SDPI முப்பெரும் விழா நேரலை.

Saturday, July 15, 2017

இன்றைய நிலையில் இஸ்லாமிய இளைஞர்கள்..!



ஒரு மனிதன் இறந்தவுடன் அவனுடைய வாழ்கையும் முடிந்து விடுகிறது.அதன் பின் ஒன்றுமே இல்லை.

அவன் இறந்த பின் மண்ணோடு மன்னாகிறான்,என்று சொன்னால் அவன் வாழும் போதே என்ன வேண்டுமானாலும் செய்து கொள்ளலாம்,பாவம்,புண்ணியம்,என்று எதற்கும் பயப்பட தேவை இல்லை. ஆனால்  மனிதன் இறந்த பின்னும் ஒரு வாழ்க்கை இருக்கிறது.அது முடிவற்றது.வாலிப வயதில் ஒரு மனிதனின் பங்கு,பெரும் சோதனைக்கு உரியது.இந்த வயதில் தான் ஒரு இளைஞனின் வாழ்க்கை திசை மாறுகிறது அல்லது மாற்றப்படுகிறது.

ஒரு இளைஞன் தன் வாலிப வயதில் எவ்வாறு சக மனிதர்களுடனும்,தோழர்களுடனும்,பழகுகிறானோ அவ்வாறு தான் அவனது வாழ்க்கை அர்த்தமுள்ளதாகிவிடுகிறது.

ஆடை இல்லா மனிதன் அறை மனிதன் என்பது பழமொழி.நல்ல நண்பர்களை தேடுவதை விட நீ நல்ல நண்பனாய் இரு,கட்டாயம் உனக்கு நல்ல நண்பர்கள் கிடைப்பார்கள்..,என்று ஓர் அறிஞர் சொன்னார்.அனால் இன்றைய இளைஞர்கள் அப்படி இல்லை. தன் நண்பர்களுடன் சேர்ந்துகொண்டு மது,மாது,கஞ்சா போன்ற தீய பழக்கங்களில் ஈடுபட்டு வருகின்றனர்.

அதிலும் சில இளைஞர்கள் மட்டுமே தங்களை தவறான வழியில் செல்லாமலும்,தவறான நண்பர்களுடன் சேராமலும்,அவர்களே அவர்களை,பாதுகாத்து வருகின்றனர்.

இஸ்லாத்தின் நற்குணங்களான பொய்,புறம்,நம்பிக்கை மோசடி,பெருமை,தீய எண்ணம்,கோபம்,மது,சூது,லஞ்சம்,திருட்டு,போன்ற இன்னும் பலவற்றினை ஒரு முஸ்லிம் அறவே விட்டொழிக்க வேண்டும்.அனால் இன்று எத்தனை பேர்,எத்தனை இளைஞர்கள் விட்டொழிக்கிகிறார்கள்.?

சற்று நடு   நிலையோடு சிந்தித்து பாருங்கள்..! இன்றைய இஸ்லாமிய இளைஞர்கள் பத்து மாதம் கஷ்டப்பட்டு சுமந்து பெற்ற தாயை தகாத வார்த்தைகளால் பேசியும் அடித்து,துன்புறுத்தியும்,தன் தோளில் தூக்கி பாசமாக வளர்த்த தந்தையை வீட்டை விட்டே விரட்டிக்கொண்டும் இருப்பதை நம்மால் காண முடிகிறது.

நமது தோல்  வலிமையில் தான் நாம் சம்பாதிக்கின்றோம் என்று எண்ணிவிடக்கூடாது.தோல் மூலம் நாம் ஒன்றும் சாதித்து விட முடியாது.கை,கால்களை இறைவனே கொடுத்தான்.இதனால் தான் அவனது ஆணைப்படி உழைக்கின்றோம்.அனால் இந்த உழைப்பு ஒன்றும் தந்து விட முடியாது.தரக்கூடியவன் அல்லாஹ் தான்.எனவே நாம் நன்மையின் வழியையே தேர்ந்தெடுக்க வேண்டும்.அனால் இன்றைய நிலையில் எத்தனை பேர் இந்த நம்பிக்கையில் இருக்கின்றோம்?

முத்துக்கு சொந்தக்காரர்களாய் சஹாபா பெருமக்கள்.!
அனால் சிப்பியாய் இருக்கக்கூட தகுதியற்றவர்கள் நாம்.!
பூக்கடை மலர்களாய் அவர்கள்.!
சாக்கடை புழுக்களாய் நாம்.!

ஏனிந்த முரண்பாடுகள்? எப்படி வந்தது.? இதை பற்றி நாம் சிந்தித்தோமா? இதைப்படித்து விட்டு ஒருகட்டூரையை படித்தோம் என்று எண்ணி கொண்டு தூங்கிவிடுவீர்களாயின்,நெடுந்தூக்கம் தூங்கிய பின் இறைவன் எழுப்புவானே..! அப்பொழுது விழித்து இறைவனுக்கு பதில் சொல்ல வேண்டியது வரும்.ஆகவே
கேள்வி கணக்கு கேட்கும் நாளை மறுமையில் சுவனம் செல்வதற்கு,நாம் செய்த குற்றங்களுக்கு இறைவனிடம் பாவ மன்னிப்பு தேடுவோம்..

அன்புள்ள சகோதர,சகோதரிகளே.! நெடுந்தூக்கம் வரும் முன் விழித்துக் கொள்ளுங்கள்.

இதோ உங்களுக்கு,குறிப்பாக எனக்கும், என்னை போன்ற வாலிப வயது இளைஞர்களுக்கு ம் உண்டான 5 கேள்விகள்;-

1.       இந்த நிமிடம் நம்முடைய மரணம் வந்தால் மறுமையில் நம்மின்  நிலை என்ன?
2.      நாம் மறுமைக்காக சேர்த்து வைத்தது தான் என்ன?
3.      நாம் அடைந்த இந்த இஸ்லாத்தை நம் வாழ்கையில் எத்தனை பேருக்கு எடுத்து சொன்னோம்?
4.      நம் வாழ்க்கை நபி (ஸல்) அவர்கள் சொன்னபடி அமைந்துள்ளதா?
5.       ஒரு நாளில் எத்தனை முறை நாம் மறுமைக்கு அஞ்சுகிறோம்?

இந்த 5 கேள்விகளுக்கும் நாம் சரியானவரா என்று சிந்திப்போம்...!


இளைஞர்களே..! தடுமாறும் இந்த வாலிப வயதில் தடம் மாறாதீர்கள்.!


ஆக்கம்,


 S.அப்துல் வஹாப் BBA.,
(FB) முகநூல் முகவரி: https://www.facebook.com/cutewaha?ref=bookmarks
அதிரை.

0 comments:

Post a Comment

உங்கள் மேலான கருத்துகளை இங்கு பதியுங்கள். பதிவின் கருவுக்குத் தொடர்பில்லாதவை, தனிநபர் தாக்குதல், அநாகரிகப் பின்னூட்டங்கள் அறிவிப்பின்றி நீக்கப்படும்.

வாசகர்களின் கருத்துக்கு அதிரை எக்ஸ்பிரஸ் எவ்வகையிலும் பொறுப்பாகாது