Tuesday, August 23, 2016

ஜவ்வரிசி வடை செய்வதுஎப்படி?


அனைவரது வீட்டிலும்
பலகாரங்களை செய்ய ஆரம்பித்திருப்பீர்கள். இந்த
வித்தியாசமான
ரெசிபியை செய்ய நினைத்தால், ஜவ்வரிசி
வடை செய்யுங்கள். இது செய்வது மிகவும்
சிம்பிள் மற்றும் அனைவரும் விரும்பி
சாப்பிடும் வகையில் இருக்கும்.
சரி, இப்போது அந்த ஜவ்வரிசி வடையை எப்படி
எளிமையான முறையில் செய்வதென்று
பார்ப்போம். அதைப் படித்து செய்து சுவைத்து
எப்படி இருந்தது என்று எங்களுடன் பகிர்ந்து
கொள்ளுங்கள்.
தேவையான பொருட்கள்:
ஜவ்வரிசி - 3/4 கப்
உருளைக்கிழங்கு - 1 (வேக வைத்து,
துண்டுகளாக்கப்பட்டது)
வறுத்த வேர்க்கடலை - 1/4 கப்
பச்சை மிளகாய் - 2 (பொடியாக நறுக்கியது)
இஞ்சி - 1 டீஸ்பூன் (துருவியது)
கொத்தமல்லி - சிறிது
உப்பு - தேவையான அளவு
எண்ணெய் - பொரிப்பதற்கு தேவையான அளவு
அரிசி மாவு - 1 டேபிள் ஸ்பூன்
(விருப்பமிருந்தால்)
செய்முறை:
முதலில் ஒரு பௌலில் ஜவ்வரிசியை எடுத்து,
அதில் தண்ணீர் ஊற்றி, 3-4 மணிநேரம் ஊற
வைத்துக் கொள்ள வேண்டும்.
பின் வறுத்த வேர்க்கடலையை மிக்ஸியில்
போட்டு பொடித்துக் கொள்ள வேண்டும்.
பின்பு ஒரு பாத்திரத்தில் ஊற வைத்த
ஜவ்வரிசியைப் போட்டு, அத்துடன்
உருளைக்கிழங்கை மசித்து சேர்த்து, நறுக்கிய
பச்சை மிளகாய், துருவிய இஞ்சி, கொத்தமல்லி
மற்றும் உப்பு சேர்த்து நன்கு பிரட்டிக் கொள்ள
வேண்டும்.
ஒருவேளை கலவையில் நீர் அதிகம் இருந்தால்,
அத்துடன் அரிசி மாவை சேர்த்துக் கொள்ள
வேண்டும்.
பிறகு ஒரு வாணலியை அடுப்பில் வைத்து,
அதில் பொரிப்பதற்கு தேவையான அளவு
எண்ணெய் ஊற்றி காய்ந்ததும், பிசைந்து
வைத்துள்ளதை சிறு உருண்டைகளாக எடுத்து
வடைப் போன்று தட்டி எண்ணெயில் போட்டு
பொன்னிறமாக பொரித்து எடுக்க வேண்டும்.

0 comments:

Post a Comment

உங்கள் மேலான கருத்துகளை இங்கு பதியுங்கள். பதிவின் கருவுக்குத் தொடர்பில்லாதவை, தனிநபர் தாக்குதல், அநாகரிகப் பின்னூட்டங்கள் அறிவிப்பின்றி நீக்கப்படும்.

வாசகர்களின் கருத்துக்கு அதிரை எக்ஸ்பிரஸ் எவ்வகையிலும் பொறுப்பாகாது