Tuesday, December 29, 2009

அரசியல் கட்சிகளின் கோபம் எப்படி இருக்கிறது?

1. பி.ஜே.பி - தேர்தலின் போது உற்சாகம் இல்லாமலும், தேர்தல் முடிவு வந்த பிறகு உற்சாகமாகவும் இருப்பார்கள், முக்கியத் தலைவர்களுக்கு கோபம் வந்தால் டிவியில் பேட்டி கொடுப்பார்கள், ரொம்ப கோபம் வந்தால் ஜின்னாவை புகழ்வார்கள்.

2. அதிமுக - அருமையான கட்சி என்று சொல்லக்கூட அம்மா பர்மிஷன் வேண்டும். அம்மா உற்சாகமாக இருந்தால் பால்கனியில் வருவார்கள். கோபம் வந்தால் சட்டசபைக்கு போவார்கள், ரொம்ப கோபம் வந்தால் கொட நாட்டுக்கு போய் மாவட்ட செயலர்களை கெடா வெட்டுவார்கள்.

3. திமுக - திமுக கட்சி ஓர் அருமையான பல்கழைக்கழகம். நல்லதோர் குடும்பம் பல்கழைக்கழகம் என்று எப்போது உற்சாகமாக பாடிக்கொண்டு இருப்பார்கள். கோபம் வந்தால் "நீயும் நானும் தீக்குளிக்கலாம், வர்றியா?" என்பார்கள். ரொம்ப கோபம் வந்தால் சீசீ நான் அதை சொல்ல மாட்டேன்.

4. பா.ம.க - தேர்தல் தோல்விக்கு "ஜாதிக்காய்" நிவாரணம் பெற்று 2011ல் ஆட்சிக்கு வர முயற்சிக்கும் அருமையான கட்சி. கோபம் வந்தால் "தமிழின துரோகி" என்பார்கள். ரொம்ப கோபம் வந்தால் 'அன்பு தங்கை' என்று பாசம் பொழிவார்கள்.

5. தேமுதிக - அதிமுக ஆதரவில் இரண்டாம் இடத்துக்கு வந்த அருமையான கட்சி. கோபம் வந்தால் காசு வாங்கு என்று உற்சாகமாக தொண்டர்களுக்கு டியூஷன் எடுக்கும் தலைவர். அவருக்கு கோபம் வந்தால் கட்சி தொண்டர்களை அனுப்பி வடிவேலுவுடன் சண்டை போடுவார். ரொம்ப கோபம் வந்தால் கடவுளையும் மக்களையும் கூட்டணிக்கு அழைப்பார்.

6. மதிமுக - உற்சாகத்திற்குக் கொஞ்சமும் குறைவில்லாத அருமையான கட்சி. பாதையாத்திரை போவதால் எப்போதுமே உற்சாகமாக இருக்கும் தலைவர். பாதை மாறி மற்ற கட்சிகளுக்கு போவதால் உற்சாகமாக இருக்கும் கட்சி தலைவர்கள். கோபம் வந்தால் குலுங்கிக் குலுங்கி அழுவார். ரொம்பக் கோபம் வந்தால், ஏதாவது ஏடாகூடமா பேசிட்டு, உள்ள போயி கஞ்சி குடிச்சுண்டு ஒபாமாவுக்கு லெட்டர் எழுதுவார்.

(அதிரைவாசி)

அதிரை எக்ஸ்பிரஸின் புதிய இளம் எழுத்தாளருக்கு எமது வாழ்த்துக்கள். கட்டுரைகள் வரையும் போது மிக கவனம் தேவை. மாதத்திற்கு ஒரு கட்டுரை எழுதினாலும் நன்றாய் யோசித்து இஸ்லாமிய கொள்கைகளையும் ஒழுக்கங்களுக்கும் முக்கியத்துவம் கொடுங்கள். ஆரம்பகட்டத்தில் சர்ச்சை வராதவற்றிற்கு முக்கியத்துவம் கொடுங்கள்.
-- அதிரை எக்ஸ்பிரஸ்



Sunday, December 27, 2009

ஊரில் மழையாமே?!








வெளியில் மழை...என்ன செய்யலாம் கம்ப்யூட்டரில் என
யோசிக்கும்போது வந்தது நண்பனின் கவிதை...

ஊரில் சமீபத்திய மழையில் எடுத்த படங்கள் இன்னும் உதவியது.[ 11th- 22nd December 2009].

கூடிய சிக்கிரம் Piccasa WebAlbum ல் ஊர் போட்டோக்கள
வெளியிடுகிறேன்.

Zakir Hussain



கவிதை வடிவம் B. சபீர் அகமது, போட்டோ J. நிஜாம் முஹைதீன்.


ஊரில் மழையாமே?!


மற்றொரு
மழை நாளில்...
மடித்துக் கட்டிய லுங்கியும்
மடக்குக் குடையுமாய்
தெருவில் நடந்த தினங்கள்...

கச்சலில் கட்டிய
புத்தக மூட்டையும்..
"அடை மழை காரணமாக
பள்ளி இன்று விடுமுறை"யென-
தேனாய் இனித்த
கரும்பலகையும்...

சற்றே ஓய்ந்த
மழை வரைந்த
வாணவில்லும்...

சுல்லென்ற ஈர வெயிலும்...
மோதிரக்கல் தும்பியும்...
கருவேலும்
புளிய மரமும்
சேமித்த மழையும்
கிளையை இழுக்க
சட்டென கொட்டி
நனைந்த உடையும்...
மழையில் நனைந்த
"இன்று இப்படம் கடைசி"யும்...
கன்னி வைத்து காதிருந்த உப்பளங்களும்...
பள்ளியில் போட்ட
குட்டை போல
கால்களை இழுத்து நடந்த
தற்காலிக ஓடைகளும்...

முட்டாள் சாதகத்தால்
பாம்பை அழைக்கும் நுழலும்...
மழையில் நணைந்த இரவில்
குழல் விளக்கில்
முட்டி முட்டி பால் குடிக்கும்
விட்டிலும்...

மழை நீருடன்
முயங்கிச் சிவந்த
தண்டவாளத் தடமும்...
தட்டுத் தடுமாறிய நடையும்...
சென்னை ரயிலுக்கு
வழிவிடுகையில்
கை காட்டிய குழந்தையும்...

மழையால் ஊரில்
இயல்பு வாழ்க்கை பாதிப்பாமே?
பொய்யும் புறமும்-
கடனும் பற்றாக் குறையும்-
சண்டையும் சச்சரவும்-
வெட்டிப்பேச்சும் வீண் வம்பும்
என்ற-
இயல்பு வாழ்க்கையை விட
மழையால் பாதிக்கப்பட்ட
வாழ்க்கை மேல் அல்லவா?

-sabeer







மரண அறிவிப்பு

நமதூர் மையின்ரோட்டைசேர்ந்த கிஜார் முஹம்மது,சேக் நசுருதீன்,தமிமுல் அன்சாரி,இஸ்மாயில் புகாரி ஆகியோரின் தகப்பனராகிய சேக்காதியார் அவர்கள் சனிக்கிழமை மாலை வபாத்தாகிவிட்டார்கள்(இன்னாலில்லாஹி வ இன்னா இலைஹி ரஜிவூன்).அன்னாரின் மறுமை நல் வாழ்விற்கு எல்லாம் வல்ல அல்லாஹ்விடம் பிராத்திக்கும்(துஆ)படி கேட்டுக்கொள்கிறோம்.

Wednesday, December 23, 2009

பண்பால் உயர்ந்தவர்கள்

அதிரையின் பசுமை நினைவுகள் (தொடர்ச்சி...)
டாக்டர். ஏ.பீ.முகம்மது அலி, Ph.D.,I.P.S., (R)

காதிர் முஹைதீன் கல்லூரி ஆசிரியர்களில் மிகவும் கண்டிப்புடனும் இருந்தவர் பேராசிரியர் ஜெயராஜ் அவர்கள். ஆனால் அவர் வீட்டுக்குச் சென்றால் விருந்தோம்பலில் எடுத்துக்காட்டாக திகழ்வார். ஒரு நாள் புதிதாக வாங்கிய ஹெர்குலிஸ் சைக்கிளில் அவர் வீட்டுக்குச் சென்றேன்.

மழை பிடித்துக் கொண்டது. என்னைப் பார்த்ததும் அவர் ஒரு துண்டை எடுத்து வந்து கொடுத்து தலைதுடைக்கச் சொன்னாது மட்டுமில்லாது, தன் மனைவியினை அழைத்து, ‘இங்கு பாரம்மா தம்பி வந்திருக்கிறான் பாரு, அவன் வாங்கிய புது சைக்கிள் நனைந்து விட்டது அதை துணியெடுத்து வந்து துடை’என்றார் பாருங்கள். எனக்கு அதிர்ச்சியாக இருந்தது. உடனே நான் மறுத்தும் அவர் துடைக்கச் சொன்னார் என்றால் அது தான் மனிதநேய நடவடிக்கையாகும் என்றால் மிகையாகும?

கல்லூரியில் வகுப்பிற்காக இரண்டு கல் கட்டிடமும்-ஒரு நூலகமும் முதல் ஆண்டு மாணவர்களுக்கு ஒரு கீற்றுக் கொட்டைகையும் இருந்தது. மழைகாலங்களில் ஒழுகிய கொட்டைகையில் பாடம் நடத்தி இருக்கிறேன். இப்போது நிலைமை மாறிவிட்டதாக அறிந்து மகிழ்ச்சி அடைந்தேன்.

தமிழில் இரண்டு சிறந்த பேச்சாளர்கள் கல்லூரியில் இருந்தார்கள். பேராசிரியர் அப்துல் கரீம் ஒருவர்-மற்றொருவர் அதிரையினைச் சார்ந்த பேராசிரிய நண்பர் அப்துல் காதர். அவர்கள் வெளியூர்களிலும்-சிலோன் போன்ற நாடுகளிலும் தங்கள் புகழை பரப்பியவர்கள்.

கல்லூரி விளையாட்டுப் போட்டியில் மாணவர்களுக்கும்-ஆசிரியர்களுக்கு கயிறு இழுக்கும் போட்டி நடக்கும். நான் அதில் கேப்டனாக இருந்து நான் அங்கு வேலைபார்த்த மூன்று வருடங்களிலும் வெற்றி கொண்டேன்.

ஒரு விளையாட்டுப் போட்டிக்கு எங்களூரச் சார்ந்த பட்டுக்கோட்டை டி.எஸ்.பி மறைந்த கேப்டன் இக்பால் தலைமை தாங்கினார். அவரை அதற்கு முன்பு பார்த்ததில்லை. நான் கயிறு இழுக்கும் போட்டியில் பரிசு வாங்கும்போது கல்லூரி முதல்வர் என்னை உங்களூர்காரர்தான் என்று அறிமுகப்படுத்தினார். பிற்காலத்தில் நானும் டி.எஸ்.பியாக வருவேன் என்று நினைக்கவில்லை.

1972 ஆம் ஆண்டு டிசம்பர் 14ந்தேதி இரவு 10 மணியளவில் நடந்த என் திருமணத்திற்கு கல்லூரியிலிருந்து ஆசிரிய நண்பர்கள் பேராசிரியர் ஜெயராஜ் தலைமையில் கல்லூரி முடித்துவிட்டு மிகவும் சிரமத்திற்கு இடையே வந்தார்கள் என்பதினை மறக்க முடியாது. என் மனைவிக்கு முதல் சாம்பு சாட்டின் புடவை அதிரை மார்க்கட்டில்தான் வாங்கி வந்தேன் என்று இன்றும்கூட அவள் சொல்லிக் கொள்கிறாள்.

அதிரை விடைபெறுதல்: கல்லூரி விட்டு என் குருப் 1 பரிட்சைக்கு மாலை நேரத்தில் கல்லூரி கூரைக்கொட்டகையில் அமைதியாக சென்று படிப்பேன். கல்லூரி நூலகத்தில் படிப்பதிற்கு வேண்டிய புத்தகங்களை நூலக- உடற்பயிற்சி ஆசிரியர் எனக்கு வழங்கியது பேருதவியாக இருந்தது.

1973 ஆம் ஆண்டு எழுதிய பரீட்சையில் நான் வெற்றி பெற்று டி.எஸ்.பியாக தேர்வு பெற்றதாக 1974 ஆம் ஆண்டு அறிப்பு வந்தது. என்னுடைய ரிலீப் ஆர்டரை வாங்க மரியாதை நிமித்தமாக தாளாளர் சேக் ஜலாலுதீன் அவர்களைப் பார்த்தபோது மிகவும் சந்தோசப்பட்டு முதல்வருக்கு போன் மூலம் தகவல் சொல்லி உடனே கொடுக்கச ;சொன்னார். இப்போது அவர் இளைய மகனார் அஸ்லம் சிறப்பாக செயலாற்றித் தந்தையின் புகழினை நிலை நாட்டுகிறார் என அறிந்து மிக்க மகிழ்ச்சி அடைந்தேன்.

நான் என்போர்ஸ்மெண்ட் எஸ்.பியாக தஞ்சையில் பணியாற்றிய போதும், கோஸ்டல் செக்யூரிட்டி எஸ்.பியாக பணியாற்றிய போதும் இரு முறை கல்லூரிக்கு சென்றிருக்கிறேன். எனது கல்லூரி சக ஆசிரியர்கள் பேராசிரியர் ஹசனும், பேராசிரியர் ராஜமாணிக்கமும் இன்றும் சென்னை வந்தால் என்னை சந்தித்து விட்டு செல்வார்கள்.

என்னிடம் படித்த பல மாணவர்களில் சென்னை தலைமைச் செயலகத்தில் ஜாயின்ட் செகரிட்டரியாக இருந்த ஆறுமுகம் என்பவர் எப்போதும் கல்லூரி சம்பவத்தினை நினைவூட்டி பசுமையூட்டுவார். அந்த பசுமை நினைவுகளை உங்களுடன் பகிர்ந்து கொள்வதில் மட்டற்ற மகிழ்ச்சி.

-முற்றும்-

Tuesday, December 22, 2009

உழைப்பால் உயர்ந்தவர்கள்

அதிரையின் பசுமை நினைவுகள் (தொடர்ச்சி...)
டாக்டர். ஏ.பீ.முகம்மது அலி, Ph.D.,I.P.S (R)

அதிரை மக்கள் உழைப்பில் உயர்ந்தவர்கள் என்பதினை ஒரு சம்பவம் மூலம் உங்களுக்குச் சொல்லலாமென நினைக்கிறேன். அதிரைக்கு எப்போதாவது மலாக்கா மஜித் என்ற தன்வந்தர் வருவார். சாலிக்காக்கா டிபன் சென்ட்டருக்கும் வருவார். அங்கு நான் அவரை பார்த்திருக்கிறேன்-ஆனால் பேசியதில்லை.

1979 ஆம் ஆண்டு நான் கோவை நகர டி.எஸ்.பியாக இருந்தபோது மலேசியாவிற்கு என் தந்தையினை காண சென்றேன். அதன் பின்பு மலாக்காவில் இருக்கும் என் உறவினர் ஜமால் எச்.பி. அவர்களைப் பார்க்க போயிருந்தேன். அவர் மகனும் என் நண்பனுமான மீரா முகைதீன் என்னை மதிய சாப்பாட்டுக்கு ஸ்பெசல் மீல்ஸ் வாங்கித் தருகிறேன் என்று ஒரு ஹோட்டலுக்குக் கூட்டிச் சென்றார். அங்கே சாப்பிடுவதிற்கு கூட்டம் அதிகமாக இருந்தது. சிறிது நேரம் சென்று உள்ளே சென்று ஒரு மேஜையில் அமர்ந்தோம்.

எங்களுக்கு முன்பு சாப்பிட்டவர்கள் சாப்பிட்டதைத் துடைக்க ஆஜானு பவானான மஜீது அவர்கள் வெறும் பனியனுடன் காட்சி அளித்தது என்னை வியக்கச் செய்தது.நான் அவரிடம் என்ன சுகமாக என்றுகேட்டேன். என்னை அவருக்குத் தெரியவில்லை.பின்பு அவரிடம் அதிரைக்கல்லூரியில் வேலை பார்த்த விசயத்தையும் சாலி காக்கா கடையில் அவரை பார்த்ததினையும் சொன்னேன்.

இதற்குள் என் நண்பன் நான் டி.எஸ்.பியாக வேலை பார்ப்பதினைச் சொன்னான். உடனே அவர் கொஞ்சமும் கூச்சமில்லாது, ‘ஒரு சர்வர் வரவில்லை ஆகவே அந்த வேலையினை நான் செய்கிறேன் என்றார்’ அந்த ஹோட்டலுக்கு முதலாளியான மலாக்கா மஜீது அவர்கள். அது தான் செய்யும் தொழிலே தெய்வம் என்றனர் தமிழ் அறிஞர்கள்.

-தொடரும்-

Monday, December 21, 2009

பாசக்காரப் பசங்க

அதிரையின் பசுமை நினைவுகள் (தொடர்ச்சி...)
டாக்டர். ஏ.பீ.முகம்மது அலி, Ph.D.,I.P.S (R)

காதிர் முஹைதீன் கல்லூரி மாணவர்கள் பாசமிக்கவர்கள். பட்டுக்கோட்டை, அறந்தாங்கி, பேராவூரணி, முத்துப்பேட்டை போன்ற பகுதிகளிலிருந்து படிக்க வந்தார்கள். நான் விடுமுறை நாட்களில் எங்களூருக்குச் சென்றுவிட்டு காரைக்குடி-மாயூரம் அதிகாலை நாலரை மணிக்கு புறப்படும் ரயிலில் ரிசர்வ் செய்யாத பெட்டியில் லக்கேஜ் வைக்கும் பலகையில் படுத்துக் கொண்டு வருவேன்.

அறந்தாங்கி, பேராவூரணியில் ஏறிய மாணவர்கள் அரட்டை அடித்துக் கொண்டு வருவதைப் பார்த்து சப்தம் கேட்டதும் கீழே இறங்கி விடுவேன். என்னைப் பார்த்து தங்கள் அன்பின் மழையில் டீ-காபி வேண்டுமா எனக் கேட்டு தொல்லை செய்து விடுவார்கள்.

அதே போன்று நாங்கள் பட்டுக்கோட்டைக்கு மாலை சினிமா பார்க்க சென்றோமென்றால் அதை அறிந்து அதிரை வரும் கடைசி பஸ்ஸில் தங்கள் கைத்துண்டினைப் போட்டு இடம் வேண்டாமெ என்றாலும் பிடித்துவைப்பார்கள்.

ஆசிரியர்களும் மாணவர்களிடம் மிகவும் பரிவுடன் நடந்து கொள்வார்கள். ஒரு தடவை கல்லூரி அரைப்பரீட்சை லீவில் பி.ஏ. முதலாமாண்டு படிக்கும் பேராவூரணி மாணவர் ஒருவர் இறந்து விட்டார் என்று கல்லூரி நிர்வாகத்திற்கு தெரிந்து ஒரு நாள் கல்லூரி லீவு விடப்பட்டது. ஆசிரியர்கள் சார்பாக நான் மாணவர்களுடன் அவர் வீட்டுக்கு சென்று எங்கள் அனுதாபத்தினை தெரிவித்து வந்தேன்.

ஆனால் புதுக் கல்லூரியில் சில மாதங்களுக்கு முன்பு ஆர்க்கிடெக்ஸர் இரண்டாமாண்டு படிக்கும் தந்தையினை இழந்த மாணவி சதக் பாத்திமா தொடர்ந்து படிக்க பணமில்லையே என்று தற்கொலை செய்தி யறிந்து ஒரு அனுதாபச்செய்திகூட தெரிவிக்காமல் வகுப்பு நடந்து கொண்டது அறிந்து அந்த டீனிடம் கேட்டு விட்டு ஜாம் பஜாரில் இருக்கும் அந்தப் பெண் வீட்டில் அனுதாபமாவது போய் தெரியுங்கள் என்றேன்.

இதுதான் கிராமப் புறத்து பாசத்திற்கும் நகர மெக்கானிக்கல் வாழ்க்கைக்கும் உள்ள வித்தியாசமாகும்.

-தொடரும்-

Sunday, December 20, 2009

வேட்டி கட்டிய வெள்ளைக்காரரோ?

அதிரையின் பசுமை நினைவுகள் (தொடர்ச்சி...) டாக்டர். ஏ.பீ.முகம்மது அலி, Ph.D.,I.P.S (R)

அதிரையில் அடியெடுத்து வைத்தல்: நாட்கள் உருண்டோடின. ஜுலை மாதம் குருப் 1 பரீட்சை முடிவு வெளிவந்தன. அதில் நான் தேர்வு பெறவில்லை. நான் ஊரில் இருக்கும் போதெல்லாம் எங்களுர் பள்ளியில் மாலை நேரத்தில் கால்பந்து விளையாடுவேன். அப்படி நான் ஒரு நாள் விளையாடிக் கொண்டு இருக்கும்போது என் நண்பனும் அதிரை கல்லூரி முன்னாள் மாணவனுமான காசிம், பேராசிரியர் அசன் அனுப்பியிருந்த தந்தியினை எடுத்துக் கொண்டு வந்து என்னிடம் காட்டி அதில் என்னை உடனே அதிரைக்கு அழைத்து வரச் சொன்ன தகவரையும் சொன்னார்.

நாங்கள் இருவரும் இரவோடு இரவாக ரயிலில் அதிரை புறப்பட்டு மறுநாள் காலை போய் சேர்ந்தோம். பேராசிரியர் அசன், காதர் முகைதீன் கல்லூரி தாளாளர் சேக் ஜலாலுதீன் வீட்டையொட்டிய குடியிருப்பு ஒன்றில் பேராசிரியர் அபுபக்கர், சிப்ளி, ஜின்னா ஆகியோருடன் தங்கி இருந்தார். அடுத்த குடியிருப்பில் ஆங்கில பேராசிரியர் இக்பால் குடும்பத்துடன் தங்கியிருந்தார்.

அசன் அவர்கள் வரலாற்றுத் துறையில் ஒரு லெக்சரர் போஸ்ட் காலியாக இருக்கு நீங்கள் தாளாளரை போய் பாருங்கள் என்றார்.நான் கொண்டு வந்த மாற்றுத் துணிகளை அணிந்து கொண்டு அவரைப் போய் பரந்த பங்களா போன்ற வீட்டில் அவருடைய அலுவலகத்தில் போய் பார்த்தேன்.

பார்ப்பதற்கு ஒரு ஆங்கிலேயர் கைலியும் சட்டையும் தொப்பி அணிந்தால் எப்படியிருப்பார் அது போன்று மிகவும் கம்பீரமாக இருந்தார். நான் படித்த கல்லூரிகள் விபரத்தினைக் கேட்டு விட்டு என்னை மேலும் கீழும் பார்த்து தராசில் எடைபோடுவது போல போட்டுவிட்டு போய் பிரின்ஸ்ப்பால் செல்வக்கணபதியினைப் போய் பாருங்கள் என்று மட்டும் சொன்னார்.

அவரைப்போய் கல்லூரியில் பார்த்ததும் இன்று உங்களை வேளையில் சேர்க்கும்படி தாளாளர் சொல்லிவிட்டார் உடனே சேருங்கள் என்றார். நான் மாற்று டிரஸ் எதுவும் எடுத்து வரவில்லை. என்றேன்.அதற்கு அவர் வெள்ளி லீவில் போய் எடுத்து வாருங்கள் என்றார். பேராசிரியர் அசன் இரண்டு நாட்களுக்கு தனது உடுக்கையினை தந்து பேருதவி செய்தார்.

இந்தக் காலத்தில் எந்த தனியார் கல்லூரியிலும் ஆசிரியர் வேலைக்கு வெயிட்டான சிபாரிசுடம் ரூபாய் 10 லட்சம் கேட்பதாக அறிந்து வேதனைப் படுகிறேன். ஏனென்றால் திறமை வாய்ந்த ஆசிரியர்கள் பணம் கொடுத்து வேலையில் சேர முன்வர மாட்டார்கள். தாளாளருக்கு உதவியாக பாருக்-உமர் என்பவர்கள் இருந்தனர்.

அதிரையில் உலா: வங்கக் கடல் ஓரத்தில் தென்னை மரமும், பச்சை பசேல் என்ற நெல் விவசாயமும், பருத்தி விரித்து போட்டது போன்ற உப்பளமும் ஒருங்கே அமையப்பெற்ற ஊர் அதிரையாகும். அதிரையில் சில அதிசய பழக்கஙகள் கண்டேன்.

திருமணம் முடிந்ததும் மணமகன் பெண் வீட்டோடு மாப்பிள்ளையாகி விடுகிறார். காலை-மாலை தாயார் வீட்டில் விருந்து இரவு பெண்வீட்டில் சாப்பாடு-தங்கள். காலையில் கையில் கைலி-துண்டு-பேஸ்ட்டுடன் கூடிய பிரஸ்-குளிக்க சோப் ஆகியவற்றுடன் கிளம்பி நேராக சாலி காக்கா புரோட்டக் கடையிலோ அல்லது மற்ற கடையிலோ நாஸ்தா பின்பு குளியல். இதுதான் பெரும்பாலானோர் கடைப்பிடிப்பதினைக் கண்டேன்.

நாங்கள் கல்லூரிக்கு போகுமுன் சாலிகாக்கா கடையில்தான் டிபன் சாப்பிடுவோம். ஆகவேதான் மேற்கூறிய பழக்கம் எனக்கு வித்தியாசமாக தெரிந்தது. மாலையில் ராஜாமடம் தேவர் மெஸ்ஸில் சாப்பாடு. அது குடிசையில் அமைந்திருக்கும். அந்த தேவர் இளைஞர் எந்த வகை மீன் சாப்பாடு, அதாவது டேங்க் ப்பிஸ் அல்லது சீ ப்பிஸ் என்பதிற்குப் பதிலாக டேங்க் பிஸ் அல்லது சீ பிஸ் வேண்டுமா என்று கேட்பார். அதே ஒரு விளையாட்பாக அமையும்.

நோன்பு நேரத்தில் எல்லா ஹோட்டல் முன்பும் சாக்கு தொங்கவிடப் பட்டிருக்கும. நோன்பு இல்லாதவர்கள் மறைந்து தான் சாப்பிடுவார்கள். வெள்ளி லீவு அன்று ராஜாமடம் ஆறு வரை நடந்து சென்று வருவோம். நாங்கள் அகமது & கோ காம்பவுண்டில் வசித்தபோது மெஸ் நடத்தினோம்.

ஒரு தடவை எங்களுக்கு சம்பளம் போட இரண்டு மாதம் ஆனது. அப்போது மெஸ் நடத்த ராமமூர்த்தி என்ற ஆரம்பப்பள்ளி ஆசிரியர் ஊரில் அவருக்குத் தெரிந்த நபரிடம் வட்டிக்கு பணம் வாங்கிக் கொடுத்து மெஸ் நடத்த உதவி செய்தார். வேறு என்ன வழி அன்னிய ஊரில்? அந்த ராமமூர்த்தியை இன்றும் மறப்பதில்லை.

வேலை பார்த்த 3 வருடத்தில் ஒரே தடவை கல்லூரி மேனேஜ்மென்ட்டுக்கு வேண்டியவர் வீட்டில் நடந்த விருந்தில் கலந்து கொண்டேன். அங்கே ஒரே தட்டில் 5 அல்லது 6 நபர்கள் உட்கார்ந்து சாப்பிடும் பழக்கத்தினைக் கண்டேன். இது இஸ்லாம் போதித்த சமத்துவ-சகோதரத்துவத்திற்கு எடுத்துக்காட்டு என்றால் மிகையாகாது.

மேடைப்பள்ளி கட்டி முடித்து திறப்பு விழாவும் நடந்தது. அதில் இசை முரசு தனது சங்கநாதத்தால் இறைவனை புகழ்ந்தது அவருக்கு இணை அவரேதான் என்றளவிற்கு இருந்தது.

-தொடரும்-

Photo : கான் பிரதர்ஸ்

Saturday, December 19, 2009

DOWNSYNDROME






DOWNSYNDROME
தற்போதைய சூழ்நிலையில் இது போன்ற குழந்தைகள் நமது ஊரில் ஒரு பெரிய குடும்பத்தில் ஒருத்தராவது இருக்கிறார்கள்.நாமும் இதை பெரிதாக கண்டுகொள்வதில்லை. இதற்க்கு காரணம் வசதிகள் இருந்தும் ஒருவகையான அறியாமைதான் என நினைக்கிறேன். நாம் நேரடியாக பாதிக்கபடாதவரை நாம் பாதுகாப்பாக இருக்கிறோம் என நினைப்பது மனித இயல்பு.
இந்த குறைபாட்டுடன் பிறந்த குழந்தைகளை வளர்ப்பவர்கள் நிறைந்த பக்குவம் அடைகிறார்கள். 9 வருடத்துக்கு முன் எனது நண்பர் ஒருவருக்கு இது போன்ற பெண் குழந்தை பிறந்தது இப்போது அந்த பெண் குழந்தை இறைவன் உதவியாலும், முறையான பயிற்ச்சிகளாலும் எல்லோரைப்போல் தனது வாழ்க்கையை எதிர் கொள்கிறாள்.

அனைத்துலக ரீதியில் இதுபோன்ற குழந்தைகளுக்கு பயிற்ச்சி பள்ளிகள் இருக்கிறது. அதற்க்காக உதவிகளும் செய்கிறார்கள். பணத்தை துரத்தும் வாழ்க்கையை கற்றுத்தரும் இப்போதைய கல்வி முறைகள தவிர்த்து, குழந்தைகளின் செயல்படும் தகுதிக்கு ஏற்ப சொல்லித்தரும் கல்வி முறைகளை கனடா நாட்டில் ஏற்படுத்தி இருக்கிறார்கள்

இது போன்ற குழந்தைகளை சரியான முறையில் மருத்துவ சிகிச்சைக்கு உடன்படுத்தும் போது [ உதாரணம்: அக்கு ப்ரஸ்ஸர் / அக்கு பன்க்சர் / தை-ச்சி / யோகா / வர்மம் ] இந்த குழந்தைகள் மற்றவர்களைபோல் செயல் பட வாய்ப்பு இருக்கிறது. ஆனால் இதை வழி நடத்த பொறுமை அதிகம் தேவை.இந்த குழந்தைகளை மன நலம் குறைந்தவர்கள் என்று சிலர் சொல்வதுண்டு....என்னை பொருத்தவரை நாம் தான் மன நலம் குறைந்தவர்கள்

இவர்களிடம் பழகிப்பார்த்தால் தெரியும் நான் சொன்ன உண்மை, இவர்களிடம் புறம் பேசுதல் , பொய் , ஏமாற்றுதல் , ஈகோ , எதுவும் கிடையாது. இப்போது சொல்லுங்கள் யார் உண்மயில் மன நலம் குறைந்தவர்கள்?. நமது ஊரில் இந்த குழந்தைகளுக்கு ஒரு பள்ளி ஆரம்பித்ததாக கேள்விப்பட்டேன். இறைவன் உதவியால் முயற்ச்சி வெற்றி அடைய வாழ்த்துக்கள்.

ZAKIR HUSSAIN

அதிரையின் பசுமை நினைவுகள்- டாக்டர். ஏ.பீ.முகம்மது அலி, Ph.D.,I.P.S.,

நஞ்சையும் புஞ்சையும் கொஞ்சி விளையாண்ட தஞ்சைத் தரணியின்காவிரி கடைமடைப் பகுதியாக அதிரையின் அருமை பெருமையை உள்ளூர்காரர் சொல்வதைவிட விருந்தினராக வந்து சிலகாலம் வாழ்ந்து சென்று மறக்க முடியாத நினைவுகளை அள்ளிச் சென்றவர் சிலாகித்துச் சொல்லும்போது நம்மையறியாமல் நம் பாரம்பரியத்தின்மீது நன்மதிப்பு ஏற்படுகிறது.அதிலும் இதையே பிரபலங்கள் சொல்லும்போது சற்று பெருமிதம் ஏற்படத்தானே செய்யும்!

காயிதே மில்லத் இஸ்மாயில் ஸாகிப் அவர்களால் திறந்து வைக்கப்பட்ட அதிரை காதிர் முஹைதீன் கல்லூரியில் நாட்டின் பலபிரபலங்கள் பயின்று பயிற்றுவித்துச் சென்றுள்ளனர். அத்தகையவர்களில் ஒருவரான மாண்புமிகு முனைவர் முஹம்மது அலி IPS (முன்னாள் சென்னை மாநகர கமிஷனரும் குற்றவியல் துறையின் மூத்த அதிகாரியாகவும் பணியாற்றியுள்ளார்கள்.

அரசியல்வாதிகளின் ஆடு-புலி-ஆட்டத்தில் அநியாயமாக துர்ப்பிரயோகம் காரணமாக அரசியல் பொய்வழக்குகளிலிருந்து மீண்டு,தற்போது ஓய்வு பெற்ற அதிகாரியாக இருக்கும் ஜனாப். முஹம்மது அலி அவர்களின் ஆக்கம் அதிரை எக்ஸ்ப்ரஸில் வெளியானததை தொடர்ந்து, அதிரை குறித்த மேலதிக அனுபவங்களைப் பகிர்ந்து கொள்ளும்படி கேட்டிருந்தோம். நமது அன்புகோரிக்கையை ஏற்று,நமதூர் கல்லூரியில் பணியாற்றிய அனுபவங்களையும் கண்டு, கேட்டு,வியந்து,ரசித்து மகிழ்ந்த இனிய நினைவுகளையும் அதிரைஎக்ஸ்ப்ரஸ் வாசகர்களுக்காக வழங்குவதன்மூலம் பெருமகிழ்ச்சியடைகிறோம்.

சுவாரஸ்யம் கருதி 3-4 பகுதியாக தனித்தனி பதிவாக வெளியிடப்படும். சம்பந்தப்பட்டவர்கள், சம்பந்தப்படாதவர்கள் அல்லது அவர்தம் குடும்பத்தினர் மேலதிக அனுபவங்களைப் பகிர்ந்து கொண்டால் அதிரை இளைய தலைமுறைக்கு நம்முன்னோர்களின் சிறப்புகளை எடுத்துச் சொல்ல நல்ல வாய்ப்பாக அமையும்.


சென்னை புதுக்கல்லூரியில் பி.ஏ. 1966-69 ஆம் ஆண்டுகளில் படிக்கும் போது விடுதியில் தங்கியிருந்தேன். அப்போது காயல்பட்டிணம், கீழக்கரை, அதிரை, நாகூர், கூத்தா நல்லூர், பரங்கிப்பேட்டை, நெல்லிக்குப்பம், திருப்பத்தூர், வாணியம்பாடி போன்ற் ஊர்களிலிருந்து முஸ்லிம் மாணவர்கள் படித்தார்கள்.

நான் கல்லூரி-விடுதியில் விளையாட்டில் பல பரிசுகளை வாங்கியதா:லும்-விடுதியில் மெஸ் கமிட்டியில் இருந்ததாலும் எனக்கு நண்பர்கள் படை ஏராளம். அதிரையில் ரஜாக் என்ற சீனியரும் (பிற்காலத்தில் சென்னை ராயப்பேட்டையில் பென் சென்டர் வைத்திருந்தார்), ஜூனியர் கலாம்(மைலாப்பூர் ராதாக்கிருஷ்ணன் சாலையில் டாய் செண்டர் வைத்திருந்தார்) ஆகியோரைத் தெரியும். மேற்கூறிய ஊர்களில் முதலில் நான் காலடிஎடுத்து வைத்த ஊர் அதிரைதான்.

அதிரைக்கு முன்னோட்டம்: எனது எம்.ஏ. படிப்பினை சென்னை மாநிலக் கல்லூரியில் தொடர்ந்தேன். முதலாம் ஆண்டு படித்துக்கொண்டு இருந்த போது எங்களூர் இளையாங்குடியில் கல்லூரி ஆரம்பிக்க 1969 ஆம் ஆண்டு முயற்சி செய்து கொண்டு இருந்தார்கள். அந்த முயற்சியில் நானும் என்னை இணைத்துக் கொண்டேன்.

அப்போது அதிரை பேராசிரியர் தன்னுடைய மாணவன் காசிமை பார்க்க இளையாங்குடி வரும்போதெல்லாம் கல்லூரி ஆரம்பிக்க சிலயோசனை சொன்னதால் எனக்கு அவர் அறிமுகமானார். எனது இறுதியாண்டில் டிப்டி கலெக்டர்-டி.எஸ்.பி தேர்விற்காக தமிழ்நாடு பப்ளிக் சர்விஸ் கமிஷன் நடத்தும் குருப் 1 பரீட்சை எழுதியிருந்தேன்.

நான் எழுத்துத் தேர்வில் தேர்ச்சி அடைந்து நேர்முகத் தேர்விற்கு சென்னைக்கு 1971 ஆம் வருடம் மே மாதம் அழைக்கப் பட்டிருந்தேன். அந்த சமயத்தில் என் எம்.ஏ தேர்வு முடிவும் வெளிவந்து அதில் தேரியிருந்தேன். நான் நேர்முக தேர்வு முடிந்து இளையாங்குடி திரும்புவதிற்காக சென்னை எழும்பூர் ரயில் நிலையத்தில் ராமேஸ்வரம் ரயிலுக்காக காத்திருந்தேன்.

அப்போது பேராசிரியர் அசனும் சென்னையிலிருந்து அதிரை செல்வதிற்காக ராமேஸ்வரம் ரயிலுக்கு வந்தார்.அப்போது என்னிடம் நலம் விசாரித்து, பின்பு ‘உங்களுக்கு நேர்முகத் தேர்வி;ல் குருப் 1 பரீட்சையில் தேர்வாக வில்லையென்றால் என்ன செய்யப் போகிறீர்கள்?’ என்று கேட்டார். அதற்கு நான் மறுபடியும் பரீட்சை எழுதி முயலுவேன் என்றேன். அதற்கு அவர், ‘ஏன் நீங்கள் ஏதாவது ஒரு கல்லூரியில் வேலை பார்த்துக் கொண்டே முயற்சி செய்யலாமே’ என்று சொன்னார்.நான் யோசனை செய்கிறேன் என்று சொல்லி விடைபெற்றேன்.

-தொடரும்-

மரண அறிவிப்பு


மர்ஹூம் அஹமத் தம்பி அவர்களின் மனைவியும்,அஹமத் மக்தூம்,அப்துல் ஜப்பார்,சரபுதீன்,அஜ்மல் கான் ஆகியோர்களின் தாயும்,நெய்னா முஹம்மத் அவர்களின் மாமியாருமான நப்சா அம்மாள் (உ ம குடும்பம்) அவர்கள் நடுத்தெரு இல்லத்தில் (அதிராம்பட்டினம்) வபாத்தாகிவிட்டார்கள்.இன்னா லில்லாஹி வ இன்னா இலைஹி ராஜிவூன்.அன்னாரின் மக்பிரத்துக்காக,அனைத்து சகோதரர்-சகோதரிகளும் எல்லாம் வல்ல அல்லாஹ்விடம் இறைஞ்சும்படி அன்புடன் வேண்டுகிறோம்.

நபி ஸல் அவர்கள் கூறுகிறார்கள், பிரார்த்தனை ஓர் வணக்கமாகும். என்னை அழையுங்கள். நான் உங்களுக்குப் பதிலளிக்கிறேன் என்று உங்கள் இறைவன் கூறுகிறான். (அறிவிப்பவர் : நுஃமான் பின் பஷீர் ரலி நூல்:அபூதாவூத், திர்மிதி)



நிச்சயமாக உங்கள் இறைவன் நித்திய ஜீவன். கொடையாளன். அவனுடைய அடிமைகளில் யாரேனும் அவனிடம் (எதையேனும் கேட்டு) கையேந்திவிட்டால் அதனை வெறுங்கையாக திருப்பிவிட அவன் வெட்கப் படுகிறான். (அறிவிப்பவர்: ஸல்மான் அல்ஃபாாிஸி ரலி நூல்: அபூதாவூத், திர்மிதி)

Wednesday, December 16, 2009

வஞ்சிக்கப்படும் அதிரை ?

நமதூரில் சமிபகாலமாக சமையல் எரிவாயு கிடைக்காமல் மண்ணெண்ணெய் அடுப்பில் சமையல் செய்து வருகின்றனர்.

இதனால் மண்ணெண்ணையின் விலை விண்ணை தொடுகிறது பாவம் இந்த மழை காலங்களில் சமையல் எரிவாயு கிடைக்காமல் கள்ள மார்கெட்டில் ருபாய் 750வரை விற்க்கபடுகிறது முன்னர் பதிவு செய்து 21நாட்களுக்கு ஒரு சிலிண்டர் என விநியோகித்து வந்த பட்டுகோட்டை நாடியம்மன் கேஸ் நிர்வாகம் இப்பொழுது கணக்கு வழக்கு இல்லாமல் இஷடத்திற்கு வழங்கி வருவதாக நமக்கு தகவல் தருகின்றனர் .

இதற்க்கு எந்த நபரும் முயற்சி மேற்கொண்டதாக இதுவரைக்கும் தகவல் இல்லை . காலை 11மணிக்கு மீன் வாங்கி கொடுத்ததோடு லுகர் தொழுத உடன் சாப்பாட்டுக்கு செல்லும் ஆண்களே...... சமையல் எரிவாயு கிடைக்காத கஷ்டத்தை கொஞ்சம் புரிந்து கொண்டு தங்களது சுய நலத்துக்காக வேண்டியாவது ஊரில் இருக்கும் ஆண்கள் கீழ் காணும் தொலை பேசியில் மாவட்ட ஆட்ச்சியரை தொடர்புகொண்டு புகார் அளிக்க வேண்டுகிறோம்.

04362-230102

Wednesday, December 9, 2009

அதிரையில் பரவும் சிக்குன் குன்யா கண்டு கொள்ளாத பேரூர் நிர்வாகம்...

அதிரையில் சமிப காலமாக பரவும் சிக்குன் குன்யா நோயால் அதிரையில் பலபேர் பாதிகாப்பட்டுள்ளனர் இதனால டாக்டர் செல்வராஜ் மருத்துவமனையில்
தினந்தோறும் மக்கள் கூட்டம் அலைமோதுகின்றன இதை பார்க்கும் போது அதிரையில் நிர்வாகம் செயல் இழந்ததை காட்டுகிறது
மேலும் அதிரையில் இயக்கம் பேசும் இயக்கவாதிகளும் தமது இயக்கத்திற்கு ஆள் சேர்க்கும் வேலையில் மும்முரமாக இருக்கிறார்கள்
இது போன்ற சேவைகளுக்கு அதிரையில் ஆள் இல்லை எனவே வெளிநாடு வாழ் நமது சகோதரர்கள் மற்றும் அக்கறையுள்ள அதிரைவாசிகள் கீழ் கண்ட இணையத்தில் தொடர்புகொண்டு நமது குறைகளை புகாராக அனுப்ப வேண்டுகிறோம் .

Tuesday, December 8, 2009

இதுக்கு முந்தப்போவது யாரு?

அனைவர் மீதும் ஏக இறைவனின் சாந்தியும் சமாதானமும் நிலவட்டுமாக...

அன்புடையீர்,

தமிழகத்திலேயே மிகவும் பின்தங்கிய நிலையில் முஸ்லிம்கள் வாழும் பகுதி தேனி மாவட்டம். தாழ்த்தப்பட்ட சமூகத்தவராக இருந்து 20-30 ஆண்டுகளுக்குமுன் இசுலாத்தை ஏற்ற மக்கள் தேனி மாவட்டத்தின் பல கிராமங்களில் வசித்து வருகின்றனர். அன்றாடம் உழைத்தால்தான் உணவுக்கு உத்திரவாதம் என்ற நிலையில் வாழும் மக்களில், ஆணும் பெண்ணும் கூலிவேலை செய்து பிழைப்பு நடத்தி வருகின்றனர்.

ஒருவர் இறந்தபின் அவருடன் வருபவை மூன்று. அதில் ஒன்று நிலையான கல்வி; மற்றொன்று நிரந்தர தர்மம். ஒரு தலைமுறையையே முன்னேற்றுவதற்குத் தேவையான கல்வியைக் கொடுத்தல் என்பது இவ்வுலகம் அழியும் வரையிலான நன்மையை நிரந்தரமாகப் பெற்றுத் தரும் நற்செயலாகும்.

நம் சமுதாயம் இன்று எல்லா நிலையிலும் அடங்கி ஒடுங்கி, அனைத்து மட்டங்களிலும் பின் தங்கியிருப்பதற்குக் கல்வியில் கவனமின்றி இருப்பது மிக முக்கிய காரணமாகும்.


"தாழ்ந்திருக்கும் கையை விட உயர்ந்திருக்கும் கை மேலானது" என்பது எம்பெருமானார் (ஸல்) அவர்களின் வாக்கு. ஒருவரது தற்காலிகத் தேவையை அவ்வப்போது தீர்த்து வைப்பது என்பது, அவரைப் பிறரிடமிருந்து எதிர்பார்க்கும் நிலையில் தொடர்ந்து நீடிக்க வைப்பதற்கு மறைமுகமான ஊக்கமளிப்பதாகும். அதைவிட, அவரது தேவையை அவரே தீர்த்துக் கொள்ளும் வகையில் கவுரவமான வழிகளை ஏற்படுத்திக் கொடுப்பது என்பது மிக உயர்ந்த நற்செயலாகும். மார்க்கச் சகோதரர்களைப் பொருத்தவரை ஒருவரின் கவுரவத்தைப் பாதுகாப்பதும் மற்ற முஸ்லிம்களின் மீது கடமையாகும்.

அதன் அடிப்படையில், T. மீனாட்சிபுரம் எனும் கிராமத்தின் எதிர்காலத்தையே முழுமையாக மாற்றி அமைக்கவல்ல இளம் தலைமுறையினரின் கல்விக்காகச் செலவழிக்க வேண்டியது நம் சமுதாயத்தின் கடமையாகும். அதற்காக அக்கிராமக் குழந்தைகளின் ஆண்டுக் கல்விக்கான முழு தொழுகையினையும் ஒவ்வொரு ஆண்டும் முழுமையாகக் கொடுத்து உதவி, அவர்களின் கல்வி இறுதிவரை தடைப்பட்டு விடாமல் முழுமையடையும் வகையில் அக்கிராமத்தைத் தத்தெடுக்கவும் நம்மில் ஒவ்வொருவரும் முன்வர வேண்டும் என சத்தியமார்க்கம்.காம் அன்போடு கேட்டுக் கொள்கிறது.

மாணவரில் ஒருவருக்கும் மாணவியரில் ஒருவருக்கும் பள்ளிப் படிப்பின் இறுதி வரைக்குமான செலவுகளுக்கு சத்தியமார்க்கம்.காம் பொறுப்பேற்கிறது. இந்த நல்வாய்ப்பை வழங்கிய அல்லாஹ்வுக்கே எல்லாப் புகழும்.


வாழ்க்கைத் தரத்தில் மிகவும் பின்தங்கிய நிலையில் உள்ள இக்கிராமத்து முஸ்லிம்களின் பிள்ளைகள் பஞ்சாயத்து போர்டு பள்ளிகளிலேயே பயின்று வருகின்றனர். குடும்பச் சூழல் காரணமாக இடையில் படிப்பை விடும் பிள்ளைகளின் எண்ணிக்கையும் அதிகம். மதிய நேர சத்துணவுக்காகவே பிள்ளைகளைப் பள்ளிகளுக்கு அனுப்பும் அவல நிலையும் தொடர்கிறது. மெட்ரிகுலேசன் படிப்பு என்பது அவர்களுக்குத் தூரத்துக் கனவு.

இந்நிலையில் இம்மக்களின் வறுமை மற்றும் கல்வி ஆசையை சாதகமாய் பயன்படுத்திக் கொள்ள சில கிருஸ்துவ அமைப்புகளும் நிறுவனங்களும் சமீப காலமாக முயன்று வருகின்றன. நான் இங்கு சிபாரிசு செய்துள்ள T. மீனாட்சிபுரம் கிராமத்துப் பிள்ளைகளை அருகில் தேவாரம் என்கிற ஊரில் அமைந்துள்ள குட்செப்பர்டு மெட்ரிக் பள்ளி நிர்வாகம், இலவசக்கல்வி, சீருடை என ஆசைக்காட்டி 2007-2008 கல்வியாண்டில் அழைக்க, இம்மக்களும் மெட்ரிக் படிப்பு கனவில் பிள்ளைகளைச் சேர்க்க, அப்பிள்ளைகளைப் பைபிள் வகுப்புகளுக்கும் சர்ச்களுக்கும் ஜெபக் கூட்டங்களுக்கும் அழைத்துச் சென்றிருக்கின்றனர்.இந்த ஆபத்து நமது கவனத்திற்கு வந்தவுடன் அக்கிராமத்துப் பிள்ளைகள் 9 பேரையும் மேலும் ஒரு கிராமமான திம்மிநாயக்கன் பட்டி கிராமத்துப் பிள்ளைகள் 9 பேரையும் அப்பள்ளியிலிருந்து இடமாற்றம் பெற்று, உத்தமபாளையம் அல்-ஹிக்மா மெட்ரிக் மேல்நிலைப் பள்ளியில் சேர்த்துள்ளோம்.

அப்பள்ளி நிர்வாகம் கல்விக் கட்டணம் முழுவதையும் தள்ளுபடி செய்துள்ளனர். சீருடை மற்றும் புத்தகங்களுக்கான செலவைப் பெற்றோர் ஏற்க வேண்டும் என்றும் மீதமுள்ள போக்குவரத்து மற்றும் இதர கட்டணங்களைத் தங்களைப் போன்ற சமூகம் நலன் நாடும் அமைப்புகள் மூலம் பெற்றுத் தருவது என்றும் முயன்று, இறையருளால் ஓராண்டு (2008-2009) சமாளித்து விட்டோம். 2009-2010 கல்வி ஆண்டில் மேலும் அதிகப் பிள்ளைகள் சேர்ந்துள்ளனர்.

T. மீனாட்சிபுரம் பிள்ளைகள் 18 பேரின் கல்விக் கட்டணம் விவரங்களைத் தங்கள் உதவி வேண்டி இத்துடன் இணைத்துள்ளேன். திம்மிநாயக்கன் பட்டி கிராமத்தைச் சார்ந்த 12 பிள்ளைகளுக்கான செலவினை வேறு அமைப்பினர் - சமுதாய ஆர்வலரிடம் பெற வேண்டிய தேவையும் உள்ளது. அதற்கும் நீங்களே வழிகாட்டினால் பேருதவியாக அமையும். இசுலாத்தைப் புதிதாக ஏற்ற இந்த மக்களின் எதிர்கால வாழ்விற்கு தங்கள் மூலம் வழிகாட்ட வல்ல இறையை வேண்டி வேண்டுகோள் விடுக்கிறேன். தங்கள் பேருதவியைப் பள்ளி முகவரிக்கே அனுப்பி வைக்குமாறும் அன்புடன் கேட்டுக் கொள்கிறேன்.

இவ்வுதவி ஆண்டுதோறும் தொடரும் அளவிற்கு வல்ல இறைவன் தாங்கள் அனைவரது வளனும் சிறக்க அருள் புரிவானாக!

நிறைய அன்புடன்,
பேரா. மு. அப்துல் சமது
தமிழ்த்துறை விரிவுரையாளர்
ஹாஜி கருத்த ராவுத்தர் ஹவுதியா கல்லூரி
உத்தமபாளையம் - 625 533
போன் : 04554 - 265225
தேதி : 17/08/2009
----------------------------------------------------

T. மீனாட்சிபுரம் முஸ்லிம் ஜமாஅத்தின் வேண்டுகோள் மடல்

அன்புடையீர்,

அஸ்ஸலாமு அலைக்கும் (வரஹ்...)

எங்கள் கிராமத்து முஸ்லிம்களின் நிலையையும் இவ்வுதவி வேண்டுவதன் காரணத்தையும் பேராசிரியர் மு. அப்துல் சமது அவர்கள் விரிவாக எழுதியுள்ளதால், இங்கு அவற்றைக் குறிப்பிடவில்லை. இஸ்லாத்தைப் புதிதாக ஏற்ற எங்கள் மக்கள் தொடர்ந்து வல்ல இறைவனின் நேர்வழியாம் தீன் வழியில் நிற்பதற்குத் தங்களது பேருதவி துணை நிற்கும்.

உத்தம பாளையம் அல்-ஹிக்மா மெட்ரிக் மேநிலைப் பள்ளியில் பயிலும் எங்கள் ஜமாஅத்தைச் சார்ந்த 18 பிள்ளைகள்தாம் எங்கள் ஜமாஅத்தில் இருந்து மெட்ரிகுலேசன் கல்வி பெறும் முதல் தலைமுறை. அவர்களது கல்வி மேம்பாட்டிற்குத் தாங்கள் உதவி புரியுமாறு அன்புடன் கேட்டுக் கொள்கிறோம்.

இத்துடன் பள்ளிக் கட்டண விபரங்களை இணைத்துள்ளோம். தாங்கள் அனைவரும் எல்லா நலமும் பெற்று வாழ எங்கள் ஜமாஅத்தினர் அனைவரும் துஆச் செய்கின்றனர். நன்றி.


வஸ்ஸலாம்.

தலைவர்
மீனாட்சி புரம் முஸ்லிம் ஜமாஅத்
T. மீனாட்சிபுரம் - 625 530
தேவாரம் வழி, உத்தமபாளையம் தாலுகா
தேனி மாவட்டம்.
ALHIKMAH MATRICULATION SCHOOL

(Regd. By Government of Tamilnadu)

P.T.R COLONY, UTHAMAPALAYAM

THENI DT. - 625 533 Ph: 04554(268202)

நன்றி http://www.satyamargam.com/1375

Tuesday, December 1, 2009

பாபர் மஸ்ஜித்; ஒன்றுபட்டு போராட இயக்கங்கள் முன்வருமா..?


பிஸ்மில்லாஹிர் ரஹ்மானிர் ரஹீம்.

ஒன்று பட்டால் உண்டு வாழ்வு; ஒற்றுமை நீங்கிடில் அனைவர்க்கும் தாழ்வு என்ற தத்துவத்தை நாமெல்லாம் கேள்விப்பட்டிருக்கிறோம். உலகில் தோற்றுவிக்கப்பட்ட எந்த மதமும் சொல்லாத அளவுக்கு இறைவனின் மார்க்கமாம் இஸ்லாம் ஒற்றுமையை வலியுறுத்தி சொல்லியுள்ளது. எல்லாம் வல்ல அல்லாஹ் தன் திருமறையில் கூறுகிறான்;

இன்னும், நீங்கள் எல்லோரும் அல்லாஹ்வின் கயிற்றை வலுவாக பற்றிப் பிடித்துக் கொள்ளுங்கள்;. நீங்கள் பிரிந்தும் விடாதீர்கள்;. அல்லாஹ் உங்களுக்குக் கொடுத்த நிஃமத்களை (அருள் கொடைகளை) நினைத்துப் பாருங்கள்;. நீங்கள் பகைவர்களாய் இருந்தீர்கள் - உங்கள் இதயங்களை அன்பினால் பிணைத்து, அவனது அருளால் நீங்கள் சகோதரர்களாய் ஆகிவிட்டீர்கள்;. இன்னும், நீங்கள் (நரக) நெருப்புக் குழியின் கரை மீதிருந்தீர்கள்; அதனின்றும் அவன் உங்களைக் காப்பாற்றினான் - நீங்கள் நேர் வழி பெறும் பொருட்டு அல்லாஹ் இவ்வாறு தன் ஆயத்களை - வசனங்களை உங்களுக்கு தெளிவாக்குகிறான்.[3:103 ]

அல்லாஹ்வின் தூதர்[ஸல்] அவர்கள் கூறினார்கள்:
அபூ மூஸா அல்அஷ்அரீ(ரலி) அறிவித்தார்கள்: 'இறைநம்பிக்கையாளர்கள் ஒருவருக்கொருவர் (ஒத்துழைக்கும் விஷயத்தில்) ஒரு கட்டடத்தைப் போன்றவர்கள் ஆவர். கட்டடத்தின் ஒரு பகுதி மற்றொரு பகுதிக்கு வலு சேர்க்கிறது' என்று இறைத்தூதர்(ஸல்) அவர்கள் கூறினார்கள். பிறகு தம் கை விரல்களை ஒன்றோடொன்று கோத்துக் காண்பித்தார்கள். - ஆதாரம்: புஹாரி எண் 6026

மேற்கண்ட குர்ஆண் வசனமும்-ஹதீஸும் ஒற்றுமையை வலியுறுத்தும் ஏராளமான செய்திகளில் ஒரு உதாரணமாகும். இந்த விஷயங்கள் முஸ்லிம்கள் எல்லோரும் அறிந்த ஒன்றுதான். ஆனால் நடைமுறையில் என்ன நிலை..? ஆளுக்கு ஒரு இயக்கம், ஆளுக்கு ஒரு கழகம் என்று பிரிந்து முஸ்லிம்கள் பலவீனப்பட்டு நிற்கிறோம். அந்த பலவீனத்தை அப்படியே தொடர்கிறோம் என்று உலகறிய செய்வதில் பெரும்பங்கு வகிப்பது பாபர் மஸ்ஜித் மீட்பு போராட்டங்கள். இடிக்கப்பட்ட ஒரு பள்ளிவாசலை மீட்கப்போகிறோம் என்று சொல்லும் இவர்கள், ஒரு இறைவனை நம்பும் இவர்கள், ஒன்று பட்டுஓரிடத்தில் ஒரு தலைமையின் கீழ் குரல் எழுப்ப தயாராக இல்லை. ஒவ்வொரு அமைப்பு சார்பாக ஒவ்வொரு இடத்தில் போராட்டம். தலைநகர் சென்னையில் மட்டும் கடந்த காலங்களில் ஒன்பது இடங்களில் ஒன்பது அமைப்புகள் சார்பாக போராட்டம் நடத்தப்பட்டது . இதை பார்த்த மாற்று மதத்தவர்கள் ஒரு பள்ளிவாசலை மீட்க ஒரு இடத்தில் ஒன்று கூட முடியாத இவர்கள் பள்ளிவாசலை மீட்கப்போகிறார்களாம் என்று எள்ளிநகையாடினர். பாபர்மஸ்ஜித் போன்ற பொதுப்பிரச்சினையில் கூட இவர்களை ஒன்று கூடவிடாமல் தடுத்தது கர்வமும்-ஈகோவும்-இயக்கவெறியும் அன்றி வேறென்ன..?

இந்துத்துவா பயங்கரவாதிகள் பள்ளிவாசலை இடித்தபோது அதில் பாஜக, ஆர்.எஸ்.எஸ்., சிவசேனா, பஜ்ரங் தள், விஷ்வ ஹிந்து பரிஷத் என்று பல அமைப்புகள் ஒன்று சேர்ந்துதான் இடித்தார்கள். இந்துத்துவாக்கள் அமைப்பு ரீதியாக பிரிந்து நின்றாலும், முஸ்லிம்களுக்கு எதிரான செயல்பாடுகளை ஒன்றிணைந்தே செய்கிறார்கள். அவ்வளவு ஏன் திராவிட இயக்க பாரம்பரியத்தில் வந்த ஜெயலலிதா, கரசேவையை ஆதரித்து தனது இன வெறியை காட்டவில்லையா..?

அல்லாஹ்வின் ஆலயத்தை இடிக்கும் பயங்கரவாதிகள் ஒன்று படும்போது, அதை மீட்கப்போகிறோம் என்று சொல்லும் இவர்கள் மட்டும் ஆளுக்கு ஒரு மூலையில் முனங்கிக்கொண்டிருப்பார்களாம்! இதில் நாங்கள் குர்ஆண்-ஹதீஸை மட்டுமே பின்பற்றுகிறோம் என்றுவேறு சொல்லிக்கொள்வது. இவர்களின் கூற்றில் உண்மையாளர்களாக இருந்தால், வாருங்கள்! நாம் தனித்தனி அமைப்பாக இருந்தாலும் முஸ்லிம்களின் பொதுப்பிரச்சினையில் ஒன்றுபடுவோம் என்று அனைத்து அமைப்பினரையும் ஆலோசித்து களமிரங்காதது ஏன்..? ஒன்று பட்டால் வெற்றி உண்டு என்பதை சமீபத்தில் வாலிகண்டபுரம் மைய்யவாடி பிரச்சினை உணர்த்திக்காட்டியதே! பின்பு ஏன் ஒன்றுபட தயக்கம்..? ஒரே காரணம் ஒவ்வொருவரும் தங்கள் பலத்தை காட்டும் காரணியாக பாபர் மஸ்ஜித் போராட்டத்தை பயன்படுத்த எண்ணுவதே! இதை நாம் கற்பனையாக சொல்லவில்லை. சமீபத்தில் ஒரு அமைப்பின் துணை பொதுச்செயலாளரை தொலைபேசியில்தொடர்பு கொண்டு, பாபர் மஸ்ஜித் போராட்டத்தை ஒன்று பட்டு நடத்த முயற்ச்சிக்கலாமே என்றோம். அதற்கு அவர், நல்ல கருத்துதான்! ஆனால் யாரும் ஒத்து வரமாட்டார்கள். ஏனெனில் ஒவ்வொருவரும் அவரவர் பலத்தை காட்டுவதில்தான் முனைப்பாக இருப்பார்கள் என்று எதார்த்தமாக சொன்னார். இதுதான் இயக்கங்களின் நிலை. இதே நிலை தொடருமேயானால், அல்லாஹ் அறியாப்புரத்தின் மூலமாக அருள் செய்து மஸ்ஜித் நமக்கு கிடைத்தாலன்றி, இவர்களின் போராட்டங்கள் மூலமாக மஸ்ஜித் நமக்கு கிடைத்துவிடாது என்பதே உண்மை.

உடனே இயக்க வெறியர்கள் சொல்லலாம் இட ஒதுக்கீடு கேட்டு தனித்தனியாகத்தான் போராடினோம் அதில் வெற்றி பெறவில்லையா என்று..? இட ஒதுக்கீடு மத சம்மந்தப்பட்டதல்ல. மேலும், குறிப்பிட்ட சதவிகிதம் ஒதுக்கீடு வழங்க சட்டரீதியான அனுமதி அரசுக்கு உண்டு. அதோடு வாக்கு வங்கியும் இதில் கவனத்தில் கொள்ளப்பட்டது. எனவே இட ஒதுக்கீடு கிடைத்ததேயன்றி, இவர்களின் போராட்டத்தை கண்டு அஞ்சி அரசு இடஒதுக்கீடு தரவில்லை.[இட ஒதுக்கீடு எங்களாலதான் கிடைத்தது என்று இயக்கங்கள் குடுமியை பிடித்து கொண்டது தனி விஷயம்].

எனவே அன்பான இயக்கத் தலைவர்களே உங்களின் போராட்டத்திற்கு பயன் கிடைக்க வேண்டுமென்றால், பள்ளிவாசல் இடத்தை மீட்பது ஒன்றே உங்கள் உண்மையான நோக்கமென்றால் ஒன்று பட்டு போராட முன்வாருங்கள். அதற்கு கீழ்காணும் வழிமுறையை கையாளுங்கள்.



  • ஒவ்வொரு மாவட்டத்திலும் ஒரு இடத்தில் மட்டும் போராட்டம் நடத்துவது.

  • அந்த போராட்டத்தில் அனைத்து அமைப்பினரும் சங்கமிப்பது.

  • ஒவ்வொரு மாவட்டத்திலும் எல்லா அமைப்பு பிரதிநிதிகள் அடங்கிய குழு அமைக்கப்பட்டு, ஒவ்வொரு ஊர் ஊராக சென்று முஹல்லா ஜமாஅத் நிர்வாகிகளை சந்தித்து போராட்டங்களில் அனைத்து முஸ்லிம்களும் பங்கெடுக்க வலியுறுத்துவது.

  • அவரவர் கொடியோடு, பேனரோடு வருவதில் தவறில்லை.

  • ஒவ்வொரு இடத்திற்கும் ஒரு பிரதான தலைவர் தலைமை வகிக்க, மற்ற அமைப்பின் முன்னணி தலைவர்கள் முன்னிலை வகிக்கவேண்டும்.
    உதாரணமாக சென்னையில் பேராசிரியர் ஜவாஹிருல்லாஹ் அவர்கள் தலைமையிலும் , மதுரையில் அல்தாஃபி தலைமையிலும், ராமநாதபுரத்தில் பாக்கர் தலைமையிலும், திருச்சியில், விழுப்புரத்தில் இவ்வாறாக ஒவ்வொரு மாவட்டத்திலும் மற்ற நிர்வாகிகள் தலைமையிலும் போராட்டம் நடத்தலாம்.

  • போராட்டம் முடிவுற்றபின் ஒவ்வொரு பிரதான அமைப்பின் முக்கிய தலைவர்கள் அடங்கிய குழு, கவர்னர், முதல்வர், ஜனாதிபதி, பிரதமர் ஆகியோரை சந்தித்து மகஜர் அளிக்கலாம்.

  • ஊடகங்களில் ஒன்றிணைந்து பேட்டியளிக்கலாம். அப்போது நாங்கள் தனி தனி இயக்கமாக இருந்தாலும் முஸ்லிம்களின் உரிமைகள்-நலன்கள் விஷயத்தில் ஒன்றுபட்டு நிற்போம் என்று அழுத்தமாக கூறலாம்.

இவ்வாறு ஒன்று பட்டு பொதுப்பிரச்சினையில் போராடினால், ஊடகங்களின் கவனம் நம் பக்கம் திரும்பும். அதிகார வர்க்கத்தை அசைத்து பார்க்கும். முஸ்லிம்களுக்கு அநீதி இழைத்தால், அவர்கள் 'தேனீக்கள்'போல் ஒன்று பட்டு எதிர்ப்பை காட்டுவார்கள் என்ற எண்ணம் உருவாகும். மேலும், இவ்வாறு ஒன்று பட்டு போராடும்போது இயக்கத்திற்கு அப்பாற்பட்ட முஸ்லிம்களும் போராட்டத்தில் பங்கெடுப்பார்கள். இதன் மூலம் 'கலகலத்து' போன பாபர் மஸ்ஜித் போராட்டத்தை வலுவான போராட்டமாக மாற்றமுடியும். போராட்டத்தோடு நாம் ஒன்று பட்டு அல்லாஹ்விடம் கையேந்தினால் அல்லாஹ் நமக்கு வெற்றியை வழங்குவான் இன்ஷா அல்லாஹ்.

இதைவிடுத்து வழக்கம்போல நாங்கள் ஆளுக்கு ஒருபக்கம் நின்றுதான் கத்துவோம் என்றால், இயக்கங்களின் பிரிவினை போக்கிலிருந்து அல்லாஹ் முஸ்லிம்களை பாதுகாப்பானாக!

நன்றி : நிழல்களும் - நிஜங்களும்!

குலோபல் ரிசஸனும் கியாமத் நாளும்...

அமெரிக்காவின் லெஹ்மென் பிரதர்ஸ் என்ற நிறுவனம் நொடிப்பு நிலை அடைந்துவிட்டதாக அறிவித்ததைத்தொடர்ந்து அமெரிக்காவில் பல நிறுவனங்களும் நொடிப்புநிலை (INSOLVENCY) -திவால் பிரகடனம் செய்தன.அதனைத்தொடர்ந்து அமெரிக்காவில் மட்டும் இதுவரை சுமார் 125வங்கிகள் நொடிப்புநிலை அடைந்து விட்டதாகச் சொல்லி தங்கள் கிளைகளை மூடின.

ஓரிரு மாதங்களில் பணப்பரிவர்த்தனை குறைந்து நுகர்வோரின் வாங்கும் சக்தி கட்டுப்படுத்தப் பட்டதால் தேவை குறைந்து உற்பத்தியும் குறைந்தது. உற்பத்திக் குறைந்ததைத் தொடர்ந்து வேலையிழப்புகளும் அதிகரித்தன. வட்டிக்குக் கடன் வாங்கியவர்களால் திடீர் வேலையிழப்பால் கடனைச் செலுத்த முடியாமல் வாங்கிய கடனுக்காக வீடு ஜப்தி செய்யப்பட்டு வீடிழந்தோரின் எண்ணிக்கையும் அதிகரித்தது. பொருளியல் வல்லுனர்கள் இத்தொடர் நிகழ்வை பொருளாதார மந்தநிலை என்றனர். புரியும்படியாகச் சொல்வதென்றால் பொருளாதாரச் சுனாமி என்று அடையாளப்படுத்தினர்.

2004 டிசம்பர்-26 ஆம்தேதிவரை சுனாமி என்ற கடல் பிரளயம்ஆழிப்பேரலை குறித்து உலகில் சிலருக்கே தெரிந்திருந்தது. பூமிப்பந்தை பிணைத்திருக்கும் டெக்டானிக் தட்டுகளின் நகர்வு காரணமாக ஆழ்கடல் கொந்தளிப்பால் கடல் சீற்றமெடுத்து கரையிலுள்ளவர்களைக் காவு வாங்கியதைப் போல், நிதி நிறுவனங்களில் ஏற்பட்ட பிரளயத்தால் உழைக்கும் வர்க்கத்தினரின் வாழ்வாதாரம் நிர்மூலமாகிப் போனதை பொருளாதாரச் சுனாமி என்றனர்.




சுனாமியிலும் பொருளாதார மந்தநிலையிலும் பலநாடுகள் நேரடியாகவும் மறைமுகமாகவும் பாதிக்கப்பட்டன. இவ்விரண்டிலும் அல்லது ஏதேனும் ஒன்றினால் பாதிக்கப்பட்டவர்களின் இழப்புகள் கொஞ்சநஞ்சமல்ல. நேற்று வரை குபேரர்களாக இருந்தவர்கள் கெட்ட கனவைப் போல் ஒரே நாளில் உயிரிழந்து, வீடிழந்து, உறவிழந்து அநாதைகளைப்போலாகி விட்டனர். எங்கள் பிரதேசத்தில் சூரிய அஸ்தமிப்பதில்லை என்று அகங்காரமாகச் சொன்ன (துபாய் வேர்ல்ட்) வர்கள் இன்று விடியலுக்காகக் காத்திருக்கிறது!

பெருங்கடல் பிரளயப் பேரழிவையும்பொருளாதார நிதிநெருக்கடியினால் எழும் இழப்புகளையும் உலகம் சுனாமி என்றும் பொருளாதார மந்தநிலை என்றும் அடையாளப்படுத்துகிறது. திடீரென ஏற்பட்ட இவ்விடர்ப்பாடுகள் குறித்து எந்த நோபல் பரிசு அறிவியல்/பொருளியல் மேதையும் கணித்து இருக்கவில்லை. அத்தகைய கணிப்புகள் இருந்திருப்பின் பலர் உயிர்தப்பி இருப்பார்கள்தானே?

இவற்றைவிடக் கொடூர பாதிப்புக்களை உண்டாக்குமென்ற முன்னறிவிப்பு 1400 வருடங்களாகச் சொல்லப்பட்டு வருகிறது என்றால் நம்புவீர்களா? ஆம்! நம்பினாலும் நம்பாவிட்டாலும் மலைகள் தரைமட்டமாக்கப்பட்டு பூமி சுருட்டப்பட்டு, சந்திரனும் சூரியனும் நட்சத்திரங்களும் ஒன்றோடொன்று மோதிக்கொள்ளும் நிகழ்வு நடந்தே தீருமென்று குர்ஆனில் அறுதியிட்டுச் சொல்லப்படும் பேரழிவு (கியாமத்) நாள் குறித்து முன்னறிவிப்புச் செய்து மீட்சியடையும் வழியையும் சொல்லி விட்டது.

என்ன செய்யப் போகிறோம்?

அன்புடன்

அபூஅஸீலா-துபாய்

Friday, November 27, 2009

ஈத் முபாரக்

Wednesday, November 25, 2009

தொகுப்பு வீடுகள் !!

அதிராம்பட்டினம் கடற்பகுதியில் 3,000 ஏக்கரில் உப்பளங்கள் உள்ளன. இவற்றில் 300க்கு மேற்ப ட்ட தொழிலாளர்கள் உப் பளத் தொழிலில் ஈடுபட்டு வருகின்றனர். இவர்களில் முதல் கட்டமாக இந்திய உப்புத்துறை மூலம் உப்பளத் தொழிலாளர்கள் 22 பேருக்கு அதிராம்பட்டினம் சால்ட்லைன் பகு தியில் உப்புத்துறைக்கு சொந்தமான இடத்தில் தொகுப்பு வீடுகள் கட்டப்பட்டு நேற்று திறப்பு விழா நடைபெற்றது.

தொகுப்பு வீடுகளை திறந்து வைத்து உப்பளத் தொழிலாளர்களிடம் வீடு களின் சான்று, சாவி ஆகியவற்றை உப்புத்துறை கண்காணிப்பாளர் மேஸ் தம் வழங்கினார். அதிராம்பட்டினம் சால்ட் இன்ஸ்பெக்டர் கதிர்வேல், கட்டுமாவடி சால்ட் இன்ஸ்பெக்டர் கனகராஜ், உப்புத்துறை லைசென்ஸ்தாரர் ராஜேந்திரன், சால்ட் பணியாளர்கள் ராமையா, முத்துசாமி மற்றும் உப்பளத் தொழிலாளர்கள் குடும்பத்தினர் கலந்துகொண்டனர்.

Sunday, November 22, 2009

ஹஜ்ஜின் சிறப்புகள்

அமல்களில் சிறந்தது

“செயல்களில் சிறந்தது எது?” என நபி (ஸல்) அவர்களிடம் கேட்கப்பட்டது. “அல்லாஹ்வையும் அவனது தூதரையும் நம்பிக்கை கொள்வது” என்றார்கள். “பின்னர் எது?” என்று கேட்கப்பட்டது. “அல்லாஹ்வின் பாதையில் போர் புரிவது” என்றார்கள். “பின்னர் எது?” என்று கேட்கப்பட்டது. “ஏற்றுக் கொள்ளப்படும் ஹஜ்” என்றார்கள்.

அறிவிப்பவர்: அபூஹுரைரா (ரலி), நூல்: புகாரி 26

பெண்களின் ஜிஹாத்

அல்லாஹ்வின் தூதரே! அல்லாஹ்வின் பாதையில் போர் புரிவதையே நாங்கள் சிறந்த செயலாகக் கருதுகின்றோம். எனவே நாங்களும் ஜிஹாத் செய்யலாமா?” என்று கேட்டேன். அதற்கு நபி (ஸல்) அவர்கள், “இல்லை. எனினும் (பெண்களுக்கு) சிறந்த ஜிஹாத், பாவச் செயல் எதுவும் கலவாத ஹஜ் தான்” என்றார்கள்.

அறிவிப்பவர்: ஆயிஷா (ரலி), நூல்: புகாரி 1520

அன்று பிறந்த பாலகர்

“உடலுறவு மற்றும் பாவமான செயல்களில் ஈடுபடாமல் ஒருவன் அல்லாஹ்வுக்காகவே ஹஜ் செய்தால் அவன் அவனது தாய் அவனைப் பெற்றெடுத்த நாளில் இருந்ததைப் போன்று (பாவமறியாத பாலகனாக) திரும்புவான்” என்று அல்லாஹ்வின் தூதர் (ஸல்) அவர்கள் கூறினார்கள்.

அறிவிப்பவர்: அபூஹுரைரா (ரலி), நூல்: புகாரி 1521

சுவனமே பரிசு
“ஓர் உம்ரா செய்வது மறு உம்ரா வரையில் உள்ள பாவங்களின் பரிகாரமாகும். ஏற்றுக் கொள்ளப்பட்ட ஹஜ்ஜுக்கு சொர்க்கத்தைத் தவிர வேறு கூலியில்லை”

அறிவிப்பவர்: அபூஹுரைரா (ரலி), நூல்: புகாரி 1773

தவிடுபொடியாகும் தவறுகள்
அல்லாஹ் என்னுடைய உள்ளத்தில் இஸ்லாத்தை அருளிய போது நான் நபி (ஸல்) அவர்களிடம் வந்து, “அல்லாஹ்வின் தூதரே! உங்களிடம் நான் உடன்படிக்கை செய்வதற்காக உங்கள் வலது கையை விரியுங்கள்” என்று கூறினேன். அவர்கள் தன் கையை விரித்து எனது கையைப் பிடித்துக் கொண்டு, “அம்ரே! உனக்கு என்ன நேர்ந்தது?” என்று கேட்டார்கள். “நான் நிபந்தனை விதிக்கப் போகின்றேன்” என்று கூறினேன். “என்ன நிபந்தனை விதிக்கப் போகின்றாய்?” என்று கேட்டார்கள். “எனக்கு மன்னிக்கப்பட வேண்டும்” என்று நான் பதிலளித்தேன். “அம்ரே! நிச்சயமாக இஸ்லாம் அதற்கு முன்னால் உள்ள பாவத்தைத் தகர்த்தெறிந்து விடுகின்றது. நிச்சயமாக ஹிஜ்ரத் அதற்கு முன்னால் உள்ள பாவத்தைத் தகர்த்தெறிந்து விடுகின்றது. நிச்சயமாக ஹஜ் அதற்கு முன்னால் உள்ள பாவத்தைத் தகர்த்தெறிந்து விடுகின்றது என்று உனக்குத் தெரியாதா?” என்று சொன்னார்கள்.

அறிவிப்பவர்: அம்ர் பின் அல்ஆஸ் (ரலி) நூல்: முஸ்லிம் 173, இப்னுகுஸைமா

சிறப்பு விருந்தினர்
“அல்லாஹ்வின் பாதையில் போர் புரிபவர், ஹஜ் செய்பவர், உம்ரா செய்பவர் ஆகியோர் அல்லாஹ்வின் சிறப்பு விருந்தினர்கள் ஆவர். அவன் அவர்களை அழைத்தான். அவர்கள் பதிலளிக்கின்றனர். அவனிடம் அவர்கள் பிரார்த்தித்தார்கள். அவர்களுக்கு அவன் வழங்கி விடுகின்றான்” என்று நபி (ஸல்) அவர்கள் கூறினார்கள்.

அறிவிப்பவர்: உமர் (ரலி), நூல்: இப்னுமாஜா 2884

இஹ்ராமின் போது இறந்தவர் தல்பியா சொல்லி எழுவார்
(இஹ்ராம் அணிந்த) ஒருவர் அரஃபா மைதானத்தில் அல்லாஹ்வின் தூதருடன் தமது வாகனத்தின் மீதிருந்தார். திடீரென அவர் தனது வாகனத்திலிருந்து கீழே விழுந்து விட்டார். அது அவரது கழுத்தை முறித்து விட்டது. (அவர் இறந்து விட்டார்) அப்போது நபி (ஸல்) அவர்கள், “அவரது உடலை இலந்தை இலை கலந்த நீரால் குளிப்பாட்டி இரு ஆடைகளால் கஃபனிடுங்கள். அவரது உடலுக்கு நறுமணம் பூச வேண்டாம். அவரது தலையை மறைக்கவும் வேண்டாம். ஏனெனில் அவர் கியாமத் நாளில் தல்பியா சொல்லிக் கொண்டிருப்பவராக எழுப்பப் படுவார்” என்று கூறினார்கள்.

அறிவிப்பவர்: இப்னு அப்பாஸ் (ரலி), நூல்: புகாரி 1266, முஸ்லிம் 2092

ரமளானில் ஒரு ஹஜ்
உம்மு ஸினான் என்றழைக்கப்படும் அன்சாரிப் பெண்ணை நோக்கி, “நீ என்னுடன் ஹஜ் செய்வதற்குத் தடையாக அமைந்தது எது?” என்று அல்லாஹ்வின் தூதர் (ஸல்) அவர்கள் கேட்டார்கள். அதற்கு அவர், “எங்களிடம் தண்ணீர் கொண்டு வருவதற்கான இரண்டே இரண்டு ஒட்டகங்கள் தான் உள்ளன. ஓர் ஒட்டகத்தில் என் கணவரும் மகனும் சென்றுள்ளனர். நாங்கள் (இங்கே தண்ணீர் எடுத்துச்) செல்வதற்காக இன்னோர் ஒட்டகத்தை இங்கே எங்களுக்காக விட்டுச் சென்றிருக்கின்றனர்” என்று பதிலளித்தார். அதற்கு நபி (ஸல்) அவர்கள், “ரமளான் மாதம் வந்ததும் நீ உம்ரா செய்! ஏனெனில் ரமளானில் உம்ரா செய்வது ஹஜ் செய்வதற்குச் சமமாகும்” என்று கூறினார்கள்.
அறிவிப்பவர்: இப்னு அப்பாஸ் (ரலி), நூல்: முஸ்லிம் 2201
அரஃபா நாள் – மலக்குகளிடம் அல்லாஹ் பெருமிதம்
“பரட்டைத் தலையர்களாக, புழுதி படிந்தவர்களாக நிற்கும் எனது அடியார்களைப் பாருங்கள்” என்று அரஃபா பெருவெளியில் நிற்கும் மக்களைப் பற்றி மகத்துவமும் கண்ணியமும் நிறைந்த அல்லாஹ் மலக்குகளிடம் பெருமிதம் கொள்கின்றான் என்று அல்லாஹ்வின் தூதர் (ஸல்) அவர்கள் கூறினார்கள்.

அறிவிப்பவர்: அபூஹுரைரா (ரலி), நூல்: அஹ்மத் 7702

ஒன்பதாம் நாள் விடுதலை நாள்
அரஃபா நாளை விட வேறெந்த நாளிலும் அல்லாஹ் அடியானை அதிகமாக நரகத்திலிருந்து விடுதலை செய்வதில்லை. (அந்நாளில்) அவன் நெருங்கி வந்து இந்த அடியார்கள் என்னை விரும்புகின்றார்கள் என்று சொல்லி மலக்குகளிடம் பெருமிதம் கொள்கின்றான் என அல்லாஹ்வின் தூதர் (ஸல்) அவர்கள் கூறினார்கள்.

அறிவிப்பவர்: ஆயிஷா (ரலி), நூல்: முஸ்லிம் 2402

அரஃபா நாளின் துஆவே சிறந்த துஆவாகும்

துஆக்களில் சிறந்தது அரஃபா நாளின் துஆவாகும். நானும் எனக்கு முந்தைய நபிமார்களும் சொன்னதில் சிறந்தது, “லாயிலாஹ இல்லல்லாஹு வஹ்தஹு லாஷரீக்க லஹு ஹுல்ல் முல்கு வலஹுல் ஹம்து வஹுவ அலா குல்லி ஷையின் கதீர்’ ஆகும் என்று நபி (ஸல்) அவர்கள் கூறினார்கள்.

அறிவிப்பவர்: அப்துல்லாஹ் பின் அம்ர் பின் அல்ஆஸ்(ரலி),

நூல்:திர்மிதி3509

அரஃபா நோன்பு (ஹாஜி அல்லாதோருக்கு)
அல்லாஹ்வின் தூதர் (ஸல்) அவர்கள் கூறினார்கள்:
மாதத்தில் மூன்று (நாட்கள் நோன்பு நோற்பது)ம், ரமளானுக்கு ரமளான் நோன்பு நோற்பதும் ஆண்டு முழுவதும் நோன்பு நோற்றது போலாகும். அரஃபா நாள் நோன்பு அதற்கு முந்தைய ஆண்டு மற்றும் அதற்குப் பிந்தைய ஆண்டு பாவங்களுக்குப் பரிகாரமாகும். ஆஷுரா நோன்பு அதற்கு முந்தைய ஆண்டு பாவத்திற்குப் பரிகாரமாக அமையும் என அல்லாஹ்வின் மீது நான் ஆதரவு வைக்கின்றேன்.

அறிவிப்பவர்: அபூகதாதா (ரலி), நூல்: முஸ்லிம் 1976

சிறியவரின் ஜிஹாத் – ஹஜ்
முதியவர், சிறியவர், பலவீனமானரின் ஜிஹாத் ஹஜ்ஜும் உம்ராவும் ஆகும் என்று அல்லாஹ்வின் தூதர் (ஸல்) அவர்கள் கூறினார்கள்.

அறிவிப்பவர்: அபூஹுரைரா (ரலி), நூல்: நஸயீ 2579

தல்பியாவின் சிறப்பு
எந்த முஸ்லிமாவது தல்பியா கூறினால் அவரது வலப்புறம் மற்றும் இடப்புறம் உள்ள கற்கள், மரங்கள், களிமண் கட்டிகள் யாவும் தல்பியா கூறுகின்றன. இந்தக் கோடியிலிருந்து அந்தக் கோடி வரை பூமி முழுவதும் உள்ளவைகளும் இவ்வாறு தல்பியா கூறுகின்றன என்று நபி (ஸல்) அவர்கள் கூறினார்கள்.

அறிவிப்பவர்: ஸஹ்ல் பின் ஸஃது (ரலி), நூல்: திர்மிதீ 758

தவாஃபின் சிறப்பு
யார் கஅபாவை வலம் வந்து இரு ரக்அத்துகள் தொழுகின்றாரோ அவர் ஓர் அடிமையை உரிமை விட்டவர் போலாவார் என்று அல்லாஹ்வின் தூதர் (ஸல்) அவர்கள் கூறினார்கள்.

அறிவிப்பவர்: அப்துல்லாஹ் பின் உமர் (ரலி), நூல்: இப்னுமாஜா 2947

சாட்சி சொல்லும் ஹஜருல் அஸ்வத்

கியாமத் நாளில் பார்க்கும் இரு கண்கள் கொண்டதாகவும் பேசும் நாவுகள் கொண்டதாகவும் ஹஜருல் அஸ்வதை எழுப்புவான். யார் இதை முத்தமிட்டாரோ அவருக்காக அது சாட்சி கூறும் என்று நபி (ஸல்) அவர்கள் கூறினார்கள்.

அறிவிப்பவர்: இப்னு அப்பாஸ் (ரலி), நூல்: திர்மிதீ 884

மழித்துக் கொள்பவருக்கு மன்னிப்பு

நபி (ஸல்) அவர்கள் தமது ஹஜ்ஜின் போது தலையை மழித்தார்கள். அவர்கள், “இறைவா! தலையை மழித்துக் கொள்பவர்களுக்கு நீ கருணை புரிவாயாக!” என்று கூறினார்கள். “அல்லாஹ்வின் தூதரே! முடியைக் குறைத்துக் கொள்பவர்களுக்கும்” என்று தோழர்கள் கூறினர். பிறகு நபி (ஸல்) அவர்கள், “இறைவா! தலையை மழித்துக் கொள்பவர்களுக்கு நீ கிருபை செய்வாயாக!” என்று பிரார்த்தித்தார்கள். “அல்லாஹ்வின் தூதரே! முடியைக் குறைத்துக் கொள்பவர்களுக்கும்” என்று தோழர்கள் கூறினர். நபி (ஸல்) அவர்கள், “முடியைக் குறைத்துக் கொள்பவர்களுக்கும்” என்று கூறினார்கள்.

அறிவிப்பவர்: இப்னு உமர் (ரலி), நூல்: புகாரி 1727

ஜம்ஜமின் சிறப்பு
அது (ஜம்ஜம் நீர்) பரக்கத் செய்யப் பட்டதாகும். உண்ணுபவருக்கு உணவாகும் என்று அல்லாஹ்வின் தூதர் (ஸல்) அவர்கள் கூறினார்கள்.

அறிவிப்பவர்: அபூதர் (ரலி), நூல்: முஸ்லிம் 4520

மஸ்ஜிதுல் ஹராமில் தொழுவதன் சிறப்பு

மஸ்ஜிதுல் ஹராமில் தொழுவது அது அல்லாததில் (மற்ற பள்ளிகளில்) ஒரு லட்சம் தொழுவதை விடச் சிறந்ததாகும் என்று அல்லாஹ்வின் தூதர் (ஸல்) அவர்கள் கூறினார்கள்.

அறிவிப்பவர்: ஜாபிர் (ரலி), நூல்: அஹ்மத் 14167, இப்னுமாஜா 1396

மஸ்ஜிதுந்நபவீயில் தொழுவதன் சிறப்பு

மஸ்ஜிதுல் ஹராமைத் தவிர ஏனைய பள்ளிகளில் தொழுவதை விட

எனது பள்ளியில் தொழுவது ஆயிரம் தொழுகைகளை விடச் சிறந்ததாகும் என்று அல்லாஹ்வின் தூதர் (ஸல்) அவர்கள் கூறினார்கள்.

அறிவிப்பவர்: அபூஹுரைரா (ரலி), நூல்: புகாரி 1190

மஸ்ஜிதுல் குபாவில் தொழுவதன் சிறப்பு

யார் தனது வீட்டில் உளூச் செய்து மஸ்ஜிது குபாவுக்கு வந்து அதில் ஒரு தொழுகை தொழுகின்றாரோ அவருக்கு உம்ரா செய்த கூலி உண்டு என்று அல்லாஹ்வின் தூதர் (ஸல்) அவர்கள் கூறினார்கள்.

அறிவிப்பவர்: ஸஹ்ல் பின் ஹனீஃப் (ரலி), நூல்: இப்னுமாஜா 1406, நஸயீ 692

Saturday, November 21, 2009

மரண அறிவிப்பு

மர்ஹூம் முஹம்மத் தம்பி மரைக்காயர் (கட்ட பிள்ளையார்)அவர்களின் மகனாரும்,சகோதரர்கள் முஹம்மத் தமீம்,சாதிக்,ரபீக்,தௌபீக் ஆகியோர்களின் தகப்பனாரும்,மர்ஹூம் ஷேய்க்காதியார்,மர்ஹூம் அபுல் ஹசன்,அப்துல் ரஜாக்,ஹாஜா அலாவுதீன் ஆகியோர்களின் சகோதரரும்,அப்துல் ரஜாக்,ஷேய்க் அப்துல் காதர்,அப்துல் ரஜாக்,ஹாஜா ஆகியோர்களின் மாமனாருமாகிய நடுத்தெருவில் வசித்து வந்த சாகுல் ஹமீத் அவர்கள் இன்று காலை சுமார் ஆறு மணியளவில் அதிராம்பட்டினத்தில் இறைவனடி சேர்ந்துவிட்டார்கள்.அன்னார் அவர்கள் மிக எளிமையான நடத்தையும்,மேன்மையையும் பேணி வந்தவர்கள் என்பது குறிப்பிடத்தக்கது.அன்னாரின் மறுமை உலக நற் பேருக்காகவும்,ஜன்னத்துல் பிர்தௌஸ் எனும் உயர்ந்த சுவர்க்கம் கிடைக்கவும்,எல்லாம் வல்ல அல்லாஹ்விடம் இரு கரம் ஏந்தி துவா செய்யுமாறு வேண்டுகிறோம்.

இப்படிக்கு

கட்டப்பிள்ளையார் குடும்பத்தார்.

Thursday, November 19, 2009

அதிரை தைக்கால் தெரு, பிலால் நகரில் வெள்ளம்

வடகிழக்கு பருவமழை, புயல் சின்னம் காரணமாக காவிரி டெல்டா மாவட்டங்களாக நாகை, திருவாரூர், தஞ்சை மற்றும் திருச்சி, புதுக்கோட்டை, கரூர் மாவட்டங்களில் கடந்த வாரம் மழை கொட்டி தீர்த்தது. அரியலூர், பெரம்பலூர் மாவட்டங்களில் பரவலாக மழை பெய்தது.



இந்த சூழ்நிலையில் கடந்த சில நாட்களாக மழை சிறிது ஓய்வு கொடுத்து இருந்தது. தற்போது நேற்று இரவு முதல் மீண்டும் மழை பெய்து வருகிறது.

தஞ்சை மாவட்டத்தில் நேற்று இரவு லேசான தூறலுடன் ஆரம்பித்த மழை இன்று அதிகாலை கனமழையாக கொட்டியது. தஞ்சாவூரில் இன்று அதிகாலை 5 மணி முதல் கனமழை பெய்தது. தொடர்ந்து மழை பெய்து கொண்டு உள்ளது. வல்லம் பகுதியில் மழை கொட்டி தீர்த்தது. அங்கு 80 மில்லி மீட்டர் மழை பதிவாகி உள்ளது.





இதே போல பாபநாசத்திலும் அதிகாலை அரை மணி நேரம் பலத்த மழை பெய்தது. கும்பகோணம், ஒரத்தநாடு, அதிராம்பட்டினத்திலும் மழை கொட்டியது.

தஞ்சை மாவட்டத்தில் பெய்த மழை அளவு மில்லி மீட்டரில் வருமாறு:-

வல்லம் - 80

அணைக்கரை - 48.8

திருக்காட்டுப்பள்ளி - 42

திருவையாறு - 22

தஞ்சை - 18

பூதலூர் - 17.6

அதிராம்பட்டினம் - 12.1

ஒரத்தநாடு - 10.6

பாபநாசம் - 7.2

நெய்வாசல்

தென்பாதி - 5.2

பேராவூரணி - 3.8

வெட்டிகாடு - 1

மொத்தம் 268.30 மில்லி மீட்டர் மழை பெய்து உள்ளது. சராசரி 12.78 மில்லி மீட்டர் பதிவாகி உள்ளது.

நாகை மாவட்டத்தில் மழை ஓய்ந்தது. நேற்று வேதாரண்யத்தில் இரவு பனிப்பொழிவு சற்று அதிகமாக இருந்தது. திருவாரூர் மாவட்டத்தில் மன்னார்குடியில் அதிகாலை இடியுடன் பலத்த மழை பெய்தது. திருவாரூர், திருத்துறைப்பூண்டி, சீர்காழியில் மழை இல்லை.

புதுக்கோட்டை மாவட்டத்தில் அறந்தாங்கியில் மழை பெய்தது. கரூர் மாவட்டத்தில் மழை இல்லை. அரியலூர், பெரம்பலூர் மாவட்டத்தில் பரவலாக மழை பதிவாகி உள்ளது.



புகைப்படங்கள் : அஹமது ஹசன் -அதிரை
செல்: 9600714719

ஹஜ் செய்பவர்கள் குர்பானி கொடுக்க வேண்டுமா? – இதப்படிங்க முதல்ல…

முஸ்லிம்களின் முக்கிய கடமைகளில் ஒன்றான ஹஜ் கிரியை 35 லட்சத்திற்கும் மேலதிகமான மக்களால் ஒவ்வொரு ஆண்டும் நிறைவேற்றப்படுகின்றது. இன, மொழி, நாடு, நிற வேறுபாடுகளைக் கடந்து, உலகம் முழுவதிலிருந்தும் ஆண்களும், பெண்களுமாக ஹஜ் கடமையை நிறைவேற்ற, ஒவ்வொரு வருடம் சவூதி அரேபியாவில் உள்ள மக்கா நகருக்குச் செல்கின்றனர். குறிப்பிட்ட நாட்களில், மக்கா மற்றும் மக்காவை சுற்றியுள்ள சில இடங்களில் தங்கி, சில வணக்க வழிபாடுகளைச் செய்வதே ஹஜ் எனப்படுகின்றது. அவற்றுள், ஓர் ஆட்டையோ அல்லது மாடு, ஒட்டகங்களை கூட்டாகவோ குர்பானி என்ற பெயரில் இறைவனுக்காக பலியிட்டு தேவையுள்ளவர்களுக்கும், ஏழைகளுக்கும் விநியோகிப்பதும் ஒன்றாகும்.

இந்த வருடம், இந்தியாவிலிருந்து 1,60,491 பேர் ஹஜ் செய்ய இருக்கின்றனர். இவர்களுள், 1,15,000 பேர் இந்தியா ஹஜ் கமிட்டி மூலமும், 45,491 பேர் தனியார் ஹஜ் டிராவல்ஸ் மூலமும் மக்கா வர இருக்கின்றனர்.

பல்வேறு நாடுகள், நகரங்களில் இருந்து ஹஜ்ஜுக்கு செல்பவர்கள், பலிப்பிராணிகளை நேரடியாக சென்று வாங்கி, பலி கொடுத்து, விநியோகம் செய்வது இயலாததாகையால், தங்களை ஹஜ்ஜுக்கு அழைத்துச் செல்லும் ஏஜெண்டுகளிடம் அதற்கான தொகைகளை ஒப்படைப்பது வழக்கமாக உள்ளது. ஆனால், பெரும்பாலான ஏஜண்டுகள் அந்த தொகைகளை ஏப்பம் விட்டு விடுகின்றார்கள் என்பது நிதர்சனமான அதே நேரம் கசப்பான உண்மை. பேருக்கு சில ஆடுகளை பலியிட்டு, அந்த இறைச்சியை ஹஜ் செய்பவர்களுக்கு உணவாக வழங்குகின்றனர். மீதத் தொகை, ஏஜண்டுகள் மற்றும் குர்பானி விநியோகம் செய்பவர்களிடையே பங்கிடப்படுகின்றது. இதை அறியாத ஹாஜிகள் தங்களின் பணத்தைக் கொண்டு, குர்பானி கொடுக்கப்பட்டு விட்டதாக எண்ணி ஏமாந்த வண்ணம் உள்ளனர். மேலும், பல மக்களை கூட்டிச் செல்லும் ஹஜ் ஏஜெண்டுகள், தங்கள் கூடாரங்களில் உணவுத் தேவைக்கு இறைச்சி தேவைப்படுவதால், அரசாங்கம் மூலம் குர்பானி கொடுக்க விரும்புவர்களையும் அவ்வாறு கொடுக்க விடுவதில்லை. குர்பானி இறைச்சியை கண்டிப்பாக ஹாஜிகள் சாப்பிட வேண்டும் என பொய்யான மார்க்கத் தீர்ப்பைக்(!) கூறி, தடுக்கின்றனர். மேலும், தங்கள் மூலம் கொடுத்தால் குறைந்த விலையில் குர்பானி கொடுக்கலாம் எனவும் ஆசை காட்டுகின்றனர்.

மேலும், இவ்வாறு தனியார் மூலம் அறுக்கப்படும் பலிப்பிராணிகள் சுத்தமான இடத்தில் வைத்து அறுக்கப்படுவதில்லை; அறுக்கப்பட்ட பிராணிகளின் இறைச்சியும் முறையாக விநியோகம் செய்யப்படுவதில்லை.

இந்நிலையை களையும் பொருட்டு, சவூதி அரசானது, ஹஜ் இறைச்சி உபயோகத்திற்கான சவூதி திட்டம் (Saudi Project for Utilization of Haj Meat SPUHM) – என்ற பெயரில் மக்காவைச் சுற்றி பல பகுதிகளில், பலிக்கூடங்களை நிறுவியுள்ளது. ஹாஜிகளின் சார்பில் குர்பானி கொடுக்க சவூதி அரசால் அங்கீகாரம் பெற்ற ஒரே அமைப்பு இதுவே. பத்தாயிரம் தொழிலாளர்களுக்கு மேல் வேலை செய்யும் இக்கூடங்களில், ஒரு நாளைக்கு இரண்டு லட்சத்திற்கும் மேற்பட்ட பலிப்பிராணிகளை – இஸ்லாமிய முறைப்படி பலியிட்டு, சுகாதாரமாகவும், இறைச்சிகளை வீணாக்காமலும் விநியோகிக்க முடியும். இஸ்லாமிய வளர்ச்சி வங்கி (IDB) – இன் மேற்பார்வையில் நடைபெறும் இந்த ஏற்பாடு, ஹஜ் செல்லும் பயணிகளுக்கு ஒரு வரப்பிரசாதமாக அமைந்துள்ளது. எண்ணிக்கைக்கும், எடைக்கும், நியாயமான விநியோகத்திற்கும் IDB உத்தரவாதம் அளிக்கின்றது.

சவூதியில் உள்ள பிற நகரங்களில் இருந்து வருபவர்களும், வெளிநாடுகளில் இருந்து ஹஜ் செய்ய வருபவர்களும், சவூதியில் உள்ள அனைத்து அஞ்சல் நிலையங்களிலும் கிடைக்கக் கூடிய SR 430 மதிப்பிலான கூப்பன்களை பெற்றுக் கொள்ளலாம். ஹாஜிகளின் சார்பாக IDB மூலம் குர்பானி கொடுக்கப்பட்டு, இறைச்சியானது தரை-கடல்-வான் மார்க்கமாக மக்கா, மதீனா மற்றும் சவூதியின் பிற நகரங்களில் உள்ள ஏழைகளுக்கும், மேலும் 25 -க்கும் அதிகமான நாடுகளில் உள்ள ஏழை மக்களுக்கும் கொண்டு செல்லப்பட்டு விநியோகிக்கப்படுகின்றது. இதன் மூலம், ஹாஜிகள் தங்கள் கடமையை சரியாக இறைவழியில் நிறைவேற்றிய திருப்தி கிடைக்கும். மேலும், ஏஜெண்டுகளிடம் ஏமாறாமல், தேவையுள்ளோருக்கு குர்பானி இறைச்சியும் சென்றடையும்.

tntj.net

Tuesday, November 17, 2009

இலவச பல் மருத்துவ முகாம் !

அதிராம்பட்டினம் டாக்டர் ஹனீப் மருத்துவமனையில் அதிராம்பட்டினம் லயன்ஸ் கிளப் சார்பில் சிறப்பு பல் மருத்துவ முகாம் நடைபெற்றது.

அதிராம்பட்டினம் முன்னாள் லயன்ஸ் சங்க தலைவர் டாக்டர் ஹனீப் முகாமை துவக்கி வைத் தார். டாக்டர் முகம்மது இலியாஸ், டாக்டர் சீனி வாசன் ஆகியோர் 200 பேருக்கு சிகிச்சை அளித்தனர். முகாமில் பகுதி அவைச்செயலாளர் கண பதி, வட்டாரத்தலைவர் முகம்மது இபுராகிம் பொருளாளர். செய்யது அகமது கபீர் மாவட்டத்தலைவர்கள் அப்துல் ஹமீது, முகம்மது முகைதீன், லியோ மாணவர்கள் மற் றும் லயன்ஸ் உறுப்பினர் கள் கலந்து கொண்டனர்.

அதிரையில் தமுமுக சார்பில் நலத்திட்ட உதவிகள்


புகைப்படங்கள் & தகவல் அனுப்பியார்கள்
Muslim malar /muslimmalar@gmail.com
Right jumma-makkal urimai
9791381110

Saturday, November 14, 2009

ஐஐடியில் முஸ்லீம்கள் – மாணவர்களே! கனவை நினைவாக்க களமிறங்குங்கள்!

அதிக பணம் கொட்டி கொடுத்து தனியார் கல்லுரிகளில் மாணவர்களை சேர்த்தாலும் தரமான கல்வி இல்லை, படித்து முடித்த பிறகு வேலை இல்லை, வேலை கிடைத்தாலும் படித்ததற்க்கான வேலை கிடைக்கவில்லை என்ற குறைபாடு முஸ்லீம் சமுதாயத்தில் அதிகமாகவே உள்ளது. கற்பனை செய்துபாருங்கள் : மிக குறைந்த செலவில் உலக தரத்தில் நல்ல தரமான கல்வி, கல்வி கட்டணம் (பீஸ்) கட்ட வசதி இல்லாத மாணவர்களுக்கு உடனடியாக இலவச கல்வி உதவி தொகை, படித்து முடிப்பதற்க்குள் மாதம் பல ஆயிரம் ரூபாய் சம்பளத்தில் வேலை, மாதம் இலட்சங்களை வாங்கிகொண்டு வெளி நாட்டில் மேல்படிப்பு படிக்க வாய்ப்பு, கேட்க எவ்வளவு நன்றாக இருக்கின்றது, இது கற்பனை அல்ல இப்படி ஒரு கல்வி நிறுவனம் இருக்கின்றது. அதுதான் மத்திய அரசால் நடத்தப்படும் சென்னை உட்பட நாட்டின் பல்வேறு பகுதியில் உள்ள ஐஐடி.
இங்கு படிக்க மிக குறைந்த கட்டணமே, வசதி இல்லாத மாணவர்களுக்கு மத்திய அரசே கல்வி செலவை ஏற்க்கும் ( ஐஐடி-யில் படிக்கும் சிறுபாண்மை மாணவர்களுக்கு மத்திய அரசு சிறப்பான இலவச கல்வி உதவி திட்டத்தை அமல்படுத்தி வருகின்றது). இங்கு உலக தரத்தில் கல்வி கற்று கொடுக்கப்படுகின்றது. படித்து முடிப்பதற்க்குள் மாதம் பல ஆயிரம் சம்பளத்தில் வேலை (தற்போது ஐஐடி-யில் படிக்கும் இறுதி ஆண்டு படிக்கும் மாணவர்களுக்கான மாத சம்பளம் ரூ.1,00,000 இருந்து ரூ.30 ஆயிரம் வரை). மாதம் இலட்சங்களை வாங்கிகொண்டு வெளிநாட்டில் மேல்படிப்பு படிக்க வாய்ப்புகள். இவை அனைத்தும் உள்ள ஒரே கல்வி நிறுவனத்தில் முஸ்லீம்களின் எண்ணிக்கை மிக மிக குறைவு.
இங்கு படிக்க நாம் என்ன செய்ய வேண்டும்?
இங்கு சேர மத்திய அரசு பல்வேறு நுழைவு தேர்வுகளை நடந்துகின்றது, அந்த நுழைவு தேர்வுகளில் தேர்ச்சி பெற்றால் போதும்,
இட ஒதுக்கீடு : ஐஐடி-யில் (முஸ்லீம்களையும் சேர்த்து) பிற்படுத்தபட்ட வகுப்பினருக்கா 27% இட ஒதுக்கீடு உள்ளது.
IIT-JEE 2010 : தற்போது ஐஐடி-யில் (IISc-யையும் சேர்த்து) +2 படித்த மாணவர்கள் 2010 ஆண்டு பொறியியல் படிப்பிற்க்கு சேர்வதற்க்கான நுழைவு தேர்வின் (IIT-JEE 2010) விண்ணப்பம் விணியோகிக்கப்பட்டு வருகின்றது. (தேர்வை பற்றிய விபரங்கள் கீழே இடம் பெற்றுள்ளது).
இந்த தேர்வை எழுதும் முஸ்லீம் மாணவர்களின் எண்ணிக்கை மிக மிக குறைவு, காரணம், இந்த நுழைவு தேர்வுகளை பற்றி முஸ்லீம் சமுதாயம் அறியாமல் இருப்பதும், அறிந்திருந்தாலும் இதெல்லாம் மிக கடினம் என்று ஒதுக்கி விடுவதாலும் தான், உண்மையில் நன்றாக படிக்கும் மாணவ மாணவிகளுக்கு இத்த தேர்வுகள் கடினமில்லை.
ஐஐடி-யில் உயர் சாதியினர் என்று தங்களை சொல்லி கொள்பவர்களின் ஆதிக்கம் : ஐஐடி-யில் பெறும்பாலும் படிப்பதும், ஆசிரியர்களாக இருப்பதும் உயர் சாதியினர் என்று தங்களை சொல்லிகொள்ளும் பார்பனர்கள், , இதற்க்கு அவர்கள் செய்யும் முதல் வேலை, ஐஐடி-யில் சேருவது மிக மிக கடினம், சாதாரண மக்கள் இந்த தேர்வுகள் எழுத முடியாது என்று ஒரு கருத்தை சமுதாயத்தில் பரவவிட்டிருப்பது, இதனால் தேர்வு எழுத துணியும் மற்ற சமுதாய மாணவர்களின் தன் நம்பிக்கையை தகர்பதும், பிறறை இந்த தேர்வுகளை எழுதவிடாமல் தடுப்பதும் ஆகும்.
அரசு இட ஒதுகீடு என்று அறிவித்த பிறகும் இவர்களின் அதிகாரத்தை பயன்படுத்தி (ஐஐடி-யில் அதிகார மட்டத்தில் இவர்களே அதிகம் உள்ளனர்) இட ஒதுக்கீட்டை கிடைக்கவிடாமல் செய்வது, சென்ற ஆண்டு மாணவர் சேர்கையில் தாழ்த்தப்பட்டோர், பழங்குடியினர் கோட்டாவில் சேர்க்க தகுதியான மாணவர்கள் கிடைக்கவில்லை என்று கூறி 1,100 இடங்கள் காலியாக வைத்து, அதே போல 53 பிற்படுத்தப்பட்ட மாணவர்களுக்கான இடங்களில் சேர்க்கவும் தகுதியான மாணவர்கள் கிடைக்கவில்லை என்று கூறி, இதனால் அனைத்து இடங்களும் பொதுக் கோட்டாவுக்கு மாற்றுகின்றோம் என்று கூறி அந்த இடத்தையும் இவர்களே எடுத்து கொண்டனர். இது சம்ந்தமாக சென்னை உயர் நீதி மன்றத்தில் வழக்கு தொடந்தும் எந்த பலனும் இல்லை .
மாணவ மாணவியர்களே!
இதை மாற்ற நாமும் ஐஐடி-யில் படிக்க வேண்டும், தேர்வுகள் கடினம் என்ற தவறான சிந்தனையை குப்பையில் போடுங்கள், எந்த தேர்வையும் சந்தித்து சாதிக்க நம்மோடு அல்லாஹ் இருகின்றான், அல்லாஹ்விம் மீது நம்பிக்கைவையுங்கள் அவனிடம் வலியுத்தி கேளுங்கள், கடினமாக உழைத்து படியுங்கள் நிச்சயம் அல்லாஹ் நமக்கு வெற்றியை தருவான் இன்ஷா அல்லாஹ்.
உயர் கல்வி நிறுவனங்களில் முஸ்லீம்களை படிக்கவைக்க வேண்டும் என்பதை இலக்காக கொண்டு செயல்படுகின்றது நமது மாணவரணி, உங்களுக்கு வழிகாட்ட ஐஐடி-யில் படித்த சகோதரர்களும் நமது மாணவரணியில் உள்ளனர். உயர் கல்வி கற்க முஸ்லீம்களை ஊக்குவிக்க தமிழகத்தின் மூலை முடுக்குகளெள்ளாம் விழிபுணர்வு பிராசாரங்களையும் வழிகாட்டும் முகாம்களையும் நடத்தி வருகின்றோம்.
ஐஐடி நுழைவு தேர்வுக்கென்றே சிறப்பு வழிகாட்டுதல் குழுவை நமது TNTJ மாணவரணியில் ஏற்படுத்தி உள்ளோம். நமது சகோதரர்களை தொடர்பு கொண்டு ஐஐடி தேர்வுகளை பற்றிய விளக்கங்களை தெரிந்து கொள்ளுங்கள்.

தேர்வுகள் பற்றியும், விண்ணப்ப படிவங்கள் பற்றியும் மேலும் அறிந்து கொள்ள TNTJ மாணவரணியின் சிறப்பு குழுவை தொடர்பு கொள்ளுங்கள்.

1. S.N. அஹமது இப்ராஹீம். B.Tech – 9841464521.

2. K. ஹஸன் B.E - 9940611315

e-mail : tntjedu@gmail.com

S.சித்தீக்.M.Tech
TNTJ மாநில மாணவரணி செயளலார்
IIT-JEE 2010 தேர்வை பற்றிய முழு விவரம்

1. விண்ணப்பம் சமர்பிக்க கடைசி தேதி: டிசம்பர் 19 (19/12/09)
2. தேர்வு நடைபெறும் தேதி; ஏப்ரல் 11, 2010 (இரண்டு தேர்வுகள் (காலை மற்றும் இரவு)
3. தேர்வு முடிவுகள் வெளிவரும் தேதி; மே 26,2010
4. பூர்த்தி செய்யப்பட்ட விண்ணப்பங்களை அனுப்ப வேண்டிய முகவரி; Chairman, JEE IIT Madras, Chennai 36, 044-22578220
5.விண்ணப்பங்கள் கிடைக்கும் இடம் :

இந்தியன் வங்கி மற்றும் தமிழகத்தில் பல்வேறு இடங்களில் உள்ள Help line சென்டர்கள்

6. விண்ணப்ப படிவத்தை பற்றி அறிந்து கொள்ள, சந்தேகங்களுக்கு தெளிவு பெற ஐஐடி - மெட்ராசின் ஹெல்ப் லைன் எண் (Help line Number) -

044-2250 4500 (காலை 8 மணி முதல் இரவு 8 மணிவரை)


விண்ணப்ப படிவத்தை பற்றி அறிந்து கொள்ள, சந்தேகங்களுக்கு தெளிவு பெற ஐஐடி - மெட்ராசின் ஹெல்ப் லைன் எண் (Help line Number)

044-2250 4500 (காலை 8 மணி முதல் இரவு 8 மணிவரை)

விண்ணப்பத்தின் விலை :

Rs.1,000,

(ஆன்லைனில் சமர்பிக்கும் விண்ணப்பம் ரூ. 900)

வயது வரம்பு

அக்டோபர் 1, 1985 ஆம் ஆண்டிற்க்கு பிறகு பிறந்திருக்க வேண்டும்

தேர்வு எழுத தகுதியான மாணவர்கள் :

a) +2-வில் கணிதம், இயற்பியல், வேதியியல் படிக்கும் மாணவர்கள்,

b) +2 வொகேஷனல் (vocational) குரூப் படிக்கும் மாணவர்கள்.

c) 3 ஆண்டு டிப்ளமோ படித்த மாணவர்கள்

குறைந்தபட்ச மதிப்பெண்

+2-வில் குறைந்த்தது 60% மதிப்பெண் பெற்றிருக்க வேண்டும்


Wednesday, November 11, 2009

இறை இல்லம் கட்ட நிதி உதவி தேவை.



சென்னை கீழ்பாக்கத்தில் இறை இல்லம் கட்ட முயற்சிக்கப்பட்டு வருகிறது.எனவே அல்லாஹ்வின் அருள் நாடி,நிதி உதவி செய்யும்படி சகோதரர்களை வேண்டுகிறோம்.அல்லாஹ்விற்காக இறை இல்லம் கட்டுபவர்களுக்கு,அல்லாஹ் சுவனத்தில் மாளிகை ஒன்று கட்டுகிறான் என்பது ஹதீஸாகும்.

பள்ளிவாசல் கட்ட இடம் வாங்கவும்,கட்டவும் ரூபாய் 50,0000.00 என மதிப்பிடப்பட்டுள்ளது.
தற்போது, AL-MADRASATHUL DHEENIYATH ( Regd)NO.12,Halls Road, Kilpauk, CHENNAI-600010 என்ற இடத்தில் தொழுகை நடைபெற்று வருகிறது,ஆனால்- 25 நபர்கள் மட்டுமே தொழ இடம் உள்ளது,இன்ஷா அல்லாஹ் இன்னும் நிறைய மக்கள் தொழ வேண்டும் என்றால்,அதற்கு பெரிய பள்ளியாக கட்டினால் மட்டுமே முடியும்.தாராளமாக உதவுங்கள்,இன்ஷா அல்லாஹ்,அதை பன் மடங்காக்கி இம்மையிலும்,மறுமையிலும் தருவான்,ஆமீன்.

மேலும் விவரங்களுக்கு,

saibudeen 91-9841045673

kilpauk muslim welfare association

தகவல்:சைபுதீன்,அதிரை.

Thursday, November 5, 2009

அதிரையில் மீண்டும் சாலை விபத்து

நமதூரில் இருந்து பட்டுக்கோட்டை செல்லும் வழியில் நமதூரை சார்ந்த சகோதரர்கள் விதிமுறை மீறி3நபர்களாக இருசக்கரவாகனத்தில் வேகமாக செல்லும் போது விபத்து ஏற்பட்டு மிகவும் கவலைகிடமாக தஞ்சை வினேதகன் மருத்துவமனையில் தீவிரசிகிச்சை பிரிவில் அனுமதிக்கப்பட்டுள்ளனர்.

சிலநாட்களுக்கு முன்பு முத்துப்பேட்டையிலிருந்து அதிரைக்கு வந்த இருவர் சாலைவிபத்தில் மரணமடைந்த வடு ஆறும்முன் இச்சம்பவம் நிகழ்துள்ளது மிகவும் வேதனையளிகிறது. இனிஇது போன்ற சம்பவங்கள் நிகழாவன்னம் வாகனங்களை இயக்க அதிரைஎக்ஸ்பிரஸ் வேண்டுகிறது.


Tuesday, November 3, 2009

பாருங்கள்,பார்க்கத் தூண்டுங்கள்.

மும்பையில் அல்லாஹ்வின் அருளால்,பீஸ் கான்பரன்ஸ் தொடங்கி நடந்துவருகிறது,அந்த நிகழ்ச்சிகள் யாவும் பீஸ் டிவி மூலம் நேரடி ஒளி பரப்பாகவும் காண்பிக்கப்படுகிறது.சுமார் 30 நாடுகளிலிருந்து அழைப்பாளர்கள் கலந்து கொண்டுள்ளார்கள்.மேற்கொண்டு விபரம் அறிய
http://peaceconference.in/index.htm இந்த தளம் சென்று விபரங்கள் அறியலாம்.மேலும் டாகடர் ஜாகிர் நாயக் அவர்களின் இணைய தளமான http://irf.net/ சென்றும் அறிந்துகொள்ளலாம்.நீங்கள் பார்ப்பதோடு,உங்கள் மாற்று மத நண்பர்களையும் பார்க்கத்தூண்டுங்கள்.

Saturday, October 31, 2009

அதிரைவாசிகளின் எழுத்தார்வம்

ஒருகாலத்தில் பத்திரிக்கைகளுக்கு துணுக்குகள், ஜோக்குகள், கேள்வி-பதில் சிறுகதை என எதையாவது ஒரு 15 காசு போஸ்ட் கார்டில் எழுதி அனுப்பிவிட்டு பிரசுரமாகி இருக்கிறதா என்று பக்கம்விடாமல் தேடும் ஆர்வம் நம்மில் சிலருக்கு இருந்திருக்கலாம். இன்றும்கூட இத்தகைய பொழுதுபோக்கு சிலரிடம் இருந்து வரலாம். MP கடையிலும் அப்பியான் கடையிலும் தொங்கும் பத்திரிக்கைகளை ‘காசு கொடுத்து’ வாங்கிப் படிப்பதுமுதல் சலூன், டீக்கடைகளில் ஓசியில் படிப்பதுவரை ‘வாசிக்கும்’ பழக்கம் ஒவ்வொருவரிடமும் எதேனும் ஒருவகையில் இருந்தே வருகிறது.

நேரவிழுங்கிகளான இணையமும் ஈமெயிலும் ஜோடிசேர்ந்து இளசுகள்முதல் கிளசுகள்வரை (இளையோரை இளசு என்றால் முதியோரை கிளசு என்று தானே மரியாதையாக விளிக்கணும்?!) மனங்களை ஆக்கிரமிக்கத் தொடங்கிய கடந்த 10-15 ஆண்டுகளில் மெனக்கெட்டு போஸ்ட் கார்டில் பத்திரிக்கைகளுக்கு எழுதிவிட்டு இழவு (இலுவை) காத்த கிளியாக காத்திருக்கும் பொறுமை மலையேறி, இணைய தளங்களில் எழுதி உடனடியாக பாராட்டோ அல்லது அர்ச்சனையோ பின்னூட்டமாகப் பெறும் வசதி வந்துவிட்டது.

அதிரை டாட் காமில் நமதூரைச் சார்ந்த சிலர் சிறப்பாக எழுதிய கட்டுரைகள் பலரையும் சென்றடைந்து ‘அட இவனு(ளு)க்கு இப்படி எல்லாம்கூட எழுதத் தெரியுமா?” என்று வியப்புடன் அடையாளம் காணப்பட்டவர்களில் நானறிந்து மர்ஹூம் உமர் தம்பி காக்கா, தமீம் அன்ஸாரி, மாஹிர்,நெய்னா தம்பி மற்றும் அபூஆதிப் என்ற புணைப்பெயரில் அடியேனும்! அதன்பிறகு அதிரை எக்ஸ்ப்ரஸில் பலறும் எழுதிவருகிறோம் (அபூஅஸீலா என்ற புணைப்பெயரில் அடியேன்). மேற்குறிப்பிட்டவர்கள் அல்லாமல் வேறுசிலரும் இருக்கலாம். பெயர் குறிப்பிட மறந்தவர்கள் பின்ஸ் (பின்னூட்டம்) போடுங்கள்.

அதிரை எக்ஸ்ப்ரஸ் தளநடத்துனர்களின் தொடர்ந்த ஆர்வமூட்டலுக்குப் பிறகு நம்மில் பலர் சொந்தமாக வலைப்பூ நடத்துமளவுக்கு முன்னேறி விட்டோம். தற்போதைய அதிரை எக்ஸ்ப்ரஸின் முகப்பில் அலங்காரமாகத் தொங்கும் வலைப்பூக்களின் பட்டியல் சொற்பமே என்று நினைக்கிறேன். ஆண்களுக்கு சளைத்தவர்களல்லர் என்பதற்கேற்ப பெண்களும்கூட வலைப்பூ மற்றும் பின்னூட்டங்கள்மூலம் அசத்தி வருகிறார்கள்.

எதற்கு இந்த பில்டப்? அதுக்கு என்னா இப்போ? என்று இப்பதிவை வாசித்துக் கொண்டிருப்பவர்கள் கேட்கலாம். பிரமாதமான திட்டங்கள் எதுவும் இல்லை. இப்படி கஷ்டப்பட்டு/நஷ்டப்பட்டு சின்னப்பட்டு சேறு குழைந்து நொந்து நூலாகி, தேய்ந்து துரும்பாகி, பசித்தாவடி மறந்து பொழுதா பொழுதன்னைக்கும் கம்ப்யூட்டர் முன்னாடி உட்கார்ந்து எழுதும் எழுத்துக்கள் ஓரிரு மணிகள் முதல் ஓரிரு நாட்கள்/வாரங்கள்/மாதங்களில் மறக்கப்பட்டு விடாமல் நமதூர் மக்களின் சிந்தனைகளின் தொகுப்பாக ஏதேனும் பொதுநல அமைப்புகள் தொகுத்து நூலாக வெளியிட்டால் பலரையும் சென்றடைவதோடு வருங்கால தலைமுறைக்கு ஆவணமாகச் சான்றளிக்குமே என்ற ஆர்வக்கோளாறு இப்பதிவை எழுதத் தூண்டியது.

கல்விக்கூடங்களும் மாணவர்களை ஆர்வப்படுத்தி இத்தகைய எழுத்தார்வத்தைத் தூண்டலாம். ஆர்வமுள்ள தனவந்தர்கள் பரிசும்கூட கொடுத்து ஊக்கப்படுத்தலாமே! இன்னதுதான் எழுத வேண்டும் என்ற கட்டுப்பாடு இல்லாத இணைய உலகில் இதுபோன்ற ஆர்வமூட்டலால் இளசுகளின் எழுத்தார்வத்திற்கு வடிகாலாக அமைவதோடு கவனம் வெவ்வேறு திசைகளில் தடம்புரளாமல் ஒருமுகப்படுத்த இத்தகைய முயற்சிகள் உதவும் என்று நினைக்கிறேன்.

நீங்கள் என்ன நினைக்கிறீர்கள் என்று ஒரு பின்ஸ் (பின்னூட்டம்) போட்டு வைத்தால் மேற்கொண்டு இதுமாதிரியான ‘உருப்(படாத?)படியான பதிவுகளை எழுதலாமா வேண்டாமா என்று முடிவெடுக்க வசதியாக இருக்கும்.

அன்புடன்
அபூஅஸீலா-துபை

Friday, October 30, 2009

நாளை நமதா?

27.10.09 அன்று எனது முன்னாள் தமிழ் பேராசிரியருமும்-தற்போதைய ‘புதிய வாணிகம்’; ஆசிரியரான ஜனாப். முகம்மது ஹ_சைன் அவர்கள் தன் மகன் அப்துல் ரகீம் திருமணத்திற்கு அழைப்புக் கொடுப்பதிற்காக வந்தவரிடம் பேசிக் கொண்டிருந்தபோது, அவர் கொடுத்த செய்தி அதிர்ச்சி தரும்படி இருந்தது. அது என்ன? தனது பத்திரிக்கைக்கு விளம்பரம் வாங்கச் செல்லும் போது 90 சதவீத முஸ்லிம்கள் வியாபாரியாகவே உள்ளனர். சுமார் பத்து சதவீதம் தான் உற்பத்தியாளர்களாகவும், தொழிழ் முனைவர்களாகவும் உள்ளனர் என்றார்.

அவர் சொன்ன தகவலை வைத்து எண்ண அலைகளை ஓட விட்டபின்பு-நம்மவர் சம்பாதிக்கச் சொல்லும் பழமொழி, “திரை கடலோடியும் திரவியம் தேடு” என்பது தான். ஆனால் அயல் மன்னில் சென்றவர்கள் படகு போன்ற கார்களில் பவனி வந்து-பங்களாக்களில் குடியிருப்பவர் சிலரே. நரம்பில் ஓடும் குருதியினை வேர்வையாக்கி வீடுகளில் கார் ஓட்டுதலும், கிளீனிங் வேலையிலும், கட்டிட வேலை, லிப்ட் ஆப்பரேட்டர், எலக்ட்ரிஷன், ஹோட்டல் சர்வர் போன்ற அடிமட்ட வேலை செய்யும் படிக்காத இளைஞர்கள் தான் அதிகம் என்றால் மிகையாகாது? நான் 1979 ஆம் ஆண்டு சிங்கப்பூர் சென்றபோது எனக்குத் தெரிந்தவர் ஒரு ஹோட்டலில் மீன் கழுவிக் கொண்டிருந்தார். பின்பு மலேசியா சென்றபோது இன்னொரு தெரிந்தவர் தனது தலைக்கு ஒரு தலையணை கூட இல்லாது உட்காரும் மரக்கட்டையினை வைத்து படுத்திருந்தார். இனனொரு நிகழ்ச்சி என்னை உண்மையிலே ஒரு கணம் உலுக்கி விட்டது. எங்கள் ஊருக்கு அருகில் உள்ள ஊரில் மலேசியா சபுர்ஆளி என்று பெருமையோடு வலம் வந்தவர்-அவர் சொந்த பந்தங்கள் எல்லாம் வசதியோடு வாழ்பவர்கள்;. அவருக்கு சுகர் வந்து ஒரு காலை முனங்காலுக்குக் கீழே எடுக்கப்பட்டதால் ஊருக்கு வருவதிற்கு கூச்சப்பட்டு வாழ்வதிற்காக ஒரு சாப்பிங் காம்ளக்ஸ் அருகில் கையேந்திக் கொண்டிருந்தார்.

அதே போன்று நான் 2001 ஆம் ஆண்டு அமெரிக்கா சென்றபோது பிரிமாண்ட்டில் நான் கல்லூரி ஆசிரியனாக இருந்த அதிராம்பட்;;டணத்தினைச்சார்ந்த ஒருவரைச் சந்தித்தேன். அவர் பி.எஸ்.ஸி படித்தவர், மனைவியும் வசதியானக் குடும்பத்தில் பிறந்தவர். அவரிடம் என்ன வேலை செய்கிறீர்கள் என்றேன். அதற்கு அவர் அங்குள்ள உடுப்பி ஹோட்டலில் சர்வராக இருப்பதாகவும் ஆயிரம் டாலர் கொடுப்பதாவும் கூறினார். முனைவி வுற்புறுத்தலால் இந்த வேலை பார்ப்பதாகச் சொன்னார். இவைகளை ஏன் இங்கு குறிப்பிடுகிறேன் என்றால் மனிதனுக்கு மானத்தோடு வாழும் நம்பிக்கைக் குறையும் போது இது போன்ற பரிதாபமான நிகழ்வுகள் நடக்கின்றன. இந்தியாவில் கூட எத்தனையோ நபர்கள் ஊனமுற்றாலும் படித்து டாக்டர்-என்ஜினியர்-முதுகலை பட்டம் பெற்றுமு;-இன்னும் கூடை-சேர் பின்னும் தொழில் முனைவர்களாகவும் இருக்கும் போது நாம் நம்பிக்கை இழக்கலாமா? ஆகவே நம்பிக்கை பழமொழிகளான தன் கையே தனக்குதவி-உன்னால் முடியும் தம்பி-வாழ்க்கை ஒரு எதிர் நீச்சல் அதில் நீந்தி வந்தவன் தான் வாழ்வான் போன்றவைகளை வருங்கால இளைஞர்களுக்குப் போதிக்க வேண்டும்.

படித்த இளைஞர்களுக்கு உலகில் வேலை வாய்ப்பு வருங்காலங்களில் மிகவும் பிரகாசமாக இருப்பது கடிணம். இப்போது கூட துபாய்-சிங்கப்பூர் போன்ற இடங்களில் வேலை பார்த்த நமது இளைஞர்கள் வேலையின்றி ஊருக்கு வந்து வேலை தேடும் படலத்தினைத் தொடங்கி உள்ளனர். அவர்களுக்க நான் சொல்லுவதெல்லாம் ‘கைத்தொழில் ஒன்றைக் கற்றுக்கொள் கவலைப்படாமல் வாழ்ந்து கொள்’ என்பது தான. எங்கள் ஊர் இளையாங்குடியில் தோலில் மணிபர்ஸ், பைகள், கேன்வாஸ் சூட் கேஸ்கள் செய்யும் தொழில் குடிசைத்தொழில் போல இருந்தது. ஆனால் அவைகளையெல்லாம் எப்படி வெளிநாடுகளுக்கு போட்டிகளுக்கிடையே ஏற்றுமதி செய்வது என்ற வழிவகை தெரியாததால் அவைகளெல்லாம் நலிந்து விட்டன. ஆனால் அதே தொழிலை இன்று சென்னையில் செய்து வெளிநாட்டு ஏற்றுமதியினைப் பெற்றவர்கள் லாபகரமாக நடத்தி வருகிறார்கள் என்றால் மறுக்க முடியாது. திண்டுக்கல்லில் தோல்வியாபாரம் கொடிகட்டி பறப்பதினை அனைவரும் அறிவர். ஆனால் அதே தேலை பதப்படுத்தி செருப்புகளாகவும், ஸ_க்களாகவும், கைப்பைகளாகவும், சூட் கேஸ்களாகவும், பெல்ட்களாக செய்யும் தொழிலை வெற்றிகரமாக நடத்தும் யுக்தி வாணியம்பாடி, ஆம்பூர், மேல்விசாரம், பேரணாம்பேட், ராணிப்பேட்டை போன்ற ஊரில் உள்ளவர்கள் அறிந்து ஆயிரக்கணக்கான மக்களுக்கு வேலை கொடுப்பதோடுமட்டுமல்லாமல்-ஜெர்மனி, இத்தாலி, பிரான்ஸ், இங்கிலாந்து போன்ற நாடுகளுக்கு ஏற்றுமதி செய்து அன்னியச்செலவாணியை அள்ளிக் குவிக்கின்றனர். ஏன் அதே தொழிலை திண்டுக்கலில் இருக்கும் தோல் வியாபாரிகள் சிந்திக்கக் கூடாது.

ஊதாரணததிற்கு நாடார் ஜன மக்களை எடுத்துக் கொள்ளுங்கள. பழைய பேப்பர்கள்-இரும்புகள் வாங்க இரு சக்கர-மூன்று சக்கர வண்டிகளிலும் தெருத் தெருவாக அளைவதினைப் பார்க்கிறேம். ஆனால் அவர்கள் பழைய பொருட்களை வாங்குவதோடு நின்று விடுவதில்லை. அதனை தரம் பிரித்து பழைய பேப்பர்களை அட்டை செய்யும் இயந்திரத்தில் கொடுத்து அட்டைகளாக்கி விடுகின்றனர். பழைய இரும்புகளை உருக்கி-ஸ்டீல் பட்டறையில் கொடுத்து பாத்திரம் செய்யும் தொழிலும் ஈடுபட்டு தொழில் செய்கின்றனர். ஏன் அரேபியாவிற்கு நாம் பல்வேறு வேலைக்காகவும்-புனித கடமை நிறைவேற்றுவதற்காகவும் சென்று விதவிதமான பேரீத்தம் பலங்களை வாங்கி வந்து உற்றார்-உறவினருக்குக் கொடுத்து மகிழ்கிறோம். ஆனால் அதே பேரீத்தம் பழத்தினை இறக்குமதி செய்து தரம் பிரித்து பாக்கட்டிலும்-ஜூசாகவும் விற்பனை செய்யும் தொழிலையும் நாம் கண்கூடாகப் பார்க்கிறோம்.

நான் அதிராம்பட்டிணக் கல்லூரியில் வேலையில் இருக்கும் போது எங்கு திரும்பினாலும் தென்னைத் தோப்புகளைக் காண்பேன். அதில் விளையும் தேங்காயை லாரிலாரியாக பல்வேறு நகரங்களுக்கு விற்பனைக்காக அனுப்புவர். ஆனால் தென்னை மரம் அதிகல்லாத தூத்துக்குடியில் தேங்காய் எண்ணெய் தயாரித்து பாட்டிலில் அடைத்து விற்பனை செய்யும் வி.வி.டி.தொழிற்சாலைகள் அதிகம். அதே தென்னை நாறுகளை கயிறுகளாகத் திரித்தும்-விரிப்புகளாவும்;-கால் மிதிகளாகவும் செய்யும் தொழில் ஈரோடில் அதிகம். அவைகளையே ஏன் அதிராம்பட்டிணத்தில் தென்னந்தோப்பு அதிபர்கள செய்து அங்குள்ள மக்களுக்கு வேலை வாய்ப்பு அளிக்கக்கூடாது? கடற்கரை ஊர்களில் மீன்-கருவாடு விற்கும் வியாபாரிகளாகத்தான் உள்ளனர். அந்த மீன்களை வெளிய+ர்களுக்கும்-கேரளா மாநிலம் போன்று அனுப்பாமல் அந்தந்த ஊர்களிலே ஏன் மீன் பதனிடும் ஆலை ஏற்படுத்தி அங்குள்ள மக்களுக்கு வேலை வாய்ப்புக் கொடுக்கக்கூடாது. சீனாவில் ஒரு பழமொழி உண்டு. ‘பசித்தவனுக்கு வறுத்த மீனைக் கொடுக்காதே-மாறாக அவன் மீன் பிடித்து அதன் மூலம் வாழ்வு நடத்த ஒரு தூண்டில் முள் கொடுத்து மீனைப் பிடிக்கக் கற்றுக் கொடு’ என்று. ஆகவே பண்டிகை காலங்களில் தானம், தர்மம் செய்வதினை விட இது போன்ற தொழில்களில் அவர்களுக்கு வேலை கொடுத்து ஏழைகளுக்கு நிரந்தர வருமானத்தினைத் தரலாம்.

கோவை தொழில் அதிபர் ஜி.டி. நாயுடு ஒரு சாதாரண விவசாயி. அவர் எப்படி கார் மெக்கானிக் வேலை பார்த்து பலவேறு கார்-மோட்டார் உதிரிப்பாகங்கள் தயாரிக்கும் தொழில் அதிபரானார் என்று அனைவரும் அறிந்ததே. ஆனால் அவர் ஒரு மருந்துக் கம்பெனி அதிபரானது பெரும்பாலானோருக்குத் தெரிந்திராது. ஒரு தடவை அவர் வயலில் உழுது கொண்டு இருந்தபோது லேபிலோடு கூடிய ஒரு மருந்து காலி பாட்டிலினைக் கண்டார். நாமாக இருந்தால் அதனை தூர எறிந்து விடுவோம். ஆனால் அவர் அதை எடுத்து அந்த மருந்துக் கம்பெனி விலாசத்திற்கு கடிதம் எழுதி அதனை தயாரிக்கும் உரிமமும் பெற்றார். ஏன் ஜப்பானியர் பொம்மை வியாபாரத்திற்கு பெயர் பெற்றவர்கள் என்றால்-தூக்கி வீசப்பட்ட காலி டப்பாவைக் கூட விடாமல் அதில் தங்கள் கை வண்ணங்களால் அவைகளை அனைவரும் ரசிக்கும் பொம்மைகளாக ஆக்கி விற்று விடுகின்றனர்.

எங்கள் ஊரைச்சுற்றி ஏராளமான அரிசி ஆலைகள் அதிகம். ஆனால் நெல்லிலிருந்து பிரிக்கப்படும் தவிடு-உமியினைக் கொண்டு ஈரோடு, சேலம், நாமக்கல், கோவை போன்ற மாவட்டங்களில் மாட்டுத் தீவணம், கோழித் தீவணம், ஆயில், சோப், வனஸ்பதி தயாரிக்கிறார்கள் என்பதினை சில காலங்களுக்கு முன்னர் தானே அறிவர். இருந்தாலும் இன்னும் தாங்களே அந்தத் தொழிலைத் தொடங்காது அவர்களுக்கு தவிடு, உமிகளை விற்கும் வியாபாரியாகவே உள்ளனர் என்றால் ஆச்சரியமாக இல்லையா?


முஸ்லிம்கள் வாழும் ஊர்களில் எழைகள். வுpதவைத் தாய்மார்கள் இட்லி, இடியாப்பம் சுட்டு விற்பதினையும், தோசை, இட்லி மாவாட்டி அதனை விற்வதினையும் அறிவோம்.அதேபோன்று நமது தாய்மார்கள் மீன் மசாலா, கரி மசாலா, அப்பளம், ஊறுகாய் தயாரிப்பதில் சிறந்தவர்கள். ஆனால் அவர்களையெல்லாம் ஒருங்கிணைத்து சக்தி மசாலா போன்ற நிறுவனம் ரெடிமிக்ஸ் உணவு பண்டங்களைத் தொடங்கி ஏன் நமது பெண்களுக்கு வேலையினைக் கொடுக்கக் கூடாது. சுய தொழில் தொடங்கக்கூட அரசு மானியம் அளிக்கப் படுகிறதே.

நம்மில் சிலர் பம்பாய், குஜராத், டெல்லி போன்ற நகரங்களில் ரெடிமேட் துணிகளை வாங்கி ஏற்றுமதியில் ஈடுபடுகின்றனர். ஏன் அவர்களே துணிகளாக வாங்கி தையல் இயந்திரங்களால் பெண்கள் உதவியால் தைத்து வெளிநாட்டுக்கு அனுப்பக் கூடாது. அதுபோன்று உற்பத்தியில் ஈடுபட்ட திருப்ப+ர் இன்று செல்வும் கொழிக்கும் நகரமாகத் திகழ்கிறதே. மும்பையில் ஆயல் தொழிலில் ஈடுபட்ட தன் தந்தையினை விட பல படிக்கு மேல் சென்று மின்பொருள் தயாரிக்கும் விப்ரோ நிறுவனத்தினை ஆஸிம் பிரேம்ஜி நிறுவி 2008-2009 ஆம் ஆண்டு 19 சதவீத லாபத்தினை ஈட்டி ரூபாய்1162 கோடி சம்பாதித்திருக்கிறார் என்றால் பாருங்களேன்.. என் கல்லூரி நண்பர் அமீர் அப்துல் காதர் கடந்த வாரம் தன் சொந்த ஊரான கீழக்கரை சென்று வந்தார் அவரை நலம் விசாரிக்கும் போது, அவர் சொன்னார.; தனதூரில் அறிவித்த மின்வெட்டு இரண்டு மணிநேரம்-அறிவிக்காத மின்வெட்டு பல தடவை என்றார். கடற்கரை நகரங்கள் காற்றும் வெயிலும் அதிகமாக இருக்கும். ஆகவே மின் பற்றாக் குறையினைப் போக்க ஏன் சோலார் கருவிகளை உற்பத்தி செய்து மின் விசிறி. வுpளக்கு, ஏன் மோட்டாரில் தண்ணீர் இறைக்கக் கூட வழிவகுக்கக் கூடாது. அரசே மானியம் வழங்குகிறதே. கடலூர் மாவட்டத்தில் காரியமங்கலம் என்ற ஊர் பஞ்சாயத்தின் மின் தேவைகளை சோலார் எனர்ஜி ழூலம் கிடைக்கப் பெற்ற இந்தியாவில் முதல் கிராம பஞ்சாயத்தாகத் திகழ்ந்து ஜனாதிபதியின் பரிசையும் தட்டிச்சென்றதே. பணம் படைத்தவர்கள் தான் மட்டும் இன்வெர்ட்டர், ஜென்ஜெட் போட்டுக் கொண்டு வாழ்வதினை விட்டு ஏழைகளுக்கும் உதவுமாறு செய்யலாமே1

நமதூரில் மாட்டு வண்டிகளிலும், தள்ளு வண்டுகளிலும் சுத்திகரிக்காத தண்ணீர் சப்ளை செய்வதைப் பார்க்கலாம். அதனால் பயோரியா போன்ற தண்ணீர் சம்பந்தமான நோய்கள் பரவ வழிகள் ஏற்படும். ஆகவே வாட்டர் சுத்திகரித்து பொதுமக்களுக்கு சப்ளை செய்யும் ஆலைகளை நிறுவலாம். நம்மில் சிமிண்ட் தொழில் அதிபர்கள் மானாமதுரை யாசின் சிமிண்ட்ஸ் போன்ற ஒரு சிலர் இருக்கலாம். ஆனால் அந்தத் தொழிலைத் தொடங்கிய ராம்கோ, இந்தியன் சிமிண்ட்ஸ், சங்கர் சிமிண்ட்ஸ் போன்றவர்களெல்லாம் சாப்ட்வேர் தொழில் இறங்கியள்ளனர். ஏன் அரசியல் வாதியாக இருந்து கல்வியாளராக மாறிய ஜேப்பியார் ரெடி கிராவல் மிக்ஸ் தொழில் செய்கிறார். நான் அதிராம்பட்டிணம் கல்லூரியில் வேலை பார்த்தபோது இருந்த தமிழ் பேராசிரியர் நாகர்கோவிலைச்சார்ந்தவர் அசன் அவர்கள் ஓய்வு பெற்ற பின்பு என்னைச் சந்திக்க வந்தார். அவரிடம் இப்போது என்ன செய்கிறீர்கள் என்று கேட்டேன். அதற்கு அவர் கன்யாகுமரி பகுதியில் மீன் பிடிப்பதிற்கான வலைகள் சென்னையிலிருந்து தான வாங்கினார்கள். ஏன் நாமும் அதேபோன்ற மீன் பிடி வலையினை தயாரிக்கக் கூடாது என்று யோசித்து மீன் வலை தயாரிககும் தொழில் நாகர்கோவில் பார்வதிபுரத்தில் தொடங்கியுள்ளேன்-அதில் அந்தப் பகுதியினைச் சார்ந்த 20 நபர்களுக்கு வேலை கொடுத்துள்ளேன்-அங்கிருந்து சென்னைக்கு விற்பனையும் செய்கிறேன் என்றார்.

அதேபோன்று சென்னை மின்ட் அரசு பிரஸ் எதிர்புறம் நர்சரி செடிகள் உள்ளதாக அறிந்து அங்கு செனறேன். அதனை நடத்தி வருபவர் முபீன் ராஜா என்ற 30வயது இளைஞர். அவரிடம் எப்படி இந்த தொழிலுக்கு வந்தீர்கள் என்றேன். தான் தேனியைச் சார்ந்தவன் என்றும், நர்சரிச் செடிகள் வாங்கி விற்று வருந்ததாகவும், அதன் பின்பு அவை பெங்களுரிலிருந்து வரகிறது என்று அங்கே சென்றதாகவும். அங்கே சென்றால் நரசரி செடிகளெல்லாம் தமிழ்நாட்டில் ஒசூரிலிருந்து வருகிறது என்றும் அறிந்தேன். ஆககே ஒசூருக்கு சென்றதாகவும் அங்கே தளி என்ற இடத்தில் நர்சரி செடிகள் பயிடப்பட்டதினை அறிந்து அங்கேயே இரண்டு ஏக்கரை லீஸ் எடுத்து தானே நர்சரிச் செடிகள் பயிருட்டு இன்று மதுரை, தேனி, பெங்களுர், சென்னை போன்ற இடங்களில் நர்சரி கார்டன்கள் நடத்துவதாகச்சொன்னார்.(தளியினை லிட்டில் இங்கிலாந்து என்று ஆங்கிலேயர் அழைத்தார்கள் என்று நான் அங்கு எஸ்.பியாக இருந்தபோது அறிவேன்). இதனை ஏன் இங்கு குறிப்பிடுகிறேனென்றால் எந்தத்தொழிலும் கேவலமில்லை-அது சொந்தத்தொழிலாக அமைய வேண்டும். கருவாடு விற்ற காசு நாறாது என்பதினை அனைவரும் அறிவர். அதேபோன்று மாந்தோப்புகளை வைத்திருப்பவர்கள் மாம்பழங்களை விற்கும் வெறும் வியாபாரிகளாக அல்லாது-மாம்பழ ஜூஸ்-மாங்காய் ஊறுகாய் போன்றவைகள் கிருஷ்ணகிரி மாவட்டங்களில் தயாரிப்பது போல தயாரிப்பில் ஈடுபடலாம். ஏன் வெறும் கார்ட்வேர் வியாபாரத்தினை காலங்காலமாக செய்யாது அந்தக் கார்டுவேர்-பெயின்ட் போன்றவைகளைத் தயாரிக்கும் தொழிலும் ஈடுபடவேண்டும்.

ஏன் வறண்ட மாவட்டங்களில் காட்டுக் கருவை முள்மரத்தினை வெட்டி கரிமூட்டம் போட்டு அதனை விற்பனைக்கு வெளிய+ர்களுக்கு அனுப்புவது அந்த மாவட்டத்தினைச் சார்ந்தவர்கள் அறிவர். ஆனால் அந்தக் கரியினை பயன்படுத்தி மின்சாரம்;, கிராபைட,; பென்சில் எழுதும் பொருளுக்கும,; மில்களுக்கு எரி பொருளாகவும் உபயோகிக்கிறார்கள் என்பதினை அறிந்தவர் சிலரே. மதுரையினைச்சார்ந்த ஓருவர் தெர்மல் எனர்ஜி சொலுசன் டிரங்க் பெட்டி போன்ற கரி அடுப்பினை கண்டு பிடித்துள்ளார். அதில் புகையே வராது என்ற தகவலும் உள்ளது. ஏன் அந்தப் பகுதியினைச்சார்ந்த நம்மவர் அதேபோன்ற தொழில்களில் ஈடுபடக்கூடாது? சிறிய தொழில் தொடங்குவதிற் டிக்(தமிழ்நாடு தொழில் முதலீட்டுக் கழகம்) சிட்பி(சிறு தொழில் முன்னேற்ற வங்கி) போன்ற நிறுவனங்கள் பொருள் உதவி செய்கின்றனர். சில தொழில்களில் சப்சைடி என்ற அரசு சலுகைகளும்-ஏற்றுமதி பொருள்களுக்கு டிராபேக் என்ற சலுகைகளும் உள்ளன. உலகிலேயே சீனா நாடு 12 சதவீத ஏற்றுமதியினை எட்டி முதல் இடத்திலும் அதற்கு அடுத்த படியாக இந்தியா 10.8 சதவீத ஏற்றுமதியினையும் தொட்டு விட்டது.

இறைவன் நமக்கு இரண்டு கைகளை மட்டும் கொடுக்கவில்லை-மாறாக அந்தக் கைகளில் பத்து விரல்களையும் கொடுத்தது போல-மனிதன் முன்னேற்றம் அடைவதிற்கு பல வழிகள் உள்ளன. அவைகளில் பலருக்கு உதவக்கூடிய தொழில்களை அந்தந்த பகுதிற்கேற்ப ஆரம்பித்தால் நிச்சயமாக நாளை நமதாகாதா?

எழுத்தாக்கம் : மாண்புமிகு.ஏ.பி. முஹம்மது அலி ஐ.பி.எஸ். (ஓய்வு)
நன்றி: