அதிரைக்கு மேன்மேலும் பெருமை சேர்க்கும் சேதுரோட்டை சேர்ந்த வாலிபர் காலித் அகமது..!








                  தஞ்சை மாவட்டம் அதிராம்பட்டினதிற்கு மேன்மேலும் பெருமை சேர்க்கும் அதிரை சேதுரோட்டை சேர்ந்த வாலிபர் காலித் அகமது அவர்கள் பற்றி இன்றைய தி நியூ இந்தியன் எக்ஸ்பிரஸ் என்ற தின நாளிதழில் முதல் பக்கத்தில்வந்துள்ளது.

அச்செய்தித்தாளில் இவர் பற்றி வந்த செய்தி :-
           23 வயது உள்ள வாலிபர் காலித் அகமது அவர்கள் தங்கள் நண்பர்களுடன் ஒரு அவசர வேலையாக வெளியே   சென்றுள்ளார்.அங்கு இவர் சாலை ஓரமாக நடந்து சென்றுள்ளார். அப்போது அப்பகுதியில் ஒரு முதியவர் தண்ணீர் வேண்டும் என்று கேட்டுள்ளார். யாருமே அவரை ஒரு மனிதனாக மதிக்காமல் சென்றனர்.ஆனால் வாலிபர் காலித் அகமது அவர்கள் அந்த முதியவருக்கு தண்ணீர் அருந்த கொடுத்தார்.அடுத்த ஐந்து நிமிடத்தில் அந்த முதியவர் அங்கு மரணமடைத்துவிட்டார்.இதையடுத்து அந்த முதியவரை அரசு மருத்துவமனை பிணங்கள் வைக்கும் அறையில் வைத்து அவர் பற்றி விசாரிக்க துடங்கினர்.
ஆனால் அவருக்கு எந்த உறவுகளும் இல்லை என்று தெரியவந்தது.

அப்பொழுது வாலிபர் காலித் அகமதுக்கு ஒரு யோசனை தோன்றியது.
தமிழகத்தில் பல இடங்களில் பலர் உறவுகள் இல்லாமல் மரணம் அடைந்தாள் அவர்களின் நிலை என்ன ஆவது என்று எண்ணினார்.

இதனை கருத்தில் கொண்டு முதல்கட்டமாக சென்னை மற்றும் அதன் சுற்றுவட்டார பகுதிகளில்  சொந்தம் என்று சொல்ல உறவு இல்லாதவர்கள் இறந்தால் அவர்களை குடும்பத்தார் போல அடக்கம் செய்ய வாலிபர் காலித் அகமது அவர்கள் "உறவுகள்" என்ற பெயரில் ஒரு தன்னார்வல தொண்டு நிறுவனத்தை ஆரம்பித்தார். இதன் மூலம் பல சொந்தங்கள்(அனாதை) இல்லாத உடல்களை 50க்கும் மேற்பட்ட ஆண்கள், பெண்கள் மற்றும் பல திருநங்கைகள் மூலம் அடக்கம் செய்து வருகிறார் என்று அந்த நாளிதழில் குறிப்பிடப்பட்டுள்ளது.

இவரின் இந்த சமூக சேவையை பாராட்டும் விதத்தில் இதுவரை பல தின நாளிதழ்களில் இவர் பற்றி வெளிடப்பட்டுள்ளன.

இவர் அதிரைக்கு தொடர்ந்து பெருமை சேர்த்து வரும் நிலையில் இவருக்கு அதிரையை சேர்ந்த பலரின் பாராட்டுகள் குவிகின்றன.

இவர்  பற்றி இன்று வெளியிட்ட செய்திகளை நேரடியாக பார்க்க கீழே உள்ள லிங்கை மூலம் செல்லுங்கள்..
http://epaper.newindianexpress.com/c/22318225

விளம்பரப்பகுதி தொடர்புக்கு: 9551070008



Share:

மெக்சிகோவில் நிலநடுக்கத்தால் பாதிக்கப்பட்ட மக்களுக்கு கூகுள் நிறுவனம்1 மில்லியன் அமெரிக்க டாலர் நிதியுதவி

சுமார் 225 பேர் வரை பலிகொண்ட மெக்சிகோ நிலநடுக்கத்தில் பாதிக்கப்பட்டவர்களுக்கு நிவாரண நிதியாக 1 மில்லியன் அமெரிக்க டாலர் வழங்குவதாக கூகுள் சி.இ.ஓ சுந்தர் பிச்சை தெரிவித்துள்ளார்.

கலிபோர்னியா:

சுமார் 225 பேர் வரை பலிகொண்ட மெக்சிகோ நிலநடுக்கத்தில் பாதிக்கப்பட்டவர்களுக்கு நிவாரண நிதியாக 1 மில்லியன் அமெரிக்க டாலர் வழங்குவதாக கூகுள் சி.இ.ஓ சுந்தர் பிச்சை தெரிவித்துள்ளார்.

மத்திய அமெரிக்க நாடான மெக்சிகோவில் நேற்று பயங்கர நிலநடுக்கம் ஏற்பட்டது. மத்திய மெக்சிகோ மற்றும் தலைநகர் பகுதிகளில் உள்ள கட்டிடங்கள் இந்த நில அதிர்வால் சரிந்து விழுந்தன. இடிபாடுகளில் சிக்கி இதுவரை 225 பேர் வரை உயிரிழந்துள்ளதாக தகவல்கள் தெரிவிக்கின்றன.

இருப்பினும், மீட்பு நடவடிக்கைகள் முழுமையடையாத நிலையில் பலி எண்ணிக்கை மேலும் அதிகரிக்கலாம் என்ற அச்சம் நிலவுகிறது. ஏற்கனவே, இம்மாத தொடக்கத்தில் ஏற்பட்ட நிலநடுக்கத்தில் 90 பேர் பலியாகினர் என்பது குறிப்பிடத்தக்கது. தொடர் நிலநடுக்கத்தால் மெக்சிகோ நாடே சோகத்தில் திளைத்து வருகிறது.

மின்சாரம், தொலைத்தொடர்பு வசதிகள் முற்றிலும் துண்டிக்கப்பட்டுள்ளதால் 3 மில்லியன் மக்கள் நிலை குலைந்துள்ளதாக தெரிவிக்கப்பட்டுள்ளது. இந்நிலையில், நிலநடுக்கத்தால் உயிரிழந்துள்ளவர்களுக்கு இரங்கல் தெரிவித்துள்ள கூகுள் சி.இ.ஓ சுந்தர் பிச்சை, பாதிக்கப்பட்டவர்களுக்கு

கூகுள் நிறுவனத்தின் சார்பில் நிவாரண நிதியாக 1 மில்லியன் அமெரிக்க டாலர் வழங்கப்படும் என்று தெரிவித்துள்ளார்.
இரு வாரங்களுக்கு முன்னர் அமெரிக்காவின் புளோரிடா மாகாணத்தை புரட்டியெடுத்த இர்மா புயலில் பாதிக்கப்பட்டவர்களுக்கும் இதே போல் 1 மில்லியன் அமெரிக்க டாலர் நிவாரண நிதி கூகுள் நிறுவனம் வழங்கியது குறிப்பிடத்தக்கது.

ஆயிரத்தில் ஏன்? லட்சத்தில் ஒருவரை தேர்ந்தெடுங்கள் - தமிழ் மேட்ரிமோனியில், பதிவு இலவசம்!



விளம்பரப்பகுதி தொடர்புக்கு: 9551070008



Share:

மரண அறிவிப்பு புதுத் தெரு சேர்ந்த ஜெமிலா அம்மாள் அவர்கள்.



புதுத்தெருவை சேர்ந்த மர்ஹூம்.அ.மு.கி.அஹமது தம்பி அவர்ககின் மகளும்.

புஷ்ரா ஹஜ் சர்வீஸ் ரஜாக் அவர்களின் மச்சியும்.

மு.இ.அப்துல் ஜப்பார் அவர்களின் கொழுந்தியாவும்.

அஹமது இப்ராஹிம்,முஹம்மது நஜ்முதீன்,மர்ஹூம் முஹம்மது நிஃமத்துல்லாஹ் இவர்களின் ராத்தாம்மாவும்.

முஹம்மது சலீம் அவர்களின் பெரிய மாமியாவும்.

குலாப் ஜான் அஹமது அன்சாரி அவர்களின் சாச்சியுமாகிய.

ஜெமிலா அம்மாள் அவர்கள் இன்று இரவு 1 மணியளவில் மேலத் தெரு ரேசன் கடை அருகில் உள்ள இல்லத்தில் காலமாகி விட்டார்கள்.

அன்னாரின் ஜனாஸா இன்று காலை 10 மணியளவில் தக்வா பள்ளி அடக்கஸ்த்தலத்தில் நல்லடக்கம் செய்யப்படும்.

அன்னாரின் மஃபிரத்துக்காக துஆ செய்வோம்.


விளம்பரப்பகுதி தொடர்புக்கு: 9551070008



Share:

சுற்று சூழல் மன்றம் 90.4 சார்பில் டெங்கை தடுக்க நிலவேம்பு கசாயம் பல இடங்களில் விநியோகம்!







தஞ்சை மாவட்டம் அதிராம்பட்டினம் சுற்றுச்சூழல் மன்றம் 90.4 சார்பில்
இன்று காலை  அதிராம்பட்டினம் பேரூராட்சியில் டெங்கு காய்ச்சல் தடுப்பு நடவடிக்கையாக நிலவேம்பு கஷாயம் சி.எம்.பி.லைன் ஹனிப் பள்ளிவாசல் அருகில் தயாரிக்கப்பட்டது.

ஷிபா மருத்துவமனைபின்புரம் , சேர்மன்வாடி, பழஞ்செட்டிதெரு, பழைய போஸ்ட்ஆபிஸ்,ஆகிய பகுதிகளில் வழங்கப்பட்டது.
தலைவர்
வ.விவேகானந்தம், செயலர் எம்.எப்.முஹம்மது சலீம், துணை செயலர் கே.இத்ரீஸ் மரைக்காபொருளாளர்.எம்.முத்துக்குமரன்
செயற்குழு உறுப்பினர்
எஸ்.அஹமது அனஸ் தணிக்கையாளர்.என்.ஷேக்தம்பி மக்கள் தொடர்பாளர்அ.கண்ணன் உறுப்பினர்கள்டி.முஹம்மது நவாஸ்கான், ஏ.முஹம்மது சைபுதீன்
தூய்மைதூதுவர்கமாலுதீன் ஆகியோர் கலந்துகொண்டு கொண்டனர்.
பின்னர் தலைவர்.வ.விவேகானந்தம் மற்றும் மக்கள் தொடர்பாளர் ஏ.கண்ணன் பேரூராட்சி பகுதியில் டெங்குபாதித்த பகுதிகளை பார்வையிட்டனர்

விளம்பரப்பகுதி தொடர்புக்கு: 9551070008



Share:

அதிரை செக்கடிமோடு அருகே உள்ள யூசுப் அவர்கள் இல்லத்தில் இலவச டெங்கு காய்ச்சல் பரிசோதனை மற்றும் விழிப்புணர்வு முகாம்..!







தஞ்சை மாவட்டம் அதிரம்பட்டினம் மற்றும் சுற்று வட்டார பகுதிகளில் பல இடங்களில் டெங்கு காய்ச்சல் வேகமாக பரவி வருகிறது. இந்நிலையில் டெங்கு காய்ச்சலை ஒழிக்க அரசு சுகாதார நிலையம் சார்பிலும் பல தன்னார்வள தொண்டு நிறுவனங்கள் சார்பிலும் டெங்கு காய்ச்சல் ஒழிப்பு மற்றும் விழிப்புணர்வு முகாம் நடைபெற்று வருகிறது.இதைத்தொடர்ந்து செக்கடிமோடு தாரிக் பழக்கடை  அருகில் உள்ள யூசுப் அவர்களின் இல்லத்தில் டெங்கு காய்ச்சல் விழிப்புணர்வு  முகாம் நடைபெற்றது.இதில் 50க்கு மேற்பட்டோர் கலந்து கொண்டனர்.இந்த முகாமில் பொது மக்கள் மருத்துவர்களிடம் இலவசமாக ஆலோசனை பெற்று மருந்துகள்  வழங்கினார்கள். அதுமட்டுமின்றி இம்முகாமில் நிலவேம்பு கசாயம் விநியோகம் செய்யப்பட்டது.பொது மக்கள் அவர்களின் வீட்டிற்கு நிலவேம்பு கசாயம் வாங்கி சென்றனர்.


விளம்பரப்பகுதி தொடர்புக்கு: 9551070008



Share:

அதிரை ரோட்டரி சங்கம் சார்பில் அதிரை கரையூர் தெருவில் நிலவேம்பு கசாயம் விநியோகம்..!









 தஞ்சை மாவட்டம் அதிராம்பட்டினத்தில் ரோட்டரி சங்கம் சார்பாக  இன்று 20/09/2017 அன்று கரையீர் தெரு ஆர்ச் அருகில் பொது மக்களுக்கு நில வேம்பு குடி நீர் வழங்கப்பட்டது..இதில் 500 மேற்பட்ட மக்கள் மற்றும் மாணவர்கள் பயன் பெற்றனர்..இம் முகாமை ரோட்டரி சங்க தலைவர் R.ஆறுமுகம்,
செயலாளர், T.நவாஸ் கான்,பொருளாளர்,
Z.அகமது மன்சூர் ஆகியோர் தொடங்கி வைத்தனர்.. இதில் சாசனத்தலைவர் M.உதயகுமார்,முன்னால் தலைவர்,M. வெங்கடேஷ் ,மாவட்ட தலைவர்கள் வைரவன், ஹாஜா பகுருதீன்தலைமை தாங்கினர்.உறுப்பினர்கள் திரு.அய்யாவு,சாகுல் ஹமீது,M.மன்சூர்,ஆகியோர் கலந்து கொண்டு சிறப்பித்தனர்..


விளம்பரப்பகுதி தொடர்புக்கு: 9551070008



Share:

திறந்தவெளியில் மலம் கழித்த குடும்பத்துக்கு ரூ.75 ஆயிரம் அபராதம்!

திறந்தவெளியில் மலம் கழித்த குடும்பத்துக்கு மத்தியப் பிரதேசத்தில் உள்ள கிராம பஞ்சாயத்து ஒன்று ரூ.75 ஆயிரம் அபராதம் விதித்துள்ளது.

அங்கு பீட்டல் மாவட்டத்தில் உள்ள ரம்பாகேதி கிராம பஞ்சாயத்து, அங்குள்ள 43 குடும்பங்களுக்கு திறந்தவெளியில் மலம் கழிப்பதை நிறுத்துமாறு நோட்டீஸ் விடுத்திருந்தது. ஆனால் யாரும் அதற்கு ஒத்துழைக்காததால் குறிப்பிட்ட ஒரு குடும்பத்துக்கு அபராதம் விதிக்கப்பட்டுள்ளது.

இதுகுறித்துப் பேசிய பஞ்சாயத்து அதிகாரி குன்வர்லால், ''திறந்தவெளியில் மலம் கழிப்பதை நிறுத்துமாறு சுமார் ஒரு மாதத்துக்கு முன்னர் அக்குடும்பத்துக்கு அறிவுறுத்தப் பட்டிருந்தது. ஆனால் அதற்கு அவர்கள் செவிமடுக்கவில்லை.

இதனால் அக்குடும்பத்தைச் சேர்ந்த 10 பேருக்கும் நேற்று (திங்கட்கிழமை) ரூ.75 ஆயிரம் அபராதம் விதிக்கப்பட்டுள்ளது. இந்த அபராதம் குடும்பத்தில் உள்ள 10 பேருக்கும், கடந்த ஒரு மாதத்துக்கு தினமும் தலா ரூ.250 வீதம் அபராதம் அளிக்கப்பட்டுளது. இது மத்தியப் பிரதேச பஞ்சாயத்து விதிகள் 1999-ன் படியே விதிக்கப்பட்டுள்ளது.

பல்வேறு முறை அவர்களை எச்சரித்தும் கழிப்பறைகளைக் கட்ட அவர்கள் தயாராக இல்லாததால்தான் இந்த அபராதம் விதிக்கப்பட்டது'' என்றார்.



விளம்பரப்பகுதி தொடர்புக்கு: 9551070008



Share:

மரண அறிவிப்பு ! சம்சுன்னிஷா அவர்கள்.



கீழத்தெருவைச் சேர்ந்த மர்ஹூம் கா.கே.அப்துல் காசிம் அவர்களின் மகளும் , கு.அ.அப்துல் அஜீஸ் அவர்களின் காக்கா மகளும் , மர்ஹூம் டீக்கடை நானா என்கிற ஹாஜா முகைதீன் அவர்களின் மனைவியும் , மர்ஹூம் ஹாஜி மு.கா.முகைதீன் பிச்சை ஓடாவி , மர்ஹூம் மு.கா. நெய்னா முஹம்மது , மர்ஹூம் மு.கா.அப்துல் ஜப்பார் , மு.கா.இப்ராஹிம்ஷா , மர்ஹூம் மு.கா.கமால் பாட்சா , மர்ஹூம் மு.கா.செய்யது முஹம்மது புஹாரி இவர்களின் மருமகளும் , ஜெஹபர் சாதிக் , சாகுல் ஹமீது , ஜபருல்லாஹ் இவர்களின் தாயாரும் , ஜெஹபர் சாதிக் , ஹாஜி சம்சுதீன் ஆகியோரின் மாமியாருமாகிய சம்சுன்னிஷா அவர்கள் இன்று மாலை 4 மணியளவில் வஃபாத்தாகிவிட்டார்கள். அன்னாரின் நல்லடக்கம் இன்ஷா அல்லாஹ் பின்னர் அறிவிக்கப்படும்.

அன்னாரின் மறுமை வாழ்வு சிறக்க துஆ செய்வோம்.

விளம்பரப்பகுதி தொடர்புக்கு: 9551070008



Share:

மரண அறிவிப்பு கடற்கரை தெருவைச் சேர்ந்த நாகூர் பிச்சை அவர்கள்


கடற்கரை தெருவைச் சேர்ந்த மர்ஹூம் முஹம்மது சுல்தான் லெப்பை அவர்களின் மகனும் , மதுக்கூர் அக்பர் அலி அவர்களின் மாமனாரும் , பக்கீர் மஸ்தான் அவர்களின் தகப்பனாரும் , K.S. முகைதீன் அப்துல் காதர் லெப்பை அவர்களின் மைத்துனருமாகிய நாகூர் பிச்சை அவர்கள் இன்று பகல் 12 மணியளவில் வஃபாத்தாகிவிட்டார்கள். அன்னாரின் ஜனாஸா இன்ஷா அல்லாஹ் நாளை காலை 9 மணியளவில் கடற்கரைத் தெரு ஜூம்ஆ பள்ளி மையவாடியில் நல்லடக்கம் செய்யப்படும்.


விளம்பரப்பகுதி தொடர்புக்கு: 9551070008



Share:

மரண அறிவிப்பு கடற்கரைத் தெருவைச் சேர்ந்த ஹாஜா சரிப் (வயது 26) அவர்கள்


அதிராம்பட்டினம், கடற்கரைத் தெருவைச் சேர்ந்த மர்ஹூம் 'சிந்துபாத்' என்கிற சாகுல் ஹமீது அவர்களின் மகனும், அப்துல் வாசித் அவர்களின் மைத்துனருமாகிய ஹாஜா சரிப் (வயது 26) அவர்கள் இன்று வஃபாத்தாகி விட்டார்கள்.

இன்னா லில்லாஹி வ இன்னா இலைஹி ராஜிவூன்

அன்னாரின் ஜனாசா இன்று மாலை அஸ்ர் தொழுகைக்கு பிறகு கடற்கரைத் தெரு ஜும்மா பள்ளி மையவாடியில் நல்லடக்கம் செய்யப்படும்.

அன்னார் மறுமை வாழ்வு சிறக்க துவா செய்வோம்.


விளம்பரப்பகுதி தொடர்புக்கு: 9551070008



Share:

அதிரையில் நாளுக்கு நாள் பெருகும் டெங்கு மாவட்ட ஆட்சியரிடம் கோரிக்கை வைக்க சமூக நல கூட்டியக்கம் முடிவு !





அதிராம்பட்டினம் சுற்றுவட்ட பகுதிகளில் கடந்த சில நாட்களாக டெங்கு எனும் கொடிய நோய் பரவுகிறது இதனால் உயிர்ப்பழியும் ஏற்பட்டு உள்ள நிலையில் நகரின் சுகாதார மேம்பாடு சொல்லதக்க முறையில் இல்லை.

இதனை கருத்தில் கொண்டு சமூக நல கூட்டியக்கம் சார்பில் சாரா திருமண மண்டபத்தில் மாலிக் அவர்கள் தலைமையில் நடைபெற்றது.

இதில் அதிரை அரசு மருத்துவமனையில் மருத்துவரை நியமிக்க போர்கால அடிப்படையில் நடவடிக்கை மேற்கொள்ள வேண்டும்.

மேலும் ஊரில் குப்பை கூலங்களை அகற்ற கூடுதல் பணியாளர்களை நியமிக்க வேண்டும் எனவும், தீயணைப்பு நிலையம் தொடர்பாக முன்னர் அளிக்கப்பட்ட கோரிக்கை மனுவின் நிலைப்பாடு குறித்த தகவல்களை பெற நாளை மறுநாள் செல்ல உள்ளதாக கூட்டத்தில் தீர்மானிக்கபட்டுள்ளது.

இதற்காக 5பேர் கொண்ட குழு அமைக்கபட்டு நடவடிக்கைகள் துரிதபடுத்தப்பட்டுள்ளன.

இந்த கூட்டத்தில் அதிரையின் அனைத்து பகுதியை சேர்ந்த முக்கிய நபர்கள் கலந்துகொண்டு கருத்துக்களை பதிவு செய்தனர்.

விளம்பரப்பகுதி தொடர்புக்கு: 9551070008



Share:

அதிரை பேரூராட்சிக்குட்பட்ட M.S.நகர் பகுதியில் அல்லப்படாத குப்பைகளை , தேங்கி நிற்கும் தண்ணீரும்..! டெங்கு பரவும் அபாயம்!




தஞ்சை மாவட்டம் அதிராம்பட்டினம் பேரூராட்சி சேர்ந்த M S நகரில் உள்ள தெரு நடைப்பாதைகளில்  தண்ணீர் தேங்கி நின்று தற்பொழுது நடக்கமுடியாத நிலை ஏற்பட்டுள்ளது.

அதிராம்பட்டினத்தில் சில நாட்களாக வேகமாக டெங்கு காய்ச்சல் பரவி வருகிறது.இதற்க்கு பேரூராட்சி மூலம் பல இடங்களில் கொசு மருந்துகள் தூவப்பட்டு வருகிறது.அதுமட்டுமின்றி டெங்கு காய்ச்சல் ஒழிப்பு விழிப்புணர்வுகள் பல இடங்களில் சமூக தன்னார்வலர்கள் ஏற்படுத்தி வருகின்றனர்.

ஆனால்,M S நகர் பகுதியில் அதிரை பேரூராட்சி பகுதிக்குட்பட்ட பகுதிகளில்  உள்ள தெரு சாலைகளில் தண்ணீர் தேங்கி சேரும் சகதியாக நோய் உருவாக்கும் நிலை ஏற்பட்டுள்ளது.

அங்கு தண்ணீர் தேங்கி கிடைப்பதால் அதன் மூலம் பெருகி வரும் கொசுகளினால் அப்பகுதியில் டெங்கு காய்ச்சல் அதிகமாக பரவி வருகிறது.

அதுமட்டுமின்றி அங்கு குப்பைகள் கூட அல்லப்படாத நிலையுள்ளதாக அப்பகுதி மக்கள் தகவல் தெரிவித்தனர்.

இதையடுத்து, அப்பகுதியில் சாலையில் தேங்கி நிற்கும் தண்ணீருக்கு மண் அடித்து  சாலைகளில் தேங்கி நிற்கும் தண்ணீரை அப்புறப்படுத்துவது மட்டுமின்றி அப்பகுதியில் உள்ள பிளாஸ்டிக் குப்பைகளை அகற்ற வேண்டுமென்று அப்பகுதி மக்கள் கோரிக்கை வைத்தனர்.


விளம்பரப்பகுதி தொடர்புக்கு: 9551070008



Share:

தாஜூல் இஸ்லாம் சங்கத்தில் டெ ங்கு காய்ச்சல் விழிப்புணர்வு முகாம்




அதிரையில் கடந்த சில வாரங்களாக டெங்கு காய்ச்சல்  பரவி வருகிறது.

 டெங்கு காய்ச்சலால் அதிரை வாசிகள் பல பேர் அரசு மருத்துவமனை மற்றும் தனியார் மருத்துவமனைகளில்  சிகிச்சை எடுத்து வருகின்றனர்.

இந்நிலையில், மாவட்ட பொதுசுகாதாரம் மற்றும் நோய் தடுப்பு மருந்துத்துறை சார்பில், காய்ச்சல் தடுப்பு மருத்துவ முகாம், அதிராம்பட்டினம் மேலத்தெரு தாஜுல் இஸ்லாம் சங்கத்தில் இன்று  காலை 10.30 மணியளவில் தொடங்கியது.இம்முகாம் மாலை 4.30 மணி வரை நடைபெறவுள்ளது.

இம்முகாமில் காய்ச்சலால் பாதிக்கப்பட்ட பொதுமக்களுக்கு சிகிச்சை அளித்தனர் மற்றும் டெங்கு காய்ச்சல் தடுக்க மருத்துவர்கள் ஆலோசனை குறிப்புகளை வழங்கி வருகின்றார்கள்.இம்முகம் தாஜூல் இஸ்லாம் சங்க வளாகத்தில் நடைபெற்று வருகிறது.


விளம்பரப்பகுதி தொடர்புக்கு: 9551070008



Share: