Saturday, November 30, 2013

உதவிய அனைத்து நல் உள்ளங்களுக்கும் நன்றி!!


கடந்த 27:11:2013 அன்று நமதூரின் முக்கிய தளங்களில்  அதிரை சகோதரிக்கு உடனடி இரத்தம் தேவை என ஒரு பதிவை பதிந்திருந்தோம்  நமதூர் மற்றும் சென்னை  கல்லூரி மாணவர்கள்  அதில் குறிப்பிட்ட எண்ணை தொடர்புகொண்டு குருதி கொடுக்க முன்வந்தனர் அல்ஹம்துளிலாஹ்.



குருதிகொடையளிக்கும் அதிரையர்கள்!
இதில் சவுதியிலிருந்து தொடர்புகொண்ட அருபுக்கோட்டையை  சார்ந்த முகமது என்ற சகோதரர் இதுசம்பந்தமாக அவ்வபொழுது தொடர்புகொண்டு இரத்தம் பெறுவதற்கான வழிமுறைகளை தெரியபடுத்தினார்.அல்லாஹ் அவருக்கு நற் கூழியை வழங்குவனாக -ஆமீன். 

குருதி கொடைபெற்ற அந்த பெண்மணி பூரண குணமடைந்து இன்று மருத்துவ மனையிலிருந்து இன்று வீடு திரும்புகின்றனர்.அந்த பெண்மணி எம்மை அழைத்து இந்த பேருதவியை செய்த அனைத்து நலுள்ளங்களையும் நினைவு கூர்ந்து அவ்ரகளுக்காக அல்லாஹ்விடம் கண்ணீர் மல்க துஆ செய்தது என் நெஞ்சை நெகில செய்தது.

குறிப்பு: 

மேற்கண்ட பெண்மணி உடல்நோய்வாய் பட்ட நிலையில் தஞ்சையில் உள்ள பிரபல மருத்துவ மனையில் அனுமதிக்கப்பட்டு சிகிச்சை மேற்கொண்டார் 

அவரை பரிசோத்தித்த மருத்துவர்கள் இவருக்கு இரத்த புற்று நோய் தாக்கியுள்ளது  என்றும் இவரை உடனடியாக சென்னையில் உள்ள ஒரு மருத்துவ மனைக்கு பரிந்துரை  செய்து அனுப்பிவைத்தார் 

இங்கு சிகிச்சை  பெற்றுவந்த நிலையில் போதிய வசதி வாய்ப்பு இன்மையால் இவரை அந்த தனியார் மருத்துவமனை மருத்துவரே ராஜீவ் காந்தி அரசு மருத்துவ மனைக்கு எழுதி கொடுத்துள்ளார்.

அரசு மருத்துவ மனையில் அனுமதி செய்த உடன் அரசு மருத்துவர்கள் இந்த பெண்மணிக்கு மீண்டும் ஒருமுறை புற்றுநோய் சிகிச்சைக்கான சோதனையை கடந்த இரண்டு தினங்களாக மேற்கொண்டதில் இவருக்கு புற்றுநோய் இருப்பதற்கான சாத்திய கூறுகளே இல்லை என உறுதிபட கூறியுள்ளனர் இவருக்கு நரம்பு சார்ந்த வியாதிதான் எனவும் அதற்க்கான மருதுகளையும்  கொடுத்தனுப்பியுள்ளனர். அல்லாஹ் பெரியவன் 

இப்பதிவின் நோக்கம்:

சாதாரண சளி பிடித்தாலே சட்டுபுட்டுண்டு தஞ்சைக்கு படையெடுக்கும் மக்கள் விழிப்புணர்வு பெறுவதற்காகவும்.

அவசர தேவைக்கு ஓடோடி வந்து உதவிடும் மன பக்குவம் இன்னும் ஏராளமானவர்களுக்கு வர வேண்டும் என்பதர்க்கவவுமே இந்த பதிவு.

ஆக்கம் : அபூபக்கர் , ஹாமித் 

பட்டுக்கோட்டையில் உலக மாற்றுத் திறனாளிகள் தின விழா விழிப்புணர்வு பேரணி!

டிசம்பர் 3 உலக மாற்றுத் திறனாளிகள் தின விழா விழிப்புணர்வு பேரணி மற்றும் காத்திருப்பு பேராட்ட அழைப்பிதல்
                
தமிழ்நாடு அனைத்து வகை மாற்றுத்திறனாளிகள் மற்றும் பாதுகாப்போர் உரிமைகளுக்கான சங்கம் பட்டுக்கோட்டை ஒன்றியம் சார்பாக எதிர் வரும் உலக மாற்றுத் திறனாளிகள் தினமான டிசம்பர் 3 (03,12,2013) அன்று காலை 10 மணிக்கு பட்டுக்கோட்டை பெரியார் சிலையிலிருந்து மணிக்கூண்டு வரை மாபெரும் உலக மாற்றுத் திறனாளிகள் தின விழிப்புணர்வு பேரணி நடைபெற உள்ளது,,

மேலும். தமிழ்நாடு அனைத்து வகை மாற்றுத்திறனாளிகள் மற்றும் பாதுகாப்போர் உரிமைகளுக்கான சங்கம் சார்பாக கடந்த உலக மாற்றுத் திறனாளிகள் தினமான டிசம்பர் 03,12,2012  அன்று பட்டுக்கோட்டை தாலுக்கா அலுவலகத்தில் மாற்றுத்திறனாளிகளின் உதவித் தொகை வேண்டி மாபெரும் காத்திருப்பு பேராட்டம் நடத்தப்பட்டு சுமார் 150; விண்ணப்பங்கள் வட்டாட்சியாரிடம் வழங்கப்பட்டன. அவ்வாறு வழங்;கப்பட்ட விண்ணப்பங்கள் ஒரு வருடம் கடந்த பின்பும் என்னவென்றே தெரியாமல் நிலுவையில் உள்ளது, ஆகவே. வரும் 03,12,2013 அன்று பாதிக்கப்பட்ட மாற்றுத்திறனாளிகளை வைத்து பட்டுக்கோட்டை தாலுக்கா அலுவலகத்தில் உதவி கிடைக்கும் வரை மாபெரும் காத்திருப்பு பேராட்டம் நடைபெற உள்ளது,,

ஆகவே. அனைத்து மாற்றுத்திறனாளிள். பாதுகாவலர்கள் மற்றும் மாற்றுத்திறனாளிகளின் நலன் விரும்பிகள் அனைவரும் கலந்து கொண்டு பயன் பெறுமாறு அன்புடன் கேட்டுக்கொள்கிறேhம்,

குறிப்பு: உதவித் தொகைக்கு விண்ணப்பிக்க வருபவர்;கள் மாற்றுத் திறனாளிக்கான அடையான அட்டை நகல். குடும்ப அட்டை நகல். பாஸ்போட் அளவு புகைப்படம் 2 எடுத்து வரவும்,

அதிரையில்   தொடர்புக்கு      9865939831

     எ,முகம்மது ராவுத்தர் 9842585483


                                                                                                                                                                                                                                          இப்படிக்கு.

நிர்வாகிகள்
தமிழ்நாடு அனைத்து வகை மாற்றுத்திறனாளிகள்
மற்றும் பாதுகாப்போர் உhpமைகளுக்கான சங்கம்
பட்டுக்கோட்டை ஒன்றியம். மற்றும் அதிராம்பட்டினம் நகரம்,

டிக்கெட் கணினி முன் பதிவு இல்லாமல் திணறும் பொதுமக்கள்

அதிராம்பட்டிணம் முத்துபேட்டை வழியாக சென்று கொண்டு இருந்த இரயில் 10 வருடங்களாக நிறுத்தப்பட்ட நிலையில் பெரும்பான்மையான நமதூர் பொதுமக்கள் சென்னை செல்வதற்குமன்னார்குடி,தஞ்சையிலிருந்து ரயில்கள் மூலம் சென்று வருகிறார்கள்.டிக்கெட் எடுப்பதர்க்கு  நேரடியாக செல்லாமல் பட்டுக்கோட்டை ரயில் நிலையத்தில் கணினி மூலம் முன்பதிவு செய்து வந்தனர்.சென்ற வாரம் இந்த முன்பதிவு மையத்தை மூடி உள்ளனர்.இதனால் அதிரை மற்றும் சுற்று வட்டரா பகுதி பொதுமக்கள், வியாபாரிகள் உள்ளிட்ட ரயில்பயணிகள் பாதிக்கப்பட்டுள்ளனர். மூடப்பட்ட கணினி முன்பதிவு மையத்தின் முன்பக்கத்தில் அந்த மைய அலுவலர் விடுமுறையில் சென்றுள்ளதாக அறிவிப்பு ஒட்டப்பட்டுள்ளது. இது பொதுமக்களையும், ரயில்பயணிக ளையும் ஏமாற்றும் செயலாகும் என்று குற்றச் சாட்டு எழுந்துள்ளது. இந்த கணினி முன்பதிவு மையம் திங்கள் முதல் வெள்ளிக்கிழமை வரை காலை 8 மணி முதல் மதியம் 1 மணி வரையிலும், சனி க்கிழமை காலை 8 மணி முதல் நண் பகல் 12 மணி வரையிலும் செயல் பட்டு வந்தது. ஞாயிறன்று செயல்படாது. இந்த முன்பதிவு மையத்தில் தினமும் 40 முதல் 50 பேர் வரை வந்து முன்பதிவு செய்து பயனடைந்து வந்தனர். தினசரி ரூ.35 ஆயிரம் முதல் ரூ.40 ஆயிரம் வரை முன்பதிவு கட்டணமாக வசூலாவதாக  கூறப்படுகிறது.

அதிரை  ரயில்  நிலையத்தில் டிக்கெட் முன்பதிவு தொடர்பான அணைத்து சாதனங்களும் இருந்தும் இன்னும் முன்பதிவு மையம் திறக்காமல் இருக்கிறது. 

அதிரை த.மு.மு.க நிர்வாகிகள் மற்றும் உறுப்பினர்கள் கூட்டம்!

அதிரையில் நேற்று 29-11-13  மாலை 6.30 மணியளவில் த.மு.மு.க அதிரை நகர அலுவலக வளாகத்தில் த.மு.மு.க வின் தஞ்சை தெற்கு மாவட்டச் செயலாளர் அஹமது ஹாஜா, நகரத் தலைவர் சாதிக் பாட்சா, நகர செயலாளர் தமீம் அன்சாரி, நகர பொருளாளர் செய்யது முகம்மது புகாரி, அல்அய்ன் மண்டல செயலாளர் அப்துல் ரஹ்மான், மாவட்ட வர்த்தக அணி செயலாளர் சாகுல் ஹமீது, ம.ம.க நகர செயலாளர் ஹாலித் ஆகியோர் முன்னிலையில் செயல்வீரர்கள் கூட்டம் நடைபெற்றது.

இதில்

1. தமிழ்நாடு முஸ்லிம் முன்னேற்றக் கழகம் சார்பில் பாப்ரி மஸ்ஜித் இடிப்பு வழக்கை விரைந்து முடித்து தீர்ப்பை வழங்க வேண்டும்.

2. பாப்ரி மஸ்ஜித் இடிப்பு வழக்கில் குற்றம் சாட்டப்பட்டுள்ள குற்றவாளிகள் மீது நடவடிக்கை எடுக்க வேண்டும்.

3. பாப்ரி மஸ்ஜித் நிலத்தை முஸ்லிம்களிடம் ஒப்படைக்க வேண்டும்.

ஆகிய கோரிக்கைகளை வலியுறுத்தி த.மு.மு.க தஞ்சை தெற்கு மாவட்டம் சார்பாக எதிர்வரும் ( 06-12-2013 ) அன்று மாலை 4 மணியளவில் தஞ்சை பழைய பேருந்து நிலையம் அருகில் நடைபெற உள்ள மக்கள் திரள் ஆர்ப்பாட்டத்தில் நகர கிளை சார்பாக பெறும் திரளாக சென்று கலந்துகொள்வது.

மக்கள் திரள் ஆர்ப்பாட்டத்தின் அவசியம் குறித்து த.மு.மு.க தலைமை கழக பேச்சாளார் திண்ணை பாருக் அவர்கள் மூலம் நடத்த இருக்கிற தெருமுனை பிரச்சாரத்தை நகரில் உள்ள சுமார் 7 முக்கிய பகுதிகளில் எதிர்வரும் (02-12-2013 )அன்று காலை 9 மணி முதல் இரவு 8.30 மணி வரை நடத்துவது.

உள்ளிட்ட தீர்மானங்கள் இக்கூட்டத்தில் நிறைவேற்றப்பட்டன.

இக்கூட்டத்தில் தரகர் தெரு கிளைத்தலைவர் அஹமது யாசின், நெசவுத்தெரு கிளைத்தலைவர் சகாபுதீன், மேலத்தெரு கிளைத்தலைவர் நியாஸ், பிலால் நகர் கிளைத்தலைவர் இப்ராஹிம்ஷா ஆகியோர் தலைமையில் அந்தந்த கிளை நிர்வாகிகளும், த.மு.மு.க / ம.ம.க வின் இதர நகர நிர்வாகிகள், உறுப்பினர்கள் ஆகியோர் கலந்துகொண்டனர்.

இறுதியில் நன்றியுரையை ஒன்றிய செயலாளர் சாந்தா சாகுல் ஹமீது நிகழ்த்தினார்.

வெளிநாட்டில் வேலை வாய்ப்பு!

மஸ்கட் மற்றும் சவூதி அரேபியாவில் வேலை வாய்ப்பு

தகவல் : சாகுல் ஹமீது

குறிப்பு: இது ஓர் இலவச விளம்பரம் மற்றும் வேலைவாய்ப்பு தகவல் உதவி. லாப நஷ்டங்களுக்கு அதிரை எக்ஸ்பிரஸ் குழு எவ்வகையிலும் பொறுப்பல்ல.

உணவின் வீண் விரயம்!!


அல்லாஹ் மனிதனுக்குப் பொருள் வளத்தை அதிகப்படுத்த, அதிகப்படுத்த மனிதன் தன்னுடைய சுகபோகத்திற்காக, சுயநலனிற்காக தனக்குப் பொருள் வளத்தை வழங்கிய அல்லாஹ்வை மறந்து அதை வீண் விரயம் செய்து ஷைத்தானின் தோழனாகி விடுகின்றான்.

வீண் விரையம் செய்யாதீர்கள்! வீண் விரையம் செய்வோரை அவன் (அல்லாஹ்) நேசிக்க மாட்டான். (திருக்குர்ஆன் 6:141.)

இறைவனால் உலகில் படைக்கப்பட்ட அனைத்து உயிரினங்களுக்கும் அவைகளின் உடல் அமைப்பிற்கு ஏற்றவாறும், அவைகளின் மனம் ஒப்புமாறும் உண்டு வாழ்வதற்குத் தேவையான உணவு வகைகளை தாவரங்கள், கால்நடைப் பிராணிகள் மூலம் இறைவனே ஏற்படுத்திக் கொடுத்தான்.

இன்று நாம் அன்றாடம் பார்க்கின்றோம் எதை உண்ணுவது, எதை பருகுவது என்று கூட தெரியாமல் சேற்றிலும், செதும்பிலும் வாழும் பிராணிகளைப் போன்று மனிதனும் உணவுகளை சாப்பிடத் துவங்கி விட்டான். நல்ல உணவா, கெட்ட உணவா, ஆகுமா, ஆகாதா? என்று கூட பார்க்காமல் அவன் பருகும் நிலை சில நேரங்களில் பார்ப்போரை முகம் சுளிக்கும் நிலைமைக்குக் கூடத் தள்ளி விடுகிறது. 

எதை உண்ணுவது என்றுக் கூட முடிவெடுக்க முடியாத அளவுக்கு பல வகை உணவுகளை பணக்கார வீடுகளில் தயார் செய்து அளவுக்கு மீறிப் பறிமாறுவதும் அதனால் உண்ண முடியாமல் மீதம் வைப்பதை குப்பையில் கொட்டுவதும் அவர்களது அன்றாட வழக்கமாகி விட்டது.

வீண் விரையம் என்பது நாம் பயன்படுத்தும் உணவினை யதார்த்தமாக மிஞ்சுவது என்பது வெறு

வேண்டுமென்றே வெரைட்டிகளை அதிகப்படுத்தி உண்ண முடியாமல் கொட்டுவது என்பது வேறு.

இதில் இரண்டாவது நிலையே இன்று வசதி படைத்தவர்களின் வீடுகளில் அதிகபட்சம் நடந்து வருகிறது. சமைக்கும் பொழுதே பக்கத்து வீட்டுக்காரர்களுக்கும் (முஸ்லீமாக இருந்தாலும், முஸ்லீமல்லாதோராக இருந்தாலும்) சிறிதை சேர்த்து சமைக்கச் சொல்கிறது ஈகை குணத்தை வலியுருத்தும் இஸ்லாம்.

அபூதர்ரே ! நீர் குழம்பு சமைத்தால் அதில் சிறிது தண்ணீரை அதிகப்படுத்திக் கொள்வீராக ! அதன் மூலம் உமது அண்டை வீட்டாரை கவனிப்பீராக ! என்று கருணை நபி(ஸல்) அவர்கள் உபதேசம் செய்தார்கள். 
(ஆதாரம் : முஸ்லிம்)

அப்துல்லாஹ் இப்னு அம்ரு (ரலி) அவர்களின் வீட்டில் ஒரு ஆடு அறுக்கப்பட்ட பொழுது இதிலிருந்து பக்கத்து வீட்டு யூத குடும்பத்திற்கும் கொடுத்தீர்களா ? என்று கேட்டு விட்டு அண்டை வீட்டாரை எனது வாரிசாக்கி விடுவாரோ என்று எண்ணும் அளவுக்கு ஜிப்ரீல் என்னிடம் வலியுறுத்திக் கொண்டிருந்தார் என்று நபி (ஸல்)அவர்கள் கூற நான் கேட்டேன் என்று அப்துல்லாஹ் இப்னு அம்ரு (ரலி) அவர்கள் அவர்களது வீட்டாரிடம் கூறினார்கள்.
 (ஆதார நூல்: திர்மிதி)

வலீமா விருந்துகளில் கெட்ட விருந்து பணக்காரர்கள் அழைக்கப்பட்டு ஏழைகள் புறக்கனிக்கப்படும் விருந்தாகும் என்று பெருமானார்(ஸல்) அவரகள் கூறியதாக அபூஹூரைi(ரலி) அவர்கள் அறிவிக்கிறார்கள். (புகாரி-முஸ்லீம்)

மனிதக்குலம் உணவின்றி வாடும் நிலையினைத் தவிர்க்க, பின்வரும் வழிகளைப் பின்பற்றலாம்:

வறண்டவலையப் பிரதேசங்களில் தரிசாகக் கிடக்கும் நிலங்களைப் புதிதாக விவசாயத்துக்கென ஆக்கிரமிக்காது இருத்தல்.

இப்போது குறைந்த அளவிலான உற்பத்தியினை அளிக்கும் பகுதிகளை மேம்படுத்தி அதிக உற்பத்தியினை ஏற்படுத்துதல்.

நீர் மற்றும் உரம் இவை இரண்டினையும் உரிய வகையில் பயன்படுத்தும் வழிகளைக் கண்டறிதல்.

இறைச்சி உண்பவர்கள் அதன் அளவினைக் குறைத்துக் கொண்டு, அதற்கான மாற்று வழிகளைப் பின்பற்றுதல்.

உணவு உற்பத்தியின் போதும், அதனைப் பின்னர் பகிர்ந்தளிக்கும் போதும் ஏற்படும் இழப்புகளை மட்டுப்படுத்தும் வழிகளை உருவாக்குதல்.

இதில் முதலாவதாகக் குறிப்பிடப்பட்டிருக்கும், புதிய விளைநிலங்களை உருவாக்காது தவிர்ப்பதன் மூலம் உயிர்ப்பன்மைத்துவ அழிப்பும் அதன் விளைவாய் ஏற்படும் கரிம வாயுவின் அதிகரிப்பும் தடுக்கப்படும்.

உணவுப் பற்றாக்குறையைப் போக்குவதற்கான தீர்வுகள் அனைத்தையும் உரிய வகையில் செயல்படுத்துவதன் மூலம், 2050 ல் ஏற்படப் போகும் உணவுத் தேவையினை நாம் துணிவுடன் எதிர்கொள்ள முடியும் என்கின்றனர் ஜோநாதனது தலைமையில் செயல்படும் ஆய்வாளர்கள்.

உலகின் மூலை முடுக்குகளில் விளையும் சொற்ப அளவிலான உணவினையும்கூட, மற்றொரு கோடியில் அதற்கான் தேவையுடன் காத்திருக்கும் மற்றையவர்களுக்குத் தெரிவிக்கவும், அதனை அவர்களிடம் சேர்ப்பிக்கும் வசதிகளை ஏற்படுத்தவும் இன்றைய கணினிமய உலகில் சாத்தியமே. எதிர்வரும் சந்ததியினர் புத்திசாலித்தனதுடன் செயல்படின், 2050 ல் இன்றிருக்கும் உணவுப் பற்றாக்குறைகூட இல்லாத நிலையினை ஏற்படுத்திட இயலும்.

தகவல்:  அதிரை தென்றல் (Irfan Cmp)

அதிரையில் இந்திய ரயில்வே துறையின் 150-வது ஆண்டு விழா கொண்டாட்டம்-ப சிதம்பரம்,ரயில்வே துறை அமைச்சர் மல்லிகார்ஜுன் கார்கே ஆகியோர் பங்கேற்ப்பு

சென்னையில் 28-11-13 அன்று மாலை 5 மணிக்கு அதிராம்பட்டினம் ரூரல் டெவலப்மெண்ட் அசோசியேசன் தலைவரும் ,சென்னை  வாழ் அதிராம்பட்டினம் நல் -வாழ்வு பேரவையின் கவ்ரவ தலைவருமான ஜனாப் AM இக்பால் ஹாஜியார்,ஜனாப் AJ அப்துல் ரெஜாக் ஹாஜியார் வக்கீல்,ஜனாப் MS தாஜுதீன் ஹாஜியார் ,ஜனாப் MS சிஹாபுதீன் ஹாஜியார் ஆகியோரின் முன்னிலையில் நமதூர் அதிராம்பட்டிணத்தில் வரும் 2014 ஆம் ஆண்டு ஜனவரி மாதத்தில் இந்திய இரயில்வே 150 ஆம் ஆண்டு விழா  கொண்டாட ஒரு மனதாக தீர்மானிக்கப்பட்டது இந்நிகழ்ச்சியில் நமது இந்திய நிதி அமைச்சர் மாண்பு மிகு திரு.ப சிதம்பரம்,மற்றும்  இந்திய இரயில்வே  துறை அமைச்சர் மாண்பு மிகு மல்லிகார்ஜுன் கார்கே ஆகியோர் இவ் விழாவிற்கு சிறப்பு  அழைப்பாளராக அழைத்து சிறப்பான முறையில் விழாவை நடத்த முடிவு செயப்பட்டு இருக்கிறது.இதில் பொதுமக்களாகிய நீங்கள் வருகை தருமாறு அன்புடன் கேட்டு கொள்கிறோம்.

இங்ஙனம் 
ஜனாப்.AJ இக்பால் ஹாஜியார் 
அதிராம்பட்டினம் ரூரல் டெவலப்மெண்ட் அசோசியேசன் 

Friday, November 29, 2013

அதிரையில் ஆதார் அடையாள அட்டை விநியோகம்

இந்திய அரசால் ஆதார் அடையாள அட்டை கட்டாயம் ஆக்கப்பட்டு நாடு முழுவதும் ஆதார் அடையாள அட்டை எடுக்கும் பணி பெரும்பான்மையாக நிறைவு பெற்று தற்போது ஆதார் அடையாள அட்டை வழங்கும் பணி நடைபெற்று வருகிறது. இதன் அடிப்படையில் நமதூரிலும் ஆதார் அடையாள அட்டை வழங்கும் பணி நடைபெற்று வருகிறது.இதனை அதிரை தபால் நிலையம் மூலம் உரியவர்களிடம் நேரடியாக விநியோகம்  செய்யப்பட்டு வருகிறது.மேலும் ஆதார் அட்டை  பதிந்தும் கிடைக்க பெறாதவர்கள் அதிரை தபால் நிலையத்தை நேரடியாக தொடர்புகொண்டு கொள்ளவும்.  

அம்மா - கவிதையும் பாடலும் (காணொளி)

எழுத்தாளர் - கவிஞர் நபிதாஸ் அவர்கள் சமீபத்தில் சமூக விழிப்புணர்வு பக்கங்கள் தளத்தில் எழுதிய 'அம்மா' என்ற கவிதைக்கு,

'அதிரை ஜாபர்' அவர்களின் குரலில் ஒலிக்கும் பாடல்

காணொளி


உன்னையே உருக்கி அம்மா
.....உலகிலே விட்டாய் எம்மை
தன்னிலே வரைந்த என்னை
.....தரணியில் தந்தாய்த் தன்னாய்.
சின்னதா ! செய்தேன் தப்பு
.....சிறிதென நடித்தாய்த் தப்ப
என்னையே கண்டாய்க் கனவு
.....என்றுமே நான்உன் நினைவு.

வனப்புகள் செய்தே நாளும்
.....வசதிகள் தந்தாள் கேளும்
சினத்தினால் உண்ணாக் கோபம்
.....சிணுங்கிதான் நிற்பாள் பாவம்.
மனதினில் பரிவைக் கோர்பாள்
.....மதியுடன் பசியைத் தீர்பாள்
தனக்கென வாழாத் தானம்
.....தந்ததில் வாழ்தேன் நானும்.

பிறப்புகள் எதுவும் உண்டா
.....பிறவியில் காண்ப துண்டா
பிறந்ததும் எனக்குத் தானோ !
.....பிறவியோ உனக்கு வீனோ ?
துறவறம் கொள்வார் பின்னால்
.....துறவியாய் வாழ்வாள் என்னால்
திறம்பட எதுவும் தந்தும்
.....தீர்த்திட முடியாப் பந்தம்.

என்முகம் சோகம் ஏற்காய்
.....இன்னலை அழித்தே தீர்பாய்
உன்முகம் என்னைத் தேடும்
.....உறங்கிட தாலாட்(டு) பாடும்.
அன்னையின் பாதம் நிற்கும்
.....அதன்கீழே மகனின் சொர்க்கம்
சொன்னவர் உலகின் கோமான்
.....சொல்வழி நடந்தால் சீமான்

கண்டதும் அதிகம் என்னை
.....கனவிலும் இழந்தாய் உன்னை
மண்ணிலே எதுவும் இல்லை
.....மனதிலும் நானே தொல்லை
ஆண்டவன் படைப்பில் காண்போம்
.....அதினிலே பொறுமை என்போம்
அண்ணலார் சொன்னார் நன்றே
..... அன்னையும் சிறப்பு என்றே !

நபிதாஸ்

நன்றி : http://nijampage.blogspot.com
                http://theadirainews.blogspot.com/

குவைத் தமிழ் இஸ்லாமியச் சங்க நிர்வாகிகள் தாயகம் வருகை!

அஸ்ஸலாமு அலைக்கும் வரஹ்....

குவைத், K-Tic சங்கத்தின் துணைத்தலைவர் அதிரை மவ்லவீ ஹாஃபிழ் M. முஹம்மது நிஜாமுத்தீன் பாகவீ அவர்கள் தாயகம் வந்துள்ளார்கள். மேலும் இன்ஷா அல்லாஹ் எதிர்வரும் வெள்ளிக்கிழமை (29/11/2013)  பொதுச் செயலாளர் பரங்கிப்பேட்டை மவ்லவீ அ.பா. கலீல் அஹ்மத் பாகவீ அவர்கள் விடுமுறையில் தாயகம் வருகின்றார்.

இவ்விருவரும் சுமார் 30 நாட்கள் ஊரில் தங்கியிருப்பார்கள்.

மேலும் இன்ஷா அல்லாஹ்.... எதிர்வரும் டிஸம்பர் மாதம் 21 மற்றும் 22 தேதிகளில் வேலூரில் நடைபெறும் "ஜாமிஆ அல் பாக்கியாத்துஸ் ஸாலிஹாத் அரபிக் கல்லூரி"யின் 150வது நிறைவு விழாவிலும், டிஸம்பர் 28 அன்று திருச்சியில் நடைபெறும் "தமிழ்நாடு மாநில இந்திய யூனியன் முஸ்லிம் லீக் இளம்பிறை" மாநாட்டிலும் கலந்து கொள்ள இருக்கின்றனர்.

குவைத் தமிழ் இஸ்லாமியச் சங்கத்தின் செயற்பாடுகள், சேவைகள், பணிகள் குறித்தும், குவைத் வாழ் தமிழ் மக்களின் முன்னேற்றத்திற்காக இன்னும் எந்த வகையில் நம்முடைய செயற்பாடுகளை அமைத்துக் கொள்ளலாம் என்ற தங்களின் ஆலோசனைகளை நேரிடையாகவோ, அலைபேசி வாயிலாகவோ இவர்களுடன் கலந்துரையாடலாம்.

துணைத்தலைவர் : நிஜாமுத்தீன் பாகவீ
தாயக அலைபேசி எண்:     (+91)  95 97 46 77 22   
குவைத் அலைபேசி எண்: (+965) 609 208 40

பொதுச் செயலாளர் : கலீல் பாகவீ
தாயக அலைபேசி எண்:     (+91)  999 410 65 94 
குவைத் அலைபேசி எண்:  (+965) 666 414 34

எல்லாம் வல்ல அல்லாஹ் நம் அனைவரின் சமுதாயப் பணிகளையும் இறையச்சத்துடனும், மனத் தூய்மையுடன் செய்யக்கூடிய ஆற்றலையும், வாய்ப்புகளையும், நல்லருளையும் அள்ளி வழங்குவானாக! ஆமீன்.

நன்றி!

வஸ்ஸலாம்

தகவல்: மவ்லவீ அ.பா. கலீல் அஹ்மத் பாகவீ

சலாமத் பதிப்பகத்தின் புதிய வெளியீடு!!

பல ஆண்டுகளாக    மண்ணடியில் சலமாத் பதிப்பகம்  என்ற பெயரில் இஸ்லாமிய மற்றும் அனைத்து விதமான மார்க்க நூல்களை வெளியிட்டும் விற்பனை செய்தும் வருகின்றனர்
அதன் வரிசையில்அபுல் ஹசன் அலி நத்வீ  அவர்கள் அரபியில் (கசசுன் நபி)  எழுதிய நூலை  நமதூரை சார்ந்த இளம் மெளலவி  ஒருவர் மொழிபெயர்த்துள்ளார்.

நமதூர் மர்ஹும் அப்துல் கரீம் அவர்களின் பேரனும் முகமது இஸ்மாயில் அவர்களின் புதல்வரும் ஹாபிழ் யூசுப் அவர்களின் மருமகனார் ஷேக் முகம்மது(மழாஹிரி) அவர்கள் சிறுவர் சிறுமியர்களுக்கான நபிமார்கள் வரலாறு என்ற தலைப்பில் மொழிபெயர்த்துள்ளார் .

இந்த புத்தகத்தின் மதிப்புரையை பிரபல வார இதழ்லான குமுதம் வெளியிட்டுள்ளது அதில் ....

சிறுவர் சிறுமியர்கள் இலக்கியத்தின்  வளர்ச்சிக்கு  உதவுவதாகவும் இஸ்லாமிய சிறுவர்கள் மட்டும்மின்றி மற்ற மதத்தின் சிறுவர்களும் படித்து பயன்பெறும் வகையில் அமைந்துள்ளது என குமுதம் எழுதியுள்ளது  குறிப்பிடத்தக்கது .

இது பற்றி  இந் நிறுவனத்தின் உரிமையாளரின் ஒருவரான ஹாபிழ் யூசுப் அவர்கள் கூறும்பொழுது சலாமத் பதிப்பகம் பல்வேறு தலைப்புகளின் கீழ் புத்தகங்களை வெளியிட்டுள்ளது  என்பதை அனைவரும் அறிந்ததே .





கடந்த சில மாதங்களுக்கு முன் எங்களது புதிய புத்தக சோரூமை மன்னடி லிங்கி செட்டி தெருவில் திறந்துள்ளோம் என்பதை தெரிவித்து கொள்வதில் மகிழிச்சியடைவதாகவும் இனி இது போல் ஏராளமான புத்தகங்களை வெளியிட இருப்பதாகவும் நம்மிடம் கூறினார்.



Thursday, November 28, 2013

Flash News : அதிரையருகே முஸ்லீம் பெண்களை மானபங்கபடுத்த முயற்சி !!

முத்துபேட்டை லகூன் தீவை காண இன்று கேரளா சுற்றுலா பயணிகள் சிலர் சென்றுள்ளனர். சுற்றுலாவை முடித்து தங்களது சொந்த ஊருக்கு தம்பிக்கோட்டை வழியாக சென்று கொண்டிருக்கும் பொழுது, வாகனத்தை வழி மறித்த ஒரு சிலர் வாகனத்தில்  உள்ள பெண்களை  ஜன்னல்வழியாக கைகளை விட்டு மானபங்க படுத்த முயன்றுள்ளனர்.

அதிரை காவல் நிலையம் முன்பு கூடிய மக்கள்  

சுதாரித்துகொண்ட வானகத்தின் ஓட்டுனர் வாகனத்தை வேகமாக ஓட்டி  பாதிக்கப் பட்டவர்கள் அதிராம்பட்டினம் காவல் நிலையத்தில் புகாரளித்துள்ளனர். அவர்கள் அளித்த  புகாரின் பேரில் அதிரை காவல்துறை ஆய்வாளர் ரவிசந்திரன் தலைமையில் சம்பவம்  நடந்த இடத்திற்கு விரைந்து சென்று  சம்பந்த பட்ட குற்றவாளிகளை தேடி வருகின்றனர். 



அதிரை சகோதரிக்கு மருத்துவ உதவி

அதிரை TNTJ சார்பில் புதுமனைத்தெருவை சேர்ந்த சகோதரிக்கு தன் பிள்ளையின் மருத்துவ செலவுக்காக குர்பாணி தோல் விற்ற பணத்தில் இருந்து ரூ5000 வழங்கப்பட்டது.

அதிரையில் ஆற்று நீர் வடிகால் அமைக்கும் பணி துவக்கம்

அதிரையில் மூன்று குளங்களான செக்கடி குளம்,ஆலடி குளம் ,மனப்பாங்குளம்,போன்ற குளங்களுக்கு ஆற்று நீர் செல்லும் பகுதியான சி எம் பி லைன் பகுதியில் வடிகாலை 2013-2014 ஆம் ஆண்டு குடிநீர் வடிகால் திட்டத்தின் கீழ் அதிரை பேருராட்சி சார்பாக சிமெண்ட் வடிகால் அமைக்கும் பணி நடைபெற இருக்கிறது.இதன் முதல் பகுதியாக பொக்லைன் இயந்திரம் முலம் வடிகாலை சீர் செய்யும் பணி நடைபெற்று கொண்டு இருக்கிறது.இந்த சிமெண்ட் வடிகால் இஜாபா பள்ளி பின் புறம் துவங்கி வண்டிப்பேட்டை வரை அமைகைப்படுகிறது.  



--ரிஜ்வான் 

கண்ணீரில் அதிரை விவசாயிகள்-தி இந்து ரிப்போர்ட்

அதிரை சுற்று வட்டார  பகுதி பெருபான்மையாக விவசாய நிலங்கள் அதிகளவில் இருகின்றனர் இது தொடர்பாக தி இந்து தமிழ் நாளிதழ் வெளியிட்ட ஒரு ரிப்போர்ட்  

Wednesday, November 27, 2013

அதிரை TNTJ கிளை சார்பாக வழங்கிய வாழ்வாதார உதவி

அதிரை TNTJ கிளையின் சார்பாக மேலத்தெருவை சேர்ந்த  சகோதரருக்கு வாழ்வாதார உதவியாக ரூபாய் 6000 வழங்கப்பட்டது.

தகவல் :அப்துல் ஜப்பார்

அதிரை சகோதரிக்கு உடனடி இரத்தம் தேவை

சென்னை ராஜீவ் காந்தி மருத்துவ மனையில் அனுமதக்கப்பட்டு இருக்கும் அதிரை சகோதரிக்கு A 1 வகை இரத்தம்  உடனடியாக தேவை. உடனடியாக தொடர்பு கொண்டு உதவிட கேட்டு கொள்கிறோம்

தொடர்புக்கு:9944426360  

பெண்களைச் சுற்றும் மர்ம பெண்கள் - ஒரு உஷார் ரிப்போர்ட்!

அதிரைக்கு அருகாமையில் பட்டுக்கோட்டையில் உள்ள கரிக்காடு என்னும் ஊரில் வசித்து வருபவர் கணபதி. இவர் பணிக்கு சென்ற பிறகு வீட்டில் அவருடைய மனைவி மட்டும் தனியாக இருப்பது வழக்கம். இந்நிலையில் ஒரு அவருடைய மனைவி மட்டும் வீட்டில் தனியாக இருந்துள்ளார். அப்போது இவரது வீட்டின் வெளிக்கதவு தட்டப்பட்டது. யாரது..! என்று கேட்டவாரே நடந்து சென்று கதவைத் திறந்த இவரது மனைவி கண்டது நான்கு பெண்களை.

அவரது மனைவி இந்த பெண்களை கண்டதும் யார் நீங்கள்? என்று கேட்பதற்க்கு முன்னரே அந்த புது பெண்கள் இவரிடம் நல்ல இருக்கீங்களா? பாத்து ரொம்ப நாள் ஆச்சு! ஆளே மாரிட்டீங்க போங்க! புது வீட்டுக்கு வந்தத சொல்லவே இல்ல! (இந்த தம்பதியினர் முன்பு அதிரை சுரைக்கா கொள்ளையில் வசித்து வந்தனர்) என்று பாசமான வார்த்தைகளை பேசி மயக்கினர். இவர்களின் இந்த பேச்சுக்கு பிறகு அந்த வீட்டு பெண்ணும் இவர்களிடம் கேட்க வந்த கேள்வியை மறந்து அந்த பெண்களை, இவர்கள் முன்பு பழக்கமானவர்கள் தாம், நாம் தான் மறந்து விட்டோம் என்று எண்ணி சகஜமாக அந்த பெண்களிடம் உரையாடினார் இந்த வீட்டு பெண்.

சிறிது நேர உரையாடலுக்குப் பிறகு இந்த நான்கு பெண்களில் ஒருவர் மிகவும் தாகமாக உள்ளது தண்ணீர் தாருங்கள் என்று கேட்டுள்ளார். உடனே அவர்களை இருக்க சொல்லிவிட்டு தண்ணீர் எடுக்க சமையல் அறைக்கு சென்றார் அந்த பெண். அந்த பெண்ணுக்கு பின்னால் மெதுவாக சென்ற இந்த நான்கு பெண்களும் சமையலரையில் அந்த வீட்டு பெண்ணை சுற்றி வளைத்தனர். பின் எதோ புரியாத மொழியில் அவர்களுக்குள் சத்தமாக பேசிக்கொண்டனர். இதனை சற்றும் எதிர் பார்க்காத அந்த வீட்டு பெண் அதிர்ச்சி அடைந்தார்.

பின் இவர்களின் நடவடிக்கையை சற்றும் எதிர்பார்த்திடாத அந்த வீட்டு பெண் இவர்களின் மீது சந்தேகம் அடைந்து அலறியடித்துக் கொண்டு வீட்டை விட்டு வெளியே வந்து கூச்சலிட்டார். உடனே அக்கம் பக்கத்தினர் வீட்டருகில் கூடி அந்த பெண்ணிடம் விசரித்ததில் அந்த பெண் நடந்ததை கூறியுள்ளார்.  உடனே தப்பிக்க முயன்ற அந்த பெண்களை பிடித்து பொதுமக்கள் வசமாக அடித்து காவல் துரையிடம் ஒப்படைத்தனர்.

பொதுமக்களிடம் விசாரித்ததில் இந்த பெண்கள் வீட்டில் தனியாக இருக்கும் பெண்களிடம் நல்லவர் போல் பழகி வீட்டை கொள்ளையடித்து செல்லும் கும்பல். இவர்கள் பல பகுதிகளில் தங்கள் கைவரிசையை காட்டிவிட்டு தற்பொழுது அதிரை மற்றும் அதன் சுற்று வட்டாரப் பகுதிகளில் தங்கள் கைவரிசையை காட்டுவதற்க்காக வந்ததாக கூறுகின்றனர்.

எனவே தனியாக வீட்டில் இருக்கும் பெண்களே! நீங்கள் வீட்டில் தனியாக இருக்கும் பொழுது கதவு தட்டப்பட்டால் யார் என்று விசாரித்து கதவை திரந்து விடுங்கள். அந்நிய நபர்களை எக்காரணத்தைக் கொண்டும் வீட்டிற்க்குள் அனுமதிக்காதீர்கள்.

தகவல்:சிராஜ் துபாய் (வாட்ஸ் ஆப்பில் வந்த செய்தி )  

Tuesday, November 26, 2013

அதிரை பேருராட்சி தலைவர் மீது வழக்கு பதிவு

அதிரை பேரூராட்சி தலைவராக இருந்து வருபவர்  S.H. அஸ்லம். பேரூராட்சி அலுவலகத்தில்  பல வருடங்களாக  துப்புரவு தொழிலாளராக பணியாற்றி வருபவர் பன்னீர்.அவர்கள.  தன்னை சாதியின் பெயரை சொல்லி தகாத வார்த்தைகளால் பேருராட்சி தலைவர் திட்டியதாக சொல்லி அவர்  மீது வன் கொடுமை வழக்கு பதிவு செய்ய காவல் நிலையத்தில் புகார் தெருவிக்கப்பட்டு நேற்று பேரூராட்சி தலைவர் மீது  வழக்கு பதிவு செய்யப்பட்டுள்ளது.


இது குறித்து பேருராட்சி தலைவர் அவர்களின் அதிரை மற்றும் சென்னையில் இருக்கும் நண்பர்களுடன் தொலைபேசியில் தொடர்புகொண்டு பேசிய வகையில்....

நமதூர்  பேரூராட்சி தலைவராக ஹாஜி ஜனாப் அஸ்லம் அவர்கள் தேர்ந்தெடுக்கப்பட்ட பிறகு,அதிரை  சுகாதாரத்தில் மிகப்பெரிய  புரட்சியும் மாற்றமும் ஏற்பட்டது அனைவரும் அறிந்ததே 

சுத்தம் சுகாதாரம் முதன்மையாக கொண்டு   முழு முயற்சியாக  ஈடுபட்டு நமதூர் பேரூர் நிர்வாகத்தை  ஊழலற்ற நிர்வாகமாக தர பேரூராட்சி தலைவர் அஸ்லம் மேற்கொள்ளும் முயற்சிகள்  அனைவரும் அறிந்த ஒன்று 

அதிரை வார்டுகளில் ஏற்படும் பிரச்சினைகளை தீர்க்க இரவு பகல் பார்க்காமல் முன்னின்று ஆர்வமாக செயல்படுவார் .இதனை மறுக்க எவராலும் முடியாது. . இதனை பொறுக்காத சிலர் அவர் மீது அவதூறுகளை சுமத்தியும், வீண் பொய்களை பரப்பியும் வருகின்றனர். இவர் மீது பொய் வழக்கும் நேற்று பதியப்பட்டு இருக்கிறது.

தற்போது அஸ்லம் அவர்கள் மக்கள் சேவையில் இருந்து ஆளும் கட்சி செய்யாத பல நல்ல திட்டங்களை அவர் செய்து வருகிறார். 

அஸ்லம் அவர்களுக்கு  பொது மக்கள் இடையே இருக்கும் நல் பெயர்  மற்றும் இவரின் ஆபார  வளர்ச்சி பொறுக்காத சிலர்  இது போன்று பொய் வழக்குகளும் போட்டு கொண்டு அதிரை மக்களுக்காக செய்ய நினைக்கும் பணியை செய்ய விடாமல் தடுத்து வருகின்றனர். இவ்வாறு கூறினார்கள். 

அதிரை சி எம் பி லைன் பகுதியை கைவிட்ட நெடுஞ்சாலை துறை- ஆதரித்த அதிரை பேருராட்சி

அதிரை எக்ஸ்பிரஸ் தளத்தில் சில நாட்களுக்கு முன்பு சீர் செய்யப்படாத சி.எம்.பி.லேன் சாலை!என்கின்ற தலைப்பில் சி எம் பி லைன் பகுதியில் சாலைகள் குண்டும் குழியுமாக இருப்பதை நாம் பதிவாக வெளியிட்டுஇருந்தோம்.மேலும் நமது செய்தியாளர் ரிஜ்வான்  இதனை அதிரை பேரூர் நிர்வாக கவனத்திற்கும் கொண்டு சென்றார்.நெடுஞ்சாலை துறை இந்த பகுதியை சீர் செய்ய எந்த ஒரு முயற்சியும் எடுக்கப்படாத நிலையில்  அதிரை பேருராட்சி நம் பொது மக்களை கவனத்தில் கொண்டு பேருராட்சி நிர்வாக செலவில் சாலைகளை சீர்ப்  படுத்தி வருகிறது.மேலும் சி எம் பி லைன் சாலைகள்,கடை தெரு சாலைகள் நெடுஞ்சாலை துறைக்கு உட்பட்டது எனபது குறிப்பிடதக்கது.





அதிரை பேருராட்சி தலைவர் அவர்களின் பேஸ் புக் பற்றிய விளக்க காணொளி

அதிரை பேருராட்சி தலைவர் அவர்களின் பேஸ் புக் அறிமுக காணொளி 

Monday, November 25, 2013

திருந்துவார்களா பொதுமக்கள்?

அதிரை இணைய தளங்களில் பெரும் அளவில் வருகின்ற பதிவுகள் குப்பைகள் சம்பந்தமாகவே வரும் அதிரை பேருராட்சி கவனத்திற்கு,அதிரை பேரூர் நிர்வாகம் குப்பைகளை அல்லுமா?என பல் வேறு பதிவுகள் வரும்,வருகின்றது .எல்லாவற்றிக்கும் பேரூர் நிர்வாகத்தை குறை சொல்வது ஒரு பக்கம் இருக்கட்டும்.பொதுமக்களை என்ன சொல்வது ? 



நம்முடைய வாசகர் ஒருவர்  இந்த புகைப்படங்களை தந்து ஒரு சில பொது மக்கள் செய்யும் காரியங்களையும் சொல்லி மன வருத்ததுடன் சென்றார் நீங்கள் பார்க்கும் இந்த இடம் வாய்கால் தெரு பகுதி .இதில் இரண்டு நாட்களுக்கு முன்பு பேருராட்சி ஊழியர்கள் குப்பைகளை சுத்தம் செய்து விட்டு சென்று விட்டனர்.அங்கு ஒரு சில நிமிடங்களில் ஒருவர் அவர்களது வீட்டில் வெட்டப்பட்ட மரங்களை இங்கே போட்டு விட்டு சென்று உள்ளனர்.பொதுவாகவே அதிரை பேரூர் நிர்வாக ஆணைப்படி வீட்டில் வெட்டப்படும் மரங்களை குப்பை கொட்டும் இடங்களில் போட கூடாது.இதனை மீறியும் பொது மக்கள் இது போன்று செய்கிறார்கள்.  

மற்றவர்களை குறை சொல்வதை நிறுத்தி விட்டு  தாம் செய்யும் சிறு சிறு தவறுகளை உணர வேண்டும்.இது போன்று செய்வதால் நம்முடைய சுகாதாரத்திற்கு  தீங்கு என்பதை பொதுமக்கள் நினைக்க வேண்டும். 




அதிரை தமுமுகவின் மற்றொரு புதிய கிளை துவக்கம்

அதிரை த.மு.மு.க மற்றும் ம.ம.க வின்   மேலத்தெரு  பகுதியின் த.மு.மு.க, ம.ம.க வின் புதிய கிளை துவக்கப்பட்டு அதற்கு புதிய நிர்வாகிகள் தேர்ந்தெடுக்கப்பட்டனர்.  மேலத்தெரு  புதிய நிர்வாகிகள் தேர்ந்தெடுக்கும் நிகழ்ச்சி 23-11-13 அன்று அதிரை தமுமுக,மமக  நகர தலைவர் சாதிக் பாட்ஷா அவர்கள் தலைமையில் அவர்களது இல்லத்தில் நடைபெற்றது. புதிய நிர்வாகிகள் விபரம் பின்வருமாறு...

தலைவர் : J.முகம்மது நியாஸ் ( த.மு.மு.க / ம.ம.க )
செயலாளர் : M.அசாருதீன் ( த.மு.மு.க )
பொருளாளர் : இம்ரான்கான் ( த.மு.மு.க / ம.ம.க )
பொருளாளர் : J.ஹாஜா அலாவுதீன் (மமக) 
துணைத்தலைவர் :S.ரியாஸ் அகமது ( த.மு.மு.க / ம.ம.க )
துணைச்செயலாளர் : S.அப்துல் வாஹிது ( த.மு.மு.க )
செயலாளர் :A.பரோஸ் கான் ( ம.ம.க )
துணைச்செயலாளர் :B.ஹாஜா சரீப் ( ம.ம.க )
மாணவர் அணி : B.ஹாஜா முகைதீன் ( த.மு.மு.க / ம.ம.க )
தொண்டர் அணி :M.அப்துல் ரஹ்மான் ( த.மு.மு.க / ம.ம.க )

இந்நிகழ்ச்சியில் த.மு.மு.க மற்றும் ம.ம.க நிர்வாகிகள், உறுப்பினர்கள் என பலரும் கலந்துகொண்டனர்.


என்று தணியும் இந்த தாகம்..

செட்டியான் குளம் தூர் வாரப்படுகிறது, நன்னீர் குளமாக மாற இருக்கிறது என்ற பல செய்திகள் அறியும்போது மனம் குளிர்கிறது ஆனால்.....இந்த குளத்திற்கு தண்ணீர் கொண்டு வருவது எப்படி சாத்தியம்?

  •  மழைநீர் இதுவரை போதிய மழை பெறப்படவில்லை (அல்லாஹ் நாடினால்) பெய்யலாம்.

  • ஆற்றுநீர்... தஞ்சை தொடங்கி பட்டுக்கோட்டை தாலுக்கா முழுதும் கடந்த பல (4 1/2) மாதங்களாக கரைபுரண்டு ஓடி நம் ஊரைத் தவிர எல்லா ஊர்களிலும் விவசாயமும் நடந்து குளம் குட்டைகள், ஏரிகள் நிரம்பி வழிகிறது. மீதமுள்ள ஆற்றுநீர் ராஜாமடம் வழியாக கடலில் கலக்கிறது! ஊரில் ஆயிரம் சங்கம் இருந்தும் வீணாகும் ஆற்றுநீரை ஊருக்குள் திருப்ப முயலவில்லை! அருகில் உள்ள செல்லிகுறிச்சி ஏரியும் வறண்டு நீரற்று காண முடிகிறது, இந்த ஏரி நிறைந்தால் நம் ஊர் போர் கிணறுகளில் நிலத்தடி நீர்வளம்  கிடைக்கும் என்பது மறுக்க முடியாத உண்மை. ஆறுநீர் எங்கோ வழி மறிக்கபடுகிறது. கடைமடை காய்ந்து கடக்கிறது. உபரியாக 26 டி.எம்.சி காவிரிநீர் சில மாதங்கள் திறக்க இருக்கிறார்கள், குறைந்தது 3-4 நாட்களுக்கு மட்டுமே ஆற்று நீரை கேட்டு பெற்றால் நமதூர் குளம் குட்டை, ஏரிகள் நிரம்பி வழியும். இந்த பூனைக்கு மணிகட்டுவார் யாரோ? எந்த அமைப்போ, சங்கமோ முயன்றால் பலன் கிட்டும். இன்னும் காலம் தாழ்ந்து விடவில்லை.ஒரு தடவையாவது  முறையாக ஆற்றுநீர் பெறப்பட்டால் ஒவ்வொரு வருடம்தோறும் தொடர்ந்து நமக்கு ஆற்று நீர் கிடைக்க சாத்தியகூறுகள் நிச்சயமாக இருக்கிறது   அப்படி இருந்த ஊர்தானே அதிரை.

இதற்கிடையில் நம் அதிரைக்கு பரிசாக கிடைத்த நிலத்தடி நீர்வளம் குறைய காளிகோயில் அருகே நமக்கு பெரிய ஆப்பு அடிக்கப்பட்டு இருக்கிறது, ராட்சஸ போர் கிணறுகள் தோண்டப்பட்டு நீர்வளம் காசாகி  கொண்டு இருக்கிறது. இதே நிலைமை தொடர்ந்தால் நஷ்டவாளி நாம்தான் என்பதை ஏற்கனவே அனுபவ பட்டு விட்டோம்.நம்மவர்கள் இதற்கு என்ன செய்ய போகிறார்கள் என்பது பெரும் கேள்விகுறி.

நம் மக்கள் கோடையை எதிர்கொள்வதற்குள் தீர்க்கப்பட வேண்டிய சீரியசான விஷயம், தீர்க்கப்பட வேண்டும்.

-அன்சாரி

Sunday, November 24, 2013

அதிரையில் தொடரும் விபத்துகள் -எச்சரிக்கை பலகை

நமதூர் மற்றும் சுற்றுவட்டார பகுதிகளில் அதிகளவில் விபத்துகள் நடைபெற்று வருகிறது.இதனை கருத்தில் கொண்டு அதிரை ததஜ கிளை சார்பாக விழிப்புணர்வு ஏற்படுத்தும் விதமாக  'பறக்கும் பைக்குகளில் இறக்கும் இளைஞர்கள் !' என்று தலைப்பில் அதிரையின் பல் வேறு இடங்களில் பிரச்சார விளம்பரங்கள் பலகை வைத்துள்ளனர்.



தகவல் :  அப்துல் ஜப்பார்

அதிரையில் விடாமல் பெய்யும் மழை- மதியம் பள்ளிகளுக்கு விடுமுறை

அதிரையில் நேற்று முதல் மழை பெய்து வரும்  நிலையில் இன்று அதிகாலை 5 மணிக்கு துவங்கிய மழை தொடர்ச்சியாக விடாமல்  மிதமான மழை பெய்து வருகிறது.இதனால் அணைத்து பள்ளிகளுக்கும் மதியம் விடுமுறை அளிக்கப்பட்டுள்ளது.

--ரிஜ்வான் 

காதீர் முகைதீன் பள்ளி தலைமை ஆசிரியரின் பொதுத்தேர்வு தொடர்பான கோரிக்கை மனு

தமிழக முதல்வர் அவர்களின் ஆணைக்கு எற்ப 25-10-2013 அன்று மாநில சிறுபான்மை நல ஆணையர் தலைமையில் தஞ்சாவூர் மாவட்ட ஆட்சியர் முன்னிலையில் நடந்த கூட்டத்தில் அரசு தேர்வுகள் மற்றும் பொது தேர்தல்கள் ஜும்ஆ தினத்தன்று நடத்த வேண்டாம் என நம் காதீர் முகைதீன் ஆண்கள் மேல்நிலைப்பள்ளி தலைமை ஆசிரியர் மற்றும் ஆடுதுறையை சேர்ந்த மகபூப்ஜான் ஆகியோர் சேர்ந்து கோரிக்கை மனு ஒன்றை தஞ்சாவூர் மாவட்ட ஆட்சியர் அவர்களுக்கு கடிதமாக அனுப்பினார்கள். அதன்படி மாநில சிறுபான்மையினர் ஆணையம் இந்த கோரிக்கையை பரிசீனைக்கு எடுத்துக்கொண்டு காதீர் முகைதீன் ஆண்கள் மேல்நிலைப்பள்ளியின் தலைமை ஆசிரியர் மஹபூப் அலி அவர்களுக்கு அனுப்பிய பதில் மனுவை  அனுப்பியுள்ளனர். 


குறிப்பு :நகல் பகுதியில் மஹபூப் அலி என்பதற்கு பதிலாக மஹபூப் ஜான் என குறிப்பிடப்பட்டுள்ளது.

செட்டியான் குளம் சீர் அமைக்கும் பணி மும்முரம் (VIDEO)

அதிரையில் செட்டியான் குளம் தூர்வாரும் பணி மும்முரமாக நடைபெற்று வருகிறது .தற்போது குளம் சுற்றிலும் சுவர் அமைக்கும் பணி நடைபெறுகிறது.

இது குறித்து சம்மந்தப்பட்ட ஒப்பந்தக்காரர்களிடம் கேட்ட போது:செட்டியான் குளம் துர்வாரும் பணி மற்றும் சுவர் அமைக்கும் பணி இன்னும் சில மாதங்களில் முழுமையாக பணி நிறைவு பெற்றுவிடும்.என்று கூறினார்.  
   



Saturday, November 23, 2013

ஊருக்கு ப்ஃரியா பேசலாம் வாங்க....?

அதெப்படிங்க... சொல்லுங்க ப்ளீஸ்ன்னு மனசு சொல்லுதுல...

மொதல்ல உங்க ஸ்மார்ட் போன்   கூகுள் ப்ளே பகுதியில போயி செர்ச்(search)யில LIBON என டைப் செய்து பதிவிறக்கம் செய்து கொள்ளுங்க..

பின்னர் அதில் கேட்கப்பட்டுள்ள தகவல்ககளை பூர்த்தி செய்து.
பின்னர் படத்தில் காட்டப்பட்டுள்ள

கருப்பு பகுதியில் காண்டக்ட் (CONTACTS ) சொடுக்கி உங்க போன் புக்குல உள்ள இந்திய நம்பர்களை இலகுவாக தொடர்புகொள்ளலாம்... 

இது முற்றிலும் இலவசம் . !!

என்ன... இனிமே  வீட்டு காரங்களுக்கு தொல்லைதான் போங்க...

அதிரையில் மாடு உரிமையாளர்கள் வாக்கு வாதம் -பறிமுதல் செய்யப்பட்ட மாடுகள் விடுவிப்பு

அதிரையில் ஒரு சில நாட்களுக்கு முன்பு அதிரை பேரூர் நிர்வாகத்தின் சார்பில் கால்நடை உரிமையாளர்களுக்கு ஒரு அறிவிப்பு செய்யப்பட்டு இருந்தது.
அதில் தமிழகத்தில் கால்நடைகளுக்கு கோமாரி  என்னும் உயிர் கொல்லி நோய் பரவி வருவதாகவும் அதன்படி கால்நடை உரிமையாளர்கள் அவர்களது ஆடு மாடுகளை தெருக்களில் விடாமல் அவர்களது கட்டுப்பாட்டில் வைக்கும் மாறும் .மேலும் 21 ஆம் தேதி முதல் கால்நடைகளை வெளியில் விடாமல் இருக்குமாறு பேரூர் மன்றம் சார்பாக அறிவுறுத்தப்பட்டது.இதனை தவறும் பட்சத்தில்  கால்நடைகளை பேரூர் நிர்வாகம் பறிமுதல் செய்து பொது ஏலம் விடப்படும் என்று எச்சரிக்கை விடப்பட்டது.
அதன படி நேற்று தெருக்களில் சுற்றி திரியும் மாடுகளை அதிரை பேரூர் நிர்வாகம் சார்பில் 10 பேர் கொண்ட குழு அமைத்து மாடுகளை பிடித்து அதிரை பேருராட்சி வளாகத்தில் கட்டப்பட்டு இருந்தது.இதனை அறிந்த மாடு உரிமையாளர்கள் பேருராட்சி ஊழியர்களிடம்  வாக்கு வாதத்தில் ஈடுபட்டு  மாடுகளை முன் அனுமதியின்றி கொண்டு சென்று உள்ளனர்.இதனால் பேருராட்சி வளாகம் பெரும் பரப்பரப்பாக காணப்பட்டது.


வந்தாச்சு அரையாண்டு தேர்வு

தமிகத்தில் +2,மற்றும் பத்தாம் வகுப்பு பள்ளி மாணவ/ மாணவிகளுக்கு  அரையாண்டு தேர்வு, டிசம்பர், 10ம் தேதியில் இருந்தும், 10ம் வகுப்பு தேர்வு, டிசம்பர், 12ம் தேதியில் இருந்தும் துவங்குகின்றன. அதற்கான தேர்வு அட்டவணையை தேர்வுத்துறை அறிவித்துள்ளது.
மாநில அளவில், பொதுத் தேர்வாக, பிளஸ் 2 அரையாண்டு தேர்வு, டிசம்பர், 10ம் தேதியில் இருந்தும், 10ம் வகுப்பு தேர்வு, டிசம்பர், 12ம் தேதியில் இருந்தும் துவங்குகின்றன. மார்ச், ஏப்ரலில் நடக்கும் பொதுத் தேர்வை போலவே, இந்த தேர்வுகளும் நடக்கும்.  

 காலை, 10:00 மணி முதல், 10:10 வரையான 10 நிமிடம், கேள்வித்தாளை படித்துப் பார்க்க வழங்கப்படும். அடுத்த, 5 நிமிடம், விடைத்தாளில் கேட்கப்படும் விவரங்களை பதிவு செய்ய வழங்கப்படும். விடை எழுதுவதற்கான நேரம், 10:15ல் துவங்கும். இந்த 15 நிமிடங்கள், இரு தேர்வுகளுக்கும் பொருந்தும். எனினும், பிளஸ் 2 தேர்வு, மூன்று மணி நேரம் என்பதால், 10:15க்கு துவங்கி, 1:15க்கு முடிவடையும். 10ம் வகுப்பு தேர்வு, 10:15க்கு துவங்கி, 12:45க்கு முடியும். 10ம் வகுப்பு தேர்வை, 11 லட்சம் பேரும், பிளஸ் 2 தேர்வை, 8.5 லட்சம் பேரும் எழுதுவர் என, எதிர்பார்க்கப்படுகிறது.

தகவல்: ஜனாப் நஜ்புதீன் 

அதிரையில் தமுமுக புதிய கிளை துவக்கம்

அதிரை த.மு.மு.க மற்றும் ம.ம.க வின்   தரகர் தெரு பகுதியின் த.மு.மு.க, ம.ம.க வின் புதிய கிளை துவக்கப்பட்டு அதற்கு புதிய நிர்வாகிகள் தேர்ந்தெடுக்கப்பட்டனர்.  தரகர் தெரு புதிய நிர்வாகிகள் தேர்ந்தெடுக்கும் நிகழ்ச்சி நேற்று(22-11-13) அதிரை தமுமுக அலுவலகத்தில் தஞ்சை தெற்கு மாவட்ட தலைவர் அஹமது ஹாஜா மற்றும் அல்-அய்ன் மண்டல செயலாளர் அப்துல் ரஹ்மான் ஆகியோர் முன்னிலையில் நடைபெற்றது. புதிய நிர்வாகிகளின் விபரம் பின் வருமாறு...

தலைவர் : அஹமது யாசின்(த.மு.மு.க / ம.ம.க )
செயலாளர் : யாசிர் அஹமது ( த.மு.மு.க  )
செயலாளர் : பிலால் அஹமது (ம.ம.க )
பொருளாளர் : இம்ரான்கான் (த.மு.மு.க / ம.ம.க)
துணைத்தலைவர் : முஹம்மது இம்ரான் ( த.மு.மு.க / ம.ம.க )
துணைச்செயலாளர் : ரசூல் (த.மு.மு.க)
துணைச்செயலாளர் : தெஹ்லான் (ம.ம.க )

இந்நிகழ்ச்சியில் த.மு.மு.க மற்றும் ம.ம.க நிர்வாகிகள், உறுப்பினர்கள் என பலரும் கலந்துகொண்டனர்.

அதிரையில் மழை

அதிரையில் இன்று காலை நல்ல மேக மூட்டமாக இருந்து வந்த  நிலையில் இன்று மதியம் 1.00 மணியளவில் நல்ல மழை பெய்து வருகிறது.
--ரிஜ்வான்

அதிரை அன்பு மக்களே, கொஞ்சம் நில்லுங்கள்.


இன்று நம் மக்களிடையே எந்த ஒரு விழிப்புணர்வும் சுத்தமாக அறவே கிடையாது என்றே சொல்லலாம்.

பல சமூக தொண்டு நிறுவனங்கள், பொது நல விரும்பிகள், அரசும் அதனைச் சார்ந்த கட்சிகளும், இன்னும் பிற இயக்கங்களும், நாட்டிற்கும் சமூகத்திற்கும் வீட்டிற்கும் மக்கள் நலனில் அக்கறைக் கொண்டு தொலைகாட்சிகள் மூலமாகவும், செய்தித் தாள்கள் மூலமாகவும், இணையதளங்கள் மூலமாகவும், ஒலி பெருக்கி மூலமாகவும், மூலைக்கு மூலை விழிப்புணர்வு பிரச்சாரம் செய்து வருகின்றனர். அந்த விழிப்புணர்வில் ஒன்றுதான் சுகாரத்தைக் குறித்து விழிப்புணர்வு.

அண்மைக் காலமாக நமதூரில் பலதரப்பட்ட விழிப்புணர்வுகள் பல கோணங்களில் நடந்தாலும், சுகாதாரத்தை வலியுறுத்தி கடுமையான விழிப்புணர்வுகள் நடந்த வண்ணம் இருகின்றன.

அதிரையின் வடமேற்கு பகுதியில் சி.எம்.பி.லைன் உள்ளது, இது 21வது வார்டுக்குள் இருக்கின்றது, 21வது வார்டு முடிகின்ற மேற்கு எல்லையில் ஒரு அகலமான கிணறு ஒன்று இருக்கின்றது, இது அப்பகுதி விவசாயத்திற்காக 1976ல் அன்று பொதுப்பணித் துறையாள் கட்டப்பட்டது.

அன்று விவசாயத் தேவைகளுக்காக உருவாக்கப்பட்ட இந்தக் கிணறு தற்போது நீர் இன்றி வறண்டு கிடப்பதால், இப்பகுதி வாழ் நன் மக்கள் அக்கிணற்றில் பல வருடங்களாக திடப் பொருளான மற்றும் திரவப் பொருளான கழிவுகளை கொண்டுவந்து சேர்த்து வருகின்றனர் என்பது குறிப்பிடத்தக்கது. இதனால் இக்கிணற்றில் விஷ ஜந்துக்கள், விஷ கொசுக்கள், விஷ வாயுக்கள், விஷ காய்ச்சல்கள் போன்றவைகள் உற்பத்தி ஆகிக்கொண்டிருகிறது என்பதும் மிக மிக கவனிக்கப்படவேண்டிய விஷயம்.

இந்தக் கிணறுக்கு மிக அருகில் பச்சிளங் குழந்தைகள் முதல் நடுத்தர வயது குழந்தைகள் வரை பயில்கின்ற ஒரு மெட்ரிக்குலேஷன் பள்ளிக் கூடம் இருக்கின்றது. மேலும் அந்தக் கிணற்றைச் சுற்றி பல குடும்பங்கள் வசித்து வருகின்றனர். மேலும் பல வாடிக்கையாளர்கள் வந்து போகும் V.K.M. STORE என்ற தொழில் ஸ்தாபனமும் இதன் அருகில் இருக்கின்றது என்பது குறிப்பிடத்தக்கது, இப்பகுதி வாகனங்களாலும் மக்கள்களாலும் கால்நடைகளாலும் எந்நேரமும் பரபரப்பாக இருக்கும் இடமாகவும் இருக்கின்றது. இருந்தும் அந்தக் கிணறு எல்லோராலும் பாழாய்ப் போனதே தவிர சுத்தமாக இருக்க பாதுகாக்கப்படவில்லை என்பதுதான் உண்மை.

தற்போது உள்ள நிலையில் இந்த கிணறு மிகவும் பாழடைந்து உள்ளது, துர்நாற்றம் வீசுகின்றது, இருபத்திநான்கு மணிநேரமும் கொசுக்களின் தொல்லைகள் வேறு, பெயர்கள் தெரியாத நோய்கள் உண்டாகி பரவலாம் என்ற அச்சம் வேறு.

ஏற்கனவே இந்த விஷயத்தை சி.எம்.பி. வாய்கால் வரப்பு மற்றும் நிலத்தடி நீர் அதிகாரிகள் கவனத்திற்கு எடுத்து உரைக்கப்பட்டுள்ளது. கூடிய விரையில் நல்லது நடக்கும் என்று எதிர்பார்க்கப்படுகிறது.

கூடிய விரைவில் இதற்க்கு ஒரு தீர்வு கண்டாலே ஒழிய, இல்லையேல் இந்த பாழடைந்த கிணறு இப்பகுதி வாழ் குழந்தைகளையும், குடும்பங்களையும், இப்பகுதியில் வந்து செல்லும் மக்களையும், கால் நடைகளையும் பாழாய் படுத்திவிடும் என்பதில் ஒரு துளிகூட சந்தேகமில்லை என்பது என் கருத்து.

தயவுசெய்து பொதுமக்கள் யாரும் இந்த பாழாய் போன கிணற்றை வந்து உற்று பார்க்க வேண்டாம், அவ்வழியே பள்ளிக்கூடம்  செல்லும் உங்கள் அன்பான குழந்தைகளையும் பத்திரமாக போகச் சொல்லுங்கள்.























இப்படிக்கு.
K.M.A.ஜமால் முஹம்மது,
Consumer & Human Rights.
S/o. K.M. Mohamed Aliyar (Late)