்ணே, முக்காடு என்பது உனக்காக, உன் பாதுகாப்புக்காக என்பதை நீ உணராத போது நீ ஏன் பிறருக்காக முக்காடு போடுகிறாய். அது உனக்கு அல்லாஹ் வழங்கியுள்ள கொடை என்று நீ அறியாத வரை அதை போடாதே என சொல்ல எனக்கு உரிமை இல்லை. ஆனால் உணர்ந்து போடு என்று கூறத்தான் ஆசைப்படுகிறேன்




இவன் ஹாஜா

தொழில் கல்வி படி - கை (பை) நிறைய காசைப் பிடி!

வருடக் கணக்கில் கல்லூரியில் எதற்கென்றே தெரியாமல் படித்து பிறகு வெளியே வந்து வெளி உலகை தெரிந்து கொள்வதை விட இன்றைய சூழ்நிலையில் எது படித்தால் அதிகம் சம்பாதிக்கலாம் என்ற தொலைநோக்குப் பார்வை அவசியம்.

5 , 6 லட்சம் கொடுத்து எப்படியாவது அமெரிக்கா, ஆஸ்திரேலியா, லண்டன் போய் ஏதாவது ஒரு ஹோட்டலில் சாதாரன சர்வராகத்தான் பணிபுரிவேன் என்று அடம் பிடிப்பவராகத்தான் நம்மில் பெரும்பாலானோர் இருக்கிறோம்.

இன்றைய சூழ்நிலையில் 'சவுதி/கத்தார்/ஒமன்/குவைத்/துபை' போன்ற நாடுகளுக்கு சம்பாதிக்க வர விரும்புபவர்கள் வெல்டிங் (அல்லது) இன்ஸ்ட்ருமன்டேசன் படித்து சான்றிதழ் பெற்று வந்தால் நல்ல சம்பளம் கிடைக்கும்.

குறிப்பாக (AWS-American Welding Soceity) வெல்டிங் சம்பந்தமாக படித்து சான்றிதழ் பெற்று வந்தால் குறைந்தது உணவு மற்றும் இருப்பிடம் போக ரூ. 30 முதல் 50 ஆயிரம் வரை சம்பாதிக்கலாம்.

'அமெரிக்கன் வெல்டிங் சொசைட்டி அமெரிக்காவில் இருக்கிறது என்று நினைத்துக் கொள்ளாதீர்கள்'. அதன் கிளை நிறுவனம் சென்னையில் தான் இருக்கிறது. இங்கு பெரும்பாலும் உள்ளவர்கள் அங்கு படித்து வந்தவர்கள் தான்.

என்னுடைய (வேலூர்) நண்பன் ஒருவன் இது படித்து அங்கு (AWS -சென்னையில்) சான்றிதழ் பெற்று இன்று கத்தாரில் ரூ. 1,20,000 (ஒரு லட்சத்து இருபதாயிரம்) சம்பாதித்து குடும்பத்துடன் சந்தோஷமாக இருக்கிறான்.(இது எல்லாம் அவன் சொன்னவை) நம்புவீர்களா???

அது ஒரு கோர்ஸ் தான் அங்கு அல்லது அது சார்ந்த அமைப்பில் சேர்ந்து ஓரிரு வருடம் படிக்க வேண்டும் பாலிடெக்னிக் போலத்தான் செய்முறை பயிற்சியுடன்.

இது பற்றிய மேலதிக விவரங்களுக்கு தாம் இணைய தளத்தின் மூலம் பெற்றுக் கொள்ளலாம் அதன் சென்னை விலாசம் உட்பட. ஆர்வமுள்ளவர்கள் முயன்றால் நல்ல எதிர்காலம் உள்ளது இன்ஷா அல்லாஹ்.

http://www.aws.org/w/a/certification/inter_contact.html

முகவரி இதோ:-
BETZ Engineering & Technology Zone
49-Vellalar Street
Near St Thomas Mount Railway Station
Chennai-68. Tel: 91-44-65364123/22441234,TeleFax: 91-44-22441234
Email: betzzone@vsnl.net
http://www.betzinternational.com/

Contacts:
RG.Ganesan Head-Inspection Services. 9840175179/9962200944, rg_ganesan@yahoo.com
CM.Selvaraj HR & Marketing, 9884021740, cm_selva@yahoo.com
Schedule: Every two months.

Industrial Quality Concepts
IQC Training & Services, Pte, Ltd
Shivani Block -1, Ist Floor
40 East Coast Road, Chennai, India 600041
Telephone: 91-44-42158714/42158715/24451009,
Fax: 91-44-5215-8715
Email: iqc.in.org@vsnl.com
Contacts: Sundaran Baskaran, V. Raghavendran.

Schedule: Every two or three months.

-தகவல் உதவி(& Copyright©)->>>> M.I. நெய்னா. K.S.A.

ஒரு வேன்டுகோள்:-
அதிரை மக்களுக்கு உதவ வேண்டுமென்ற நல்ல உள்ளம் படைத்த நண்பர்களுக்கு ஒரு வேன்டுகோள். தாங்கள் எத்தனையோ வேலை பளுவுக்கிடையில் இது போன்ற தகவல்கலை 'Chat Box' என்கிற 'அரட்டை அரங்கத்தில்' போட்டு நாங்களும் 'வேலை மெனக்கெட்டு' வெட்டி ஒட்டுவதில் (Cut & Paste) நம்முடைய 'பொன்னான' நேரத்தை செலவிடுவதைவிட, தாங்களே நேரிடையாக கட்டுரைகள் -ஆக்கங்கள் எழுதி 'முதன்மைக் கட்டுரையாக' வெளியிட முயற்சி செய்யலாம். 'Chat Box-ல் பகிர்ந்து கொள்ளப்படும் செய்திகள் 1 அல்லது 2 தினங்களுக்கு மட்டுமே இருக்கும், இது போன்ற உபயோகமான பல நல்ல தகவல்கள் நம் மக்களுக்கு சென்றடையாமல், நம் நல்ல நோக்கம் நிறைவேறாமல் போக வாய்ப்புள்ளது

இவ்வேண்டுகோள் இனிமேலும் 'செவிடன் காதில் ஊதிய சங்கு' போல் இருக்காது என்று நம்புகிறோம்.

இக்கோரிக்கை யாருடைய மனதையும் 'புண்படுத்தாது' என்ற நம்பிக்கையுடன்.

(அப்துல் கபூர்)

Wednesday, April 9, 2008

இப்படி இருந்தால் நிச்சயம் நீங்கள் அதிரைவாசிதான்..!

> எந்தப் பொருள் வாங்கினாலும், ரொம்ப நாளைக்கு அதைச் சுத்தி இருக்கற ஜவ்வு பேப்பரைக் கிழிக்கவே மாட்டீங்க..!

> உங்க சமையலில் நான் வெஜ் சேராமல் எந்த உணவும் இருக்காது..!

> வெளிநாட்டுக்குப் போயிட்டு வந்தீங்கன்னா, ஒரு மெகா சைஸ் சூட்கேஸோடதான் ஊருக்குத் திரும்புவீங்க..!

> எந்த நிகழ்ச்சிக்குப் போனாலும் 1 மணி நேரம் தாமதமாப் போவீங்க. அதுதான் சரியா இருக்கும்ன்னு மனசார நம்புவீங்க..!

> மளிகைப் பொருட்களின் பாலிதீன் உறைகளை பத்திரமா எடுத்து வைப்பீங்க. பின்னாடி உதவும்ங்கற தொலைநோக்குப் பார்வையோடு..!

> உங்களுக்கு வரும் கடிதங்களில் எல்லா ஸ்டாம்பிலும் சீல் விழுந்திருக்கான்னு பார்ப்பீங்க. தப்பித்தவறி சீல் விழாம இருந்தா, அந்த ஸ்டாம்பை கவனமா பிரிச்சு எடுத்து எங்கேயாவது வச்சுட்டு, அப்புறம் சுத்தமா மறந்துடுவீங்க..!

> சினிமா தியேட்டரோ, விரைவுப் பேருந்தோ.. இருக்கையின் இருபக்க கை வைக்கும் இடத்துக்கும் சொந்தம் கொண்டாடுவீங்க..!

> ரெட்டைப் பிள்ளைகள் இருந்தா, ஒரே மாதிரி ட்ரெஸ் தச்சுக் கொடுப்பீங்க. ரைமிங்கா பேர் வைப்பீங்க.. [கமால், ஜமால். ஆத்திக்கா, சித்தீக்கா..!]

> விமானமோ, ரயிலோ, பஸ்ஸோ... ஒரு கும்பல் வந்து ஏத்திவிடணும்ன்னு எதிர்பார்ப்பீங்க..!

> செல் போனோ, டி.வி.ரிமோட்டோ.. லாமினேஷன் செஞ்சாதான் உங்களுக்கு நிம்மதி..!

> அடுத்த பிள்ளைகளைப் பாரு.. எவ்வளவு சாமர்த்தியமா இருக்காங்கன்னு.. என்று உங்க பெற்றோர் சொல்லாம இருக்கவே மாட்டாங்க... அடுத்த பெற்றோரைப் பாருங்க... எவ்வளவு ஜாலியா செலவழிக்கறாங்கன்னு நீங்க நெனைப்பீங்க... ஆனா சொல்ல மாட்டீங்க..!

> உங்க வீட்டு ஃபிரிட்ஜ்ல, சின்னச் சின்னக் கிண்ணங்களில், 3 மாசமா தயாரிச்ச குழம்பு, கறி வகையறா இருக்கும்..!

> அதிகமா உபயோகிக்கப்படாத பொருள் உங்ககிட்ட அவசியம் நாலைஞ்சு இருக்கும். [உ-ம். பிரஷர் குக்கர், காப்பி மேக்கர், வாக்குவம் கிளீனர், பிரெட் டோஸ்ட்டர், மைக்ரோ வேவ் அவன், கேஸ் அடுப்புல க்ரில் இப்படி..!]

> 10 வது முடிக்கிறீங்களோ இல்லையோ பாஸ்ப்போர்ட்க்கு அப்ளெ பண்ணி முடிச்சிருப்பீங்க..!

> வெளிநாட்டுக்குப் போனாலும் கூட்டாங்சோறு ஆக்கி கும்மாளம் போடுவீங்க..!

> நிச்சயமா பெருசுகளோடு சகன் சாப்பாட்ல உட்கார மாட்டீங்க..!

> நம்மூர் பாசைகளை (உதாரணமாக ஈக்கிது, தலவுலேந்து) தன்னறியாமல் வெளியூர் நண்பர்களிடம் பேசி மாட்டிக்கொள்வது பிறகு அதிலிருந்து தப்பிக்க பேச்சை மாற்றுவீங்க..!

> நெய்சோறுக்கு(தேங்கா சோறுக்கு) ரசம் கேட்பீங்க !

> இந்த விவரம் உங்களுக்கு ரொம்பப் பிடிச்சிருக்கும்.. உடனே உங்க நண்பர்களுக்கு சொல்ல மனசு பரபரக்கும்..

மேற்கூரியவை அனைத்தும் கற்பனையே. யாரையும் புண்படுத்தும் நோக்கத்தில் எழுதப்பட்டவை அல்ல.

கற்பனை : அப்துல் பரக்கத்.

அரட்டை அரங்கிற்க்கு பாராட்டு !

அரட்டை அரங்கம் பற்றி இம்மாத இதழில் வெளியானதை வட்டமிட்டு காட்டப்பட்டுள்ளது


நமது அதிரை எக்ஸ்பிரஸ் இணயத்தில் அரட்டை அரங்கை பாரட்டும் விதமாக இம்மாதவெள்ளி நிலா மாத இதழில் பிரசுரம் செய்துள்ளார்கள்.

மேலும் நமது இணையத்தில் வரும் முக்கிய செய்திகளை இவ்விதழில் அச்சேற்றி வருகின்றது பெருமைக்குறியது.

-JP-

கற்றதும் பெற்றதும் - "உம்மா Vs. ராத்தா"

முஸ்லிம்கள் பெரும்பான்மையாக வசிக்கும் பிறஊர்களிலிருந்து அதிரை நிறைய விசயங்களில் வேறுபட்டிருப்பது பலருக்குத் தெரிந்திருக்க வாய்ப்பு இல்லை. மத/இன வித்தியாசமின்றி பெற்றெடுத்த அன்னையை "அம்மா" என்றே அழைக்கக் கேட்டிருக்கிறோம். முஸ்லிம்கள் அம்மாவை "உம்மா" என்று அழைப்பதற்கு அனேகமாக அரபுக்களுடன் தொடர்பு கொண்டிருந்தது காரணமாக இருந்திருக்கலாம்.

அரபு மொழியில் உம்/உம்மு என்றும் 'மம்மா' என்றும் குறிப்பிடுவர். காயல் பட்டினம் வழியாக இலங்கையுடன் வணிகத் தொடர்பு கொண்டிருந்த அரபு முஸ்லிம்கள் வழிவந்த, அதிரை முஸ்லிம்களிடம் அம்மா என்ற தமிழ் சொல்லும் உம்மு/மம்மா என்ற அரபிச்சொற்களும் கலந்து 'உம்மா' ஆகி இருக்க வேண்டும் என்று நினைக்கிறேன். மலையாள முஸ்லிம்களும் அம்மெயை(அம்மாவை) உம்மா (ഉമ്മ) என்று அழைக்கிறார்கள். இதன்மூலம் அதிரையுடன் கேரளத் தொடர்பும் தெளிவாகிறது. எப்படியோ அம்மா என்பதற்கும் உம்மா என்பதற்கும் அதிகம் வித்தியாசமில்லை.

சற்று முரணாக அதிரையில் பரவலாக அம்மாவை 'ராத்தா' என அழைக்கும் பழக்கம் எப்படி வந்தது என்று தெரியவில்லை. இதர முஸ்லிம் ஊர்களில் ராத்தா என்றால் அக்கா/மூத்த சகோதரி என்று அர்த்தம். சில ஊர்களில் லாத்தா என்பர். (நானும் கூட அ(உ)ம்மாவை ராத்தா என்றே அழைத்து வருகிறேன்;-) இதுபற்றி ஒருமுறை எங்கள் ராத்தாவிடமே :-) வினவிய போது, அவரின் சகோதரர்கள் (எங்கள் மாமன்கள்) தங்கள் மூத்தசகோதரியை ராத்தா என்று அழைப்பதைக் குழந்தைப்பிராயம் முதல் கேட்டு/கவனித்து வரும் நாங்களும் அவ்வாறே அழைப்பதாகச் சொன்னார்கள்.

கூட்டுக் குடும்பமாக வாழும், மாமன்களைக் கொண்ட வீட்டுப் பிள்ளைகள் மட்டுமே பெரும்பாலும் உ(அ)ம்மாவை, ராத்தா என்று அழைப்பதைக் காணும் போது என்தாயாரின் விளக்கம் சரியென்றே நினைக்கிறேன். (ராத்தா வாழ்க!)

எங்கள் உறவுக்கார வீட்டுப் பையன்களில் சிலர், உம்மாவை 'மச்சி' என்று அழைப்பதையும் கண்டிருக்கிறேன்.அவர்களின் அன்னையின் கொழுந்தன்கள் (கணவரின் சகோதரர்கள்) மச்சி என்று அழைப்பதால் அவர்களும் மச்சி என்று அழைத்திருக்கக்கூடும்! பக்கத்துத்தெரு நண்பன், தன் அன்னையை சாச்சி என்று அழைப்பதற்கும் இத்தகைய உறவுமுறைகளே காரணமாக இருந்திருக்கக் கூடும்!

அதிர்ஷ்டவசமாக இன்றைய குழந்தைகள், பெற்றெடுத்த அன்னையை / அம்மாவை, உம்மா என்று தெளிவாக ?! அழைக்கிறார்கள். 1980க்கு முன்பாகப் பிறந்தவர்களிடம் மட்டுமே மேற்கண்ட உறவுமுறைப்பெயர்க் குழப்பங்கள் நிலவுகின்றது. இதற்கான விசேசக் காரணம் என்னவென்று தெரிந்தவர்கள் பின்னூட்டமாக்ச் சொல்லலாமே!

<அபூஅஸீலா-துபாய்>>

Tuesday, April 8, 2008

கற்றதும் பெற்றதும் - தரித்திரம்

"தரித்திரம்" என்ற சொல்லுக்கு-வறுமை நிலை,மிகுதியான வருத்தம் (Destitution, Distressful want,Poverty,Indigence,Pauperism,Poorness,Penury,Needy,Necessitous) ஆகிய விளக்கங்கள் கொடுக்கப்படுகின்றன. மதிப்பிற்குறிய எனது பொருளியல் ஆசிரியர் (காதிர் முகைதீன் மேல்நிலைப்பள்ளி-அதிராம்பட்டினம்) M.A.ஹாஜி முஹம்மது M.A.,M.Ed.,அவர்கள், தரித்திரம் என்பதை தரித்து+ இரு என்பதன் எதிர்ச்சொல் (தரித்திரோம்) என்று விளக்கம் கொடுப்பார்.

பொருளியல் கண்ணோட்டத்தில் வறுமையும் ஏழ்மையும் நிலையற்றவை; மாறிக் கொண்டிருப்பவை. பொருளியல் வல்லுனரான ஹாஜி முஹம்மது அவர்களின் விளக்கம் பொருத்தமானது என்றே நினைக்கிறேன்.



வறுமை நிலையில் இருப்பவர்கள் தங்களைத் "தரித்திரம் பிடித்துள்ள"தாகச் சொல்லி நொந்து கொள்வர். யாசகம் கேட்பவரும் "தரித்திரன் வந்துள்ளேன் தாயே!" என்று அறிமுகப்படுத்திக் கொண்டே யாசகம் கேட்பார். ஒருவரின் திக்கற்ற நிலையைக் குறிக்கும் சொல் தரித்திரம்.

தரித்திரர் என்பதற்கு அரபியில் فقراء/ فقير என்ற சொற்கள் கையாளப்படுகின்றன. ஜகாத்தைப் பகிர்ந்து கொடுக்கப் படவேண்டியவர்களில் தரித்திரர்களும் அடங்குவர் என்று குர்ஆன் வசனம் 009:060 குறிப்பிடுகிறது.

=========================================================================
009.060 إِنَّمَا الصَّدَقَاتُ لِلْفُقَرَاءِ وَالْمَسَاكِينِ وَالْعَامِلِينَ عَلَيْهَا وَالْمُؤَلَّفَةِ قُلُوبُهُمْ وَفِي الرِّقَابِ وَالْغَارِمِينَ وَفِي سَبِيلِ اللَّهِ وَاِبْنِ السَّبِيلِ فَرِيضَةً مِنَ اللَّهِ وَاللَّهُ عَلِيمٌ حَكِيمٌ

009.060 Alms are for the poor and the needy, and those employed to administer the (funds); for those whose hearts have been (recently) reconciled (to Truth); for those in bondage and in debt; in the cause of Allah; and for the wayfarer: (thus is it) ordained by Allah, and Allah is full of knowledge and wisdom.

Al-Qur'an, 009.060 (At-Tawba [Repentance, Dispensation])==========================================================================

இனி, தரித்திரத்தை தாயத்தால் விரட்டலாம் என்று நம்புபவர்களிடம் மேற்சொன்ன ஆயத்(தின் படி நடந்தா)ல் வேண்டுமானால் விரட்ட முடியும் என்று சொல்லலாம்!!!. :-)

<<அபூஅஸீலா-துபாய்>>

அதிரை நாரக்குட்டையில் ஆண்குழந்தையின் சடலம்

அதிரை நாரக்குட்டையில் (ஹாஜா முகைதீன் ஆஸ்பத்திரி பின்புறம்) பிறந்து சில மாதமேயான ஒரு ஆண் குழந்தையை நாரக்குட்டையில் தேங்கிநிற்க்கும் தண்னீரில் தூக்கி வீசப்பட்டுள்ளது.

அதை இரண்டு தெருநாய்கள் கடித்து குதறி சின்னாபின்னமாக்கப்பட்டு ஒரு குழந்தை சடலம் கிடப்பதாக தகவலரிந்த இளைஞர்கள் காவல்துறைக்கு தகவல் தந்துவிட்டு சடலத்தை கைப்பற்றி தரகர்தெருமையவாடியில் அடக்கம் செய்துள்ளனர்.

இதுபோன்று சமிப காலத்திற்க்கு முன் கடற்கரைத்தெரு கருவங்காட்டில் ஒருகுழந்தையின் அழுகுறல் கேட்டு அக்கம்பக்கத்தினர் உயிருடன் மீட்டு வளர்த்து வருகின்றனர்.
"பிறகு அவன் அதைச் சரி செய்து, அதனுள்ளே தன் ரூஹிலிருந்தும் ஊதினான் - இன்னும் உங்களுக்கு அவன் செவிப்புலனையும், பார்வைப் புலன்களையும், இருதயங்களையும் அமைத்தான்; (இருப்பினும்) நீங்கள் நன்றி செலுத்துவது மிகச் சொற்பமேயாகும்." (அல் குர்ஆன் 32:9)
-JP-

Monday, April 7, 2008

தங்கம் படுத்தும் பாடு!!!

தங்கத்தின் விலையைப் பற்றி  அனைத்து நாளிதழ்களிலும் தினமும் வருகிறது. அதுவும் விலை ஏற்றம் பற்றியே காணுகிறோம். கடந்த 88 ஆண்டுகளாக ஒரு தங்கத்தின் விலை எவ்வாறு உயர்ந்துள்ளது என்பதை கீழே காணலாம்:

1920 - ரூ.21.00

1954 - ரூ.58.00

1961 - ரூ 104.00

1972 - ரூ.200.00

1974 - ரூ.392.00

1977 - ரூ.488.00

1979 - ரூ.996.00

1980 - ரூ.1,136.00

1987 - ரூ.2,016.00

1991 - ரூ.3,472.00

1996 - ரூ.4,000.00

1997 - ரூ.3,400.00

2002 - ரூ.3,392.00

2003 - ரூ.4,152.00

2005 - ரூ.4,696.00

2006 - ரூ.6,144.00

2008 ஜனவரி.4 - ரூ.8,072.00

2008 பிப்ரவரி.9 - ரூ.8,644.00

2008 மார்ச்.1 - ரூ.9,264.00

2008 மார்ச்.15 - ரூ.9,640.00

நன்றி :- தினத்தந்தி

தொகுப்பு:முஹம்மது நெய்னா.

சாதிப்பதற்கு தாய்மொழி தடையல்ல!

முந்தைய பதிவில் தாய்மொழிவழிக் கல்வியின் அவசியத்தைப் பற்றி எழுதி இருந்ததை வாசகச் சகோதரர்கள் சிலர் தவறாகப் புரிந்துள்ளார்கள் என்று நினைக்கிறேன்.ஆரம்பக் கல்வியை தாய் மொழியில் கற்பதே சிறந்தது என்பதையே சொல்லவே,தாய்மொழிவழிக் கல்வியின் அவசியத்தைக் குறிப்பிட்டேன். இதுகுறித்த தவறானப் புரிந்து கொள்ளலை இப்பதிவு தெளிவு படுத்தும் என்று நம்புகிறேன்.

தாய்மொழிவழிக்கல்வி கற்றல் என்பது பிறமொழி வழிக்கல்வி கற்றலுக்கு எதிரான நிலைப்பாடல்ல. தேசிய அளவிலும் சர்வதேசளவிலும் ஆங்கிலம் மற்றும் பிற மொழிகளுக்கு நல்ல மரியாதையுடன் கூடிய முக்கியத்துவம் இருப்பதை அறியாதவனல்லன் நான். தலைநகரங்களில் கூட தமிழுக்குக் கிடைக்கும் மரியாதையை விட ஆங்கிலம் அல்லது இந்திக்கு சற்று அதிகம் கிடைக்கிறது என்பதை அனுபவப் பூர்வமாக உணர்ந்தேயுள்ளோம்.

உடல் மண்ணுக்கு உயிர் தமிழுக்கு என்று முட்டாள்தனமாக மொழிவெறி கொண்டு பிறமொழிகளை கண்ணை மூடிக்கொண்டு எதிர்ப்பதும், பிறமொழி அடையாளப் பலகைகளில் கரும்பசை, தார் பூசி மறைப்பதும் தமிழ் மொழியை வளர்க்க எவ்விதத்திலும் உதவாது என்பதில் ஆழ்ந்த நம்பிக்கை உண்டு என்பதையும் இங்கு பதிய விரும்புகிறேன்.

தமிழை வளர்க்கிறோம் என்று நமது அரசியல்வாதிகள் இந்தி எதிர்ப்பை முன்னிறுத்தி தமிழர்கள் தேசிய அளவிலும் சர்வதேச அளவிலும் பின்தங்க வழிசெய்தார்கள் என்பதை மறுப்பதற்கில்லை. இது அவர்களின் குறுகிய கண்ணோட்டத்தையே காட்டுகிறது. மாநில மொழிகளுடன் இந்தியையும் அரவணைத்த மலையாள, தெலுங்கு, கன்னடர்கள் இன்று தமிழர்களைவிட பல்துறைகளிலும் தலைநிமிர்ந்து நிற்கிறார்கள்.

இந்தி தெரியாத காரணத்தால் தமிழர்களைவிட நல்ல வாய்ப்புகளைப் பெற்று மேன்மை நிலையில் உள்ளதை துபாய் போன்ற தேசங்களில் காணலாம். கணினித் துறைக்கு இந்தி அவசியம் இல்லை என்றபோதிலும் தொடர்புமொழியாக இருப்பதால் அதனை அறியாத நம்மவர்கள் கல்வித் தகுதிகள் பலவிருந்தும் தாழ்வுமனப்பான்மையில் உழல வேண்டியுள்ளதற்கு மேற்கண்ட தமிழ்மொழிவெறி அரசியல்வாதிகளே காரணம்.

இலத்தீன், பிரெஞ்சு,சைனீஸ்,ஜப்பானீஸ் போன்ற மொழிக்காரர்கள் துறை வல்லுனர்களாக விளங்க அவர்களின் தாய்மொழி ஒரு தடையாக இருக்க வில்லை. நமக்கும் அவர்களுக்கும் உள்ள வித்தியாசம், பிறமொழிகளையும் தங்கள் மொழியுடன் ஏற்றுக் கொண்டு சேர்ந்து வளர்ந்தார்கள். பிரெஞ்சு மற்றும் இலத்தீனை மொழிகளை உட்கிரகித்தே ஆங்கிலம் வளர்ந்தது. பல ஆங்கிலச் சொற்களின் மூலத்தை (ORIGIN) ஆய்ந்தால் இது தெளிவாகும்.

கம்யூட்டர் என்பதை கணினி என்றோ அல்லது சீடி என்பதை குறுந்தகடு என்றோ மொழிபெயர்ப்புச் செய்யாமல் பரவலாக அறியப்படும் அதே ஒலி அல்லது உச்சரிப்பில் தமிழிலேயே சொல்லலாம். தமிழ்படுத்துகிறோம் என்று அவ்வாறு மொழியாக்கம் செய்யப்பட்ட தமிழுக்கே மீண்டும் தமிழில் விளக்கம் பெற வேண்டிய நிலைக்குத் தள்ளப்பட்டு உள்ளோம்.

ஆக, எனது முந்தைய பதிவின் நோக்கம் வாழ்க்கைப் பாடத்தைக் ஆரம்பக் கல்விக்கூடத்திலிருந்து தொடங்கும் இளம்பிஞ்சுகளுக்கு அவர்கள் நன்கு பரிச்சயப்பட்ட தாய்மொழியில் போதிப்பதே (தாய்மொழி எம்மொழியாககவும் இருக்கலாம்) சொல்லான்மையையும் மொழியாற்றலையும் வளர்க்கும் என்பதே. இக்கூற்றில் எதிர்கருத்து இருப்பின் மறுமொழியாகவோ அல்லது பதிவாக எழுதினால் தெளிவுபெற ஏதுவாகும்.

http://www.unesco.org/education/educprog/wtd_99/english/mother.htm

***

பேச்சு வழக்கிலுள்ள "அ" வில் தொடங்கும் ஒருசில தமிழ் சொற்களை பட்டியலிடுகிறேன். அவற்றில் எத்தனை சொற்களுக்குச் சரியானப் பயன்பாடு தெரிந்துள்ளது என்று தமிழறிவைச் சோதித்துக் கொள்ளவும்.

அக்கக்காக, அக்கடாவென்று, அக்கப்போர்,அக்குவேறு ஆணிவேறாக, அக்கைச்சி,அகவிலைப்படி,அகஸ்மாத்தாக,அங்கவீனம்,அங்கலாய்ப்பு,அங்கா, அங்கிட்டு,அங்ஙனம்,அசட்டுப்பிசட்டு,அசதி.

***

<<அபூஅஸீலா-துபாய்>>

Saturday, April 5, 2008

முக்கியத் தீர்ப்பு

அதிரை எம்.கே.என் ட்ரஸ்டிற்கான புதிய நிர்வாகம் தேர்ந்தெடுக்கப்பட்டுள்ளது. புதிய நிர்வாகத்திற்கு ஏற்கெனவே தலைவராக இருந்துவரும் ஜனாப் அஸ்லம் அவர்கள் மறுபடியும் தேர்ந்தெடுக்கப்பட்டுள்ளார்கள்.

'அதிரை அன்வர்' அவர்கள் எம்.கே. என் ட்ரஸ்டிற்கு புதிய உறுப்பினராக பட்டுக்கோட்டை மாஜிஸ்ட்ரேடால் நியமிக்கப்பட்டுள்ளார்கள்.

கோர்ட் தீர்ப்பில் முக்கிய அறிவிப்புகள்;

1. முன்பு பலமுறை அதிரை முஸ்லிம்களால் இரண்டு பெருநாட்களுக்கு கல்லூரி விளையாட்டுத்திடலில் தொழுகை நடாத்த அனுமதி கேட்கப்பட்ட நிலையில், சாக்குபோக்குகள் கூறி அவை நிராகரிக்கப்பட்டுள்ளதை மாஜிஸ்ட்ரேட்டிடம் முறையிடப்பட்டது. இதனை ஏற்றுக்கொண்ட அவர் இரண்டு பெருநாட்களுக்கும் தொழுகை நடாத்த அனுமதிக்கவேண்டுமென்று உத்தரவிட்டுள்ளார்.

2. மர்ஹூம் காதிர் முகைதீன் அப்பா அவர்களால் ஊரில் உள்ள அனைத்து பள்ளிவாசல்களுக்கும் விளக்கு எரிப்பதெற்கென்று அவர்களுடைய சொத்துக்களிலிருந்து கொடுக்கவேண்டுமென்று உத்தரவிட்டுள்ளார்கள், அதனடிப்படையில் பார்த்தால் நமதூரில் உள்ள சுமார் 25 க்கும் மேற்பட்ட பள்ளிவாசல்களுக்கும், புதிதாய் வரும் பள்ளிவாசல்களுக்கும் கொடுக்கப்பட்டிருக்கவேண்டும். ஆனால் இதுநாள் வரை எட்டு பள்ளிவாசல்களுக்கு மட்டுமே சுமார் 500 வீதம் மாதம் கொடுக்கப்பட்டிருக்கிறது. இனி 18 பள்ளிவாசல்கள் (மின்)விளக்குகளுக்காக மாதம் 1500 கொடுக்க உத்தரவிடப்பட்டுள்ளது. இதில் பேரூந்து நிலையத்தில் அமைக்கப்பட்டிருக்கும் அல் அமீன் பள்ளிவாசலும் அடங்கும்.

தமிழ்நாடு அளவில் சிறுபான்மை கல்வி நிலையங்கள் சிறுபான்மையினருக்கான அரசின் பல்வேறு சலுகைகளை பெற்றுக் கொண்டதோடல்லாமல், சிறுபான்மையினரிடமே அதிக கட்டணங்கள் பெறுவதாகவும் அவர்களுக்கான சேர்க்கை, பணியிடங்களில் முறைகேடுகள் நடப்பதாகவும் குற்றச்சாட்டுகள் அதிகம் வைக்கப்படுகிறது. பணியிடங்களுக்கு பல லட்ச ரூபாய்கள் பெறுவதாகவும் குற்றச்சாடுகள் பரவலாக காணப்படுகிறது. சென்ற பிப்ரவரியில் சென்னை புதுக்கல்லூரியில் நடைபெற்ற கருத்தரங்கில் இவை பற்றி விவாதித்து தங்கள் கவலையை தெரிவித்திருந்தனர்.

புதிதாய் பொறுப்பேற்றுள்ள எம்.கே.என் ட்ரஸ்ட் நிர்வாகக்குழு மேலும் சிறப்பாக செயல்பட்டு சிறுபான்மை கல்விநிலையங்களுக்கு முன்மாதிரியாய் திகழ வாழ்த்துக்கள்.

காதர் முகைதீன் அப்பா அவர்களுககு அல்லாஹ் அழகான சுவர்க்கத்தைக் கொடுப்பானாக! ஆமீன்.

கல்விக்கொடையில் ஈடுபட்டிருக்கும் அனைவருக்கும் அல்லாஹ் சுவர்க்கத்தை வாஜிபாக்குவானாக! . ஆமீன்.